Контакт

Македонија

Промовиран петтиот извештај од мониторингот на работата на Собранието

Објавено пред

Во рамките на проектот на „Вклучени граѓани за одговорно и транспарентно Собрание“ Граѓанската асоцијација МОСТ денес го објави петтиот извештај од набљудувањето на работата на Собранието на РМ кој содржи податоци за неговата работа во периодот 1 јануари 2018 – 31 март 2018 година.

Од анализата на обработените податоци, наодите за работата на Собранието, комисиите и пратениците ги пренесуваме интегрално.

Анализа на законодавните постапки и фреквенциите на изменување на законите

• Во периодот 1 јануари 2018 – 31 март 2018 година во Собранието во тек биле вкупно 172 постапки за донесување или изменување на закони. 59 закони се донесени, 107 закони се во процедура, а 6 се повлечени;
• Од донесените закони, 6 се нови, 43 се измени на постоечки закони, а 10 се ратификации;
• Процентот на донесени закони, предложени од пратеници (28,6%) продолжува да биде висок, за разлика од првиот извештај кога 93% од донесените закони беа предложени од владата;
• 18 закони се донесени по скратена постапка (36,7%), а 31 (63,3%) по редовна постапка; За првпат во текот на спроведувањето на проектот бројот на закони донесени по редовна постапка е поголем од бројот на закони донесени по скратена постапка.
• Најмногу закони (34) се донесени во јануари (71%);
• Во еден ден, на 30 јануари 2018, донесени се вкупно 16 закони, сите предложени од владата, што претставува 32,7% од вкупниот број донесени закони во набљудуваниот период; на 15 јануари 2018, донесени се вкупно 13 закони, сите во редовна постапка, од кои само 1 закон е на предлог на пратеници. Ова претставува 27,1% од донесените закони во набљудуваниот период;
• Во набљудуваниот период донесени се 2 закони за хармонизација со правото на ЕУ.

Анализа на работата на комисиите

• Во периодот 1 јануари 2018 – 31 март 2018 година седници одржале 15 од 21 комисија. Работата на комисите се анализира преку три категории: транспарентност, квалитет на записници и вклученост на засегнати страни;

• Транспарентност:
 8 од 15 комисии (Комисија за култура, Комисија за европски прашања, Комисија за надворешна политика, Комисија за земјоделство, шумарство и водостопанство, Комисија за образование, наука и спорт, Комисија за финансирање и буџет, Комисија за одбрана и безбедност и Комисија за економски прашања) имаат добиено над 50 индексни поени од можни 100; Ова претставува подобрување во однос на претходниот период на набљудување кога имаше само 3 вакви комисии;
 7 комисии ги имаат усвоено сите записници во набљудуваниот период;
 записниците од седниците на комисиите не се објавени на веб-страницата на Собранието;q
 во текот на набљудуваниот период одржани се 4 јавни расправи по предлог-закон и 1 јавна расправа на општа тема, а објавени се стенографски белешки од 4 расправи и извештаи од 2 расправи;
 Транспарентноста на работата на комисиите е на повисоко ниво за разлика од претходниот период на мониторинг.

• Квалитет на записниците:
 6 од 15 комисии кои се индексирани во категоријата квалитет на записници имаат добиено над 50 индексни поени, а 6 комисии имаат добиено помеѓу 30 и 50 индексни поени. И во овој сегмент има подобрување во однос на претходниот период на мониторинг кога имаше само 1 комисија со над 50 индексни поени и 3 комисии од 30 до 50 индексни поени;
 ниту една комисија не ги исполнила во целост пропишаните деловнички одредби за водење на записник од седниците, но квалитетот на записниците е на повисоко ниво во споредба со претходниот период на мониторинг;
 неунифицираниот начин на водење и недоволниот квалитет на записниците, како и на објавените извештаи не овозможуваат целосен увид во работата на комисиите.
 Законодавно-правната комисија и Комисијата за култура продолжија да имплементираат дел од препораките на МОСТ за водење на записниците.

• Вклученост на засегнати страни:
 во периодот на мониторинг одржани се 4 јавни расправи по предлог-закон и 1 јавна расправа на општа тема, од 5 различни комисии;
 во периодот на мониторинг не е одржана надзорна расправа;
 не е спроведена ниту една јавна дискусија, а само на 3 седници биле присутни експерти и граѓански организации како засегнати страни;
 покрај присуството на пратеници кои не се членови на комисиите, на седниците претежно доминираат претставници на извршната власт.

Анализа на работата на пратениците

• 94 закони биле предложени од вкупно 52 пратеници.
• Донесени биле 14 закони предложени од пратеници, и тоа 9 по предлог на вкупно 14 пратеници во овој период на мониторинг и 5 закони предложени во претходниот период на мониторинг;
• Во процедура се 86 закони поднесени од пратеници, и тоа 80 закони предложени од вкупно 50 пратеници и 6 закони предложени во претходниот период на мониторинг;
• Повлечени биле 5 закони предложени од пратеници;
• Во набљудуваниот период нема закони кои се недонесени/неприфатливи, а се предложени од пратеници.

Повеќе информации може да се најдат во целосниот извештај објавен на веб-страницата http://otvorenosobranie.mk.

Проектот „Вклучени граѓани за одговорно и транспарентно Собрание“ се спроведува од март 2016 година и предвидува објавување на периодични извештаи за Индексот на одговорност, транспарентност и продуктивност на Собранието. Овие редовни извештаи ја информираат јавноста, медиумите и граѓанските организации за работата на пратениците, и за начинот на кој Собранието ја извршува својата улога регулирана со Уставот на РМ.

Македонија

Еколошко греење во Основното училиште „Св. Кирил и Методиј“ во Битола

Објавено пред

Почетокот на второто полугодие во ОУ „Св. Кирил и Методиј“ го одбележа новиот еколошки систем на греење, кој веќе е поставен во училиштето, наместо досегашното греење со парен котел на дрва. Оваа инвестиција, во вредност од пет милиони денари, беше промовирана од страна на заменик-министерот за животна средина, Јани Макрадули, и градоначалничката Наташа Петровска, откако Општина Битола го посочи училиштето како проект во кој е потребно да се воведе ваков систем на греење.

„Ова е со еколошка инвестиција за чист воздух во ОУ ‘Кирил и Методиј’, каде се целосно се промени начинот на греење. Наместо огромната количина на дрва, односно околу 130 кубни метри во текот на една грејна сезона, која зафаќала половина школски двор, а тука е и пепелта која е штетна, но и чадот, од денес ќе имаме еколошки инвертори кои нема да загадуваат. Ова е добро и за децата и за околината, бидејќи емисиите од чад се ширеа и кон соседните згради и објекти“, рече Макрадули.

Прикажи повеќе...

Македонија

(Видео) Заев: Барам чист мандат за целосно да се посветиме на економијата

Објавено пред

Поништувањето на договорот од Преспа е ризик, затоа што се отвора нов проблем со соседна држава, ново вето и враќање на ретроградни процеси, истакна претседателот на СДСМ, Зоран Заев, во одговор на новинарско прашање при денешната посета на Сојузот на Стопански комори.

„Беше потребна храброст да се постигне тој договор со Грција, ама на крајот тоа беше и заради економија, заради подигање на економскиот стандард и зголемена соработка со Грција, но и светот и не случајно над 80 отсто од граѓаните се за ЕУ и НАТО, затоа што тоа носи економски придобивки за државата“, истакна Заев.

Осврнувајќи се на прашањето за темите во предизборието, Заев истакна дека тој ќе се осврне на економските теми и досега сработеното.

„Многу работи се исполнија во последниот период како долгогодишни стратешки определби на државата, кои даваат предвидливост и иднина на креирањето на плановите во секој сегмент на општеството, така и во најважниот – економијата. Јас барам чист мандат за целосно да се посветиме на економијата. Јас сум економист и доаѓам од реалниот сектор и среќен сум што за овие две и пол години од негативни ставки од минус 1,8 отсто ја подигнавме економијата на 3,6 отсто раст. Секако има простор за уште поголем раст, имаме квалитетни компании, имаме инвентивни бизнисмени, пример сме за многу позитивни нешта и секако тоа како потенцијал мора да го искористиме. Ќе се посветам на економијата за да има вистински економски натпревар помеѓу политички субјекти. Во следниот четиригодишен период две работи ќе бидат клучни: економија и целосна трансформација на општеството, трансформација која ќе биде во функција на економијата“, рече тој.

Во однос на прашањето за Законот за јавно обвинителство, Заев истакна дека очекува предлог од ВМРО-ДПМНЕ за да продолжат со работа работните групи на двете партии.

„Ред е големите политички партии да најдат решение за вакво сериозно прашање, особено сега кога предметите на СЈО се обезбедени. Ред е да направиме суштински, структурен европски закон за Јавно обвинителство. Разговарам и со други пратеници, има надеж, треба да се помине и низ материјата за унапредување на целиот материјал, за на рајот да веруваме дека може да се обезбеди потребното двотретинско мнозинство. Тоа е еден од законите кои остана последен од делот на реформите, односно реформите во правосудството и наша обврска е да го донесеме“, заклучи Заев.

Прикажи повеќе...

Македонија

Филипче: Продолжуваме да инвестираме во човечкиот капитал

Објавено пред

Министерот за здравство, Венко Филипче, и државниот секретар во ресорното министерство денеска беа во посета на Клиничката болница во Штип, каде што одржаа работна средба со раководството во здравствената установа и заеднички беше направена обиколка низ реновираното посебно одделение за кардиологија кое се пушти во употреба кон крајот на 2019 година.

„Чест ми е што во континуитет ги подобруваме и зајакнуваме условите во Клиничката болница во Штип. Одделението за кардиологија е комплетно реновирано и опремено, како со медицинска опрема, така и со кадар. Со набавената опрема и со вработувањето на 54 здравствени работници. Со договор на дело ангажирани се 179 лица. Платите на здравствените работници значително ги зголемивме. 40% на лекарите специјалисти, 25% на општите лекари, до 23% на медицинските сестри и 15% на здравствените соработници. Ќе продолжиме да вложуваме и во платите, затоа што медицинскиот персонал заслужува достоинствени услови за работа“, потенцираше министерот Филипче.

Новото одделение е сместено на последниот кат од болницата. Во оваа јавно-здравствена установа месечно се ставаат од 40 до 50 стентови и се вршат од 100 до 120 коронографии.

Прикажи повеќе...

Најново

Свет19 минути

Папата до учесниците на форумот во Давос: Луѓето, а не профитот, мора да бидат во центарот на политиката

Папата Франциско испрати писмена порака за да ги потсети делегатите на годинешниот Светски економски форум во Давос на моралната обврска...

Спорт1 час

(Видео) Словенците се близу до полуфинале на ЕП, Португалците го загубија чекорот

Ракометните репрезентативци на Словенија повторно им се вратија на победите на Европското ракометно првенство по слабата партија и поразот кој...

Регион3 часа

Брисел: Летот меѓу Белград и Приштина е чекор кон нормализација на односите

Воспоставувањето на комерцијален лет помеѓу Белград и Приштина е добар чекор кон нормализирање на односите, изјави денеска Питер Стано, портпарол...

Свет4 часа

Паника во светот поради новиот вирус, ригорозни контроли на аеродромите и железничките станици

Земјите во Азија и другите делови на светот почнаа со проверки на телесната температура на аеродромите, железничките станици и автопатиштата....

Македонија6 часа

(Видео) Ѓорчев: 10.000 граѓани лани се иселиле во Германија

Речиси 10.000 граѓани во 2019 година добиле работни визи и заминале во Германија, рече опозицискиот пратеник Владимир Ѓорчев, кој додаде...

Македонија7 часа

Димитров во Давос: Крајно време е да тргнеме напред

Крајно време е Северна Македонија да направи чекор напред на својот европски пат: отворање на заслужените пристапни преговори со ЕУ,...

Македонија7 часа

Дерковски: Избирачкиот список никогаш не може да биде идеално чист

Претседателот на Државната изборна комисија, Оливер Дерковски, се надева дека на престојните избори нема да има злоупотреба на лични карти...

Македонија8 часа

Османи до партиите: Донесете го Законот за Јавното обвинителство пред изборите

Вицепремиерот Бујар Османи смета дека законот за Јавно обвинителство, кој со месеци е заглавен во Собранието, треба да биде донесен...

Свет8 часа

(Видео) Грета во Давос: Ништо не направивме за климатските промени

Младата активистка за борба против климатските промени, Грета Тунберг, одржа говор на годишниот собир на Светскиот економски форум, кој се...

Свет10 часа

Маж од Австралија со симптоми на смртоносниот корона вирус ставен во карантин

Здравствените власти во Квинсленд потврдија дека во Австралија, најверојатно, се појавил првиот случај на зараза со новиот смртоносен корона вирус...

Свет10 часа

Почнува судењето за импичмент на Трамп, адвокатите повикаа веднаш да се ослободи претседателот

Во Сенатот на американскиот Конгрес почнува судскиот процес за импичмент на претседателот Доналд Трамп. Минатата недела Претставничкиот дом ги испрати...

Економија10 часа

Отворен 50. Светски економски форум во Давос

Педесетиот Светски економски форум во Давос беше отворен синоќа со концерт на Младинскиот оркестар на Европската унија, Симфонискиот оркестар од...

Регион11 час

Во БиХ секоја година умираат по 3 300 луѓе како последица на загадениот воздух

Во Босна и Херцеговина секоја година прерано умираат околу 3 300 луѓе како последица на изложеноста на воздух загаден со...

Забава13 часа

Автомобилите на Пол Вокер продадени на аукција за 2,33 милиона долари

Дваесет и едно возило во сопственост на трагично починатиот актер Пол Вокер, најпознат по улогата во популарната филмска франшиза „Брзи...

Македонија23 часа

Атиџе од „Медена земја“ добива работа во Општина Лозово и ќе сними две песни

Градоначалникот на општина Лозово, Ацо Велковски, објави дека Атиџе Муратова од филмот „Медена земја“ по турнеите ќе биде работно ангажирана...

Македонија1 ден

Царинска управа: Го подигнавме степенот на проверка на секаков отпад

Во контекст на актуелизирањето на увозот на отпад во земјава, посебно по случувањата во соседството, Царинската управа дополнително го подигнала...

Економија1 ден

Дизелот поевтинува

Од ноќеска на полноќ дизелот ќе поевтини 1,5 денар, а цената на бензините ќе остане иста, соопшти Регулаторната комисија за...

Македонија1 ден

Командир од Полициската станицата Гази Баба сексуално вознемирувал полицајки

Командир во полициската станица Гази Баба сексуално вознемирувал три колешки. Против него ќе биде поведена постапка за утврдување дисциплинска одговорност...

Македонија1 ден

(Видео) Горан Ангелов ќе биде сменет, ќе се истражува каков отпад бил согоруван на „Дрисла“

Утре ќе биде разрешен досегашниот директор на депонијата „Дрисла“, а на 29 јануари на седница на Советот ќе бидат избрани...

Свет1 ден

Во светот има 2.153 милијардери со богатство поголемо од 4,6 милијарди луѓе

Во светот има 2.153 милијардери со поголемо богатство од 4,6 милијарди луѓе, што претставува 60 проценти од светската популација, се...

Досие