Контакт

Македонија

(Видео) Мас најави силна поддршка од Германија за Македонија

Објавено пред

Силна поддршка и лобирање кај Франција, Холандија и кај другите земји членки на ЕУ за одредување датум за почеток на преговорите за Македонија, најави шефот на германската дипломатија, Хајко Мас, на средбата со македонскиот министер за надворешни работи, Никола Димитров.

„Апсолутно сме подготвени да помогнеме. Денеска телефонски разговарав со мојот холандски колега, а следната недела ќе се одржат германско-француски владини консултации. Но, ние и досега имавме разговори со француските колеги. Знаеме дека таму има задршки“, изјави Мас.

Германскиот министер порача дека добивањето датум не мора да оди во пакет со Албанија за која има далеку поголеми задршки не само во Париз туку и во Берлин.

„Македонија не може да биде колатерална штета доколку во ЕУ нема подготвеност да ѝ се даде датум за почеток на преговорите на Албанија“, истакна Мас.

Димитров ѝ изрази благодарност на Германија за поддршката порачувајќи дека тоа е земја во која Македонија гледа столб на Европа, базирана на принципи, каде што владеат меѓународното право и правилата.

„Македонија живее историски денови, недели и месеци. На добар пат сме да затвориме еден спор, кој беше како камен и ни го отежнуваше прогресот и нè заклучи во чекалницата каде што поминавме доста многу години. Македонија е земја кандидат за членство во ЕУ од 2005 год. Оваа година добивме 9-та препорака од Европската комисија дека сме спремни да започнеме (н.з. со преговорите). Ова чекање создаде и кризи, меѓутоа, како што велат, ‘никогаш не пропуштај добра криза’, научивме и добри лекции“, изјави Димитров.

Димитров изрази увереност дека граѓаните мора да добијат шанса да се изјаснат за компромисот на референдум и рече дека е уверен оти тие ќе го направат вистинскиот избор.

За време на посетата Димитров се сретна и со државниот министер за Европа, Михаел Рот, советникот за надворешна политика на германската канцеларка, Јан Хекер, и пратеникот и претседател на пратеничката група за ЈИЕ, Јосип Јуратовиќ.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Почна состанокот на ЦК на ВМРО-ДПМНЕ

Објавено пред

Вечерва почна состанокот на Централниот комитет на ВМРО-ДПМНЕ.

Меѓу првите кои пристигнаа беа пратеничките Ане Лашкоска, Благица Ластовска и Лилјана Затуроска, членовите на Извршниот комитет на партијата, Трајко Славевски и Тони Михајлосвки, ексградоначалникот Коце Трајановски, како и поранешниот министер за правда Михајло Маневски.

Пред почетокот на состанокот тие одбија да дадат коментар во врска со актуелните несогласувања во партијата, кои станаа сè  поизразени по гласањето на уставните измени. Затуроска само кусо порача дека нема поделби во партијата.

Од ВМРО-ДПМНЕ најавуваат дека тема на вечерашниот Централен комитет се актуелните политички случувања, а неофицијално во јавноста веќе кружат две сценарија. Според првото, партијата размислува да го исклучи од членство Сашо Мијалков, поранешниот директор на УБК, за кој се шпекулира дека влијаел врз седумтемина пратеници од партијата да гласаат „за“ уставните измени со цел да издејствува амнестија за себе. Второто сценарио за кое се зборува е дека членството ќе бара оставка од претседателот Мицкоски бидејќи не успеал да ги тргне настрана криминалните структури во партијата.

Прикажи повеќе...

Македонија

Палмер: Не се сретнавме со Мицкоски зашто ми ги кажа ставовите во писмото

Објавено пред

Заменик помошникот државен секретар на САД, Метју Палмер на заедничка прес-конференција со премиерот Зоран Заев изјави дека не оставрил средба со лидерот на ВМРО-ДПМНЕ, Христијан Мицкоски бидејќи неговите ставови му биле познати од писмото што неодамна му беше испратено. Запрашан зошто не остварил средба со Мицкоски и претседателот Ѓорге Иванов, Палмер одговори дека при секоја посета има определено време и треба да се направи избор како да го искористи.

„Мицкоски испрати писмо каде ги изразува ставовите на ВМРО-ДПМНЕ. Тоа што не остварив никаква средба не носи никаква порака“, рече Палмер.

Тој исто така кажа дека САД ја поддржуваат преспанската спогодба и се задоволни од гласањето за уставни измени во петокот.

„Тоа е глас за иднината, ќе одржуваме контакт со Владата и со сите пратеници кои гласаа за спогодбата“ , рече Палмер.

Заменик помошникот државен секретар на САД додаде и дека со премиерот разговарале за низа прашања поврзани со преспанската спогодба, процесот, интеграциите во ЕУ и НАТО и јакнењето на односите. Тој ја повтори поддршката од САД за Македонија.

Палмер пред средбата со Заев оствари средби со министерот за надворешни работи, Никола Димитров, како и со лидерите на политичките партии од албанскиот блок во земјава.

Виктор Јованов

Прикажи повеќе...

Македонија

(Видео) Да дозволиме помирувањето од Собранието да продолжи во институциите, порача Заев

Објавено пред

Помирувањето започна во Собранието, да дозволиме да продолжи во институциите, порача првиот човек на Владата, Зоран Заев, на заедничката прес-конференција со заменикот на помошник-државниот секретар на САД, Метју Палмер, кој денеска престојува во посета на земјава.

„Средбата со Палмер дојде во важен момент за Македонија, само неколку дена по исчекорот кон иднината. Одлуката на 80 пратеници има историско значење. Оваа одлука ја потврди евро-атланската определба на Македонија. Храбрите пратеници го спречија ризикот од нова изолација која ќе беше страшна овој пат“, изјави Заев.

Премиерот додаде дека вредностите на тие сојузи се и наши вредности.

„Одлуката е поттик за отворање нова страница – испишување страници со помирување. Граѓаните на Македонија влегуваат во период кога се обедените за стратешка иднина“, рече Заев.

Палмер претходно денеска оствари средба со министерот за надворешни работи, Никола Димитров, а се сретна и со лидерите на политичките партии од албанскиот блок во земјава.

Прикажи повеќе...

Најново

Македонија28 минути

Почна состанокот на ЦК на ВМРО-ДПМНЕ

Вечерва почна состанокот на Централниот комитет на ВМРО-ДПМНЕ. Меѓу првите кои пристигнаа беа пратеничките Ане Лашкоска, Благица Ластовска и Лилјана Затуроска,...

Македонија1 час

Палмер: Не се сретнавме со Мицкоски зашто ми ги кажа ставовите во писмото

Заменик помошникот државен секретар на САД, Метју Палмер на заедничка прес-конференција со премиерот Зоран Заев изјави дека не оставрил средба...

Македонија1 час

(Видео) Да дозволиме помирувањето од Собранието да продолжи во институциите, порача Заев

Помирувањето започна во Собранието, да дозволиме да продолжи во институциите, порача првиот човек на Владата, Зоран Заев, на заедничката прес-конференција...

Македонија5 часа

Поддршка за Мицкоски или барање за негова смена на состанокот на ЦК?

Од обвинувања за изолација на партијата и избрзани одлуки на раководството со исклучувањето на пратениците до поддршка за лидерот на...

Македонија7 часа

Кирацовски: Ќе видиме дали националното помирување ќе биде само за 27 април или пошироко

Пратеникот на СДСМ, Александар Кирацоски, ги повика пратениците на ВМРО-ДПМНЕ да се приклучат кон иницијативата за национално обединување бидејќи, како...

Македонија7 часа

Беса може да го условува спроведувањето на уставните измени во Собранието

Пратеникот Фадил Зендели, дел од крилото на Беса со кое предводи Биљал Касами, вели дека во процесот на уставните измени...

Македонија10 часа

Сакаме да ги поддржиме храбрите пратеници што гласаа, рече обвинетиот Вилијам Михајловски

На почетокот од судењето за 27 април обвинетиот Вилијам Михајловски рече дека сака да им даде поддршка на храбрите пратеници...

Македонија10 часа

(Видео) Пратениците што гласаа за уставните измени се појавија на судско рочиште за 27 април

Пратениците што во петокот гласаа за уставните измени во Собранието утрово се појавија на судско рочиште за настаните што се...

Свет10 часа

Екстремно опасeн ураган од петта категорија му се заканува на Мексико

Новоформираниот ураган Виља бргу прерасна во крајно опасна бура од речиси петта категорија во областа на источен Пацифик, која во...

Свет11 час

Саудиски министер: Убиството на Кашоги е огромна грешка

Саудискиот министер за надворешни работи, Адел ал-Џубеир, изјави дека саудискиот новинар Џамал Кашоги бил убиен во неовластена операција, објави Би-би-си....

Македонија11 час

Кривична пријава за загрозување на сигурноста и ширење на расистички и ксенофобичен материјал преку социјалната мрежа „Фејсбук“  

СВР Скопје во соработка со Секторот за компјутерски криминал и дигитална форензика при Министерството за внатрешни работи до Основно јавно...

Македонија14 часа

Метју Палмер во посета на Македонија

Заменик-помошникот државен секретар на САД, Метју Палмер, денеска ќе ја посети Македонија за да разговара за американската поддршка за преспанскиот...

Македонија1 ден

Исклучената од ВМРО-ДПМНЕ, Исмајлоска-Старова: Не се каам што гласав за уставни измени

Експратеничката од ВМРО-ДПМНЕ, Нола Исмајлоска-Старова, за „Макфакс“ вели дека не се кае што гласала за отпочнување на процесот за уставни...

Македонија1 ден

(Видео) Заев: Верувам дека заеднички изготвените амандмани ќе нѐ обединат во иднина

Премиерот Зоран Заев денеска од Валандово изрази уверување дека во рамките на 15-те дена за изготвување на нацрт-амандамните ќе се...

Регион1 ден

Додека Договорот од Преспа не дојде во нашиот Парламент ние остануваме во Владата, порача Каменос

Грчкиот министер за одбрана и коалицискиот партнер на Алексис Ципрас, Панос Каменос, лидерот на Независни Грци, денеска од Солун, каде...

Македонија1 ден

(Видео) Шекеринска: Македонија со оваа одлука станува фактор на стабилност во регионот

Пратениците презедоа одговорност и испишаа нова шанса во историјата на Македонија, сакам да им честитам на сите за заедничкиот напредок...

Македонија1 ден

Русија останува на својот став, ве признавме под името Република Македонија

Русија ја призна Република Македонија под нејзиното уставно име пред повеќе од 26 години и својот став не го менува,...

Свет1 ден

(Видео) САД бара повеќе информации од Ријад, но не сака да биде запрена продажбата на оружје

Претседателот на САД, Доналд Трамп изјави дека не е задоволен од саудиските власти за смртта на новинарот Џемал Кашоги, но...

Македонија1 ден

Бавна правда: 650 судења се одложени за 1,5 година поради отсуство на обвинител

За една и пол година (2017 до јуни 2018 година) во скопскиот кривичен суд биле одложени 672 судења, од кои...

Македонија1 ден

Звиздиќ со честитка до Заев: Сакам вашата одлука да ја зајакне европската перспектива на целиот Западен Балкан

Претседавачот на Советот на министри на Босна и Херцеговина, Денис Звиздиќ испрати честитка до македонскиот премиер Зоран Заев за изгласувањето...

Досие