Контакт

Македонија

Поповски на средба со Тимоние: Поддршка за иницијативата за листа на професионални медиуми во земјата

Објавено пред

Министерот задолжен за комуникации, отчетност и транспарентност во Владата, Роберт Поповски, оствари средба со амбасадорот на Република Франција, Кристијан Тимоние, на која разговараа за заложбите на оваа Влада за целосна слобода и независност на медиумите, особено во предизборниот период.

Францускиот амбасадор изрази надеж дека претстојните избори ќе се одржат во фер и демократска атмосфера и дека тоа е особено важно во пресрет на најавите за добри вести за Северна Македонија за почеток на пристапните преговори со ЕУ. Амбасадорот Тимоние исто така истакна дека атмосферата во Париз по ова прашање е многу подобра и дека со заедничка работа со тамошните политички фактори ќе бидат постигнати резултати како прилог на заложбата на Франција за што побрза интеграција и напредок на земјите од Западен Балкан.

Амбасадорот Тимоние истакна дека ги цени напорите за целосна транспарентност на оваа Влада. Тој рече дека има подобра атмосфера и во областа на медиумите и изрази надеж дека во наредниот период ќе се надмине големата политичка поларизација во оваа сфера за сметка на професионалноста.

Министерот Поповски информира дека оваа Влада постигна извонредни резултати на полето на транспарентноста – од последното место на кое се наоѓаше по ова прашање во 2017 година, таа сега се наоѓа на прво место меѓу шесте земји од регионот.

„Наша цел е Владата да биде еднакво транспарентна како владите на државите во Европската Унија, особено во поглед на криминалот и неговото обелоденување. Издејствувавме и максимална транспарентност на трошоците на сите министри и директори на јавните претпријатија до најмал детаљ. Исто така, ние сме единствена Влада во Југоисточна Европа која секоја буџетска трансакција ја стави на увид на граѓаните“, нагласи Поповски.

За финансирањето на медиумската изборна кампања, Поповски истакна дека власта и опозицијата ќе имаат еднаков број минути за закуп на простор за кампањата и дека по углед на европските влади и Владата на Северна Македонија гради стратегија за давање директна поддршка на печатените медиуми, и тоа во износ од 50 отсто од трошоците за печатење и 50 отсто од трошоците за дистрибуција за медиумите што се печатат на македонски јазик и во износ од 70 отсто за медиумите што се печатат на јазиците на помалите заедници, со што Владата го стимулира нивниот медиумски развој.

Во поглед на работата на порталите и социјалните мрежи, Владата ги следи насоките на Европската комисија и ја поддржува саморегулацијата на новинарските здруженија. Во таа насока е поздравена иницијативата на Здружението на новинарите и на Советот за етика во медиумите за листа на професионални медиуми во државата, со надеж дека оваа иницијатива ќе помогне за зајакнување на професионалноста на овие медиуми, како и од аспект на нивната одржливост на медиумскиот пазар. Поповски го посочи и значењето на усвојувањето на Стратегијата за справување со лажните вести истакнувајќи дека оваа Влада посветува особено внимание на подигнување на нивото на медиумска писменост на граѓаните, која е во план да се вгради и во образованието.

Македонија

Спасовски од Гази Баба: „Космос“, кој го рушеа, воскреснува, режимот што рушеше е минато, ние градиме

Објавено пред

Носителот на листа во ИЕ 2, Оливер Спасовски, на вечершното обраќање во Гази Баба направи споредба на политиките на насочување на парите кон граѓаните и градење на инфраструктурата во сите средини и региони, што е одлика на СДСМ за време на тригодишниот период кога ја има одговорноста да ја води Владата и на владеењето на режимот со крадење и рушење во мрачното минато.

„Покажуваме дека успеавме да го срушиме режимот и да ја ставиме државата на прав пат. И, оттука, ја праќаме пораката – никогаш повеќе режим да ја руши и краде државата.
Покажавме дека знаеме да градиме пријателства мостови, институции, инфраструктура, партнерства.

Ако излеземе и погледнеме десно, ќе го видиме како воксреснува „Космос“, што го рушеше режимот. Тоа беше личен хир на Груевски и Јанакиески. Додека тие рушеа, денес се гради“, рече Спасовски.

Прикажи повеќе...

Македонија

Мицкоски: На 15 јули доаѓаат обновата на Македонија и времето кога секој ќе одговара за сторен криминал

Објавено пред

Претседателот на ВМРО-ДПМНЕ, Христијан Мицкоски, се обрати на собирот во Сопиште, од каде што порача дека граѓаните мора да знаат што сè направи СДСМ во изминатите три години. Мицкоски истакна дека им се заблагодарува на сите што од доцните осумдесетти и раните деведесетти години учествувале во создавањето суверена и независна држава, фудбалска репрезентација, македонска армија, македонски банкноти.

Исто така, Мицкоски му се заблагодари на целото членство на ВМРО-ДПМНЕ, на сите структури, кои се двигател на партијата. Еден од најголемите поддржувачи на ВМРО-ДПМНЕ е исто така коалицискиот партнер Љупчо Димовски, кој со сите свои постапки покажа дека е ВМРО. Тој потенцира дека ова се најважните избори, но не само поради тоа што пред нас е исправен најголемиот предизвик во врска со Ковид-19, туку предизвикот за тоа во каква држава сакаме да живееме.

„Изборот на овие избори е историски. Одлуката е дали сакаме Македонија, која ќе биде понижена и посрамена, или Македонија со исправен грб и гордо крената глава. ВМРО-ДПМНЕ ќе мора да ја одбрани државата од сето зло што сега СДСМ му го нанесе на македонскиот народ, но и да ја одбрани честа на сите наши предци. ВМРО-ДПМНЕ преброди многу критики, но тие критики нè направија помудри и посилни.

На 15 јули уште во седум часот наутро ќе се навести најголемата победа во историјата на Република Македонија. На 15 јули Сопиште ќе ја поддржи Гордана Силјаноска-Давкова. Оваа апокалипса што ѝ се случува на Република Македонија мора да престане. Обврска на ВМРО-ДПМНЕ е да ја сопре оваа појава и да ја донесе обновата. Мицкоски истакна дека никогаш повеќе не смее да се дозволи државата да ја водат неразбрани политичари, кои би се охрабриле на распродажба да стават национални интереси, само за сопствени придобивки.

На 15 јули народот ќе го заокружи бројот 14 и ќе ги победи Зоран Заев и СДСМ. Тука завршува нивната лажна приказна. Императивот на ВМРО-ДПМНЕ не е ниту криминал, ниту нечесната работа, ниту понижувањето на својот народ, туку Македонија. СДСМ и Зоран Заев за три години не направија ништо од ветеното. Ниту автопати, ниту студентски домови, ниту 500 евра просечна плата ниту, пак, ги вратија оние млади луѓе на кои им ги оставија чевлите пред Владата на Република Македонија.

СДСМ лажеше за тажни судбини. Ги искористи на подол начин судбините на децата од Смилковското Езеро, на Јанушев, Кољо, Младенов. Лажеа за илјада работи, манипулираа со човечки животи. Но, за сето тоа ќе има правда. Во првите шест месеци од новата влада предводена од ВМРО-ДПМНЕ правдата ќе биде безусловна, а толеранцијата сведена на нула. Таа правда ќе важи за секој еднакво.

ВМРО-ДПМНЕ ќе го почне ветингот, т.е. проверката, од сопствениот двор. Секој политичар ќе мора да докаже како го стекнал својот имот. Да се види кој чесно работел, а кој творел на грбот на народот. Независно за кој политичар се работи и дали е од една или друга политичка партија, правдата ќе важи за секој еднакво. Без исклучок.

Сето тоа е во програмата на ВМРО-ДПМНЕ наречена „Проект – Обнова“. Испишани 360 страници, на кои има над 1.000 проекти. Во неа има 25 отсто поголема просечна плата за еден мандат, 20 отсто поголеми пензии за еден мандат, најмалку еден универзитет од првите 1.000 во светот. Проекти со јасна методологија за народот да следи, а ВМРО-ДПМНЕ да даде отчет за сработеното.

Оваа програма е напишана со врвни професионалци од сите сфери кои се дел од партијата, дел од структурите на партијата, некои и не се дел од партијата, но се пријатели што искрено сакаат да помогнат во обновата на Македонија.

ВМРО-ДПМНЕ се обврзува да обезбеди сигурно здравство, а не да стравуваме за животите на нашите сограѓани поради несоодветен пристап. Здравството е еден од најважните темели на една држава.

Мицкоски додаде дека во програмата е јасно кажано дека ВМРО-ДПМНЕ посакува НАТО и ЕУ-интеграции, но никогаш под туѓ диктат и под уцена за распродажба на националните интереси. Факелот за Македонија ќе гори сè додека не екне во полн сјај онака како што заслужува нашата татковина.

Мицкоски беше дециден дека нема да дозволи ничиј образ да биде оцрнет бидејќи ВМРО-ДПМНЕ ќе работи деноноќно за исполнување на сите ветени проекти од изборната програма. На 15 јули да се заокружи бројот 14 пред професорката Гордана Силјановска-Давкова. Да се поддржи жената што е инспирација сама по себе. Македонија и ВМРО-ДПМНЕ ќе победат и тоа е неминовно. Да е вечна ВМРО-ДПМНЕ! Да е вечна Македонија!“, порача Мицкоски.

Прикажи повеќе...

Македонија

(Видео) Николоски од Гевгелија: ВМРО-ДПМНЕ ја почитува одлуката на народот изразена на референдум и рудници нема да се отвораат

Објавено пред

Тука сме пред она што треба да е брана Конско, можам да кажам дека таа беше проектирана во текот на 2016 година, беа одобрени средства и требаше да почне да се гради на почетокот на 2017 година, со цел да биде завршена до крајот на 2019 година, рече Александар Николоски, потретседател на ВМРО-ДПМНЕ и носител на Изборната единица 4.

„За жал, сè уште, како што можеме да видиме, е во изградба и не е завршена затоа што, за жал, Владата предводена од СДСМ не доволно ја следи динамиката на градба како што е предвидено по планот.
Она што можам да го кажам како ветување и заложба на ВМРО-ДПМНЕ е дека силно ќе се фокусираме на доизградба на оваа брана, која треба да значи наводнување за голем број земјоделски производи и голем број земјоделци и, да, со тоа наводнување се зголеми земјоделското производство во Гевгелиско, но и во целиот овој регион, а исто така ќе придонесе многу за развојот на туризмот.

Она што исто така сакам да го споменам е дека постојат постапки за отуѓување земјиште, кое е во сопственост на приватни лица за експропријација и тоа праведно ќе биде направено, на еден праведен начин и по пазарни цени со цел луѓето исто така да бидат обесштетени и никој да нема штета од овој проект. Напротив, овој проект треба да е еден убав развоен проект за целиот овој регион.

Се надевам на победа на изборите на 15 јули и по тоа, да можеме да ја реализираме оваа брана, со цел, како што кажав, да заживее целиот овој регион, а и земјоделците да добијат соодветно наводнување.

Уште една тема би сакал да искоментирам, таа е поврзана со иницијативата за отворање или она што се говори, поврзано со рудниците, она што сакам да го кажам е дека ВМРО-ДПМНЕ секогаш ја следи волјата на народот за разлика од СДСМ и никогаш не оди против јасната волја на народот изразена на референдум.

Волјата на луѓето тука во Гевгелија, во Гевгелиско, во Четвртата изборна единица, ако сакате, затоа што имаше и други иницијативи, е јасна и на референдум беше изразена, тоа е против отворање рудници и ние тоа го поддржуваме и рудници нема да се отвораат затоа што народот тоа не го сака. Ние секогаш постапуваме онака како што народот одлучува.

Народот одлучи дека нема да има рудници и рудници нема да има“, порача Николоски.

Прикажи повеќе...

Најново

Свет45 минути

СЗО: Засега Ковид-19 нема мутација што го прави посилен

Вирусот Ковид-19 досега нема мутации што ќе го направат посилен или ќе доведат до потешка болест, вели главниот епидемиолог на...

Топ5 часа

Во Охридското Езеро се удави 49-годишен маж

Во водите на Охридското Езеро денеска околу 14.30 часот е пронајдено безживотно тело на плажа на кејот Македонија. На местото...

Македонија5 часа

Регистрирани 165 новозаразени – починаа 7, а оздравеа 128 лица

Министерството за здравство информира дека во последните 24 часа се направени 1454 тестирања, а регистрирани се 165 нови случаи на...

Европа7 часа

Во ЕУ дозволен прв лек против Ковид-19

Европската комисија издаде условна дозвола за ставање во промет на лекот ремдесивир, кој стана првиот медикамент за лекување на Ковид-19...

Македонија7 часа

Јовановски поднесува кривични пријави за триесеттина лица, бара вклучување на меѓународните институции

Осудениот во случајот „Рекет“ Бојан Јовановски  продолжи со поднесување кривични пријави во скопското обвинителство поврзани со предметите „Рекет“ и „Меѓународен...

Топ8 часа

Вработен во МВР станал и советник во Општина Арачиново – внатрешна контрола го разгледува случајот

Одделот за внатрешна контрола, криминалистички истраги и професионални стандарди поднесе иницијатива за поведување постапка за утврдување дициплинска одговорност против Ф.Х....

Свет8 часа

(Видео) Најмалку 41 повреден во експлозија во фабрика за огномети во Турција

Најмалку 41 лице е повредено по експлозијата во фабрика за огномети во северозападната турска провинција Сакарија, пренесува „Хуриет дејли њуз“....

Македонија9 часа

Засега нема затворање на границите со Србија и Косово

Границите со Србија и Косово остануваат отворени, откако Комисијата за заразни болести не даде препорака тие да бидат затворени поради...

Свет10 часа

Научниците докажаа: Нова верзија на коронавирус се шири низ целиот свет, до 6 пати позаразна

Мутирана верзија на новиот коронавирус што предизвикува Kовид-19, која е распространета денес во светот, во лабораторија се покажа дека е...

Македонија10 часа

Принуден карантин за поранешната манекенка Накова, која место во самоизолација била на базен

Поранешната манекенка Александра Накова-Гајдаџиев вчера попладне била уапсена на базен во Гевгелија бидејќи не го почитувала решението за самоизолација, потврдија...

Македонија10 часа

Директорката на кумановската болница е позитивна на коронавирус

Директорката на Општа болница Куманово, Снежана Захариева, утрово на социјалните мрежи објави дека е позитивна на Ковид-19. „Како за добро...

Регион11 час

Прогласена вонредна состојба во Белград

Во Белград денеска е прогласена вонредна состојба како резултат на влошената епидемиолошка состојба. Ваквата одлука е донесена на седницата на...

Европа11 час

Падна француската влада, премиерот поднесе оставка

Францускиот премиер, Едуард Филип, денеска поднесе оставка пред реконструкцијата на владата што ќе ја спроведе претседателот Емануел Макрон за зајакнување...

Свет11 час

СЗО: Во моментов на луѓе се тестираат 17 потенцијални вакцини против коронавирус

Седумнаесет можни вакцини против коронавирусот во моментов се тестираат на луѓе, соопшти Светската здравствена организација (СЗО). Од нив најмногу напредува...

Македонија12 часа

Хоспитализирани над 400 пациенти поради коронавирус во земјава, меѓу нив 6 се деца

Во Македонија засега хоспитализитани се 407 пациенти заболени со Ковид-19. Според последните податоци, на Инфективната клиника вкупно се примени 90...

Свет12 часа

Бројките вртоглаво растат – 10,53 милиони заболени во светот и 176 илјади новозаразени со коронавирус за еден ден

Во светот се регистрирани повеќе од 176.000 нови случаи на коронавирус, а вкупниот број заразени надмина 10,53 милиони. Според Светската...

Македонија13 часа

Епидемиолозите ќе одлучуваат дали ќе се затворат границите со Србија и Косово

Со оглед на развојот на ситуацијата со коронавирусот во соседството, Комисијата за заразни болести  се очекува денеска да разговара за...

Регион13 часа

(Видео) По протестите во Белград, надлежните тврдат дека студентите ќе останат во домовите

По синоќешните протести во Белград, надлежните тврдат дека студентите нема да бидат иселени од домовите поради експанзијата на заболени од...

Македонија1 ден

Затвореникот од „Идризово“ се заразил на викенд, 18 затвореници се во самоизолација

Осумнаесет затвореници од затворот „Идризово“ се во самоизолација поради контакт со осуденик што се заразил со коронавирус. Директорот Боби Мојсовски...

Свет1 ден

СЗО: Ризикот за смртност од коронавирус е поголем кај пушачите

Светската здравствена организација (СЗО) соопшти дека пушењето цигари може да предизвика потежок облик на болеста Ковид-19 и поголема смртност кај...

Досие