Македонија
Регионалната соработка и европската перспектива главни точки на Конференцијата на КОСАП во Охрид

Комисијата за европски прашања на Собранието денеска во Охрид беше домаќин на 18-та Конференција на парламентарните комисии за европски прашања на земјите опфатени во процесот на стабилизација и Асоцијација на Југоисточна Европа или скратено КОСАП.
На Конференцијата учествуваа членовите на парламентарните комисии за европски интеграции/прашања од Албанија, Босна и Херцеговина, Северна Македонија и Црна Гора,како и членовите на комисиите за европски интеграции на Големото национално собрание на Република Турција и на Парламентот на Косово, кои присуствуваа на Конференцијата како набљудувачи.
Конференцијата ја отвори претседателот на Комисијата за европски прашања, Арбер Адеми, истакна дека регионалната соработка е важна во насока на развивање на политички, економски и културни релации, што секако ќе придонесе за унапредување на состојбите во нашите држави.
Притоа, се истакна дека Регионалниот заеднички пазар претставува катализатор за подлабока регионална економска интеграција како отскочна даска кон единствениот пазар на ЕУ.
Учесниците ја потенцираа важноста на продолжување и забрзување на процесот на проширување на ЕУ со земјите од регионот, при што се укажа дека Унијата треба да ги има во предвид различните геополитички и геостратешки интереси, кои се испреплетени на Балканот и пошироко.
Во тој контекст, заедничка беше заложбата на присутните, Северна Македонија и Албанија што поскоро да ги започнат преговорите со ЕУ, Србија и Црна Гора да ги продолжат преговорите, Босна и Херцеговина да добие кандидатски статус, а Косово да добие визна либерализација.
Исто така, се истакна дека регионот нема друга алтернатива, освен зачленување во Европската унија и дека ЕУ треба да го зачува соодветното внимание и комуникација кон процесот на интеграција на земјите од Западен Балкан во ЕУ.
Во врска со новиот инструмент ИПА 3, се нагласи дека новина е што средствата нема да се рапределуваат по клуч за секоја земја од Западен Балкан и Турција туку земјите преку натпревар ќе ги добиваат средствата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Утре без струја повеќе делови на Скопје

Од ЕВН Македонија информираат дека утре без електрична енергија ќе останат:
во периодот од 08.30 до 09.30 часот, корисниците од ул. Иван Манолев. ( општина Бутел )
во периодот од 08.30 до 15.30 часот, корисниците од ул. Ордан Чопела од бр.110 до бр.140, како и дел од корисниците од ул. Јајце. ( општина Чаир )
во периодот од 09.00 до 11.30 часот, корисниците од ул. Струшка. ( општина Карпош )
во периодот од 09.00 до 14.00 часот, корисниците од ул.21 во Сопиште ( општина Сопиште ) како и корисниците од ул. Шидска бр.10, бр.12 – влезови 2, 3 и 4, и бр.42. ( општина Ѓорче Петров )
во периодот од 10.00 до 14.00 часот, корисниците од
ул. Румена Хаџи Панзова. ( општина Кисела Вода )
во периодот од 13.30до 16.00 часот, корисниците од место викано Осојница во Сопиште. ( општина Сопиште )
Македонија
Сончево и топло време со температури до 36 степени

Времето денес ќе биде сончево и топло, попладне со мала до умерена локална облачност. Ќе дува слаб до умерен ветер претежно од северен правец. Минималната температура ќе биде во интервал од 11 до 20, а максималната ќе достигне од 29 до 36 степени. УВ=9
Во Скопје сончево и топло со слаб до умерен ветер од северен правец, попладне со мала локална облачност. Минималната температура ќе се спушти до 18, а максималната ќе достигне 35 степени.
Продолжува периодот на многу топло време. Во попладневните и вечерните часови ќе има развој на нестабилна облачност со пороен дожд и грмежи, а локално ќе има услови за појава на краткотрајно невреме.
Македонија
Мицкоски: Власта веднаш да престане да преговара за македонскиот идентитет, јазик и историја

Власта да престане со преговори за македонскиот идентитет, јазик историја, да се вратат од Софија и да кажат дека преговори ќе продолжат само кога ќе има услови да се сочува нашето достоинство, изјави претседателот на ВМРО-ДПМНЕ, Христијан Мицкоски, одговарајќи на новинарско прашање при посетата на општина Ѓорче Петров.
Мицкоски истакна дека очекува од власта веднаш да престане да ги распродава македонските државни и национални интереси.
– Јас очекувам да престанат да ги распродаваат македонскиот идентитет, култура, наследство, историја, тоа очекувам од овие ако можам така да ги наречам македонски официјални лица, тоа очекувам. Веднаш да престанат, да се вратат од Софија и да кажат дека работата не бива, престануваме во овој момент, кога ќе се создадат услови тогаш ќе продолжиме, во овој момент очигледно не постојат услови со кои што можеме да го сочуваме нашето достоинство. Ете тоа очекувам, потенцираше Мицкоски.