Контакт

Македонија

Половина милион евра наместо кај поплавените во Василево завршиле во туѓи раце

Објавено пред

Градоначалник на Василево од сметката за солидарност од буџетот на општината исплатил повеќе од половина милион евра или точно 33.762.784 денари за отштета од поплавите што ја зафатија општината во 2013 година иако немал докази за претрпена штета кај жителите на чии сметки отишле парите. Исплатата на средства ја вршел во периодот од 2014 до 2017 година.

Покрај ова, средствата за штетите од поплавите биле нерамномерно и несразмерно распределени. Пет лица членови и претседател на општинската комисија за проценка и утврдување на штетите од елементарни непогоди не изготвиле записници за увид на самото место и извршиле фиктивна проценка на штетите. Елаборатот со лажни податоци го испратиле до Владата од каде што биле добиени средства за исплата на штетите од поплавите во износ од 38.656.106 денари.

Од МВР информираат дека е поднесена кривична пријава против В.С (51) од с. Едрениково, во својство на градоначалник; против С.Н (46) од с.Градашорци; М.Т (54) и М.Ѓ (28), и двајцата од Василево; М.Ј (58) од с.Сушево и Б.С (59) од с.Моноспитово, поради постоење основано сомневање дека првопријавениот како градоначалник на општина Василево го сторил кривичното дело „злоупотреба на службена положба и овластување“, а останатите пријавени лица ги сториле кривичните дела „злоупотреба на службена положба и овластување“ и „фалсификување и уништување деловни книги“.

„Имено, В.С во својство на градоначалник на општина Василево искористувајќи ја својата службена положба, без да постојат соодветни писмени докази дека физичките и правни лица од oпштина Василево навистина ја претрпеле пријавената штета од поплавите во општина Василево на 24.02.2013 , 25.02.2013 и 26.02.2013 година, донел решенија за исплата на средства од елементарна непогода од сметката за солидарност на буџетот на општина Василево. На тој начин по добивањето на дотација од Министерството за финансии на износ од 38.656.106 денари, согласно со донесената одлука на Влада за надомест на штети од поплавите во висина од 15% од настанатата штета, првопријавениот во текот на 2014, 2015, 2016 и 2017 година од сметката за солидарност на општината на повеќе граѓани и на неколку правни лица од Општина Василево им исплатил вкупно 33.762.784 денари без соодветен доказ за претрпена штета“, информира МВР.

Исто така, првопријавениот ги пречекорил границите на своите овластувања и по однос на распределбата на средства за претрпена штета на општина Василево, која документирано била проценета на 12.604.500 денари, од сметката за солидарност дозволил да се исплатат само 4.032.300 денари. Така, на ЈП „Турија“ од Василево за документирано проценета штета од 572.000 денари, дозволил да се исплатат само 72.600 денари, а на ООУ „Гоце Делчев“ с. Василево за документирано проценета штета од 185.000 денари дозволил да се исплатат дури 41.250 денари, што укажува дека средствата за штетите од поплавите биле нерамномерно и несразмерно распределувани.

Второ, трето и четвртопријавениот во својство на членови на општинската комисија за проценка и утврдување на штетите од елементарните непогоди, заедно со претседателот на комисијата придонеле кон извршувањето на кривичното дело, со тоа што без да изготват записници за увид на лице место и без да ги изготват соодветните обрасци извршиле фиктивна проценка на штетите на граѓаните и учествувале во изготвувањето на елаборатот од проценката на штетите во кој ги внесувале податоците од направените фиктивни проценки на штетите од поплавите, при што на крајот ставиле свој потпис на елаборатот заверувајќи ја неговата содржина како вистинита. Таквиот елаборат со недокажани и непотврдени податоци подоцна бил изгласан од Советот на Општина Василево и пратен до Владата врз основа на што биле добиени средства за исплата на штетите од поплавите во висина од 15% од претрпената штета, односно 38.656.106 денари.

Петто и шестопријавениот како членови на Комисијата за проценка на штетите, иако директно не влијаеле во гореопишаните кривично-правни настани, сепак, ставиле свои потписи на елаборатот од проценката на штетите како и на извештајот од работата на комисиите за проценка на штети, исто така заверувајќи ја содржината како вистинита.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

ГДУ на Самитот на АКРЕ во Бугарија

Објавено пред

Над сто истакнати европски конзервативци, бугарски министри, признати експерти во областа на безбедноста, одбраната и економијата се собраа на Самитот за слободата на Алијансата на конзервативците и реформаторите – АКРЕ, кој првпат се одржува во Бугарија.

Меѓу учесниците во настанот беа претседателот на АКРЕ, Јан Захрадил, од Граѓанско-демократската партија на Чешка, кој во моментот е водечки кандидат на европските конзервативци за претседател на Европската комисија, и извршниот директор на АКРЕ, Ричард Милсам. Специјални гости на конгресот беа и претставници на конзервативни партии и организации од над 15 држави, вклучувајќи ги Велика Британија, Белгија, Шведска, Шпанија, Албанија, Израел, Македонија, Романија и други.

Од Македонија учесници беа потпретседателот на ГДУ, Александар Попоски, и членовите на управувачкиот комитет на Граѓанско-демократската унија, Јована Спасевска, Добре Митрев, Александар Тодоровски, и претставници на тинк-тенк институтот Conservative.mk.

„Постојат три главни работи што се однесуваат на евроинтеграциите – економијата, безбедноста и институциите“, изјави претседателот на АКРЕ, Јан Захрадил.

Претседателот беше категоричен дека единствениот пазар е срцето на ЕУ, но европските институции треба да бидат зависни од волјата на одделните држави, а не да си создадат свој вакуум на моќ.

Според него, воениот аспект на безбедноста мора да остане во рамките на НАТО и ЕУ, да работат заедно и да ги надополнуваат нивните напори.

Во однос на миграцијата, Захрадил смета дека секоја земја членка треба сама да ги постави своите процедури и правила што се однесуваат на азил.

„Во Европскиот парламент треба да биде создадено ново мнозинство, кое ќе работи за децентрализација на ЕУ и промена на насоката во која се движи во моментот, а конзервативците во Европа може да одиграат клучна улога за тоа“, изјави претседателот на АКРЕ.

Прикажи повеќе...

Македонија

Власта и опозицијата без договор за СЈО

Објавено пред

Без договор помина и денешниот состанок на работните групи на власта и опозицијата за Законот за јавното обвинителство, со кој треба да се реши идниот статус на СЈО.

И двете страни не отстапуваат од своите ставови. Опозицијата се спротивставува на тоа специјалната јавна обвинителка Катица Јанева да продолжи да ја води оваа институција. Неформален рок за договор е крајот на месецов. Законите што ги договараат власта и опозицијата се важни за зголемување на шансите за добивање датум за преговори со Европската Унија во јуни.

Еден од условите за добивање датум за почеток на преговорите со ЕУ во јуни е токму овој реформски закон за Јавното обвинителство. За негово изгласување потребно е двотретинско мнозинство во парламентот.

Прикажи повеќе...

Македонија

Филипче се сретна со косовскиот колега Исмаили

Објавено пред

Министерот за здравство, Венко Филипче, се сретна со министерот за здравство на Република Косово, Уран Исмаили, при што разменија искуства и информации во областа на здравството во двете држави.

На средбата министерот Филипче го запозна косовскиот министерот Исмаили за новините што се воведоа во здравството. Со воведувањето на двата нови типа на упат во националниот систем „Мој термин“ се подобрува здравствената евиденција и се поедноставува работата на здравствените работници, како и процесот на упатување на пациентите и побрз пат до услугата што им е потребна.

„Значајно им ги зголемивме платите на здравствените работници. Минатата година првпат обезбедивме средства за вложениот труд на приватните специјализанти. Преку континуирана грижа им го враќаме достоинството на сите наши здравствени работници!“, истакна министерот Филипче.

Министерот Филипче го запозна косовскиот министер Исмаили со интегрираниот сервис за домашна посета, со кој граѓаните од оддалечените места, руралните средини, добиваат здравствена услуга и заштита во домот.

На средбата беше разговарано и за изградбата на новиот клинички центар, унапредувањето на достапноста на гинеколозите во државата преку воспоставување поголема територијална покриеност и достапност на кадарот во здравствените региони, каде што гинеколошките услуги на примарно ниво не се достапни или достапноста е ограничена.

Заложбата на Министерството за здравство е да се препознаат компетенциите на матичните лекари – специјалисти по семејна медицина кои вклучуваат и грижа за сексуалното и репродуктивното здравје, како што се услуги за семејно планирање, контрацепција, сексуално преносливи инфекции итн.

„Со измената на Законот за здравствената заштита, првпат секој млад лекар ќе добие шанса да се ангажира во системот на јавно здравство“, потенцира министерот Филипче.

По средбата, министерот Филипче и косовскиот министер Исмаили ја посетија Клиниката за хематологија во Скопје, каде што на докторите од Косово им беше понудена експертиза во областа на трансплантацијата. Минатата година на оваа клиника беше направена првата трансплантација на матични клетки од несроден донор.

Во 2010 година Министерството за здравство на Република Северна Македонија и Министерството за здравство на Република Косово потпишаа спогодба за соработка во областа на здравството и медицинските науки.

Прикажи повеќе...

Најново

Свет10 часа

(Видео) Трамп: Исламската држава веќе не постои

Американскиот претседател, Доналд Трамп, објави дека Исламската држава повеќе не постои. Тој на новинарите им покажа две карти. „Ова е...

Свет11 час

Туск: Сè е можно до новиот рок за брегзит

Претседателот на Европскиот совет, Доналд Туск, изјави дека сè е можно до новиот рок за брегзит одреден за 12 април...

Македонија12 часа

Власта и опозицијата без договор за СЈО

Без договор помина и денешниот состанок на работните групи на власта и опозицијата за Законот за јавното обвинителство, со кој...

Македонија16 часа

(Видео) „Не бараме милост, туку правда“ – демонстрантите со порака до Заев на протестот за Фета Алими

Група граѓани се собраа денеска на протестен марш, на кој побараа осолободување на Абдулфета Алими, кој е осуден за крвавиот...

Македонија18 часа

Кавга меѓу ИВЗ и Владата: Реџепи си го бара имотот, Заев се жали дека е уценет

Нерешените спорови за денационализација ги скараа Владата и Исласмата верска заедница (ИВЗ). Од ИВЗ обвинуваат дека Владата е селективна и...

Македонија18 часа

Ѓорче Петров донираше за социјално загрозеното семејство од Долно Лисиче, од општина Аеродром ниту трага, ниту глас

Трајче Конески и Моника Антевска од Долно Лисиче заедно со своите две деца, 9 годишниот Бојан и 2 годишната Бојана...

Избори 201920 часа

(Видео) Утврден редоследот на кандидатите за претседател на гласачкото ливче

Блерим Река, Гордана Силјановска, Стево Пендаровски – под овој редослед ќе бидат испишани претседателските кандидати на гласачкото ливче, одлучи жрепката...

Топ21 час

Во Прилеп, 19-годишник со „голф“ удрил во дете на велосипед

На крстосница меѓу прилепските улиците „Мукос“ и „Шаќир Војвода“ во претпладневните часови на 21 март, 19-годишен прилепчанец управувајќи автомобил „голф“,...

Регион22 часа

Рачна бомба фрлена врз рускиот конзулат во Атина

Рачна бомба е фрлена утрово во дворот на руската амбасада во Атина. Грчката полиција соопшти дека гранатата експлодирала, нема повредени,...

Регион22 часа

Лавров: Западот прикрива злосторства на НАТО во Југославија

Рускиот министер за надворешни работи, Сергеј Лавров, изјави дека западните земји ги прикриваат злосторствата извршени за време на воената операција...

Македонија22 часа

ВМРО-ДПМНЕ: Терористите од ИСИС добија три пати помали казни од осудените за 27-ми април

ВМРО-ДПМНЕ утрово оцени дека е срамота што  терористите од ИСИС, добиле три пати помали казни од осудените за 27-ми април „Срамен...

Топ1 ден

Контроли на јавниот превоз по несреќата кај Ласкарци, откриени 35 возила со неисправни сопирачки

По смртоносната автобуска несреќа кај Ласкарци, вчера во неколку општини била спровдена акциска контрола за техничка исправност на возилата што вршат...

Македонија2 дена

МАНУ сака да стане Академија на науките и уметностите на Република Северна Македонија – МАНУ

Македонската академија на науките и уметностите (МАНУ) претпочита нејзиното ново име да гласи – Академија на науките и уметностите на...

СЈО2 дена

ВМРО-ДПМНЕ има забелешки на 120 страници за законот за СЈО

Претседателот на правната комисија на ВМРО-ДПМНЕ, Тони Менкиновски, кој е дел од работната група во преговорите со власта за новиот...

Македонија2 дена

НБРМ: Арнаудовска не врши ревизија во банката каде директор е нејзиниот сопруг

Народната банка, во одговор на прашањето на „Макфакс“ дали има судир на интереси помеѓу директорката на секторот за супервизија Милица...

Македонија2 дена

(Видео) Седумтемина македонски борци во ИСИС осудени на 6 и 9 години затвор

Кривичниот суд во Скопје ги осуди на 6 години затворска казна шестмината македонски државјани кои биле дел од паравоената формација...

Македонија2 дена

(Видео) Беџети: Нема да ги легализираме платформите на Матка ама нема ни да ги уриваме

Општина Сарај ќе ги одбие барањата за легализација на трите платформи на Матка, но сега нема да ги урива. Градоначалникот...

Македонија2 дена

(Видео) Караџовски: Не можам да ви кажам зошто бев во Обвинителството

„Кој ве информирал? Службени обврски имав во оваа зграда. Не можам да ви кажам во врска со што е“. Ова...

Македонија2 дена

(Видео) Утре протестен марш за ослободување на Фета Алими, кој е осуден за крвавиот четврток

Синот на Абдулфета Алими, кој е осуден на 7 години затвор за настаните од 27 април 2017 година, Бурим Алими,...

Македонија2 дена

Судот ја забрани книгата на Стојан Андов поради тужбата на Фрчкоски

Основниот суд Скопје 2 за „Макфакс“ потврди дека е донесена мерка за изрекување времена мерка забрана за продажба на книгата...

Досие