Контакт

Македонија

(Видео) Мас најави силна поддршка од Германија за Македонија

Објавено пред

Силна поддршка и лобирање кај Франција, Холандија и кај другите земји членки на ЕУ за одредување датум за почеток на преговорите за Македонија, најави шефот на германската дипломатија, Хајко Мас, на средбата со македонскиот министер за надворешни работи, Никола Димитров.

„Апсолутно сме подготвени да помогнеме. Денеска телефонски разговарав со мојот холандски колега, а следната недела ќе се одржат германско-француски владини консултации. Но, ние и досега имавме разговори со француските колеги. Знаеме дека таму има задршки“, изјави Мас.

Германскиот министер порача дека добивањето датум не мора да оди во пакет со Албанија за која има далеку поголеми задршки не само во Париз туку и во Берлин.

„Македонија не може да биде колатерална штета доколку во ЕУ нема подготвеност да ѝ се даде датум за почеток на преговорите на Албанија“, истакна Мас.

Димитров ѝ изрази благодарност на Германија за поддршката порачувајќи дека тоа е земја во која Македонија гледа столб на Европа, базирана на принципи, каде што владеат меѓународното право и правилата.

„Македонија живее историски денови, недели и месеци. На добар пат сме да затвориме еден спор, кој беше како камен и ни го отежнуваше прогресот и нè заклучи во чекалницата каде што поминавме доста многу години. Македонија е земја кандидат за членство во ЕУ од 2005 год. Оваа година добивме 9-та препорака од Европската комисија дека сме спремни да започнеме (н.з. со преговорите). Ова чекање создаде и кризи, меѓутоа, како што велат, ‘никогаш не пропуштај добра криза’, научивме и добри лекции“, изјави Димитров.

Димитров изрази увереност дека граѓаните мора да добијат шанса да се изјаснат за компромисот на референдум и рече дека е уверен оти тие ќе го направат вистинскиот избор.

За време на посетата Димитров се сретна и со државниот министер за Европа, Михаел Рот, советникот за надворешна политика на германската канцеларка, Јан Хекер, и пратеникот и претседател на пратеничката група за ЈИЕ, Јосип Јуратовиќ.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

ВМРО-ДПМНЕ: Заев е цунами кое создава економски и политички пустош

Објавено пред

Од

Зоран Заев продолжува со дрските и груби манипулации. Тој е новиот Барон Михаузен кој мисли дека со лаги и измислици ќе може да ја дефокусира јавноста од капитулантското дело. Иако јавно ветуваше дека нема да дозволи промена на Уставот, не само што прифати негова промена, туку и самиот грчки премиер Ципрас изјавува дека македонска националност не се признава со договорот. Тоа значи дека со договорот се задира и менува идентитетот на македонскиот народ, се вели во реакцијата на ВМРО-ДПМНЕ.

Според партијата, Зоран Заев не го демантираше ниту грчкиот министер за надворешни работи Коѕијас кој кажа „не дадовме ништо за да добиеме нешто во замена”. Ова значи дека со договорот се прифатени сите грчки барања. „Заев денес призна дека ќе се смени и името на сите државни институции, министерства, државни органи, МАНУ, личните карти, пасошите. Зоран Заев е националната катастрофа за Република Македонија, цунами кое создава економски и политички пустош“, велат од партијата.

Тие додаваат дека резултатите на работата на оваа влада се викаа 0 отсто раст, додека сите економии во Европа одат напред. Граѓаните живеат осиромашени со огромни средства кои владата ги зема преку зголемената акциза на горива. Од џебот на граѓаните директно во буџетот на владата која има потпросечно ниски инвестиции поради што нема економски развој.

„Со Заев Македонија има најголем јавен и државен долг во својата историја и тоа е потврдено. Заев во изминатата година покажа дека оваа влада не сработи ништо, и веќе е докажано дека нема да биде подобро, ниту за граѓаните ниту за државата. Затоа Зоран Заев мора да падне, за да Македонија оди напред и Македонија да победи“, се додава во соопштението.

Прикажи повеќе...

Македонија

(Видео) Спасовски во Брисел: Бегалски кампови во Македонија нема да има

Објавено пред

Од

Министерот за внатрешни работи Оливер Спасовски денеска во Брисел имаше работен состанок со комесарот за миграции, внатрешни работи и државјанство, Димитрис Аврамопулос, комесарот за безбедносна унија, Џулијан Кинг и министрите за внатрешни работи на Западен Балкан.

Состанокот даде можност за дискусија за заедничките предизвици и соработката помеѓу Европската Унија и Западен Балкан во областа на миграцијата, безбедноста, граничното управување и визната политика. Посебно се осврнавме на најновите случувања во врска со илегалната миграција во регионот и оперативните мерки за нивно решавање, се вели во заедничкото соопштение на комесарот за миграции, внатрешни работи и државјанство на ЕУ, Димитрис Аврамопулос, комесарот за безбедносна унија, Џулијан Кинг, министрите за внатрешни работи на Западен Балкан и на сегашното и идните претседателства на Советот на Европската Унија по денешниот работен состанок во Брисел.

„Надоврзувајќи се на приоритетите на Стратегијата за Западен Балкан, разговаравме и за тековната работа во областа на миграцијата, безбедноста, граничното управување и визната политика, во контекст на претстојниот министерски состанок за внатрешни работи на ЕУ и Западен Балкан кој ќе се одржи на 4 и 5 октомври во Тирана. Се согласивме дека обезбедување ефективно гранично управување, борбата против криумчарењето и заедничките напори за спречување на илегалните миграциски текови остануваат врвни приоритети и за ЕУ ​​и за Западен Балкан. Партнерите од Западен Балкан, исто така, се заложија за продолжување на заедничките напори во решавањето на феноменот на странските терористички борци, спречување на насилен екстремизам и радикализација и засилување на борбата против недозволената трговија со огнено оружје“, се наведува во заедничкото соопштение до медиумите.

Според Спасовски, европскиот комесар задолжен за миграција, Димитрис Аврамопулос, истакнал дека на овој состанок не се разгледувала идеајата за отворање на бегалски кампови во земјите од регионот. „Македонија е одлучно спротиставена на ваквата идеја“, изјави Спасовски.

Прикажи повеќе...

Македонија

Делегација на ПССЕ на средба со Дескоска за реформите во судството

Објавено пред

Од

Министерката за правда Рената Дескоска оствари средба со делегацијата на Парламентарното Собрание на Советот на Европа за постмониторинг дијалогот со земјава, предводена од ко-известувачите Лиза Кристоферсен и Валериу Гилечи. На средбата се дискутираше за реформските приоритети на Владата и Министерството за правда – реформите во судството, како и за унапредувањето на човековите права, демократијата и владеење на правото.

„Реформите што ги спроведуваме во Министерството за правда, се реформи за бенефитот на граѓаните. Добрата законска основа е гаранција за независноста и непристрастноста на судството“, рече Дескоска. Таа порача дека сите решенија и реформи ќе бидат предмет на широка јавна дебата, која ќе биде спроведена во консултација со компетентни лица од областа на судството и обвинителството, експертската јавност, Венецијанската комисија, граѓанскиот сектор и политичките партии, додавајќи дека таа посакува долгорочни решенија за доброто на граѓаните и државата за што очекува консензус и политичка волја во Собранието.

Дескоска истакна дека очекува поддршка во спроведувањето на реформите, а претставниците на Парламентарното собрание на Советот на Европа ја изразија својата поддршка за евро-интеграциските процеси на Република Македонија и спроведувањето на реформите во делот на правосудството. Дескоска и ко-известувачите Кристоферсен и Гилечи од ПССЕ дискутираа околу измените во Законот за судови, Кривичниот законик, како и за измените во Изборниот законик.

Прикажи повеќе...

Најново

Македонија5 часа

(Видео) Архитектите не сакаат да проектираат болница за 12 денари по квадрат, Филипче ги повикува на дискусија

Тендерот што го распиша Министерството за здравство на кој се бара идејно решение за нова градска болница на местото на...

Македонија6 часа

(Видео) Димитров: Сите ја сакаме татковината и сакаме да го зачуваме идентитетот

Предлог-законот за ратификација на договорот за решавање на спорот за името e пред Комисијата за европски прашања, каде што расправата...

Македонија8 часа

Жителите на Тимјаник го намалиле отпорот за отворање мал групен дом во нивното село

Месното население во Тимјаник, една недела подоцна откако предизвика голем револт кај јавноста бидејќи протестира против отворањето мал групен дом...

Македонија10 часа

(Видео) ВМРО-ДПМНЕ денес не се враќа на седница

Пратеничката група на ВМРО-ДПМНЕ денеска нема да учествува во работата на Собранието заради, како што велат, кршење на Уставот и...

Македонија10 часа

(Видео) Делегација на демонстрантите бара средба со лидерот на ВМРО-ДПМНЕ

Демонстрантите, кои во пресрет на седницата за ратификација на договорот за решавање на спорот за името, започнаа протест пред Собранието...

Македонија11 час

(Видео) Демонстрантите ги повикаа Мицкоски и пратениците да излезат од Собранието и да им се придружат

Помала група демонстранти се собраа пред зградата на парламентот поради закажаната седница, на чиј дневен ред е предлог-законот за ратификација...

Македонија11 час

Собранието по скратена постапка ќе го ратификува договорот со Грција

Oд 109 гласа, со 69 „за“ и 40 „против“ Собранието ја усвои потребата договорот со Грција да биде ратификуван по...

Македонија11 час

(Видео) „Предавник“, извикуваат пратениците од ВМРО-ДПМНЕ до Димитров

Министерот за надворешни работи, Никола Димитров, во собраниската сала пред пратениците образложи зошто договорот со Грција треба да биде донесен...

Македонија11 час

(Видео) Демонстрантите пред Собранието бараат оставка од Владата, а не ратификација на договорот за името

Помала група граѓани денеска повторно излегоа на протест пред Собранието на РМ поради закажаната седница, на чиј дневен ред е...

Македонија13 часа

Со почеток на расправата за договорот со Грција, почнуваат и протести пред Собранието

Договорот за промена на името, со кој се решава спорот меѓу Македонија и Грција, денес ќе биде ставен во процедура...

Македонија1 ден

(Видео) Солза Грчева: Народот е доведен до ѕид од една предавничка тајфа

Нашиот глас ќе стигне до секој. Синоќа се случи нешто што неверував дека во мојата земја ќе биде.30 шок бомби...

Македонија1 ден

(Видео) Демонстрантите со порака до Владата да се откаже од договорот со Грција

На протестите пред Собранието на Република Македонија, кои продолжуваат веќе петти ден, демонстрантите порачаа дека македонскиот народ не го заслужил...

Македонија1 ден

Протест пред Собранието на Република Македонија

Петти ден по ред, пред Собранието на Република Македонија толпа граѓани протестираат поради договорот со Грција за промена на името...

Македонија1 ден

(Видео) Бачев: Спасовски наредил брутално да се нападнат граѓаните пред Собрание

Според наши сознанија министерот за внатрешни работи, Оливер Спасовски ја издал наредбата полицијата брутално да реагира токму во моментот кога...

Македонија1 ден

(Видео) Демонстрантите се жалат на употребата на шок-бомби, МВР вели – полициска процена

Демонстрантите што синоќа протестираа пред Собранието реагираат дека полицијата прекумерно употребила сила врз нив, како и дека без потреба биле...

Македонија1 ден

Обвинителството и МВР ќе истражуваат – кој испраќа заканувачки пораки и слики на „Фејсбук“

Основното јавно обвинителство Скопје информира дека било известено од страна на Министерството за внатрешни работи за заканувачки пораки и слики...

Македонија1 ден

Приведениот новинар одбил да се легитимира, велат од МВР

Во врска со новинарот на порталот „Инфомакс“, ја информираме јавноста дека тој одбивал да се легитимира, а притоа дал активен...

Македонија1 ден

Демонстрантите демолирале кафулиња, палеле автомобили и фрлиле солзавец, велат од МВР

26 демонстранти привела полицијата за време на синоќешниот протест пред Собранието. Повредени биле 10 полицајци, а седуммина побарале лекарска помош....

Македонија1 ден

Левица: МВР употреби прекумерна сила на синоќешните протести

Силите на МВР употребија прекумерна сила, големо количество солзавец и шок-бомби врз мирните невооружени демонстранти, реагираат од Левицата. Оваа акција...

Македонија1 ден

Владата ќе го достави законот за ратификација на договорот до Собранието

Владата ќе го достави до Собранието предлог-законот за ратификација на договорот со Грција, соопшти владината прес-служба по одржувањето на денешната...

Досие