Македонија
Првороденото бебе во Битола во 2019 е машко
Првороденото бебе во Битола во 2019 година е машко. Во Клиничката болница во Битола, во 00.40 часот, мајката Александра Максимовска од Велес, со спонтано породување на свет го донесе својот втор син, кој тежи 3.250 грама.
Во текот на претпладневните часови во битолската болница на свет дојдоа уште две машки деца. Второто бебе родено во битолската болница е од Кичево, кое мајката го донесе на свет со царски рез во 10.05 часот, а третото бебе е од Битола, исто така, породено со царски рез, во 11.10 часот.
„Вкупно имаме три живородени машки дечиња, значи ќе имаме јака година и се надевам многу успешна. Им порачувам на младите оваа година да им биде година во која ќе створат семејство и ќе го прошират истото, со донесување на свет на здрави новороденчиња“, рече раководителката на гинеколошкото одделение, д-р Елизабета Чипуровска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Утре променливо облачно со сончеви периоди
Времето утре ќе биде променливо облачно со сончеви периоди. Попладне ќе има услови за локална појава на нестабилност со пороен дожд и грмежи. Ќе дува слаб до умерен променлив ветер. Минималната температура ќе биде во интервал од 3 до 10, а максималната ќе достигне од 19 до 24 степени.
Во Скопје, променливо облачно со сончеви периоди. Попладне во делови од котлината ќе има услови за краткотраен пороен дожд и појава на ретки грмежи. Ќе дува слаб до умерен променлив ветер. Минималната температура ќе се спушти до 9, а максималната ќе достигне до 23 степени.
ВРЕМЕТО ВО НАРЕДНИТЕ ДЕНОВИ
Во следните денови ќе преовладува променливо облачно време со повремени локални врнежи од дожд. Во попладневните часови наместа ќе има услови за развој на нестабилна облачност со пороен дожд и грмежи. Во сабота се очекуваат поинтензивни процеси во форма на невреме со пообилен пороен дожд, грмежи и засилен ветер.
Македонија
Министерство за култура: Исплатени се средствата наменети за самостојните уметници за 2026 година
Министерството за култура и туризам информира дека се исплатени средствата наменети за самостојните уметници за 2026 година дека во текот на утрешниот ден ќе бидат достапни на нивните сметки.
Доцнењето, како што појаснуваат настанало поради дополнителни усогласувања и проверки во постапката на пресметка и координација со надлежните институции, со цел исплатата да биде реализирана во согласнот со важечките законски и финансиски прописи.
„Министерството за култура и туризам останува посветено на навремено и континуирано исполнување на обврските кон самостојните уметници, како и на унапредување на системските решенија за надминување на вакви ситуации во иднина“.
Македонија
Мицкоски вчера првпат му се јавил на државниот јавен обвинител: Савески за одлуката за мазутот дознал по нејзиното донесување
Државниот јавен обвинител Ненад Савески вчера првпат телефонски разговарал со премиерот Христијан Мицкоски.
Според информацијата од обвинителството, во разговорот не станало збор за детали од конкретни предмети, вклучително и за одлуката за запирање на истрагата за набавката на мазут за „ТЕЦ Неготино“.
„Јавниот обвинител на РСМ не може да спречи некого да му се јави телефонски. Вчера за првпат воопшто телефонски му се јави Претседателот на Владата на РСМ, но во разговорот во ниту еден момент не стана збор за детали од конкретен предмет, вклучително и за предметот за кој покажувате интерес. На прашање на Претседателот на Владата, во разговорот му беше кажано истото она што вчера беше јавно објавено од обвинителството во медиумите – дека предметот не е рефериран во републичкото обвинителство и дека државниот јавен обвинител за одлуката дозна по нејзиното донесување“, се истакнува во информацијата од обвинителството.
Од таму се додава дека предметниот јавен обвинител од ОЈОГОКК одлучува самостојно.
„Имено согласно чл.3 од Законот за јавното обвинителство, обвинителството се организира според принципите на хиерархија и субординација, но почитувањето на овие принципи не смее да ја загрози самостојноста и одговорноста на секој јавен обвинител во вршењето на функцијата“.
Во напишаното се додава дека уставно загарантираната самостојност на Јавното обвинителство се обврзани да ја почитуваат сите.
