Контакт

Македонија

Отворен нов спортско-рекреативен центар во Карпош 3

Објавено пред

На површина од 11.000 квадратни метри, граѓаните на општина Карпош, поточно од населбата Карпош 3, добија нов спортско-рекреативен центар во училишниот двор на ООУ „Лазо Трповски“. Овој простор повеќе години изгледаше запуштено и неуредено иако е дел од урбаното јадро на општината.
Овој центар вчера беше отворен со голема маалска дружба. Негова цел е да понуди содржини за повеќе генерации граѓани.

Содржинскиот дел на спортскиот центар го исполнуваат терените за кошарка, фудбал, ракомет, сервис, фитнес-зона, детско игралиште, како и новозасадени дрвја, тревна површина, систем за наводнување, ЛЕД-светилки, клупи и канти за отпадоци.

Преку вчерашната маалска средба и дружење најнепосредно се покажа како може и како треба да се користат овие јавни површини. Младите спортуваа, децата, барем за момент, се вратија во училишните дворови и правеа џагор, а повозрасните уживаа во македонските евергрини и мелодии за Карпош и Скопје.

Во изјавата за медиумите градоначалникот на општина Карпош, Стефан Богоев, посочи дека заштитата на јавниот простор е еден од приоритетите на локалната самоуправа. Си поставивме цел трајно да ги разубавиме површините меѓу зградите, со цел да се надомести штетата од агресивната и непланска урбанизација.

„Среќен сум што вечерва гледам дека оваа зона ја користат сите генерации граѓани: младите, средовечните, највозрасните. Меѓугенерациската дружба е значаен сегмент од животот на секој човек, а во време на светска пандемија и намалени контакти овој тип на зони во голема мера помагаат за социјализација на карпошани и одржување на позитивниот дух“, рече Богоев.

Во рамките на настанот фитнес-час одржаа и тренерите од спортското здружение „Такт“. Ученици, пак, на поставените штафелаи го изразуваа својот талент за цртање, а имаше и изложба на цртежи на тема „Зелен Карпош“.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Нови 640 заболени и 12 починати од Ковид-19 во земјава

Објавено пред

Министерството за здравство информира дека во последните 24 часа се направени 2634 тестирања, а регистрирани се 640 нови случаи на ковид-19 во: Скопје-272, Куманово-43, Дебар-5, Штип-17, Прилеп-41, Тетово-41, Струга-4, Велес-11, Битола-10, Охрид-24, Кавадарци-41, Гостивар-12, Гевгелија-11, Струмица-24, Крива Паланка-2, Радовиш-9, Кочани-20, Пробиштип-3, Берово-2, Валандово-3, Виница-4, Делчево-3, Свети Николе-7, Кичево-17, Ресен-4, Неготино-10.

Денеска Институтот за јавно здравје регистрира 143 оздравени пациенти од: Скопје-71, Куманово-5 Дебар-1, Штип-7, Тетово-10, Струга-4, Велес-2, Битола-3, Охрид-3, Кавадарци-3, Гостивар-5, Гевгелија-2, Струмица-9, Радовиш-1, Кочани-6, Берово-3, Валандово-3, Свети Николе-2, Кичево-1, Неготино-2.

Починати се 12 лица, двајца пациенти од Велес (79 и 89г), седум пациенти од Скопје (63, 78, 70, 73, 70, 71 и 64г), еден пациент од Прилеп (73г), еден од Штип (72г) и еден пациент од Струмица (85г). Сите пациенти се починати во болнички услови.

Вкупната бројка на ковид дијагностицирани во нашата земја од почетокот на епидемијата изнесува 25473, бројката на оздравени пациенти е 18047, на починати е 874, а во моментов бројот на активни случаи во земјата изнесува 6552. Од вчера се евидентираат три контролни теста, а според завршените епидемиолошки анализи во моментов дистрибуцијата по градови е следна:
• Скопје 10762, активни 3174
• Куманово 2067, активни 290
• Дебар 315, активни 53
• Штип 1503, активни 181
• Прилеп 1014, активни 278
• Тетово 1827, активни 345
• Струга 762, активни 77
• Велес 469, активни 120
• Битола 500, активни 159
• Охрид 567, активни 137
• Кавадарци 394, активни 141
• Гостивар 1065, активни 118
• Гевгелија 298, активни 159 (16 лица од ПЕ Гевгелија се жители на Дојран, 44 на Богданци и 12 се странски државјани)
• Струмица 654, активни 383
• Крива Паланка 195, активни 69
• Радовиш 193, активни 80
• Крушево 21, активни 1
• Кочани 603, активни 195
• Пробиштип 146, активни 18
• Демир Хисар 71, активни 10
• Македонски Брод 98, активни 4
• Пехчево 57, активни 11
• Берово 177, активни 45
• Валандово 89, активни 46
• Виница 158, активни 55
• Делчево 218, активни 121 (45 лица од ПЕ Делчево се од Македонска Каменица)
• Кратово 34, активни 8
• Свети Николе 437, активни 64
• Кичево 459, активни 112
• Ресен 214, активни 50
• Неготино 106, активни 48 (16 лица од ПЕ Неготино се жители на Демир Капија)

Направените 2634 теста се преку: ИЈЗ-758, ЦЈЗ Скопје-114, Авицена-562, Биотек-235, МАНУ -193, Жан Митрев (Филип Втори) -288, Систина со PCR метода -161, лабораторија Лаор –64, Судска медицина-51, ЦЈЗ Битола-115, Инфективна клиника-10, ГАК-7, Синлаб-76, лаборатории од странство-0. Досега во земјата се направени вкупно 229.246 тестирања на Ковид -19.

На Инфективната клиника во изминативе 24 часа примени се 20 пациенти. Вкупно се хоспитализирани 115 пациенти. На кислородна поддршка се 90 пациенти, нема пациенти на механичка вентилација.
Во болницата во Козле хоспитализирани се 7 деца и 5 мајки позитивни на ковид-19, 3 деца и 3 мајки суспектни на вирусот.

Во ГОБ „8 Септември“ има 7 приеми, а вкупно хоспитализирани се 47 пациенти. На респиратор се 4 пациенти.

Во болницата во Битола се хоспитализирани 43, а во болницата во Штип се 53 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица, Струга, Кочани и Кавадарци се хоспитализирани 262, позитивни и сомнителни на Ковид-19.

Активни случаи по општини Скопје денеска (по завршување на епидемиолошките анкети, може да има измена во дистрибуцијата по општини во Скопје)
• Чаир – 151
• Гази Баба – 379
• Аеродром – 631
• Карпош – 511
• Центар – 484
• Кисела Вода – 366
• Ѓорче Петров – 255
• Бутел – 127
• Шуто Оризари – 19
• Студеничани – 6
• Сарај – 21
• Арачиново – 10
• Илинден – 51
• Сопиште – 26
• Чучер Сандево – 12
• Петровец –20
• Зелениково – 8
• Странец – 16
• Нераспределен- 81

Прикажи повеќе...

Македонија

Утре и задутре сончево време со температури до 26 степени

Објавено пред

Времето утре ќе биде сончево со слаба утринска магла по одделни котлини. Ќе дува слаб ветер од променлив правец. Минималната температура ќе биде во интервал од -1 до 7, а максималната од 20 до 26 степени.

Во Скопје сончево со слаба утринска магла. Минималната температура ќе се спушти до 3, а максималната ќе достигне до 21 степен.

Во следните два дена ќе се задржи стабилно време со ниски утрински температури и со услови за утринска магла по одделни котлини. В сабота облачноста ќе се зголеми, а од недела ќе преовладува променливо облачно време со повремени врнежи од дожд со променлив интензитет. Поради облачноста, утринските температури ќе бидат во пораст, а дневните ќе опаднат за 3 до 5 степени.

Прикажи повеќе...

Македонија

Маричиќ: Неопходна е брза дигитализација на судството за да продолжат постапките и во време на пандемија

Објавено пред

Министерот за правда, Бојан Маричиќ, денеска учествуваше на „ЕУ – Западен Балкан“, министерскиот форум за правда и внатрешни работи, кој е во организација на германското претседателство со Советот на ЕУ, а покрај министрите, ќе учествуваат и еврокомесарите за проширување, правда и внатрешни работи – Оливер Вархељи, Дидие Ренедерс и Илва Јохансон. Форумот беше претседаван од страна на германската министерка за правда, Кристина Ламбрехт.

Во своето обраќање Маричиќ истакна дека поради пандемијата на Ковид-19, потребата за забрзана дигитализација на правосудниот систем е значајна како никогаш досега како за реформите во правосудството така и за ефикасното постапување по случаите од страна на судските институции.

Со еврокомесарите и министрите од регионот министерот ги сподели предизвиците со кои се соочија нашите судови и обвинителствата, како и дејствата што беа преземени за ублажување на влијанието на пандемијата врз тековните постапки за време на вонредната состојба.

„Без никакви одложувања, Владата донесе уредба со законска сила за роковите во судските постапки за периодот на вонредната состојба. Со оваа уредба се запреа роковите за поднесување тужби во парнична постапка, кривични постапки и управни спорови, како и роковите за поднесување редовни и вонредни правни лекови за време на вонредната состојба“, потенцира Маричиќ.

Воедно, министерот образложи дека за заштита на судиите и странките во постапката Судскиот совет постапил навремено со донесувањето на одлуката за работата на судовите во услови на пандемија. Со оваа одлука беа утврдени кои случаи ќе се сметаат за итни и приоритетни за постапување, како и начинот на заштита при влегување во судот, дезинфекција на судот и сл. Случаите што не биле итни се воделе единствено доколку немало ризик за здравјето на кој било од учесниците во постапката.

„Првпат во Северна Македонија онлајн-судењето беше спроведено од страна на судот во Кавадарци. Ова го сметаме за позитивен исход и пример што дополнително ќе поттикне употреба на дигитални алатки како современ начин на комуникација помеѓу судовите и странките“, потенцира Маричиќ, кој наведе и други позитивни примери со кои се покажало дека системот е применлив за сите видови кривични постапки со целосна гаранција од секаков вид злоупотреба.

Со цел да се надминат идентификуваните слабости, Маричиќ истакна дека ќе биде многу важно во претстојниот период да се зајакне правната рамка во врска со електронското водење на судските постапки.

„Ние исто така ја разгледуваме потребата за понатамошни подобрувања нa релевантните процесни закони со цел да се овозможи ефикасно продолжување на судските постапка за време на пандемијата“, истакна Маричиќ.

За соодветно и непречено функционирање на правосудството за време на пандемија или слични ситуации, Маричиќ истакна дека е потребна целосна дигитализација на случаите и интероперабилност помеѓу судовите, со што значително ќе се зголеми ефикасноста на судовите и ќе ги забрза судските постапки, од една страна, а ќе ја намали потребата за физичко присуство, од друга.

Прикажи повеќе...

Најново

Македонија7 минути

Нови 640 заболени и 12 починати од Ковид-19 во земјава

Министерството за здравство информира дека во последните 24 часа се направени 2634 тестирања, а регистрирани се 640 нови случаи на...

Свет11 минута

Шведска ги повика повозрасните граѓани да излезат од изолација

На повозрасните Швеѓани, на возраст над 70 години, и на другите ризични групи сега им се препорачува да ги следат...

Свет1 час

(Видео) Жена се заканувала дека ќе се разнесе на железничка станица во Лион

Желелезничката станица „Пар-Диу“ во Лион е евакуирана поради пријава за бомба, а во тек е полициска акција, соопшти полицијата додавајќи...

Македонија3 часа

Македонскиот државен врв на разговор со претседателот на Европскиот парламент: Подготвени сме за успешна приказна

Премиерот Зоран Заев, заедно со вицепремиерот за европски прашања, Никола Димитров, и министерот за надворешни работи, Бујар Османи, денеска остварија...

Македонија4 часа

Обвинение за поранешниот градоначалник​ на општина Чашка

Основното јавно обвинителство Велес поднесе обвинение против поранешниот градоначалник на општина Чашка за злоупотреба на службената положба и овластување. Тој...

Европа5 часа

И покрај дневниот рекорд од над 11.000 заразени, Германците уверени дека вирусот може да се спречи

Централниот германски епидемиолошки институт „Роберт Кох“ денеска ја оцени актуелната епидемиолошка состојба и рекордниот број на новозаразени во земјата од...

Македонија8 часа

Првата меѓувладина конференција ќе биде позитивен сигнал и до регионот, порача Заев на онлајн средба со Борел

Претседателот на Владата, Зоран Заев, придружуван од заменик-претседателот на Владата задолжен за европски прашања, Никола Димитров, и министерот за надворешни...

Регион8 часа

Во Хрватска повеќе од 1.500 новозаболени, десетмина починати во Загреб

Хрватскиот кризен штаб објави нови податоци според кои има повеќе од 1.500 новозаболени од коронавирус, а во Загреб има десетмина...

Свет8 часа

99-годишна жена од Шпанија го победи коронавирусот

Кога 99-годишната Флорентина Мартин се заразила со коронавирус во септември, нејзината внука стравувала дека ќе заврши сама на одделот за...

Македонија9 часа

Стевановиќ: Заразените со лесни симптоми да се лекуваат дома

Сите оние кои имаат лесни симптоми да бидат дома, изолирани со симптоматска и витаминска терапија. Да им помогнеме на оние...

Свет9 часа

ФБИ: Иран и Русија се мешаат во претседателските избори

Иран и Русија собраа податоци од американски гласачи за да влијаат на претстојните претседателски избори, соопшти денеска ФБИ, додавајќи дека...

Македонија10 часа

Активни над 6.000 случаи со коронавирус, болниците се полнат

Во моментот како активни се водат 6.069 случаи на коронавирус на целата територија, од кои 2.983 се од Скопје. Само...

Свет23 часа

Починал волонтер што учествувал во тестовите за вакцина против Ковид-19

Бразилската здравствена агенција „Анвиса“ потврди дека починал волонтер што учествувал во испитувања на вакцина против Ковид-19, пренесува агенцијата „Ројтерс“. Станува...

Македонија1 ден

Дванаесетмина починати и нови 641 заразен од Ковид-19

Министерството за здравство информира дека во последните 24 часа се направени 2.688 тестирања, а регистрирани се 641 нов случај на...

Топ1 ден

Кондовец со возило удрил во полицаец и побегнал, нападнати биле и полицајците што го пронашле

Во вечерните часови на 20 октомври, на скопската улица Ѓорче Петров, автомобил „ауди“, управуван од А. А. (26) од село...

Македонија1 ден

Инспекторите ќе можат да ги затвораат кафеаните со новите законски измени

Со новите построги мерки кои се во собраниска процедура инспекторите ќе можат веднаш да ги затвораат угостителските објекти до 30...

Свет1 ден

(Видео) Силен земјотрес го прекина интервјуто на премиерката на Исланд

Силен земјотрес со јачина од 5,6 степени според Рихтеровата скала, за кратко го прекина интервјуто со премиерката на Исланд, Кетрин...

Македонија1 ден

Филипче: Мерките мора да се донесат во најкраток можен рок

Министерот за здравство, Венко Филипче, вели дека обидот на ВМРО-ДПМНЕ за блокада на измените на Законот за заштита на населението...

Македонија1 ден

Владата ги осуди изјавите на Каракачанов: Тие се недолични и недостојни

Владата ги осуди изјавите на бугарскиот министер за одбрана, Красимир Каракачанов, дека би можел да испрати инженерски полк за демонтирање споменици во...

Македонија1 ден

Царовска: Екскурзии годинава нема да се организираат, учениците можат на прошетка до пет километри

Екскурзии оваа година нема да се организираат, испратени се упатства од Бирото за развој на образование, истакна министерката за образование...

Досие