Од утре, граѓаните кои имаат над 60 години, здравствените работници и лицата со имунолошки болести, со потврда ќе можат да примат трета доза од производителот „Фајзер“ против коронавирус.

Ова го истакна министерот за здравство, Венко Филипче, кој денеска ја поддржа кампањата „Напред розово“.

„Граѓаните над 60 години согласно временскиот период после примената втора доза на вакцина ќе добијат порака да се вакцинираат. Нема да има посебен термин или пункт, туку тие ќе може да одат каде било најблиску до местото на живеење“, рече Филипче.

Во однос на скринингот во училиштата министерот истакна дека најверојатно ќе почне за две недели. Како што рече, целта е да се откријат евентуални асимптоматски носители на вирусот, знаејќи дека децата се најчестите асимптоматски преносители.

Демократската Унија за Интеграција (ДУИ), кампањата за претстојните локални избори ќе ја почне од Гостивар, истакна на денешната прес конференција, Крешник Бектеши.

„Кампањата за Локални избори 2021 година ќе почне во понеделник точно од Гостивар затоа што го слушнавме гласот на граѓаните на Гостивар кои бараат промена во општинската администрација и ослободување од кучињата скитници, казината, чадот од Русино, густиот сообраќај, недостатокот на паркинзи и од неспособноста на Таравари“, рече Бектеши и додаде дека во текот на кампањата во сите градови, општини, населени места ќе ги претставаат кандидатите за градоначалници и опшинските совети.

Тој посочи дека ДУИ ја завршува кампањата исто така во Гостивар.

Партијата повика на фер и демократска кампања.

ДУИ на локалните избори ќе настапи со 19 кандидати за градоначалници и 35 листи за советници. Петте завети на ДУИ за овој мандат се: зелена агенда, зигитална агенда, згенда за вклучување на граѓаните, згенда за отворени врати и агенда нулта толеранција.

„ВМРО-ДПМНЕ не престанува да конструира случаи за градоначалникот Петре Шилегов со што само го потврдува стравот од извесниот пораз на претстојните локални избори.

Може ВМРО-ДПМНЕ да пласира нецелосни и фабрикувани документи, да се обидува да врши притисок врз обвинителството но ниту тоа нема да ги спаси од седмиот изборен пораз по ред.

Граѓаните гледаат дека понудата на ВМРО-ДПМНЕ за овие избори е понуда на кадри на Груевски и лица осомничени и осудени за сторени кривични дела, дека тоа е понуда осудена на пораз, па затоа секојдневно шират лажни вести во обид да го ублажат поразот“.

Соопштение на СДСМ