Македонија
Почна поставувањето на монтажната амбуланта за пулмологија

Министерството за здравство информира дека денеска почна поставувањето на контејнерите за монтажно-модуларниот амбулантско-поликлинички оддел на Клиниката за пулмологија и алергологија.
Овој објект се поставува на просторот помеѓу Институтот за патофизиологија и Институтот за ТБЦ.
Целосната монтажа треба да заврши до 30 јули, а кон средината на август и објектот да биде подготвен.
Во монтажниот оддел ќе бидат сместени четири амбуланти и кабинети за спирометрија, за дифузија и бодиплетизмографија, за бронхијална провокација, за гасни анализи во крвта, за алерголошки тестирања и за ЕКГ, како и две засебни простории за дневни болници за сместување на амбулантските пациенти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода дел од Аеродром

Од ЈП Водовод и Канализација известуваат дека денеска поради уличен дефект Ф-300мм на улицата Владимир Комаров 13 во населба Аеродром, прекинато водоснабдување ќе имаат корисниците од Пензионерски Дом, Кипер Маркет и една зграда на истата улица, водоснабдувањето ќе биде прекинато од 23:55 часот до санирање на дефектот.
Дефектот ќе се работи на 17.07.2025 од 09:00 часот.
Македонија
Делови од Гази Баба, Карпош, Кисела Вода и Аеродром без струја

Од ЕВН Македонија АД известуваат дека денеска без електрична енергија ќе останат:
– во периодот од 06.30 до 12.30 часот, корисниците од булеварот Киро Глигоров, општина Гази Баба;
– во периодот од 08.30 до 15.00 часот, корисниците од улицата Козле од бр.143 до бр. 157, општина Карпош;
– во периодот од 09.00 до 11.00 часот, дел од корисниците од улица Бистра, од улица Живко Фирфов до улица Гутенбергова, општина Кисела Вода;
– во периодот од 09.00 до 11.00 часот, дел од корисницитеод улица Гутенбергова, од улица Бистра до улица Волтерова, општина Кисела Вода;
– во периодот од 09.00 до 12.00 часот, дел од корисниците од улица Иван Цанкар (парни броеви), улица Франце Прешерн (непарни броеви) и улица Вангел Дину, општина Карпош;
– во периодот од 09.00 до 15.30 часот, дел од корисниците од улица Бриселска, општина Карпош;
– во периодот од 09.00 до 16.00 часот, дел од корисниците од улица Ѓорѓи Капчев, општина Аеродром.
Македонија
Муртезани во Брисел на форум за проширувањето

Министерот за европски прашања Орхан Муртезани денес ќе учествува на форум на високо ниво за проширувањето со наслов „Градење инклузивна иднина во проширена ЕУ: Улогата на социјалниот дијалог, граѓанското општество и вклученоста на младите“, кој ќе се одржи во Брисел, во организација на Европскиот економско-социјален комитет (ЕЕСК).
Муртезани ќе учествува на воведната сесија на форумот на ВИП-тркалезната маса заедно со претседателот на ЕЕСК, Оливер Ропке, министерката за европски прашања на Црна Гора, Мајда Горчевиќ, и државниот секретар за Европската Унија на Шпанија, Фернандо Сампедро.
Форумот има цел да ја истакне важноста на социјалниот дијалог и на ангажманот на граѓанските организации и младите во процесот на проширување на Европската Унија како основа за градење поправедно и посолидарно европско општество.