Контакт

Македонија

Регистрирани 284 нови случаи на Ковид 19, починати 21

Објавено пред

Денеска се регистрирани 284 нови случаи на Ковид-19, а починати се 21, известуваaт од Министерството за здравство.

Од таму додаваaт дека во согласност со податоците од Институтот за јавно здравје, во последните 24 часа се направени 1.258 тестирања, а регистрирани се 284 нови случаи на Ковид-19.

Во Скопје се регистрирани 152 пациенти, Кавадарци – 29, Прилеп – 21, Кочани – 17, Штип – 10, Неготино – 7, Куманово и Охрид по 6 пациенти.

Во Тетово и Гевгелија регистрирани се по 5, Демир Капија – 4, Гостивар и Струмица по 3, Велес, Струга, Свети Николе и Берово по 2, Кичево, Крива Паланка, Дебар, Делчево, Пробиштип, Виница, Валандово и Кратово по 1 пациент.

Регистрирани се 449 оздравени пациенти, и тоа од: Скопје –192, Прилеп –38, Кавадарци –36, Куманово –20, Штип –17, Струмица –16, Велес и Богданци по 15, Гевгелија, Гостивар и Битола по 14, Крива Паланка –13, Неготино и Тетово по 11, Кочани –6, Свети Николе –4, Кратово –3, Делчево и Крушево по 2, Кичево, Пробиштип, Виница, Валандово, Ресен и Дојран по 1 пациент.

Пријавени се вкупно 21 починато лице на возраст од 52 до 93 години, и тоа: 8 пациенти од Скопје, од Прилеп и Охрид по 2 починати лица и по едно починато лице од Куманово, Тетово, Штип, Струмица, Струга, Кочани, Неготино, Гевгелија и од Пробиштип. Сите пациенти се починати во болнички услови, известуваат до МЗ.

Направени се 1.258 теста преку: ИЈЗ – 273, ЦЈЗ Скопје – 54, „Авицена“ – 0, „Биотек“ – 185, „Жан Митрев“ („Филип Втори“) – 179, „Систина“ – 244, лабораторија „Лаор“ – 0, Судска медицина – 0, ЦЈЗ Битола – 0, Клиника за инфективни болести и фебрилни состојби – 2, „Синлаб“ – 0, „Ремедика“ – 0, лабораторија во болницата во Козле – 0, ЈЗУ и ПЗУ (рапид-тест) – вкупно 321, УК Пулмологија со алергологија – 0, ГОБ „8 Септември“ – 0.

Досега во земјата се направени вкупно 567.441 тестирања на Ковид-19.

Вкупната бројка на ковид-дијагностицирани лица во нашата земја од почетокот на епидемијата изнесува 112.930, бројката на оздравени пациенти е 98.133, на починати е 3.340, а бројот на активни случаи изнесува 11.457.

Според епидемиолошки анализи, во моментот, дистрибуцијата по градови е следна:

Скопје 49.925, активни 5.646
Прилеп 6.122, активни 804
Куманово 5.989, активни 395
Тетово 5.795, активни 364
Гостивар 4.073, активни 290
Кавадарци 3.872, активни 607
Штип 3.829, активни 179
Велес 3.757, активни 313
Битола 3.710, активни 292
Охрид 3.583, активни 469
Струмица 2.921, активни 211
Струга 2.520, активни 175
Кочани 1.971, активни 140
Кичево 1.827, активни 53
Неготино 1.597, активни 384
Гевгелија 1.492, активни 300
Свети Николе 1.149, активни 40
Крива Паланка 962, активни 119
Ресен 887, активни 92
Дебар 805, активни 18
Радовиш 780, активни 39
Делчево 764, активни 46
Берово 707, активни 62
Пробиштип 589 43
Виница 539, активни 22
Валандово 409, активни 38
Крушево 373, активни 109
Богданци 345, активни 66
Кратово 301, активни 24
Демир Хисар 300, активни 40
Демир Капија 286, активни 53
Македонски Брод 260, активни 8
Пехчево 196, активни 9
Македонска Каменица 194, активни 2
Дојран 101, активни 5

Македонија

Царовска: Ако до вчера дискутиравме за штетни договори сега дискутираме само за квалитет на учебниците

Објавено пред

Министеркта за образование и наука, Мила Царовска, потенцира дека квалитетот во учебниците и модернизацијата во образованието се во фокусот на министерството и според неа многу важно е да се направи исчекор во процесот на дигитализација.

„Ако до вчера на тема учебници дискутиравме за криминал, корупција и штетни договори, јас сум среќна што денеска дискутираме исклучиво за квалитетот на учебниците. Новиот Закон за учебници ќе обезбеди квалитетни материјали за учење, а воедно нуди и комбиниран модел на примена на печатени и електронски учебници, согласно потребите и можностите на учениците и семејствата. Секој ќе може да одбере на кој начин да учи“, рече Царовска.

„Медиумите детално објавуваа текстови и слики на неквалитетни учебници кои ги уништуваа нашите деца, а низ кои поминаа генерации и генерации кои денес сигурно чувствуваат недостиг поради лошиот квалитет на учебниците. Сега, со овој закон за учебници за првпат поставуваме филтри што треба да обезбедат квалитет преку комисии составени од наставници по соодветниот предмет, универзитетски професори и претставници на граѓанскиот сектор кои имаат искуство повеќе од 10 години за превенција од дискриминација и почитување на човекови права“, истакна таа, додавајќи дека ова се прави со цел оние учебници во кои има дискриминација врз основа на етничка припадност, дискриминација врз жените, уништување на граѓанскиот концепт во државата или претставување на власта како доминантна и моќна, а граѓаните како ситни, да станат минато.

„Формата е една работа, а што има внатре во еден учебник е друга работа и тоа наставниците најдобро го знаат. Затоа дебатата ја водиме со нив како најстручни. Секако дека ќе има дилеми што е подобро, а што е полошо, но важно е да направиме исчекор кон процесот на дигитализација и модернизација на образованието“, рече Царовска.

Министерката појасни дека законот нуди комбиниран модел на примена на електронски и печатени учебници согласно позитивните практики во земји како Хрватска, Словенија и Естонија и дека истиот ќе се воведува сукцесивно. Учениците од прво до трето одделение и натаму ќе добиваат учебници во хартиена форма, додека во новата учебна година само учениците од четврто одделение покрај можноста за хартиени, ќе добијат и дигитална верзија на учебниците. Дополнително, како што посочи министерката сите учебници ќе бидат понудени и во аудиоформат, додека за учениците со оштетен вид ќе бидат печатени на Брајово писмо.

„Дигиталниот учебник не е учебникот што до вчера го имавме со милијарда факти внатре, па само е ставен во електронска форма. Напротив. Концептот на учење е таму да има примери, насочување кон истражувања, а да ученикот може да ги потврди фактите коишто треба нужно да ги знае. Секој од родителите којшто смета дека нема да може неговото дете да учи електронски, ќе може да си го испечати учебникот и нема да има никаков проблем“, рече Царовска додавајќи дека е значајно што со новото законско решение, различните потреби на учениците ќе бидат пресретнати со различен тип на учебници.

Министерката информираше и дека подготовките за примена на новите наставни програми за прво одделение се започнати пред извесно време во соработка со локалните самоуправи и училиштата.

„Веднаш откако се донесе наставната програма за прво одделение, сите училишта беа известени што е потребно за започнување на наставата наредна година и до 15 јуни треба да ги имаат обезбедено ресурсите потребни за секоја училница. Учебниците се печатени и треба да им бидат доставени. За 4-то одделение штом ќе биде подготвена програмата, училиштата повторно ќе бидат известени што е потребно да имаат за реализација, но и да дадат информација каде е потребно да имаме засилување за обезбедување дигитални уреди, за што огромна поддршка и досега е добиена од реалниот сектор“, рече министерката.

Прикажи повеќе...

Македонија

970 пациенти се лекуваат на инфективните одделенија во земјава

Објавено пред

Во изминатите 24 часа во ковид-центрите во болниците низ земјава е пријавено дека се лекуваат вкупно 970 пациенти позитивни и суспектни на коронавирусот.

Министерството за здравство на дневна основа известува дека во болницата во Битола се хоспитализирани 134 пациенти позитивни и суспектни на Ковид-19. Во болницата во Штип се хоспитализирани 93 пациенти.

На инфективното одделение во Тетово има 39 пациенти, во Велес се лекуваат 96 болни, а во Куманово 100 пациенти позитивни и суспектни на Ковид-19.

Во ковид-центарот во Охрид има хоспитализирано 100 пациенти, во Прилеп 107 во ковид-центарот во Гостивар 45, а во Струга 21 болен.

Во болницата во Струмица хоспитализирани се 93 пациенти, во Кочани 23 во Кичево 31, Кавадарци 64, а во Гевгелија 24 лица позитивни и суспектни на коронавирусот.

Вкупната бројка на пациенти позитивни и суспектни на коронавирусот кои се лекуваат на инфективните оддели во главниот град и во болниците низ земјава е 1667 и има околу 360 празни болнички кревети во ковид-центрите, известува Министерството.

Во тек на денот се прават и исписи на оздравени пациенти со што ќе се ослободат дополнителни легла, велат од таму.

Додаваат дека сите одделенија на клиничките болници располагаат со болнички места до кои има довод на кислород и дека ресорното министерството има увид во состојбата со капацитети и доколку има потреба одделенијата ќе бидат дополнително проширени.

Прикажи повеќе...

Македонија

Србија ја резервирала втората доза од „Астразенека“ за вакцинираните Македонци, ако е потребно може да ги отстапи

Објавено пред

Македонските граѓани и понатаму може да се вакцинираат во Србија доколку се пријават преку системот е – управа оти проблемот со коронавирусот не може да го реши една земја и колку подобро им е на соседите толку подобро ќе биде и за нас, рече денес српскиот министер за здравство Златибор Лончар, по средбата со нашиот министер за здравство Венко Филипче.

Министерот Лончар извести дека досега во Србија против коронавирус се вакцинирале нешто помалку од 15.000 Македонци кои втората доза, исто така ќе можат да ја примат во Србија.

„За граѓаните вакцинирани кај нас најмалку што можеме да направиме е другата доза да ја примат на истите места каде што ја примиле првата. Таа им е резервирана. Имаме евиденција на граѓаните ако е полесно можеме да се договориме тие вакцини да ги отстапиме и вие да организирате вакцинирање. Има уште околу 12 недели, се тоа е работа која може да се договори“, рече министерот Лончар.

Најголем дел од вакцинираните македонски граѓани во Србија ја добија вакцината од „Астразенека“ која кај нас е забранета за лица под 60 години.

Министерот Лончар најави дека вакцинирањето на македонските компании во договор со српските здравствени власти ќе продолжи и во следниот период.

Прикажи повеќе...

Најново

Македонија49 минути

Србите ќе бидат ослободени од плаќање патарини во Македонија поради благодарност за вакцините

Српските граѓани ќе бидат ослободени од плаќање на патарините во Македонија, во знак на благодарност поради донираните вакцини. Ослободувањето ќе...

Економија1 час

Почнува аплицирањето за финансиска поддршка од државата за исплата на плати

Работодавачите и самостојните вршители на дејност ќе можат од денеска до 30 април да аплицираат за мерката од петтиот пакет...

Свет2 часа

Научникот кој ги поврза „Астразенека“ и згрутчувањето на крвта добивал пари од „Фајзер“

Норвешкиот научник кој ја открил врската помеѓу згрутчувањето на крвта и вакцината „Астразенека“ добивал пет години пари од конкурентската компанија...

Македонија3 часа

Вработени во Агенцијата за вработување нелегално издале пријави за работа на над 80 странци

Единицата за економски и компјутерски криминал при СВР Скопје поднесе кривична пријава против Н.М.(48) од Скопје и В.З.(60) од Скопје,...

Македонија3 часа

Османи во разговор со Кулеба: Даваме недвосмислена поддршка на територијалниот интегритет на Украина

Mинистерот за надворешни работи Бујар Османи, по повод 26-годишнината од воспоставувањето на дипломатски односи меѓу Македонија и Украина, оствари телефонски...

Македонија4 часа

Приватните специјализанти бараат здравствено осигурување и покачување на платата

Решавање на проблемот со здравственото осигурување на приватните специјализанти, покачување на платите, како и платени дежурства, се дел од барањата...

Европа4 часа

Чешка нема да набави „спутник В“ и го исфрла рускиот „Росатом“ од тендерот за нуклеарна централа

Чешката влада објави дека го исклучува рускиот „Росатом“ од тендерот за нуклеарна централа вредна повеќе милијарди евра и се откажа...

Свет5 часа

Научници за носењето маски на отворено: Престојот надвор е многу побезбеден

Пандемијата предизвика позната глетка во многу градови низ светот – луѓе кои шетаат, возат велосипед или седат во парк со...

Македонија7 часа

Македонија во мај добива 119.000 дози, ЕУ ќе испрати 651.000 вакцини за регионот

Австрија потврди дека ЕУ планира да дистрибуира 651.000 дози вакцини на „Фајзер“ и „Бионтек“ против коронавирус во шест земји од...

Македонија18 часа

Стигнаа 10.530 дози од „Фајзер“, од среда ќе бидат распределени на пунктовите за вакцинација

Попладнево стигна првата пратка од вакцините на „Фајзер“, која властите ја обезбедиjа cо директни преговори со овој производител, информираат од...

Европа19 часа

Прага бара руската амбасада да го ослободи објектот, на таа локација ќе се прави парк

Властите во Прага бараат руската амбасада во Чешка да го напушти просторот што моментно го зафаќа на површина од пет...

Македонија19 часа

Груевски: Тие си знаат чиј имот замрзнале, но мој сигурно не е

Денес дознав дека деновиве ОЈО објавило дека замрзнале наводен мој имот, односно земјиште и два помали стана што ги бев...

Европа22 часа

Политичките лидери за Суперлигата: Богатите не може да ја присвојат убавината на фудбалот

Дванаесет големи европски фудбалски клубови синоќа објавија дека ќе стартуваат нова Суперлига, затворено натпреварување, во кое ќе играат само најсилните...

Македонија22 часа

35 починати и 135 нови случаи на Ковид-19

Oд Министерството за здравство информираат дека во последните 24 часа се направени 841 тестирањe, а регистрирани се 135 нови случаи...

Македонија23 часа

Рестриктивните мерки продолжуваат и во наредните седум дена, препорача Комисијата за заразни болести

Главниот кризен координативен штаб на денешната седница ги разгледуваше предлозите пристигнати од Комисијата за заразни болести и врз основа на...

Македонија1 ден

Џафери тврди дека ги консултирал институциите – заразените пратеници гласале според дополнителен протокол

Претседателот на Собранието, Талат Џафери, на денешната прес-конференција рече дека бил приморан да се потпре на дополнетиот протокол со кој...

Економија1 ден

Угостителите утре излегуваат на протест, бараат спас за секторот

Туристичко-угостителскиот сектор се наоѓа во исклучително тешка положба, а за негов спас е потребна сериозна и континуирана финансиска помош каква...

Македонија1 ден

Филипче: Состојбата со новозаразени е стабилна, бројот на пациенти намален

Министерот за здравство, Венко Филипче, информираше дека имал состанок со директорите на клиниките и на ковид-центрите на кој била направена...

Македонија1 ден

Границата со Грција останува затворена за македонските граѓани, Србите можат да патуваат преку Бугарија

Грчките граници остануваат затворени за влез на државјани на трети земји, меѓу кои и Северна Македонија. За нив, владата во...

Регион1 ден

Словенија ги ублажува мерките, до 100 луѓе ќе можат да се соберат на едно место

Словенија полека ги олеснува мерките, па од денес е во сила одлуката на владата дека можат да се соберат до...

Досие