Контакт

Македонија

Османи: Финансиската помош од Норвешка доаѓа во вистински момент

Објавено пред

Заменик-претседателот на Владата задолжен за европски прашања, Бујар Османи, оствари средба со државниот секретар во Министерството за надворешни работи на Кралството Норвешка, Аудун Халворсен. Во рамките на средбата беше потпишан договор за соработка помеѓу Министерството за надворешни работи на Кралството Норвешка, претставено преку Амбасадата на Кралството Норвешка, и регионалната канцеларијата за проекти на Обединетите нации – УНОПС за грант-средства во висина од два милиона евра, поддршка за социо-економскиот развој на земјава, како и поддршка за процесот на европските интеграции.

„Поддршката од страна на Кралството Норвешка за Република Македонија, но и за нашите европски и евро-атлантски интеграции, трае веќе две децении и, дозволете ми, за оваа нивно пријателство на г. Халворсен да му ги пренесам пораките за искрената благодарност од страна на Владата, но и мојата благодарност лично кон него, за неговите залагања за успешна реализација на билатералната помош од страна на Норвешка за Република Македонија“,  потенцира Османи на средбата.

Тој истакна дека со потпишувањето на денешниот договор за билатерална финансиска помош во висина од 2 милиона евра, како дел од програмата за регионален социо-економски развој, покрај средствата предвидени за поддршка на локалниот економски развој во единиците на локаната самоуправа, има и значајна компонента за поддршка на процесот на европски интеграции на земјата, што во овој момент претставува највисок приоритет за земјава.

„Со овие средства Владата, а особено Секретаријатот за европски прашања, ќе добие значајна поддршка за подготовка на администрацијата за влез во втората фаза од Спогодбата за стабилизација и асоцијација; поддршка за подготовка на преговарачката структура за процесот на преговори; но и поддршка за реформскиот процес на земјава во согласност со насоките нотирани во заклучоците на јунските совети на Европската Унија“,  истакна Османи.

„Сето ова говори дека, освен што претставуваат значајна финансиска поддршка, средствата што како грант ги обезбедува Кралството Норвешка доаѓаат на вистинското место и за вистинските потреби на државата поддржувајќи го со тоа нашиот најважен приоритет – успешно да се подготвиме за почеток на преговорите во јуни 2019 година“, додаде Османи, при што изрази уверување во успешноста и правилната имплементација на овие средства, но и огромна благодарност за поддршка во реализација на проектите до регионалната канцеларија за проекти на Обединетите нации – УНОПС, која ќе биде задолжена за нивна имплементацијата.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Излекувани уште двајца пациенти од Штип

Објавено пред

По информациите добиени од Институтот за јавно здравје, Министерството за здравство информира дека денеска попладнево се регистрирани уште две лица од Штип оздравени од Ковид-19, кои со лесна слика на болеста беа на домашно лекување, а под постојан надзор на лекарскиот тим од болницата во Штип.

Кај овие лица, во согласност со протоколот, биле направени два контролни теста и тие покажале негативен резулат на коронавирусот.

Во моментот во болницата во Штип од Ковид-19 се лекуваат четири пациенти, а штипската болница следи уште 14 пациенти со лесна форма на болеста, кои се на домашно лекување.

Претходно, од Министерството за здравство соопштија дека од Клиниката за инфективни болести во Скопје денеска се испишани пет оздравени пациенти, кои по два негативни контролни бриса, во добра општа состојба заминуваат дома.

Прикажи повеќе...

Македонија

ЈСП: Од 9 до 13 часот автобусите нема да сообраќат

Објавено пред

ЈСП информира дека од утре, четврток, 9 април, па секој работен ден, јавниот превоз ќе функционира од 5 до 9 часот, па од 13 до 16 часот, односно од 9 до 13 часот, автобуси нема да сообраќаат.

Автобусите ќе возат по саботен возен ред, со исклучок на линиите 9, 19, 20 и 23, кои ќе сообраќаат по редуциран делничен возен ред.

Во прилог се термините на поаѓање (првите и последните во согласност со рестрикциите).
Преостанатиот распоред може да се види на веб-страницата со избор на посакуваниот ден/датум.

Во согласност со одлуката за забрана за движење oд петок од 16 часот до 5 часот в понеделник, јавниот превоз во посочениот период нема да функционира.

Во истиот период нема да работат билетарниците и центрите за персонализација.

РАБОТНО ВРЕМЕ БИЛЕТАРНИЦИ И ЦЕНТРИ ЗА ПЕРСОНАЛИЗАЦИЈА во РАБОТНИ ДЕНОВИ

Од понеделник до петок некои од билетарниците и центрите за персонализација ќе имаат скратено работно време, а други ќе бидат затворени.

Билетарници
Од 7.30 до 14 часот ќе работат билетарниците во Аеродром, Ѓорче Петров, Драчево, Маџари, Бутел, билетарницата на Зелен пазар и таа во Автокоманда, кај Дирекцијата на ЈСП „Скопје“.

Центри за персонализација
Отворени од 7.30 до 14 часот ќе бидат центрите за персонализација во Карпош 2, на Бит-пазар и центарот на Транспортен центар.

„Новиот изменет режим на функционирање на јавниот превоз и работното време на билетарниците и центрите за персонализација, ќе важи во наредниот период, сѐ до новите препораки на надлежните институции. Во случајот ЈСП ‘Скопје’ не одлучува самостојно за режимот на јавниот превоз, туку тој е во согласност со мерките, препораките и насоките на сите надлежни институции задолжени за справување и превенција од ширење на коронавирусот“, велат од ЈСП.

Прикажи повеќе...

Македонија

ЕСЕ: За да се избегне неконтролирано ширење на Ковид-19 во Шуто Оризари, бараме итно да се преземат мерки

Објавено пред

Неколку здруженија побараа итно да се преземат мерки во Шуто Оризари по потврдениот прв случај на заболен од коронавирус во оваа скопска општина.

„По најновите случувања во општината Шуто Оризари, односно по дијагностицираното лице позитивно на Ковид-19, три семејства со повеќе членови се ставени во задолжителна самоизолација. Семејствата живеат во една од најзагрозените населби во општината Шуто Оризари – Брсјачка Буна. Проблем претставува што семејствата живеат во импровизирани живеалишта, во супстандарни услови, без проточна вода, канализација и струја. Воедно, повеќето од нив делат иста просторија, без можност за остварување физичка дистанца. Овие лица немаат никакви можности да ги применат основните мерки за заштита од Ковид-19 при појава на случај на заболен член во семејството, како што се физичка дистанца, редовно миење на рацете, дезинфекција на површините, носење заштитни маски и сл. Доколку не се преземат навремени мерки, постои огромен ризик голем некои од овие лица да заболат од Ковид-19“, велат од здруженијата.

Тие сметаат дека поради тоа што жителите немаат можност да ги применат основните мерки за заштита од ширење на Ковид-19, постои голем ризик за ширење на инфекцијата во целата населба, па и пошироко во општината.

„Со цел да се избегне неконтролирано ширење на епидемијата со Ковид-19 во најзагрозените населби и во целата општина Шуто Оризари, бараме итно да се преземат координирани мерки од страна на Владата, главниот кризен штаб, Министерството за здравство, Министерството за труд и социјална политика, единицата на локална самоуправа на општината Шуто Оризари и кризниот штаб во рамките на Општина Шуто Оризари“, се вели во заедничкото соопштение на Здружението за еманципација, солидарност и еднаквост на жените – ЕСЕ, Здружението за развој и унапредување на ромската заедница – „Романо Чачипе“ и Иницијативата за развој и инклузија на заедниците – ИРИЗ, чија работа е поддржана од Фондацијата „Отворено општество Македонија“.

Тие бараат Владата да обезбеди и опреми соодветни објекти за изолација, да се воспостави протокол со цел при појава на идни случаи на лица заболени од Ковид-19 веднаш да се направи процена на условите во кои живее семејството, да се направи тестирање на Ковид-19 на примерок на лица, соодветно на епидемиолошката процена, од ранливата населба во Шуто Оризари, каде што веќе има семејства во самоизолација, да се обезбеди тим кој редовно ќе им мери температура на лицата од ранливите населби, да се отвори пункт за земање брисови за дијагностика на Ковид-19 во рамките на ЈЗУ Здравствена станица „Шуто Оризари“ и да се спроведува здравствена едукација, особено совети за превенција, правилна самоизолација, грижа за лице заболено од Ковид-19 и сите други потребни информации.

Здрженијата бараат и да се спроведува и редовна дезинфекција на улиците, на жителите што немаат проточна вода во домаќинствата во целата општина редовно да им бидат делени средства за дезинфекција на база на алкохол, а на сите граѓани да им се поделат маски за заштита, со информации за правилна употреба на маските и да се соопштува бројот на заболени и починати лица од Ковид-19 во општината Шуто Оризари, со што ќе се овозможи соодветно преземање превентивни мерки, особено во најранливите населби.

Прикажи повеќе...

Најново

Европа43 минути

Рекорден број починати за еден ден во Велика Британија

Во Велика Британија во последните 24 часа од коронавирус починаа 938 луѓе, што е рекорден број на смртни случаи во...

Европа48 минути

Вo последните 24 часа во Италија починале 542 лица

Во последните 24 часа во Италија од коронавирус починале 542 лица, со што бројот на смртни случаи се искачи над...

Македонија1 час

Излекувани уште двајца пациенти од Штип

По информациите добиени од Институтот за јавно здравје, Министерството за здравство информира дека денеска попладнево се регистрирани уште две лица...

Македонија2 часа

Медицинска помош од Турција пристигна во земјата

На Меѓународниот аеродром „Скопје“ пристигна помошта од Турција, која се состои од 50.000 заштитни медицински маски, 1.000 заштитни скафандери и...

Македонија4 часа

Почина родилката од Куманово заразена со коронавирус

Министерството за здравство ја информира јавноста дека денеска починала 27-годишната родилка од Куманово позитивна на Ковид-19. Таа на 30 март...

Македонија5 часа

Странски државјанин кој починал во стан во Кавадарци посмртно позитивен на вирусот

Министерството за здравство информира дека на Клиниката за инфективни болести во Скопје во изминативе 24-часа починалo едно лице од Куманово...

Свет5 часа

Стапката на смртност од коронавирус е шест пати помала во земјите коишто ја користат БСЖ-вакцината

Земјите кои имаат широко распространета програма за вакцинирање со БСЖ имаат стапка на смртност од коронавирус речиси шест пати пониска...

Економија5 часа

Од 10 до 12 часот приоритет во банките ќе имаат лицата над 67 години

Народна банка заради заштита на јавното здравје апелира филијалите и експозитурите на банките да се посетуваат само кога тоа е...

Свет9 часа

Сопственикот на „Твитер“ издвои една милијарда долари за борба против коронавирусот

Основачот и сопственик на „Твитер“, Џек Дорси, ќе даде 1 милијарда американски долари за борба против пандемијата на коронавирус. Во...

Свет9 часа

ЕУ: Лажните вести за коронавирусот доаѓаат од Русија

Потпретседателката на Европската комисија, Вера Јурова, вели дека Европската Унија идентификувала лажни информации за пандемија на коронавирус коишто доаѓаат од...

Македонија10 часа

Скопјанец потпишал изјава за изолација, па отишол да пазари во маркет

Скопското основнo јавно обвинителство предлага казна за човек кој ја прекршил мерката за самоизолација, откако од Словенија се вратил во...

Свет10 часа

Главниот научник во ЕУ поднесе оставка

Главниот научник во Европската Унија поднесе оставка, обвинувајќи го Брисел поради одговорот на кризата со коронавирусот, нарекувајќи го „разочарувачки“, објави...

Свет10 часа

Борис Џонсон е во стабилна состојба

Британскиот премиер Борис Џонсон ја помина и втората ноќ на интензивна нега, каде прима соодветна терапија поради коронавирусот. „Господинот Џонсон...

Свет10 часа

(Видео) Вухан излезе од изолација, луѓето ја пееја химната на мостовите

По речиси 11 недели или точно 76 дена, кинескиот град Вухан, каде почна пандемијата на коронавирусот, излезе од изолација. Кинеските...

Свет11 час

Трамп ги шокира Американците: Ќе го прекинеме финансирањето на СЗО

Американскиот претседател Доналд Трамп синоќа одржа ретко видена прес-конференција во Белата куќа, на која се пресмета со противниците на најлошиот...

Регион11 час

Вучиќ: Полициски час преку цел викенд, вонредна состојба уште еден месец

Српскиот претседател Александар Вучиќ оцени дека вонредната состојба во Србија поради пандемијата на коронавирусот, би можела да биде укината во...

Македонија22 часа

Вработените во јавниот сектор, кои се ослободени од работа, нема да имаат лански одмор

На оваа седница Владата ја донесе уредбата со законска сила за примена на Законот за вработените во јавниот сектор за...

Македонија23 часа

45-годишен скопјанец почина од коронавирус на пат кон болница

Четириесет и петгодишен пациент од Скопје заболен од коронавирус починал на пат кон болницата „8 Септември“. Според информација од Институтот...

Економија23 часа

Македонската банкарска асоцијација апелира: Плаќајте преку интернет, користете картички место кеш

Македонската банкарска асоцијација информира дека банките и штедилниците интензивно преземаат активности за заштита на здравјето на клиентите. „Апелираме до граѓаните,...

Економија1 ден

ССМ: Поради солидарност, старите одмори да ги искористат сите вработени во приватниот сектор

Сојузот на синдикатите на Македонија и Државниот инспекторат за труд не ја толкуваат исто уредбата за користење на годишните одмори...

Досие