Контакт

Македонија

(Видео) Протест против загадувањето: Власта повеќе троши за свои ќефови отколку за животната средина

Објавено пред

Патиме сите од загадениот воздух, а најмногу децата и повозрасните, 30 години нè трујат, некој профитира од тоа, порачаа учесниците на денешниот протест против загадувањето на воздухот, пред Инспекторатот на Град Скопје кој се одржува под мотото „Време е за чист воздух“ . Тие сметаат дека 1,5 милиони денари за екологија се малку и дека власта повеќе троши за свои ќефови отколку за животната средина.

На протестот учесниците носат транспаренти на кои пишува: „Удобноста на вашите газови вреди дупло повеќе од нашите живот – согласно со Буџет на РМ 2019“, „Ставете налепници на тешката индустрија“, „Четворица дневно умираат чекајќи чист воздух“…

„Власта да разбере дека треба итни мерки. Во најзагадените денови треба забрана за големата индустрија, два три месеци да се исклучат погоните и да се дислоцораат тие фабрики. Треба да има казни за индустриите без еко-стандарди, токсичниот отпад кај ‘Охис’ се разнесува со секој ветер и дожд, треба да се воведе забрана за градежни работи. 1,5 милион денари од Буџетот за екологија е срамно, повеќе пари трошат за службени патувања и ќефови за нив отколку за граѓаните. Во првите десет градови во светот сме по загаденост, луѓето треба да станат посвесни“, велат организаторите.

Од Левица обвинија дека парите во државниот Буџет предвидени за аерозагадувањето се премалку.

„Бараме пратениците во предлог-законот за локална самоуправа да го вратат членот за изгласување недоверба на градоначалникот. Повикување на правни пречки дека не може да се стопира градба и дека е скапо поништување на договор е потценување на интелектот на граѓаните. Мерењето на загаденоста на воздухот во ‘Дрисла’ било скапо, а тоа е колку нивниот мебел. Каде се нашите пари“, прашаа од Левица.

Од иницијативата „Го сакам  Водно“ рекоа дека градските и државните власти имаат празни ветувања без напредок во борбата против загадувањето.

„Водно е планина која го спречува загадувањето, таму бегаат граѓаните од загадениот воздух, ние 8 месеци наназад се бориме да се согледа проблемот. Водно треба да остане недопрено. Нека се симнат од сртот на Водно за почеток  и нека почнат да ги решаваат проблемите во градот“, порачаа од иницијативата.

На протестот преку звучници одекнуваа стари изјави и ветувања од предизборни кампањи на градоначалникот на Скопје, Петре Шилегов, вицепремиерката и министерка за одбрана Радмила Шекеринска и од премиерот Зоран Заев во кои ветуваат мерки против загадувањето.

Македонија

Русковска: Обвинителките засега нема да бидат изведени пред судија

Објавено пред

Шефицата на Обвинителството за организиран криминал, Вилма Русковска вели дека постоеле индиции оти Бојан Јовановски познат како Боки 13 се обидел да избега, па затоа бил задржан на граничниот премин Богородица. Таа потврди дека е одредена мерка притвор за Јовановски и Милевски во траење од 30 дена.

„Сведокот поднесе кривична пријава кај нас и е сослушан. Потоа беше повикан уште еднаш, за да ја дополни кривичната пријава. И други лица се сослушани во својство на сведоци“, рече Русковска, запрашана за својството на сведокот во постапката.

Русковска нагласи и дека Обвинителството има обезбедено снимки од разговорите меѓу осомничените и сведокот.

„Обележани пари немаме, но имаме обезбедено снимки од разговори, но и видео снимки. Вршени се претреси кај првоосмничениот дома и кај неговите родители, кај второосомничениот дома и од јавниот обвинител е одземен телефон. Извршен е претрес и во канцеларија која ја користел првоосомничениот“, додаде Русковска.

Телефонот од обвинителката Катица Јанева бил одземен за да се види комнукацијата меѓу неа и првоосомничениот Боки 13.

„Засега, обвинителките нема зошто да бидат изведени пред судија. Постапката е отворена за да се види кој се е инволвиран во целиот настан“, рече Русковска.

Русковска се надева во понатамошниот тек на истрагата, истата ќе се прошири.

„Пред судија на претходна постапка, осомничените се поризнесоа за мерката притвор, дали има основа за истата или нема. Одбраната ќе ја дадат во Јавното обвинителство кога ќе бидат повикани“.

Шефицата на Обвинителството за организиран криминал вели дека доколку осомничените имаат имот, за кој нема да можат да докажат како го стекнале, тој ќе биде одземен.

„Донесена е наредба за истрага. Се води и финансиска истрага. За цел имот што го поседува било кој од осомничените, а за кој нема да можат да го докажат потеклото, односно од каде им е, Обвинителството во обвинителен акт ќе бара одземање на тој имот. Но тоа е отом-потом“, рече Русковска.

Прикажи повеќе...

Македонија

„Зборувате лаги“, ѝ рече Боки 13 на обвинителката Русковска

Објавено пред

Додека обвинителката Вилма Русковска даваше изјава пред судот, по завршувањето на рочиштето, од зградата во придружба на полицијата беше изнесен Бојан Јовановски познат како Боки 13 кој доби 30 дневен притвор.

Тој поминувајќи и погледувајќи кон обвинителката рече „зборувате лаги“.

Русковска беше запрашана од новинарите, дали коментарот на Јовановски се однесува на неа, по што рече „Па не знам. Во моментот и вашата колешка зборуваше, може на неа се однесува“.

Јовановски попладнево беше уапсен на граничниот премин Богородица.

Тој е првоосомничен во најновата истрага на Јавното обвинителство за гонење на организиран криминал и корупција. Јовановски заедно со Зоран Милевски Кичеец е обвинет за примање награда за противзаконско влијание, како и за перење пари. Претходно судот му одреди 30 дена притвор и на Милевски.

Според предистрагата, во периодот од април 2018 до април 2019 година тие барале рекет од бизнисмен, за преку извесен јавен обвинител на кој не му беше соопштен идентитетот, да биде олеснета постапката што се води против него. Од бизнисменот биле барани 8 милиони евра, а добиле 1,5 милиони евра.

Прикажи повеќе...

Македонија

Притвор од 30 дена и за Боки 13

Објавено пред

Триесет дена притвор вечерва доби и првиот човек на 1ТВ и неформалниот директор на „БМЈ Медиа груп“, Бојан Јовановски, познат како Боки 13, откако со лисици на рацете во придружба на полицијата беше донесен на распит во Кривичниот суд. Тој попладнево беше уапсен на граничниот премин Богородица.

Јовановски е првоосомничен во најновата истрага на Јавното обвинителство за гонење на организиран криминал и корупција. Тој заедно со Зоран Милевски Кичеец е обвинет за примање награда за противзаконско влијание, како и за перење пари. Претходно судот му одреди 30 дена притвор и на Милевски.

Според предистрагата, во периодот од април 2018 до април 2019 година тие барале рекет од бизнисмен, за преку извесен јавен обвинител на кој не му беше соопштен идентитетот, да биде олеснета постапката што се води против него. Од бизнисменот биле барани 8 милиони евра, а добиле 1,5 милиони евра.

Прикажи повеќе...

Најново

Македонија4 часа

Русковска: Обвинителките засега нема да бидат изведени пред судија

Шефицата на Обвинителството за организиран криминал, Вилма Русковска вели дека постоеле индиции оти Бојан Јовановски познат како Боки 13 се...

Македонија5 часа

Притвор од 30 дена и за Боки 13

Триесет дена притвор вечерва доби и првиот човек на 1ТВ и неформалниот директор на „БМЈ Медиа груп“, Бојан Јовановски, познат...

Македонија6 часа

Притвор од 30 дена за бизнисменот Зоран Милевски

Судот вечерва му изрече 30 дена притвор на бизнисменот Зоран Милевски, познат како Зоки Кичеец, кој беше неколку часа на...

Македонија7 часа

Полицијата влезе и во домот на Катица Јанева

Полицијата вечерва влезе и во домот на специјалната обвинителка Катица Јанева, откако била издадена судска наредба за одземање на предмети....

Регион9 часа

Вучиќ по средбата со Макрон: Го молев да ни помогне за косовското прашање

Српскиот претседател Александар Вучиќ изјави дека не е сонувач ниту фантазер за да мисли дека францускиот претседател, Емануел Макрон, ќе...

Македонија11 час

Јовески поддржува ветинг по ослободителната пресуда за Латас

Првиот човек на Јавното обвинителство, Љубомир Јовески, рече дека го поддржува решението за ветинг или друга форма на проверка на...

Македонија12 часа

(Видео) Обвинителството со детали: Боки 13 и Милевски барале 8 милиони евра рекет од бизнисмен

Бојан Јовановски, познат како Боки 13, и Зоран Милевски, познат како Зоки Кичеец, се осомничени за примање награда за противзаконито...

Македонија14 часа

(Видео) Заев: Новите снимки за Нешкоски само потврдуваат како владеел Груевски

Новообјавените разговори за убиството на Мартин Нешкоски само потврдуваат како владеела претходната гарнитура и како се обиделе да скријат убиство,...

Македонија14 часа

Уапсен Боки 13

Попладнево е уапсен Бојан Јовановски – Боки 13. Неофицијално, апсењето е по барање на Обвинителството за организиран криминал. Тој попладнево...

Македонија15 часа

Шефицата на СЈО, Катица Јанева, поднесе оставка

Шефицата на специјалното јавно обвинителство, Катица Јанева, поднесе оставка. Таа објави дека нејзината оставка ќе стане активна тогаш кога политичките партии...

Македонија15 часа

(Видео) Заев повика на лидерска средба в петок

Премиерот Зоран Заев на прес-конференција повика на лидерска средба в петок во 14 часот во Клубот на пратениците. На средбата...

Сеад Кочан Трансмет, Труст, СЈО Сеад Кочан Трансмет, Труст, СЈО
Македонија16 часа

Кривичен го одби барањето на Кочан, в среда треба да се појави во затворот

Кривичниот суд во Скопје ја одби жалбата на Сеад Кочан за одложување на затворската казна од четири години и осум...

Економија17 часа

Поскапуваат горивата

Горивата од ноќеска на полноќ поскапуваат 1,5, односно 1 денар, соопшти Регулаторната комисија за енергетика. Малопродажните цени на бензините „евросупер...

Македонија19 часа

Када на дното на Охридското Езеро

Нуркачкиот клуб „Акватек“ објави фотографии на кои се гледа када на дното на Охридското Езеро помеѓу Срјшче и Мостот на...

Забава19 часа

На Гренланд откриени повеќе од 50 нови езера, досега се знаеше само за четири

Под мразот на Гренланд научниците откриле повеќе од 50 нови езера, а досега се знаело за само четири. Антарктикот под...

Свет19 часа

Трамп ги навреди обоените жени демократи во Конгресот

Претседателот на САД, Доналд Трамп, критикува група обоени демократски претставнички во Конгресот нарекувајќи ги предизвикувачи на нереди родени во странство...

Свет21 час

Нетанјаху им се закани на Либан и Хезболах: Ќе ве уништиме

Израелскиот премиер, Бенјамин Нетанјаху, се закани дека ќе ги уништи Либан и Хезболах ако ова либанско движење ги реализира сите...

Регион21 час

Макрон во посета на Србија

Францускиот претседател, Емануел Mакрон, денеска ќе пристигне во дводневна посета на Србија со намера да покаже дека Париз сè уште...

Спорт1 ден

(Видео) По триумфот во Вимблдон, Ѓоковиќ ексклузивно за Макфакс: Ја прифаќам поканата од премиерот да ја посетам Македонија

По епското финале во Вимблдон, во кое славеше старо-новиот шампион, Новак Ѓоковиќ на победничката прес-конференцијата одговори и на две прашања...

Европа1 ден

(Видео) Приведени повеќе од 150 лица по воената парада во Париз 

Вкупно 152 лица се приведени денеска во Париз, на маргините на воената парада која се одржа по повод националниот празник...

Досие