Контакт

Македонија

Потпишан договор за соработка за заштита на сведоци помеѓу МВР и Меѓународниот Кривичен Суд

Објавено пред

„Потпишувањето на Договорот за соработка во областа на заштита на сведоци помеѓу Министерството за внатрешни работи на Република Северна Македонија и Меѓународниот кривичен суд претставува продолжување на чинот на поддршка на Судот во борбата против најтешките форми на кривични дела. Дотолку повеќе што Република Северна Македонија го има потпишано Римскиот статут во 1998 година и ратификувано во 2002 година, со кој е основан Меѓународниот кривичен суд, чија улога е фокусирана во борбата против најтешките форми на кривичните дела – геноцид, злосторства против човештвото, воени злосторства и агресија“.

Ова, меѓу другото, го истакна министерот за внатрешни работи Оливер Спасовски, при денешното потпишување на Договорот за соработка во областа на заштитата на сведоци меѓу МВР на РСМ и МКС со седиште во Хаг (Холандија), а претставуван од Секретарот на оваа меѓународна правна инстанца г. Питер Луис, во Клубот на пратениците во Скопје.

Заштитата на најранливите категории на лица, односно жртвите и сведоците кои сакаат да помогнат во расветлувањето на кривичните дела и во изнесувањето на нивните сторители пред лицето на правдата е определба на секое демократско општество, истакна министерот Спасовски, додавајќи дека МВР активно се вклучува во таа глобална борба против овие форми на кривични дела, кои преставуваат сериозна закана за човештвото, безбедноста и интегритетот на луѓето и заедниците.

Всушност со овој договор се воспоставува правна рамка за соработка меѓу надлежните органи при МВР и Секретаријатот на МКС на оперативно ниво, а околу конкретизирање на мерките за заштита и безбедносните активности, преку релокација на жртви, сведоци и други лица кои се изложени на ризик поради дадено сведочење во склоп на постапките во Судот.

„Министерството за внатрешни работи на Република Северна Македонија ја има воспоставено и ја практикува меѓународната соработка во областа на заштита на сведоци врз основ на договори за полициска соработка, договори за соработка во областа на заштита на сведоци или врз основ на реципроцитет. Досегашното полициско искуство со земјите кои имаат релоцирано лица на наша територија е исклучително позитивно, со доследно и максимално почитување на довербата, професионалноста и утврдените одредби од склучените договори. Убеден сум дека, со потпишувањето на овој договор, Одделението за жртви и сведоци при Меѓународниот кривичен суд ќе ја прошири својата соработка со нашата Единица за заштита на сведоци, ќе ги препознае и применува овие принципи на соработка во оваа исклучително специфична и чувствителна област на полициско работење“, потенцираше министерот Спасовски.

Македонија

Арсовска од Гази Баба: Мегапарк, средена инфраструктура и поврзување со Аеродром ќе бидат моите врвни приоритети за оваа општина

Објавено пред

„Ќе го почнам мандатот на градоначалник на Скопје со решавање на приоритетните проблеми од секоја скопска општина. Граѓаните се изморени од чекање, а проектите од мојата програма се креирани на начин што се овозможува нивна реализација со ефикасни и брзи решенија“, порача независната кандидатка за градоначалник на Скопје, Данела Арсовска, на денешната средба со жителите од Стајковци, Иџиково и Хиподром, кои спаѓаат под општина Гази Баба.

На средбата жителите ѝ посочија дека нивната општина важи за најзагадена, а таа истакна дека веќе е направен детален план за намалување на загаденоста, што ќе опфати чистење на дивите депонии уште во првите 82 дена од почетокот на нејзиното работење, а ќе почне и проектот за гасификација во секое домаќинство.

„Во општина Гази Баба проблемите со кои се соочуваат жителите важат за проблеми што требало да се надминат многу порано. Нема фекална канализација, недостигот на вода за пиење е секојдневие за овие граѓани, а немаат ниту трафостаници за парно греење. Со системски решенија креирани од експерти ќе се подобри инфраструктурата во ова населено место. Еден од петте мегапаркови е предвиден за изградба токму во оваа општина. Ќе никнат и нови велосипедски патеки, а предвидена е и реконструкција на постојните. Ќе обезбедиме и полесен пристап и директна врска помеѓу Гази Баба и Аеродром, а со тоа ќе се регулира сообраќајниот хаос што владее во моментот“, изјави Арсовска на средбата.

Кандидатката за градоначалник исто така им посочи на граѓаните која смета дека исполнувањето на барањата што ги имаат до нејзе, не се нешто невозможно, туку приоритет и кажа дека планира да се посвети на нивна реализација уште во првите денови од нејзиниот мандат.

За крај, им се заблагодари затоа што успехот од првиот круг на изборите е благодарение на нив и на сите скопјани и ги повика да ѝ ја дадат поддршката и во вториот изборен круг, сите што веруваат во нејзината заложба за модерно и современо Скопје, град што ќе се посвети на заборавените населби и рамномерниот развој.

Прикажи повеќе...

Македонија

Мицкоски: Шилегов само се потруди во зголемување на својот имот, неговиот аматеризам е поголем од неговата неработа

Објавено пред

На денешниот митинг на ВМРО-ДПМНЕ во општина Центар, претседателот Христијан Мицкоски истакна дека единствено она за што се грижи Петре Шилегов е зголемување на својот личен имот, а лагите за тунелот под Калето, лунапаркот и мостот, кој завршува во нечија дневна соба, покажува само дека аматеризмот на Шилегов е поголем од неговото неработење.

„Сообраќајниот хаос е последица на тоа што градот Скопје престана да се развива. Скопје 4 години се дави во смет, во хаос, бетон и лажни надежи на градскиот татко. Лагите за тунелот под Калето, кој не постои, новиот лунапарк, кој не е допрен или мостот што завршува во куќи и нечија дневна соба покажува дека аматеризмот на Шилегов е поголем од неговата неработа за Скопје“, критикува Мицкоски.

Мицкоски истакна дека единствено каде што вистински се потрудиле градоначалниците од власта е во нивната трка за зголемување на личниот имот, каде што Шилегов е шампион.

„За нас, ова е трка за модерно Скопје, за нив – тоа е трка за моќ и функции“, посочи Мицкоски.

Прикажи повеќе...

Македонија

Мицкоски од Центар: По 8 години власт на СДСМ, имаме супер интензивна бетонизација, нема нови паркови и има сообраќаен хаос

Објавено пред

На денешниот митинг на ВМРО-ДПМНЕ во општина Центар, претседателот Христијан Мицкоски истакна дека СДСМ е на власт во Центар цели осум години, ветуваа мораториум за градење, паркови и решавање на сообраќајниот хаос, а она што центарци го добија е интензивна бетонизација и нула зеленило.

„Овде СДСМ е на власт 8 години. Пред да дојдат на власт ветуваа мораториум на градењето, нови паркови и решавање на сообраќајниот хаос. По 8 години власт на СДСМ, имаме супер интензивна бетонизација, немаме нови паркови и имаме сообраќаен хаос како никогаш порано. Без оглед кој е градоначалник од СДСМ, овие 8 години однесувањето им остана исто. Знаете ли каде е вистинскиот проблем со бетонизацијата и урбаната мафија? Затоа што постои пакт на криминалците со пари и нивните луѓе во политиката. Тој пакт раѓа бетон, кој за граѓаните значи ограничување на нивната слобода, а за овие другите значи пари“, рече Мицкоски.

Мицкоски увери дека тој и луѓето околу него никому не му должат и не прават пактови со криминалците.

„Му должиме само на народот, кој мора да знае дека нема да дозволиме бетон, кој ќе им ги ограничува и одзема нивната слобода и нормалниот живот“, вели Мицкоски.

Тој посочи граѓаните на Центар да ги поддржат професорката Наташа Котлар и Данела Арсовска за Скопје, дами кои ќе обезбедат развој на општината и големи промени во градот Скопје.

Прикажи повеќе...

Најново

Економија4 часа

Биткоинот достигна досега највисока цена

Биткоинот денеска достигна рекордна цена, во моментот е над 66.000 долари. Криптовалутата се зголеми над претходниот максимум од 64.889 долари...

Свет6 часа

Ужас во Франција – пронајдено обезглавено тело на маж со извадена утроба

Тело на маж без глава и отстранета утроба е пронајдено во малиот француски град Болен. Полицијата интензивно трага по Алекс...

Македонија8 часа

Мицкоски: Заев ништо не разбрал, народот е веќе обединет, но против него

Зоран Заев ништо не разбрал. Зоран Заев само ја повторува истата прес-конференција од лани кога исто така лажеше дека ја...

Македонија8 часа

(Видео) Заев: Свесни сме дека повеќе нема толеранција за повторување на истите грешки

Претседателот на СДСМ и премиер, Зоран Заев, смета дека не може да влечат назад, а Владата да води напред. Затоа...

Топ9 часа

Со ремен ја тепал сопругата, замавнал со нож кон ќерката, гостиварец вршел семејно насилство

43-годишен гостиварец е обвинет за семејно насилство, информираа надлежните. Основното јавно обвинителство Гостивар поднесе Обвинителен предлог против 43-годишен гостиварец за...

Македонија10 часа

Починати 15 лица, регистрирани нови 487 случаи на Ковид-19

Министерството за здравство информира, согласно податоците од Институтот за јавно здравје дека во последните 24 часа се направени 3.491 тестирањe,...

Македонија11 час

Борел и Блинкен бараат без одлагање почеток на преговори за Македонија

Во заедничката изјава за Западен Балкан, европскиот министер за надворешни работи, Жозеп Борел, и американскиот државен секретар, Ентони Блинкен, повикаа...

Македонија12 часа

Гир: Европската комисија очекува прва Меѓувладина конференција до крајот на годинава

Извештајот доаѓа во контекст на неодамнешниот Самит на Европската Унија за Западен Балкан, каде се даде недвосмислена поддршка за европерспективата...

Свет13 часа

Во Израел откриена мутација на делта-сојот од коронавирус, момче сместено во карантин

Израел го потврди првиот случај со мутација на делта-сојот на коронавирус, кој претходно беше откриен во некои европски земји, објави...

Македонија14 часа

Со една доза вакцинирани се 49,4% од населението над 18-годишна возраст

Заклучно со 17 октомври со една доза на вакцина против Ковид-19 вакцинирани се 49,4% од населението над 18-годишна возраст. Кај...

Македонија14 часа

Пендаровски: Извештајот на ЕК претставува објективна слика за состојбите во државата

Претседателот Стево Пендаровски денеска имаше средба шефот на делегацијата на Европската Унија, амбасадорот Дејвид Гир, кој му го предаде извештајот...

Македонија14 часа

До ДИК поднесени 13 приговори за изборните резултати

До Државната изборна комисија се поднесени 13 приговори за постапката за гласање и за постапката за сумирање и утврдување на...

Спорт17 часа

Потврдено: Ако не се вакцинира, Ѓоковиќ нема да игра на Австралија опен

Најдобриот тенисер во светот, Новак Ѓоковиќ, нема да може да ја брани титулата на Австралија опен, доколку не се вакцинира....

Македонија1 ден

Вархељи повика на итно решавање на спорот со Бугарија до крајот на годината

Еврокомесарот за проширување, Оливер Вархељи, очекува зелено светло за преговорите со Северна Македонија и Албанија и повика на итно решавање...

Македонија1 ден

Северна Македонија продолжува да ги исполнува условите за преговори за членство во ЕУ, се наведува во новиот извештај

Северна Македонија продолжува да ги исполнува условите за отворање на преговорите за членство и властите ја демонстрираа јавно својата цврста...

Македонија1 ден

Димитриевски: Лица од МВР три недели нè следат мене и мојот тим, тоа е вршење притисок поради изборите

Градоначалникот на Куманово, Максим Димитриевски, кого утрово полицијата го сопре и го прaти со возилото на технички преглед, на прес-конференција...

Македонија1 ден

Се укинува ограничувањето на бројот на гости на една маса во угостителските објекти

Владата на денешната редовна 113. седница, меѓу другото, во согласност со моментната епидемиолошка состојба во државата усвои измени и дополнувања...

Македонија1 ден

(Видео) Мицкоски ја повика цела опозиција зa уривање на Владата

Претседателот на ВМРО-ДПМНЕ, Христијан Мицкоски, упати повик до Левица и сите опозициски партии, но и до владините кои се во...

Македонија1 ден

За една недела од коронавирус починале 26 вакцинирани лица, од кои најголем дел примиле „синофарм“

Во периодот од 8 до 14 октомври од коронавирус починале 105 пациенти, а 75 % од нив не биле вакцинирани....

Македонија1 ден

МВР не ја наведува причината за запирањето на Максим Димитриевски и најави истрага за случајот

Од Министерството за внатрешни работи по сопирањето на градоначалникот на Куманово, Максим Димитриевски, велат дека за случајот е вклучен Одделот...

Досие