Контакт

Македонија

Оставка на в.д. директорот на ЈП „Градски паркинг“: Не сакам да бидам дел од систем каде приоритет не се нашите цели и проекти

Објавено пред

В.д. директорот на ЈП „Градски паркинг“ – Бојан Христовски денеска на Фејсбук сподели дека се повлекува од раководната позиција во претпријатието.

dobivaj vesti na viber

Го пренесуваме во целост неговиот пост на социјалната мрежа:

„Денеска навршуваат точно 8 месеци од моето именување за в.д. директор во ЈП Градски паркинг Скопје. На 13 јануари оваа година беше мојот прв работен ден во ова претпријатие, а денес е мојот последен ден на оваа позиција.

Влегов со план и визија, со посветеност, професионализам и со континуирана работна динамика, и сето тоа со цел да им овозможам на сите граѓани подеднаков третман и подобри услови за услугите кои ги пружа ова претпријатие.

Но сепак морам да истакнам дека градот Скопје е комплексен систем на институционално управување во кои се испреплетени повеќе фактори. Тимската работа на градоначалникот и јавните претпријатија е неопходна, токму затоа нарушената координација е сериозна опасност за непречено функционирање на скопската локална самоуправа, а тоа е секако на штета на граѓаните. Дополнително вчера бевме сведоци на политичко-медиумска конструкција против директорот на едно јавно претпријатие и секретарот на Град Скопје, при што без никакви факти и аргументи истите беа експресно „елиминирани“. Значи тоа се случува кога мерило за успехот не се резултатите, туку игрите кои се рефлексија на други поинакви интереси од колективните. Сето ова покажува дека многу малку или воопшто не се посветува внимание на она што беше ветено пред граѓаните за модерно Скопје, и јас како поединец и покрај бројните резултати за кус период не сакам да бидам дел од систем каде приоритет не се нашите цели и проекти, и каде нема поддршка од Градот ниту, пак, има нормална комуникација со градоначалникот. Затоа поради незаинтересираноста на првиот човек на градот за потребите на скопјани и градски паркинзи, како и поради драстично намалената поддршка на проектите кои со сопствени средства ги реалираме денес, поднесувам неотповиклива оставка од позицијата в.д. директор на ЈП Градски паркинг – Скопје.

Зад мене остануваат повеќе тековни активности и новитети, но и суштински проекти имплементирани во претпријатието од кои би ги издвоил:

– Финансиска стабилност и самостојност и покрај намалувањето на цените за зонско паркирање од 25% со кој се излезе во пресрет на потребите на скопјани,

– Реновирање, осветлување и молерисување на катните гаражи

– Зголемена хигиена на сите паркиралишта

– Обележување на регуларни паркинг-места и места за лица со попреченост

– Возобновување на услугата шлеп-служба

– Бесплатно паркирање за крводарители и повластени цени за специјализанти

– Зголемена транспарентност преку редовна комуникација со медиуми, функционалност на веб-страница и нова ФБ-страница

– Набавка на нова ХТЗ опрема за сите вработени

– Набавка на 70 нови дигитални уреди за контрола на паркирањето

– Надградба на системот за зонско паркирање (СМС-потсетник за паркирање и тн.)

– Пос терминали на сите паркинзи

– Подобрување на услугите на паркиралиштето на Клиничкиот центар (нов наплатен пункт, поставување на вертикална и хоризонтална сигнализација, во крајна фаза нови 2 паркомати и „при-пејд“ картички со 20 минути транзит период итн)

Сите овие, но и останатите новитети би биле невозможни без големиот број исклучително квалитетни и креативни професионалци и ентузијасти на кои сум им бескрајно благодарен за нивните напори за остварување на програмските цели. Динамичната работа и позитивниот притисок носат резултати. Поради тоа, со задоволство истакнувам дека позицијата ја напуштам со мојата последна одлука, а тоа е иницијатива до управниот одбор за заслужено линеарно зголемување на основната плата на сите вработени во вредност од 3000,00 денари.

Сметам дека успесите на Градски паркинг постигнати во едни тешки околности се значајни да ги истакнам. Тие ќе беа уште поголеми доколку имаше целосна поддршка од Градот и градоначалничката. Во мојот живот борбата за принципите во кои верувам се поважни од функцијата. Влегов достоинствено, излегувам со чист образ. Нема да дозволам кој било, а најмалку луѓе кои имаат поинакви приоритети од тие поради кои се избрани од народот, и поради лични политички игри тоа да го извалкаат“.

Ова доаѓа еден ден по разрешувањето од функцијата на првиот човек во ЈП „Водовод“, односно генералниот секретар во Град Скопје.

Македонија

Маричиќ од Стразбур: Посветени сме на преговорите, но потребен е национален консензус за ЕУ

Објавено пред

Заменик претседателот на Владата задолжен за европски прашања, Бојан Маричиќ, денес во Стразбур учествуваше на одржувањето на 20-тиот состанок на Мешовитиот парламентарен комитет помеѓу Македонија и ЕУ, прв откако државта ги отвори преговорите со Европската Унија.

dobivaj vesti na viber

Нагласи дека Парламентот ќе биде клучен партнер во пристапувањето во Европската Унија, од кого ќе зависи динамиката на текот на преговорите, особено од улогата и активноста на неговите тела – Комисијата за европски прашања и Националниот совет за евроинтеграции.

„17 години Северна Македонија го чекаше почетокот на преговорите со Унијата, сега мора да се има национален консензус и ќе дефинираме механизми за сите пратеници да се вклучат во процесот. Овој историски момент за исполнување на стратешката цел-Северна Македонија да биде членка на ЕУ и треба да го искористиме, рече Маричиќ пред членовите на Мешовитиот парламентарен комитет помеѓу Северна Македонија и ЕУ.

Ја претстави новата усвоена преговарачка структура, која е дефинирана да одговори на новата методологија и истовремено да овозможи транспарентност и инклузивност на процесот, за кој, рече дека е потребно вклучување и соработка со различни чинители како што се граѓанското општество, академската и бизнис заедницата и сите други засегнати страни.

Европратеникот Андреас Шидер во своето воведно обраќање рече дека кредибилитетот на ЕУ е потврден со почетокот на преговорите со Северна Македонија и Албанија и дека заслужено се материјализираше заложбата и посветеноста на евроитеграцијата на земјата, но сега дека е најважен партискиот дијалог и меѓупартискиот консензус, кој може да се унапреди во рамки на активностите од дијалогот „Жан Моне“.

На панелот на кој се обрати вицепремиерот Маричиќ учествуваа и Микела Матуела, вршителот на должноста директор за Западен Балкан во Генералниот Директорат за соседство и преговори за проширување на Унијата, која рече дека со почетокот на преговорите односите помеѓу Северна Македонија и ЕУ влегуваат во една нова фаза, а процесот на скринингот не е само технички, туку процес на трансформација.

Постојаниот известувач за Северна Македонија во Европскиот парламент, Илхан Ќучук, посочи дека процесот на преговори е во сигурни раце и дека Северна Македонија ги заслужува сите пофалби за посветеноста на евроинтеграциите, регионалната соработка и добрососедските односи, информираат владините служби.

Прикажи повеќе...

Македонија

Грковска – Ковачич: Само силни и ефикасни институции даваат резултати во борбата против организираниот криминал

Објавено пред

„За ефикасно справување со нелегалните финансиски текови и организираниот криминал неопходно е Северна Македонија да го донесе Законот за потекло на имот, кој ќе овозможи конфискација на нелегално стекнатиот имот“, беше заклучено на денешниот состанок на заменичката на претседателот на Владата задолжена за политики за добро владеење, Славица Грковска, која денеска одржа средба со делегација на Германското друштво за меѓународна соработка (ГИЗ) предводена од Марина Ковачич, лидер на компонентата за нелегални финансиски текови.

dobivaj vesti na viber

Грковска се заблагодари на поддршката што ГИЗ ја дава во однос на подготовката на Стратегијата за јакнење на капацитетите за водење  финансиска истрага и конфискација на имот и на Националната комисија за доследна реализација на активностите од Акцискиот план.

Таа нагласи дека сите искуства и практики што нашите надлежни институции ги добиваат од меѓународните партнери и експерти потоа треба да бидат имплементирани во соодветните ресори, со цел да се застане на патот на нелегалните финансиски текови и организираниот криминал.

Беше нагласено дека Македонија е единствена држава во регионот што има подготвено и имплементира ваква стратегија, а нејзината целосна имплементација ќе создаде ефикасен систем во борбата против корупцијата и криминалот.

Ковачич истакна дека регионот се соочува со многу слични предизвици и затоа регионалниот стратешки пристап е неопходен за соодветно да се одговори на корупцијата, нелегалните финансиски текови и организираниот криминал.

Прикажи повеќе...

Македонија

Шаќири: Наставниците се најважната алка во едукацијата на децата

Објавено пред

„Денешниот ден е празник на наставниците и светот им оддава почит првенствено за тоа што донеле одлука да се занимаваат со најблагородната меѓу сите дејности и да им помагаат на индивидуите во развојот и во остварувањето на личниот интелектуален потенцијал, а со тоа да овозможуваат светот не само нормално да функционира, туку да напредува и да се модернизира. Драги наставници, вие сте најважната алка во едукацијата на децата, затоа што непосредно го пренесувате знаењето кое младите треба да го стекнат, истакна министерот за образование и наука Јетон Шаќири, при денешната посета во ОУ „Киро Глигоров“ – Скопје.

dobivaj vesti na viber

Шаќири по повод Меѓународниот празник, на наставниците им упати честитки, додека на најдобритe што изминатата учебна година се истакнале со својата работа им додели плакети.

Порача дека мотивираноста на кадарот во образовниот процес е една од приоритетите на МОН и Владата.

Истакна дека извесен период се спроведува план кој има за цел унапредување на квалитетот на образовниот систем во Македонија и дека во него е опфатен и наставниот кадар, односно нивниот постојан раст на личните примања, континуирана обука и подобри услови за работа и настава.

Потсети дека заложбата и поддршката на Владата е особено видлива преку зголемувањето на платите на наставниците и инвестициите во изминатиот период.

„Чест ми е да потсетам дека актуелната Влада ги зголеми платите на просветните работници за над 36%, односно по 5% во 2018 и 2019 година, 10% во 2020 година и од септември месец годинава имаме зголемување за 15%, за што блок-дотациите кон општините пораснаа за околу 480 милиони денари. Преку инвестирање во училишната инфраструктура и во опрема, се подобруваат и условите во кои наставниците работат и реализираат настава. Преку Бирото за развој на образованието пак, а често и со поддршка на домашни и меѓународни партнери, се организираат и обуки преку кои наставниците ги прошируваат своите знаења и вештини во разни области, што им користи во исполнување на мисијата на просветителството”, подвлече министерот.

Изрази задоволство што наставниците изминатиот период покажаа проактивност и во креирањето на образовните политики.

Прикажи повеќе...

Најново

Европа7 часа

Шолц: Имаме проблем со работната сила, потребна е функционална миграциска политика

Германскиот канцелар Олаф Шолц потврди дека Германија има проблем со работната сила и коментираше каква заедничка миграциска политика би сакал...

Европа8 часа

Земан: Ризикот од нуклеарен конфликт е висок, верувам во силен воен одговор

Ризикот од нуклеарен конфликт е голем поради руските закани за употреба на тактичко нуклеарно оружје во Украина, изјави денеска во...

Економија9 часа

Време е за одговорно однесување со енергенсите, поддршка за ранливите граѓани, порача владиниот економски совет

Денес во Владата се одржа Економскиот совет на кој присуствуваа премиерот Димитар Ковачевски, првиот заменик-претседател на Владата, Артан Груби, вицепремиерот...

Европа10 часа

Поранешен шеф на ЦИА: Западот треба сериозно да ги сфати заканите на Путин

Поранешниот шеф на ЦИА во Москва, Ролф Ловат-Ларсен, зборуваше за „CBS“ за нуклеарните закани на рускиот претседател Владимир Путин. Ловат-Ларсен...

Европа13 часа

(Видео) Станбена зграда се урна во Турција по експлозија на гас

Станбена зграда во Турција се урна по експлозија предизвикана од истекување гас, јавија турските медиуми. „Си-ен-ен Турк“ објави дека експлозијата...

Европа13 часа

Германија: Сè повеќе граѓани се со финансиски проблеми

Сè повеќе германски граѓани се соочуваат со големи финансиски тешкотии, а цените на енергентите и на прехранбените производи би можеле...

Топ14 часа

Деветмина повредени во сообраќајна несреќа на „Словенечка“

Девет луѓе се повредени во сообраќајна несреќа што се случила вчера на булеварот Словенија во Скопје. Несреќата се случила меѓу...

Топ17 часа

Вработен во „Пошта“ уништил архивски материјал, против него е поднесена кривична пријава

Единицата за економски и компјутерски криминал поднесе кривична пријава против К. Л. (59) од Скопје поради постоење основи на сомнение...

Свет17 часа

Антонов: Новата воена помош од САД за Украина го зголемува ризикот од воен конфликт меѓу Русија и Западот

Рускиот амбасадор во САД, Анатолиј Антонов, изјави дека одлуката на Вашингтон да испрати поголема воена помош за Украина ги загрозува...

Свет17 часа

Земјотрес со јачина од 5,7 степени го погоди Иран, најмалку 276 повредени

Земјотрес со јачина од 5,7 степени според Рихтеровата скала денеска го погоди северозападниот дел на Иран, а државната телевизија и...

Свет17 часа

Продолжуваат ударите на руските сили – погодени повеќе од 27 населени места во Украина

Генералштабот на вооружените сили на Украина утрово соопшти дека руските сили во изминатите 24 часа извршиле девет ракетни напади, шест...

Европа18 часа

ЕУ воведува ограничување на цената на нафтата во новите пакет-санкции против Русија

ЕУ се согласи да воведе ограничување на цената на нафтата во новиот план за санкции за Русија, но последните детали...

Европа18 часа

Австрискиот ловец на плагијати најде нова жртва – министерот за внатрешни работи

Ловецот на плагијати, Штефан Вебер, најде нова жртва, австрискиот министер за внатрешни работи, Герхард Карнер, за кого тврди дека го...

Македонија1 ден

(Видео) Ковачевски: ВМРО-ДПМНЕ ќе ги достави контактите за набавка на поевтини енергенси и ќе се разгледаат предлозите

ВМРО-ДПМНЕ ќе ги достави до Владата своите контакти за набавка на поевтини енергенси, за што конкретно е задолжен министерот за...

Македонија1 ден

Ахмети: Во ДУИ немало оган, ниту ќе има

Заврши средбата во седиштето на ДУИ во Мала Речица. По речиси шест часа, лидерот на партијата Али Ахмети рече дека...

Македонија1 ден

(Видео) Мицкоски: Пред состанокот бев загрижен, истата загриженост ја споделувам и сега

Лидерот на ВМРО-ДПМНЕ, Христијан Мицкоски по средбата со премиерот Димитар Ковачевски изјави дека ја има истата загриженост како и пред...

Свет1 ден

(Видео) Бајден повторно се изгуби, предизвика загриженост за неговото здравје

Здравствената состојба на шефот на Белата куќа Џо Бајден за време на неговото официјално патување во Порторико уште еднаш го...

Свет1 ден

Путин заминал во бункер од каде ги носи клучните одлуки, го предупредил и семејството

Рускиот претседател Владимир Путин наводно подготвува клучни одлуки за можен нуклеарен напад во бункер далеку од Москва, јавуваат западните медиуми....

Економија1 ден

Од 15октомври скопјани ќе имаат парно – АД ЕСМ и АДОРА постигнаа договор

АД ЕСМ и АДОРА постигнаа договор за закуп на топланите во сопственост на АДОРА, кои ќе се користат од страна...

Европа1 ден

Лукашенко: Украинците постојано провоцираат на границата

Претседателот на Белорусија, Александар Лукашенко, ја обвини соседна Украина дека испратила 15.000 војници во граничната област за да изгради одбрана...