Контакт

Македонија

Путин, папата, кралицата Елизабета и други светски лидери со честитки по повод 8 Септември

Објавено пред

По повод 8 Септември, Денот на независноста, писма со честитки до претседателот Стево Пендаровски испратиле повеќе шефови на држави, меѓу кои и најмоќните светски лидери.

Од Кабинетот на претседателот на државата во соопштение до јавноста интегрално ја пренесуваат содржината на писмата.

Претседателот на Сојузна Република Германија, Франк Валтер-Штајнмаер, во писмото упатува срдечни честитки по повод 30-годишнината од нашата независност.

„Во последните 30 години Вашата земја се справи со голем број предизвици и притоа постигна многу. Примери за тоа се мирното решавање на конфликтот од 2001 година преку Охридскиот рамковен договор, историскиот преспански договор и членството во НАТО во последната година. Северна Македонија сѐ уште не е на целта. Германија и понатаму ќе се залага што е можно побргу да почнат пристапните преговори со Европската Унија. Притоа од големо значење се доследното продолжување на реформите во областа на владеењето на правото и доброто владеење, како и негата на добрососедските односи“, пишува во честитката од германскиот претседател.

Претседателот на Република Франција, Емануел Макрон, честитајќи го Денот на независноста, во честитката изразува воодушевување за патот што го поминавме по потпишувањето на Охридскиот рамковен договор пред дваесет години.

„Вашиот успех и успехот на вашата земја за помирувањето, за кое сведочи и преспанскиот договор, служи како пример во регионот и пошироко. Франција и Европската Унија остануваат на ваша страна за стабилноста и за просперитетот на Северна Македонија и на Западен Балкан. Ние ги поддржуваме сите иницијативи што се во таа насока, особено ‘Преспа форумот за дијалог’“, пишува францускиот претседател. Во честитката претседателот Макрон ја изразува својата целосна поддршка за европската перспектива на Северна Македонија. „Франција е решена дека преговорите за членство треба да почнат следните месеци и ќе продолжи да спроведува напори за да се изнајде решение за билатералните спорови. Франција ќе биде внимателна за преговарачката рамка, која ќе биде усвоена, да ја одразува новата методологија за процесот за членство, која јас ја посакував, и ќе продолжи да ги унапредува и да ги поддржува суштинските реформи за европското приближување на Северна Македонија, особено во клучните области, како што е владеењето на правото, кои се во сржта на европските вредности“, се вели во честитката од францускиот претседател.

Претседателот на Соединетите Американски Држави, Џо Бајден, во име на американскиот народ ѝ го честита Денот на независноста на Северна Македонија, при што нагласува дека одбележувајќи ја оваа пригода, исто така се одбележуваат 25-годишнината од дипломатските односи и силното пријателство меѓу двете нации.

„Со гордост ја поздравивме Северна Македонија како 30-ти сојузник на НАТО минатата година,ж признавајќи дека Вашата земја даде витален придонес за безбедноста и стабилноста на регионот долго пред таа да ѝ се приклучи на алијансата. Како што Вашата земја продолжува да напредува – зголемување на просперитетот за сите Ваши граѓани, подобрување на владеењето на правото, зајакнување на Вашите демократски институции – САД остануваат Ваши силни и непоколебливи поддржувачи. Со нетрпение очекуваме да соработуваме со Северна Македонија на патот на спроведувањето на реформите што ќе ја обезбедат европската иднина на Вашата земја, вклучително и пристапувањето во Европската Унија“, пишува во честитката од американскиот претседател.

Кралицата на Обединетото Кралство на Велика Британија и Северна Ирска, Елизабета II, ја упатила следната честитка: „Ми претставува особено задоволство да Ви го честитам државниот празник, Денот на независноста, со најискрени желби и честитки за среќа и просперитет на народот на Република Северна Македонија“.

Кралот на Холандија, Вилем Александер, во писмото упатува честитки и желби за благосостојба на граѓаните на Северна Македонија.

„Додека го одбележуваме овој повод, морам во исто време да го признам предизвикот без преседан што тековната пандемија на Ковид-19 го претставува за сите нас. Ви посакувам, на Вашата Влада и на Вашите граѓани, сила, храброст и здравје, а сите ние продолжуваме со напорите за надминување на оваа криза“, стои во честитката од холандскиот крал.

Претседателот на Руската Федерација, Владимир Путин, во честитката посакува добро здравје и успеси, а на сите граѓани благосостојба и просперитет.

„Убеден сум дека развојот на конструктивната соработка помеѓу Русија и Северна Македонија би им одговарал на темелните интереси на нашите народи, би придонесувал за зајакнување на стабилноста и безбедноста на европскиот континент“, се наведува во честитката од рускиот претседател.

Претседателот на Република Турција, Реџеп Таип Ердоган, во име на турскиот народ и во негово лично име најсрдечно ѝ го честита Денот на независноста на Република Северна Македонија со желби за благосостојба и просперитет.

„Уверен сум дека нашите пријателски односи, кои својата сила ја добиваат од нашите историски врски и заеднички вредности и цели, ќе се продлабочат и ќе се развијат на секое поле “, пишува во честитката од турскиот претседател.

Претседателот на Република Чешка, Милош Земан, во писмото упатува срдечни честитки и посакува многу успех и траен просперитет по повод Денот на независноста на нашата држава.

„Задоволство ми е да Ве уверам дека Чешка ќе продолжи да биде еден од најпосветените поддржувачи за пристапување на Северна Македонија во Европската Унија“, пишува во честитката од чешкиот претседател.

Претседателката на Република Словачка, Зузана Чапутова, честитајќи го државниот празник, во писмото изразува задоволство дека односите помеѓу Словачка и Република Северна Македонија се долгорочно добри и пријателски.

„Ве уверувам дека Република Словачка и понатаму ќе продолжи во силната поддршка на амбициите на Вашата земја да стане член на Европската Унија и реформските напори во тој правец“, се вели во честитката од словачката претседателка.

Претседателот на Романија, Клаус Јоханис, во честитката упатува желби за мир, просперитет и напредок.

„Би сакал да ја искористам оваа пригода да ја повторам активната и постојана поддршка што ја дава Романија на европскиот пат на Република Северна Македонија и ефективно отворање што е можно побргу на преговорите за пристапување во Европската Унија“, пишува во честитката од романскиот претседател.

Претседателката на Република Грција, Катерина Сакеларопулу, во писмото упатува искрени честитки и желби за напредок и просперитет на Република Северна Македонија.

„Би сакала да ја потврдам доследната поддршка на Грција на европскиот пат на Северна Македонија во согласност, се разбира, со сите правила и принципи што го регулираат пристапувањето на секоја нова членка во Европската Унија“, се вели во честитката од грчката претседателка.

Претседателот на Република Бугарија, Румен Радевта, во писмото упатува најискрени честитки по повод 30-годишнината од независноста на Република Северна Македонија.

„Патот напред, без секакво сомнение, продолжува да бара категорична волја, отвореност, прагматизам, решителност и храброст, насочени кон развојот на билатералната соработка, како влог во подобра и безбедна заедничка европска иднина на граѓаните на Република Бугарија и Република Северна Македонија“, стои во честитката од бугарскиот претседател.

Претседателот на Република Србија, Александар Вучиќ, во писмото со честитки истакнува дека пријателските билатерални односи во актуелните предизвикувачки времиња покажуваат висок степен на солидарност и веродостојност.

„Уверен сум дека пријателските односи на Република Србија и Република Северна Македонија, втемелени на меѓусебно разбирање, ќе продолжат да се зајакнуваат во периодот што е пред нас“, пишува во честитката од српскиот претседател.

Претседателката на Република Косово, Вјоса Османи, упатувајќи честитки за Денот на независноста, посакува просперитет, здравје и среќа.

„Република Северна Македонија не е само наш сосед, туку и вистински пријател на нашата млада република. Ние сме посветени за натамошно зајакнување на односите меѓу нашите држави“, се вели во честитката од косовската претседателка.

Претседателот на Украина, Володимир Зеленским во телефонски разговор со претседателот Пендаровски упатил најсрдечни честитки по повод Денот на независноста и желби за напредок и просперитет на граѓаните на Северна Македонија.

Претседателот на Швајцарската конфедерација, Ги Пармелан, во честитката упатил желби за мирна и просперитетна иднина на граѓаните на Република Северна Македонија.

„Основани на доверба, долгогодишните и добри односи меѓу нашите две земји може да ни помогнат заедно да се справиме со големите глобални предизвици“, наведува во честитката претседателот на Швајцарската конфедерација.

Претседателот на Ирска, Мајкл Хигинс, упатил искрени честитки по повод нашиот национален ден.

„Нека претстојното време донесе мир, благосостојба и среќа за граѓаните во Република Северна Македонија“, стои во писмото од ирскиот претседател.

Претседателот на Република Естонија, Керсти Калјулаид, во честитката изразува надеж дека соработката меѓу двете земји ќе биде дополнително зајакната во областите од заеднички интерес.

„Ние остануваме цврсти поддржувачи на европските аспирации на Северна Македонија“, пишува во честитката од естонскиот претседател.

Генералниот гувернер на Австралија, Дејвид Хурли, во честитката упатува желби за натамошен просперитет и развој.

„Го изразувам моето уверување дека пријателските односи меѓу нашите две држави ќе продолжат да просперираат во годината што следува“, стои во честитката од генералниот гувернер на Австралија.

Претседателот на Република Ерменија, Армен Саркисијан, во писмото, упатувајќи честитки за Денот на независноста, им посакува добро здравје, успех и благосостојба на граѓаните на Северна Македонија.

„Ерменија придава значење на понатамошното унапредување на односите со Северна Македонија како на билатералните така и на мултилатералните платформи“, наведува во честитката ерменскиот претседател.

По повод 8 Септември, Денот на независноста, честитки до претседателот Пендаровски испратиле и поглаварот на Римокатоличката црква, папата Франциско, кралот на Шведска, Карл XVI Густаф, кралот на Саудиска Арабија, Салман бин Абдулазиз ал-Сауд, султанот на Оман, Хајтам Бин Тарик, претседателот на Египет, Абдел Фатах сл-Сиси, и претседателот на Шри Ланка, Готобаја Раџапакса.

Македонија

ВМРО-ДПМНЕ на избори оди со слоганот „Создади нова иднина“, кампањата ќе ја почне во Охрид

Објавено пред

ВМРО-ДПМНЕ кои на претстојните локални избори ќе настапат со слоганот „Создади нова иднина“, кампањата ќе ја почнат утре со митинг во Охрид.

Поддршката од граѓаните ќе ја побараат од Античкиот театар во 18 часот.

Во вторник ќе продолжат во Вевчани, Дебрца, Струга, Ресен.

Изборната кампања за првиот круг, ВМРО-ДПМНЕ ќе ја заврши во Штип, на 15 октомври.

Во прилог, целата агенда.

Прикажи повеќе...

Македонија

Македонец дивеел со „ауди“ на автопат во Србија, возел 250 километри на час

Објавено пред

Српските сообраќајци сопреле и исклучиле од сообраќај македонски државјанин на автопатот Ниш-Белград, кој возел со брзина од 252 киломери на час.

Станува збор за 32-годишник, а како што јавуваат српските медиуми, на патот било дозволено движење од најмногу 130 километри на час.

Против возачот ќе биде поднесена прекршочна пријава.

Прикажи повеќе...

Македонија

Се преврте чамец во Козјак, се трага по маж кој потонал во езерото

Објавено пред

Педесет и петгодишен маж (Б.Л.) потона во водите на езерото Козјак, откако се превртел чамецот на кој ловел риба.

Несреќата се случила вчера околу 17 часот, информираат од полицијата.

Мажот бил во друштво на уште едно лице (А.Д.) кое го пријавило случајот.

„А.Д. останал на чамецот и дошол до брегот, а Б.Л. пливал, но на околу 30 метри пред брегот потонал во водите на езерото“, велат од МВР.

Во координација со Јавен обвинител се преземаат мерки за пронаоѓање на рибарот и за расчистување на случајот.

Фото: Илустрација

Прикажи повеќе...

Најново

Свет43 минути

Проекции: Социјалдемократите со мало водство пред конзервативците на изборите во Германија

Според проекциите на две германски телевизии, Социјалдемократската партија на Германија (СПД) на денешните парламентарни избори освои околу еден процент повеќе...

Топ5 часа

Пронајден починат лекар во Психијатриската болница „Скопје“

Дежурен лекар во Психијатриската болница „Скопје“ бил пронајден починат синоќа по полноќ на работното место. Како што соопшти МВР, здравствениот...

Регион6 часа

Борел: Ја следиме ситуацијата на северот на Косово, провокациите се неприфатливи

Високиот претставник на ЕУ, Жозеп Борел рече дека внимателно се следи ситуацијата на северот на Косово и им кажа на...

Македонија7 часа

Регистрирани 336 нови случаи на коронавирус, починаа 17 лица

Во последните 24 часа направени се 3.425 тестирања, а регистрирани се 336 нови случаи на Ковид-19: Скопје – 169, Велес...

Македонија10 часа

ВМРО-ДПМНЕ тврди дека Шилегов исплаќал милионски суми на наместени тендери

Опозициската ВМРО-ДПМНЕ, на прес-конференција обвини дека градоначалникот на Град Скопје, Петре Шилегов исплаќал милионски суми на наместени тендери, а случајот го...

Македонија10 часа

(Видео) Заев се попиша: „Конечно ќе добиеме релевантни податоци за креирање на реални политики“

Претседателот на Владата, Зоран Заев, заедно со своето семејство во својот дом во Струмица, ја исполни граѓанската должност и законска...

Европа13 часа

Германија бира наследник на Меркел

Околу 60,4 милиони Германци денеска на федералните избори, имаат можност да одлучат за идниот состав на парламентот, и индиректно за...

Македонија13 часа

Од утре изборна кампања

Од утре стартува изборната кампања за Локалните избори што се закажани на 17 октомври. Кампањата ќе заврши на 15 октомври...

Македонија1 ден

Регистрирани 392 нови случаи на коронавирус, починаа 20 лица

Во последните 24 часа направени се 4.633 тестирања, а регистрирани се 392 нови случаи на Ковид-19: Скопје – 180, Куманово...

Македонија1 ден

Заев за виенски „Стандард“: ЕУ треба да го забрза процесот на донесување одлуки

„Понекогаш членките на ЕУ ја забораваат причината зошто работиме заедно, а тоа е затоа што сме заемно корисни. ЕУ е...

Европа1 ден

(Видео) Ерупцијата на вулканот на шпанскиот остров влезе во најинтензивната фаза

Реки лава течеа низ вулканот на шпанскиот остров Ла Палма ноќта помеѓу петокот и саботата, поради што локалниот аеродром беше...

Регион1 ден

Татко си ги задавил трите деца во Загреб, oставил писмо на „Фејсбук“

Три малолетни деца биле задавени од страна на нивниот татко во стан во Загреб, во населбата Млинови. Полицијата на местото...

Европа2 дена

Кој ќе ја наследи Меркел: Изборите се неизвесни, постизборните сојузи се уште понеизвесни

Околу 60,4 милиони Германци в недела, 26 септември на федералните избори, имаат можност да одлучат за идниот состав на парламентот,...

Македонија2 дена

Заклучен избирачкиот список, кампањата почнува в понеделник

Државната изборна комисија го заклучи избирачкиот список, со што од понеделник почнува кампањата за локалните избори закажани на 17 октомври....

Македонија2 дена

Досега се попишани околу 1,4 милион граѓани, пописот ќе заврши во четврток

Заклучно до вчера до 12 часот попишани се вкупно 1.395.000 граѓани, над 435.000 домаќинства и над 600.000 станови, а се...

Македонија2 дена

Нови 525 случаи на коронавирус, починаа 12 лица

Во последните 24 часа во Македонија се потврдени 525 нови случаи на коронавирус, 449 оздравеа, а 12 лица починаа, информира...

Македонија2 дена

Осумдесет oтсто од хоспитализираните со Ковид-19 се невакцинирани

Министерството за здравство ја објави анализата на вакцинирани од позитивни случаи на Ковид-19 во периодот од 6 август заклучно со...

Македонија2 дена

Еврејската заедница во Македонија смета дека со бришењето на терминот „бугарски“ се искривува историската вистина

Eврејската верска заедница и Фондот на холокаустот на Евреите од Македонија велат дека не се согласуваат со намерата за бришење...

Европа2 дена

Норвешка од утре ги укинува сите ковид-мерки

Норвешка ќе ги укине сите рестриктивни мерки воведени поради пандемијата на коронавирус, објави владата. „Поминаа 561 ден откако ги воведовме...

Европа2 дена

„Епл“ реагира на одлуката дека во ЕУ ќе мора да има универзален полнач за сите мобилни телефони

Европската Унија денеска објави дека ќе нареди воведување на универзални полначи за мобилните телефони. Овој потег го налути „Епл“, кој...

Досие