Контакт

Македонија

Пендаровски ги слушна проблемите и идеите на жителите на Тетово и Теарце

Објавено пред

Претседателот Стево Пендаровски, во рамки на проектот „Лице в лице со претседателот“, денеска беше во посета на општина Тетово и општина Теарце.

Во Теарце претседателот го посети основното училиште „Кирил Пејчиновиќ“, каде што учат ученици од македонската, албанската и турската етничка заедница.

Како што информираат од претседателскиот кабинет, покрај мешаниот етнички состав, карактеристично за училиштето е што учениците по избор изучуваат и јазик што не им е мајчин. Учениците и вработените во училиштето на средбата со претседателот ја истакнале потребата за нови учебници.


Во селото Слатино, Пендаровски ја посети Рита Бехадини, која преку социјалните мрежи покрена и реализира акција за собирање  училишни материјали и прибор за ученици од семејства со социјален ризик.

Претседателот оддаде признание за активностите на Бехадини, истакнувајќи дека нејзиниот пример треба да го следат и други млади луѓе.

За време на посетата на Тетовскиот Регион, Пендаровски го посети Лешочкиот манастир. Во придружба на тетовско-гостиварскиот митрополит Јосиф, претседателот ги посети црквата „Св. Атанасиј“ и црквата „Св. Богородица“, како и конаците во рамки на манастирскиот комлекс, каде е сместена спомен-собата на македонскиот преродбеник Кирил Пејчиновиќ.

При овие посети претседателот бил запознаен за потребата од поголема заштита на културно-историското богатство на манастирот, особено на црквата „Св. Богородица“, која датира од 14 век.

Во селото Џепчиште, претседателот Пендаровски го посети етно-музејот во сопственост на Симеон Златев – Моне, кој се смета за најмал етнолошки музеј во светот.

Во музејот, на вкупно 7,2 метри квадратни има изложено околу 1.150 експонати, од вкупно 2.000 експонати што Златев ги собирал во изминатите три децении.

Сопственикот на музејот го информирал претседателот за намерата и официјално да го внесе неговиот музеј во Гинисовата книга на рекорди како најмал етнолошки музеј во светот.

Проектот „Лице в лице со претседателот“ е инициран во изборната програма на Пендаровски.

Целта е преку посети на населените места во Северна Македонија, претседателот да се сретне со што е можно повеќе граѓани и одблиску да ги слушне проблемите и предизвиците со кои се соочуваат граѓаните, како и идеи за нивно надминување.

Македонија

„Водовод“ не најде бактерии во градската мрежа во Скопје по паниката што се прошири на социјалните мрежи

Објавено пред

Водата од градскиот водовод во скопски Бутел нема бактерии и исправна е за пиење, а веста што се прошири на социјалните мрежи дека во примерок од водоводот се најдени три вида бактерии е лажна, велат од ЈП „Водовод и канализација“. Лабораторијата на „Водовод“, на своја иницијатива, направила своја анализа по објавата на социјалните мрежи од минатата недела во која стои анализа од лабораторијата „Авицена“ со откриените бактерии.

Екипа од „Водовод“, пред три дена, го исконтактирала човекот кој ја нарачал анализата во „Авицена“ која се споделуваше на социјалните мрежи. Во негово присуство, екипата земала примерок од чешмата од која наводно и тој однел примерок на анализа.

„ Примерокот беше земен од наш техничар во присуство на сопственикот, а во согласност со стандардите за земање примероци. Направена е бактериолошка анализа на примерокот при што е користена Quanty tray sealer plus за брза идентификација и користена е стандардна мембранска техника со засејување на селективни подлоги. При тоа, после поминатото време во контролирани услови, на подлогите не е развиена ниедна колонија што укажува дека водата е бактериолошки исправна. Во лабораториите на Секторот за санитарна контрола направена е и основна физичко – хемиска анализа при што е констатирана нормална состојба на параметрите како и во претходните мерења во таа област. На основа на добиените резултати може да се констатира дека испитуваниот примерок е хемиски и бактериолошки исправен во согласност со критериумите дадени во Правилникот за безбедност на вода“, велат од Секторот за односи со јавност во ЈП „Водовод и канализација“.

Во исто време, од „Водовод“ велат дека направиле и теренски мерења при што е констатирано присуство на резидуален хлор во концентрација од 0,3мг/л што укажувало на нормална состојба во системот. Од таму апелираат до граѓаните да не шират лажни вести кои предизвикуваат немир и паника и посочуваат дека е невозможно градскиот водовод да има три вида бактерии кај само еден корисник.

Одговори за случајот со откриените бактерии во водата во наредните денови најавија и од лабораторијата „Авицена“, во која, според објавите, е направена анализата.

Објавениот резултат со откриените бактерии ги испаничи скопјани кои пијат вода од изворот Рашче и од бунарите Нерези – Лепенец за кои од „Водовод“ велат дека се под строга контрола. Проверките и безбедносните мерки се зголемени посебно од почетокот на пандемијата од кога, како што велат од „Водовод“, се постапува како во кризна состојба.

Од претпријатието велат дека се неосновани и тврдењата дека се подготвува приватизација на „Водовод“.

Прикажи повеќе...

Македонија

Димитров во Брисел на средба со потпретседателот на Европската комисија, Схинас

Објавено пред

Заменик претседателот на Владата задолжен за европски прашања Никола Димитров, попладнево во „Берлејмон” во Брисел имаше средба и со потпретседателот на Европската комисија задолжен за промоција на европскиот начин на живот, Маргаритис Схинас.

На средбата стана збор за важноста на мисијата Фронтекс во овие моменти кога се реактуелизира прашањето на миграција. Потпретседателот Схинас изрази силна поддршка за евроинтегративниот процес на Северна Македонија, како и подготвеност за поддршка од неговиот тим во областите од неговата надлежност.

Во рамки на посетата на Брисел, вицепремиерот Димитров денес оствари средби и со еврокомесарот за соседство и проширување, како и со други претставници на Генералниот директорат за соседство и преговори за проширување со Европската комисија.

На маргините на Советот за општи работи на ЕУ, кој по неколкумесечна пауза заради пандемијата денес ги реактивираше состаноците во Брисел, Димитров имаше средби и со претседавачот на Советот, германскиот министер за Европа Михаил Рот и МНР на Луксембург, Жан Аселборн.

Главниот акцент во разговорите беа следните чекори на европскиот пат на нашата земја, вклучувајќи го усвојувањето на Преговарачката рамка и одржувањето на првата меѓувладина конференција со ЕУ за време на германското претседателство.

Првата посета во седиштето на ЕУ на претставник на Владата на Северна Македонија по нејзиното формирање се случува во исклучително важен момент за Северна Македонија, во светло на дефинирање на Преговарачката рамка и одржувањето на првата меѓувладина конференција со ЕУ, што ќе означува и официјален почеток на пристапните преговори со Унијата.

На средбите Димитров ги отвори прашањата поврзани со ИПА 3 програмата, имајќи го предвид утврдувањето на Повеќегодишната финансиска рамка на ЕУ 2021-2027 што е актуелно периодов. Во тој контекст се зборуваше и за подготовките за димензионирање и објавување на најавената Економска програма за развој и инвестиции за Западен Балкан.

Прикажи повеќе...

Македонија

Мисајловски: Во државата никој не знае на кој начин учениците ќе следат настава

Објавено пред

Никој во Македонија не знае на кој начин учениците ќе следат настава, а мајки протестираат затоа што мора се вратат на работа, а нема кој да им ги чува децата, истакна потпретседателот и пратеник на ВМРО-ДПМНЕ, Владо Мисајловски, на денешната собраниска седница.

Покрај тоа, тиј посочи дека иако денеска се зборува за новите заменик-министри, тие не се присутни на седницата на која треба да ги изберат, а Заев во својот говор не кажа ништо повеќе за нив.

„Во говорот на Заев не слушнавме ништо за нив, ниту кои се нивните квалитети, начинот на работа, кои се проектите  што ќе ги водат и за што ќе бидат задолжени. Јас знам дека оваа мафијашка Влада ќе размислува на освета, реваншизам, како да ѝ се загорчи работењето на опозицијата“, истакна Мисајловски во своето обраќање на темата за економијата и за Ковид-19, кои се многу важни, како и за поскапувањето на струјата.

„Дали знаете, господине Заев, дека вечерва пред Владата ќе дојдат мајки кои ќе плачат бидејќи не знаат што да прават со своите дечиња, дали знаете дека тие жени сакаат да се вратат на работа, но не можат. Дали знаете дека тие жени не се виновни, оваа ситуација е вонредна. Додека се одржуваа лидерски средби, знаете многу добро додека се носеше вонредна ситуација, се зборуваше за нови уредби за законот за марихуана. Но, изгледа во овој период се пропушти шанса за овие луѓе. За десетина дена, дечињата треба да почнат на училиште, но никој не знае како и на кој начин во оваа земја дечињата ќе следат настава. Јас ова го зборував и во изборната кампања. Јас имам две дечиња и не знам како тие ќе ја следат наставата“, истакна пратеникот.

Тој во врска со сето ова додаде дека овде има и друг проблем, а тоа е дали приватните компании ќе ги отпуштат од работа оние родители што имаат мали деца и тоа е тема што треба да се реши.

Имено, Мисајловски укажа и на темата дали на Албанците ќе им се даваат субвенции, дали на другите етникуми треба да им се даваат субвенции, при што потенцира дека, според него, оној што е квалитетен треба да добие работа и најдобрите нека се вработат, а не по етничка основа.

Прикажи повеќе...

Најново

Македонија8 минути

„Водовод“ не најде бактерии во градската мрежа во Скопје по паниката што се прошири на социјалните мрежи

Водата од градскиот водовод во скопски Бутел нема бактерии и исправна е за пиење, а веста што се прошири на...

Свет1 час

Одложен самитот на ЕУ – претседателот на Европскиот совет ставен во карантин

Состанокот на ЕУ, кој требаше да се одржи на 24 и 25 септември, е одложен за 1 и 2 октомври,...

Македонија5 часа

Пет лица починаа од коронавирус, потврдени се 88 нови случаи во Македонија

Министерството за здравство информира дека во последните 24 часа се направени 1.618 тестирања, а регистрирани се 88 нови случаи на...

Македонија5 часа

(Видео) Филипче: Состојбата со вирусот повторно се влошува, ако е потребно ќе има рестрикции

Министерот за здравство, Венко Филипче, на денешната прес-конференција најави дека за есенва се размислува за воведување на повеќе мерки како...

Македонија7 часа

Мицкоски ги повика граѓаните утре да излезат на протест против неправдата и мафијата

Лидерот на ВМРО-ДПМНЕ, Христијан Мицкоски, повика на нов протест што ќе се одржи утре во 18.30 часот. Како што порача...

Економија7 часа

(Видео) Бектеши: Субвенциите за етнички вработувања се дел од изгласаната владина програма

Вработувањата кои ќе поттикнат добри меѓуетнички односи се вметнати во Владината програма која е изгласана од Собранието, изјави министерот за...

Свет8 часа

Русија очекува до 15 октомври да регистрира втора вакцина против коронавирус

Русија очекува до 15 октомври да регистрира уште една, втора по ред, потенцијална вакцина против коронавирус, јави агенцијата ТАСС повикувајќи...

Европа9 часа

Шведска нема да ги вакцинира децата против коронавирусот

Шведската влада нема да препорача вакцина против коронавирусот за деца на возраст под 18 години. Според шведските експерти, децата го...

Спорт10 часа

Италијански судија убиен во својот дом

Италијанскиот фудбалски судија Даниеле Де Сантис (33) и неговата девојка Елеонора Манта (30) биле убиени во домот на судијата во...

Македонија10 часа

Училишниот час ќе трае пократко од 40 минути, постои можност и учебната година да заврши порано

Собранието вчера вечерта ги изгласа измените на Законите за основно и средно образование со кои се обезбедува непречено организирање на...

Македонија10 часа

Од почетокот на пандемијата во Македонија починаа 700 лица

Од почетокот на пандемијата досега починаа 700 лица, откако вчера беше потврдена смртта на уште 7 пациенти. Меѓу починатите вчера...

Свет11 час

„Сите мораме да соработуваме“, порачаа светските лидери на годишнината на Обединетите нации

Светските лидери за време на специјалната сесија на ООН посветена на 75-годишнината од основањето на таа организација се согласија дека...

Македонија11 час

Собраниска седница за избор на заменик-министри во Владата

Собранието денеска треба да ја одржи 13-тата седница на чиј дневен ред е предлогот за именување на заменик-министри во Владата....

Македонија11 час

Пендаровски: Неопходни се силни Обединети нации, реформирани и прилагодени на новата реалност

Претседателот Стево Пендаровски преку видеопорака се обрати на настанот на високо ниво, што по повод 75-годишнината од формирањето на Организацијата...

Македонија13 часа

Димитров во прва работна посета на Брисел од формирањето на новата Влада

Заменик-претседателот на Владата задолжен за европски прашања, Никола Димитров, денеска ќе престојува во работна посета на Брисел, што всушност е...

Македонија21 час

Игор Јанушев се повлече од функцијата

Централниот комитет на ВМРО-ДПМНЕ вечерва избра нови членови на Извршниот комитет на партијата. Генералниот секретар на партијата, Игор Јанушев, се...

Македонија22 часа

(Видео) Мицкоски: Предложив вонреден конгрес на кој јас нема да бидам претседател, но предлогот беше одбиен

Лидерот на ВМРО-ДПМНЕ, Христијан Мицкоски, предложил вонреден конгрес за избор на нов лидер, каде што тој нема да се кандидира,...

Македонија1 ден

Седум лица починаа од коронавирус, потврдени се 45 нови случаи

Министерството за здравство информира дека во последните 24 часа се направени 552 тестирања, а регистрирани се 45 нови случаи на...

Свет1 ден

СЗО ѝ се заблагодари на Русија за напорите за развој на безбедна и ефикасна вакцина против коронавирусот

Првата официјално регистрирана вакцина против Ковид-19, развиена од Институтот за епидемиологија и микробиологија при Научноистражувачкиот центар „Гамалеја“, сега се наоѓа...

Македонија1 ден

Пратениците на Беса го напуштија СДСМ во Собранието, но договорот за коалиција не се растура

Четворицата пратеници на партијата Беса од денеска во Собранието нема да дејствуваат како дел од коалицијата со СДСМ туку како...

Досие