Македонија
Први со работа ќе почнат едукативните институции и оние што работат со шалтерски систем
Ако трендот и во текот на утрешниот ден покажува намалување на бројот на новозаразени, како што беше во последните две недели, ќе биде препорачано отворање на институциите, но постепено, изјави министерот за здравство, Венко Филипче.
Тој рече дека први што би почнале да функционираат би биле оние што организираат едукации, курсеви, како и автошколите. Освен тоа, приоритет ќе бидат и сите оние што може да воспостават шалтерски систем на функционирање, односно таму каде што може да се дозволи воспоставувањето ред, физичка дистанца и носење маски. Во овој дел влегуваат и обложувачниците.
Во однос на спортовите, пак, министерот за здравство рече дека првин се размислува да се дозволат индивидуалните спортови.
„Сите овие предлози ќе се разгледуваат утре и ќе бидат предложени до Централниот штаб на Владата, па доколку бидат усвоени, ќе излеземе со повеќе детали“, рече Филипче.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
