Најладно утрово било на Попова Шапка кадешто се измерени -4 степени, -1 било во Лазарополе, 0 степени се измерени во Маврови Анови, Крушево, Претор, 1 во Битола и Берово, 2 во Охрид, Крива Паланка, Струмица, 3 во Куманово и Прилеп, 4 во Тетово и Гевгелија, 5 во Виница и Дебар, 6 во Скопје-Зајчев Рид, Скопје-Петровец, Кавадарци, Штип, Демир Капија и 7 во Велес.

Висината на снежната покривка во седум часот изнесувала 44 сантиметри на Попова Шапка, 30 во Маврови Анови и 8 во Крушево.

ВРЕМЕТО ВО ТЕКОТ НА НОЌТА И ИЗУТРИНАВА

Променливо облачно и претежно тивко, освен на повисоките места каде дуваше слаб ветер од променлив правец. Утрово наместа има ниска облачност, а во Пелагонија појава на магла.

ВРЕМЕТО ДЕНЕСКА

Променливо облачно со сончеви периоди. Претпладне по одделни котлини ќе има појава на магла и ниска облачност. Ќе дува слаб ветер од променлив правец. Максималната температура ќе достигне од 6 до 14 степени.

Во Скопје променливо облачно и тивко. Максималната температура ќе достигне до 10 степени.

Сообраќајот на државните патишта се одвива непречено во зимски услови, по наместа влажни коловози. Намалена видливост до 50 метри поради појава на магла има на планиските премини Ѓавато и Страцин.

Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Од ЕВН Македонија АД известуваат дека без електрична енергија ќе останат:

· во периодот од 07.00 до 16.00 часот, дел од корисниците од с.Сопиште, околина кај маркет Давидов, дел од Теферич, према Сопиште.(општина Сопиште)

· во периодот од 08.50 до 16.00 часот, корисниците од с.Мирковци, с.Горно Оризари, с.Глуво, с.Бразда. ( општина Чучер Сандево )

· во периодот од 08.00 до 12.00 часот, дел од корисниците од Радишани (Радишански пат лево).( општина Бутел)

· во периодот од 08.30 до 13.30 часот, полициска станица ,,Бит Пазар, корисниците на ул. Војдан Чернодрински, ул. Алберт Станиќ, дел од ул. Исмаил Кадире, ОУ Јашар Бег- Скупи. (општина Чаир)

· во периодот од 09.00 до 13.45 часот, корисниците од

ул.4 с.Горно Соње.(општина Сопиште)

· во периодот од 11.00 до 16.00 часот, дел од корисниците од ул.Леринска.(општина Карпош)

· во периодот од 10.00 до 14.30 часот, дел од корисниците од ул. 81, 87 во с. Волково. (општина Ѓорче Петров)