Контакт

Македонија

Рашковски реагира за мекиците што ги делеше младината на ВМРО-ДПМНЕ

Објавено пред

Ексгенералниот секретар на Владата, Драги Рашковски, реагира на акцијата на УМС ВМРО -ДПМНЕ, кои денеска делеа мекици на минувачи, со цел, како што рекоа, да му помогнат бидејќи „сега кога повеќе не е на функција и кога повеќе не дели мекици за своите деца, неговите приходи се сигурно намалени“.

dobivaj vesti na viber

Рашковски од името на своето семејство иронично им се заблагодари за грижата во однос на нивната финансиска состојба по неговото заминување од Владата и им порача да се занимаваат со други теми, како што се сообраќајните незгоди или новите технологии.

„Навистина сте се потрудиле да бидете забавни и со високо ниво на сатиричност со спроведувањето на вашата акција, но додека вие си играте со мојот и со угледот на мојата фамилија и за времетраењето на вашата акција, на неколку метри од вашиот перформанс, во тој период својот живот во сообраќајни незгоди го изгубија две лица. Додека вие правите перформанси за забава, нашата земја, за жал, сѐ уште сме на врвот на листата по број на жртви од сообраќајни незгоди. Наместо млади и прогресивни луѓе, како што се претставувате, да се занимавате со нови технологии што треба да нѐ направат европска држава и да ни го олеснат секојдневието, вие подлегнувате на ниски страсти и недостоинствена политика од која никој нема никаква корист“, вели Рашковски.

Во реакција тој ги повика младите од ВМРО-ДПМНЕ да присуствуваат на секое судење за лично да се уверат дека во неговото работење нема ниту едно криминално дејство, ниту еден денар, пари на граѓаните, не се злоупотребени ниту, пак, е прекршена каква било процедура при јавните набавки.

„Јас нема да ви сугерирам од каде потекнува мојот и имотот на моето семејство, кој е плод на 20 години работен ангажман, за кои средства може слободно да проверите дека секоја година уредно се пријавувани како до УЈП така и до ДКСК, туку доколку ги следите судењата, самите сакам да заклучите дека целокупниот имот е стекнат на легален начин. Од вас како прогресивни сили очекувам да поддржите проекти што спасуваат животи независно од политичката определеност на учесниците во сообраќајот“, порача Рашковски.

На акцијата со мекиците претходеше вчерашната изјава на Драги Рашковски, кој по судското рочиште, рече дека не постои промена во неговата имотна состојба, освен во подароците што ги добивале неговите деца по повод родендени, крштевки, мекици.

Македонија

Грковска: На Законот за заштита на укажувачи не треба да се гледа само како на алатка во борбата против корупцијата

Објавено пред

Вицепремиерката задолжена за политики за добро владеење Славица Грковска, денеска се обрати на конференцијата на тема „Пет години од имплементацијата на Законот за укажувачи“, организирана од „Транспаренси Интернешнл Македонија“. Грковска во својот говор се осврна на значењето на Законот во борбата против корупцијата, но и на улогата што укажувачите ја имаат при зајакнување на демократските капацитети на општеството.

dobivaj vesti na viber

„На Законот за заштита на укажувачи не треба да се гледа само како на алатка во борбата против корупцијата, туку и како механизам кој ќе ја зајакне демократијата, владеење на правото, конкурентноста и општеството во целина. Пет години од имплементација на Законот е вистински период во кој може да се воочат сите предности, но истовремено и сите слабости. И една ваква работилница е одлична можност низ отворена дискусија, од личните искуства, да се најден начин како овој Закон подобро да се имплементира. Укажувачите се чувари на јавното добро, тие се важен елемент во заштитата од сите форми на злоупотреби. Да потсетам дека благодарение на две лица со интегритет, професионалци во својата област кои буквално го ставија својот живот на коцка, успеавме да ја откриеме најголемата злоупотреба на системот и најголемото непочитување на човековите права и злоупотреба на приватноста“, порача Грковска.

Грковска ја истакна и важноста од подигнување на свеста за јавното добро и општественo одговорно кај секој поединец во општеството.

„Ние за жал, во трката што ја носи модерното време, како да го изгубивме чувството дека треба да се грижиме за општественото добро. Тоа што се случува во изминатите години, во одредени области е за поздравување, меѓутоа мислам дека има уште многу простор за работа за да ги воспоставиме принципите за тоа што значи добро владеење, што значи општествена одговорност и како сите ние како граѓани треба да се однесуваме“.

Заедно со вицепремиерката Грковска на конференцијата се обратија и министерот за внатрешни работи Оливер Спасовски, претседателката на ДКСК Билјана Ивановска, Народниот правобранител Насер Зибери, а модератор и домаќин на конференцијата беше Слаѓана Тасева, претседателка на „Транспаренси Интернешнл Македонија“.

Прикажи повеќе...

Македонија

Пендаровски: Опасноста од нови војни повторно тропа на европска врата

Објавено пред

По повод предадените апликации на Финска и Шведска за членство во НАТО, претседателот Стево Пендаровски ја даде следнава изјава:

dobivaj vesti na viber

„Денешното истовремено предавање на официјалните писма за барање за прием во најмоќната воена алијанса е испишување на уште една страница од историските промени во сојузништвото. Искрено ја поздравувам и поддржувам кандидатурата на овие значајни земји за просперитетот и безбедноста на Европа. За жал, фактот дека земји со традиционална воена неутралност со огромно мнозинство одлучуваат да ја променат, зборува дека опасноста од нови војни повторно тропа на европска врата. Со цел сеопшто посакуваниот траен мир да прерасне во реалност, проширувањето на алијансата е добра вест.

Ја поздравувам оваа одлука и упатувам поддршка за брз прием на земјите кои несомнено ќе дадат придонес во колективната безбедност. Тоа е одлука на суверени земји кои имаат право на сопствени одлуки, особено кога се работи за добросостојбата на нивните граѓани. Северна Македонија, како најнова земја членка на најмоќниот воено-политички сојуз, има чест да ја продолжи политиката на отворени врати со нашите партнери, Финска и Шведска, особено имајќи го предвид политичкиот, безбедносниот и географскиот контекст.

Со полноправното членство на Шведска и Финска, НАТО ќе се зајакне особено во неговото источно крило, од каде и доаѓаат најголемите предизвици, што е случај со руската воена агресија на Украина.

Дополнително, одличните билатерални односи со овие две пријателски земји ќе добијат на уште посилен интензитет преку идното сојузништво, со кое се зацврстува и партнерската соработка во сферите на заеднички интерес, вклучително и нивната принципиелна поддршка за уште едно сојузништво во рамките на Европа“ , изјави претседателот Пендаровски.

Прикажи повеќе...

Македонија

Милошоски: Во најкус рок седница за тешките повреди на Етичкиот кодекс од страна на Џафери

Објавено пред

Денес пратеничката група на ВМРО-ДПМНЕ и Коалицијата „За обнова на Македонија“ поднесе барање до пратеникот Панчо Минов, претседател на комисијата за деловнички прашања и прашања од етичкиот кодекс, да закаже во најкус можен рок седница на којашто ќе се расправа за тешките повреди на етичкиот кодекс од страна на пратеникот и претседател на Собранието Талат Џафери, коишто беа направени на 11 мај годинава, информира Антонијо Милошоски, пратеник на Пратеничката група на ВМРО-ДПМНЕ.

dobivaj vesti na viber

„Ние сите бевме сведоци, целата јавност ги виде тие тешки повреди и слушна, бидејќи тоа беше пренесувано во живо на радиодифузниот сервис на МРТВ и сите ги имаме и тие снимки и затоа во прилог доставивме и снимка до господинот Панчо Минов за да има материјали врз основа на коишто ќе може да работи оваа комисија. Тоа што сакам да го истакнам е дека најмалку четири пратеници од нашата пратеничка група биле сведоци на овој немил настан, биле внатре во самата просторија каде што на еден вулгарен и недоличен начин претседателот Џафери ги понижувал и им вршел притисок на вработени во службата во Собранието и истите тие пратеници ќе бидат расположени да посведочат кога ќе закаже господинот Минов ваква комисија за оваа тешка повреда на Етичкиот кодекс“, рече Милошоски.

Потсети дека Талат Џафери лично на 11 јуни 2018 година го има потпишано Етичкиот кодекс за однесувањето на пратениците во Собранието, каде што, како што појасни во член 14, е предвидено како тешка повреда на кодексот доколку некој пратеник врши притисок или недостоинствено се однесува кон вработени во Собранието.

„Ако ова важи за сите пратеници, треба да важи и за првиот меѓу еднаквите, затоа што Етичкиот кодекс не би имал смисла ако не важи за пратениците од владејачкото мнозинство. Апелирам, особено до пратеничките од понежниот пол, од владејачката коалиција да се придружат на оваа иницијатива, да се расправа на седницата за прекршување на Етичкиот кодекс и да се донесе одредена санкција затоа што навредите, омаловажувањата и вулгарностите беа родово базирани на стереотипите на коишто очигледно сè уште во својот софтвер ги има Талат Џафери иако е претседател на Собранието“, наведе Милошоски.

Изрази надеж дека пратеникот Панчо Минов нема да одолговлекува и дека ќе ја закаже седницата во најкус можен рок за да можат како што рече со аргументи да донесат и санкција за спикерот Талат Џафери.

Прикажи повеќе...

Најново

Европа2 минути

Руски војник призна дека убил цивил, му се заканува доживотен затвор

Рускиот војник на кој му се суди за воени злосторства во Украина се изјасни за виновен за убиство на невооружен...

Регион26 минути

„Блиц“: Објавена фотографија од маицата пронајдена на телото во Дунав, иста таква имал и Периш

Тело на засега непознат млад маж е пронајдено утрово во Дунав кај Ада Хуја во Белград, јави српската агенција „Танјуг“,...

Економија1 час

Бензините поскапуваат за два и пол денари, цената на дизелот останува иста

Регулаторната комисија за енергетика и водни услуги на Република Северна Македонија донесе одлука со која се врши зголемување на малопродажните...

Македонија3 часа

ЕУ е во заложништво, Македонија има шанса која нема да постои во наредните години, Османи со критики до Бугарија

„Во заложништво е најуспешната политика на Европската Унија, а тоа е политиката на проширување“. Ова е ставот на министерот за...

Економија3 часа

Ковачевски-Брнабиќ: Силната регионалната соработка е основа за забрзан економски развој

Претседателот на Владата на Република Северна Македонија, Димитар Ковачевски, денеска оствари средба со премиерката на Република Србија, Ана Брнабиќ. Премиерот...

Европа4 часа

Русија: Во „Азовстал“ се предадоа околу 1.000 украински борци, меѓу нив и припадници на „Азов“

Речиси 1.000 украински борци скриени во фабриката за челик „Азовстал“ во Мариупол се предале, соопшти руското Министерство за одбрана. Руското...

Европа5 часа

Експерти: Северна Кореја без вакцина против коронавирус е на работ на катастрофа

Бројот на луѓе кои страдаат од Ковид-19 во Северна Кореја се искачи на речиси 1,5 милиони, а експертите велат дека...

Економија6 часа

Путин: Отфрлањето на руската нафта – економско самоубиство за ЕУ

Со отфрлањето на руските енергетски извори, Европската Унија претставува економско самоуништување за ЕУ, изјави денеска претседателот на Руската Федерација, Владимир...

Македонија6 часа

ВМРО-ДПМНЕ: Пациентите болни од одредени видови рак оставени без терапија, власта не набавила медикаменти

Пациентите болни од одредени видови рак оставени без терапија, власта не набавила медикаменти. 90 пациенти со колоректален, оваријален и цервикален...

Свет6 часа

Столтенберг: Финска и Шведска официјално аплицираа за членство во НАТО

Финска и Шведска денеска официјално го доставија своето барање за влез во НАТО, изјави генералниот секретар на Алијансата, Јенс Столтенберг....

Европа6 часа

Медведев: Нема да дозволиме трета светска војна, но ќе одговориме на нападот

Русија нема да дозволи избувнување на Третата светска војна, но може да одговори веднаш и „супер силно“ во случај да...

Европа6 часа

Карл Нехамер: За Австрија членството во НАТО не доаѓа предвид

Канцеларот на Австрија, Карл Нехамер, рече дека членството во НАТО не доаѓа предвид за неговата земја, додавајќи дека земјата била,...

Европа6 часа

Зеленски го отвори 75. Кански филмски фестивал

Украинскиот претседател Володимир Зеленски се обрати на отворањето на 75. Кански филмски фестивал, велејќи дека „ни треба нов Чарли Чаплин...

Македонија18 часа

Од септември 15 проценти повисоки плати во образованието, договориле МОН и СОНК

Министерот за образование и наука, Јетон Шаќири, информира дека со СОНК ги прифатиле предлозите на медијаторот во однос на сите...

Македонија21 час

Поглаварите на МПЦ и на СПЦ задутре на заедничка литургија во Белград

Српската православна црква на својата веб-страница официјално објави дека на 19 мај, во соборниот храм „Свети Сава“ во Белград, српскиот...

Европа23 часа

Путин: „Случувањата во Украина се резултат на лошата политика на Западот“

Рускиот претседател Владимир Путин денеска изјави дека последните настани во Украина се поврзани со лошо дизајнираната политика на Западот. „Сѐ што...

Европа24 часа

Финскиот парламент го одобри предлогот за влез во НАТО

Финскиот парламент денеска го одобри предлогот за аплицирање за членство во НАТО, изјави претседателот на Парламентот, Мати Ванханен. За предлогот...

Македонија1 ден

Пендаровски ја поздрави одлуката на Шведска да поднесе барање за членство во НАТО

Претседателот Стево Пендаровски денеска ја прими шведската амбасадорка Кристин Форсгрен Бенгтсон која го информираше за одлуката на Кралството Шведска да...

Топ1 ден

Родители ја продале малолетната ќерка на Белгиец за да може сексуално да ја искористува

Одделот за сузбивање организиран и сериозен криминал при Секторот за криминалистички истраги разреши случај за сторено кривично дело трговија со...

Македонија1 ден

Спасовски: Во 2015 протестиравме против насилство и криминал, а ВМРО-ДПМНЕ не знае против што ќе протестира

Министерот за внатрешни работи во објава на својот фејсбук-профил се потсети на годишнината од протестите на 17 мај 2015 година....