Контакт

Македонија

Со помош од 800.000 долари од САД ќе се прошират капацитетите на Клиниката за хематологија

Објавено пред

Клиниката за хематологија доби финансиска помош 800.000 долари од европската команда на армијата на САД. Овие средства се наменети за проширување на капацитетите за хоспитализација на пациенти со хематолошки болести во рамките на клиниката. Амбасадорката на САД во Македонија, Кејт Брнз, рече дека преку овој проект скопска хематологија покрај медицинската нега што ќе им ја пружи на македонските граѓани, ќе има капацитет да ги згрижи и заболените од регионот.

„Ова е навистина голем предизвик кој ќе им помогне многу на македонските граѓани. Благодарам за партнерската поддршка на Министерството за здравство, Клиниката за хематологија и целиот здравствен систем. Среќна сум што таа соработка се развива. Ќе продлжиме да работиме заедно не само за справување со пандемијата туку и за зајакнување на здравствениот систем, науката, технологијата во интерс на сите граѓани“, рече амбасадорката Брнз при посетата на клиниката за хематологија.

Министерот Венко Филипче, потенцираше дека оваa помош е од исклучително значење за оваа клиника и за зболените пациенти со малигни заболувања кои ќе имаат можност да се лекуваат во својата земја во еден опремен центар по високи стандарди.

„Амбасадата на САД беше првата што ни помогна со лична заштитна опрема, потоа со 60 респиратори кои ги добивме преку НАТО и сега овој проект вреден 300 илјади евра во делот на медицинска опрема. Ова е уште еден доказ дека пријателите и партнерите треба да се тука и да се најдат кога е најпотребно. А САД го покажаа токму тука, дека стратешкото партнерство вреди и дека се тука да помогнат да се пребродат тешките моменти во услови на пандемијата со која се бори целиот свет. Проектот за физичка инфраструктурно реконструирање на клиниката, ќе значи многу. Таа нова метода која започна да се прави на оваа клиника, предводена од овој тим пред деве години, практично ќе значи дека ќе биде достапна до многу поголем број пацинети , а ќе може да ја користат и земјите од соседството“, рече Филипче.

Тој рече дека овој проект за помош во инстраструктурата трае подолг период при што се реновирани повеќе одделенија во болницата „8-ми Септември“, изградена нова зграда во Демир Хисар, реновинарно одделението за неврологија во клиничкиот центар, а во тек се градежните работи на клиниката за максилофацијална хирургија.

Проектот за реконструкција на клиниката за хематологија, предвидено е да биде завршен во декември 2022 година.

Македонија

МТСП: Онлајн обуките за воспитувачи придонесуваат во подигнувањето на квалитететот на предучилишното образование

Објавено пред

Министерството за труд и социјална политика започна со реализацијата на серија онлајн работилници наменети за зајакнување на компетенциите на практичарите во системот на предучилишно образование.

„Целта на овие обуки, кои во овој период, поради препораките и протоколите за заштита од Ковид-19 се одржуваат по електронски пат, е да им се пренесат нови знаења и вештини на избрани воспитувачи од предучилишни установи ширум земјата кои понатаму ќе ги пренесат овие стекнати знаења на своите колеги, со што ќе се зајакне нивниот професионален развој, а со тоа ќе се овозможи натамошно подобрување на квалитетот на предучилишното образование во земјата“, објаснува Елизабета Куновска од Министерството за труд и социјална политика, менаџер на Проектот за подобрување на социјалните услуги.

Работилниците се дизајнирани според најдобрите светски практики и истражувања во областа на развојот на малите деца кои се базираат на невроедукација, учење преку игра и учење засновано на решавање на проблеми. Во нивната реализација е вклучена проф. д-р Реберка Гренџер-Елис од универзитетите Џон Хопкинс и Њу Орлеанс во САД. Таа е еден од водечките светски експерти во областа на социо-емоционалниот развој на децата, со повеќегодишно искуство во реализација на програми кои се базирани на научни истражувања за деца во предучилишно и основно образование, вклучувајќи и надарени и деца со потешкотии во учењето и развојот.

До крајот на оваа и почетокот на идната година планирано е да се одржат вкупно шест вакви онлајн работилници. Инаку, тие се дел од втората компонента од Проектот за подобрување на социјалните услуги што се реализира со поддршка на Светска банка, а го спроведува Министерството за труд и социјална политика во рамки на сеопфатната реформа на системот на социјални услуги и на предучилишно образование во земјата.

Прикажи повеќе...

Македонија

„Глас за Македонија“: Поддршка на Македонскиот манифест на МАНУ, МПЦ-ОА и УКИМ

Објавено пред

Нашите црвени линии во спорот со Република Бугарија и со кој било ирационален спор во иднина кој зафаќа во нашиот автохтон идентитет и јазик се исцртани единствено во сериозните општествени и хуманистички науки, во светската и наша лингвистика, во нашата религиска традиција и културна меморија. Само тие сведочат со аргументи и проверливи факти за единственоста, просторниот и временски континуитет на македонскиот посебен идентитет и македонскиот јазик, велат „Глас за Македонија“.

„Нашите црвени линии се поставени и на линијата на меѓународното право каде што врвна норма е правото на самоопределување на секој народ.

Да не дозволиме политички партии поради себеоддржување, на сила, со историски погубни постапки, со крајно сомнителни личности вклучени во преговарачкиот процес, да излезат надвор од општо прифатените научни, културолошки и меѓународни норми. За нашиот идентитет и за сите негови атрибути, вклучително јазикот, за нашите малцинства надвор од границите, не смее да се преговара. Тие се реалност и никако не смеат да бидат предмет на уцени.

Нашиот пат кон ЕУ не смее да биде оптоварен со бесмислени уцени. Тој пат се изодува единствено со почит на цивилизациските норми и вредности. Со нив не смее да има никаков компромис.
Ниту анекс-договор, ниту патоказ за имплементација за Договорот со Република Македонија, дури ни референдум за овие прашања не прифаќаме. Нема да дозволиме инженеринг на нашата нација, историја, јазик и култура“, додаваат од партијата.

Прикажи повеќе...

Македонија

Македонските и бугарските историчари и денеска ќе расправаат за средновековниот и раноосманлискиот период

Објавено пред

Македонско-бугарската Мешовита комисија за историски и образовни прашања и денеска ќе расправа за средновековниот и раноосманлискиот период, по состанокот одржан во текот на вчерашниот ден.

Тема на онлајн состанокот е и евентуалното заедничко чествување на Гоце Делчев.

Премиерот Зоран Заев вчера оцени дека работата на Комисијата се одвива во пријателска атмосфера и изрази уверување дека набрзо ќе има и решенија. Тој повтори дека на средбите не се преговара за македонскиот идентитет и за македонскиот јазик.

Заев смета дека разговорите треба да продолжат без разлика на исходот од средбите на ниво на ЕУ на 10 или 18 декември, на кои треба да се донесе одлуката за усвојување на преговарачката рамка на Унијата со земјава.

Рече дека Владата е подготвена да ги објави записниците за петте историски личности за коишто бил постигнат договор.

„Нашата Влада од досега усвоените записници е подготвена на некоја од следните седници да ги објави записниците за петте историски личности, односно трите историски периоди за да испратиме порака дека веднаш по тоа започнуваме со имплеменатција на учебниците за 2021-22 година и од бугарска и од македонска страна, за сето она што е поврзано со цар Самоил, Кирил и Методиј, Климент и Наум Охридски“, изјави Заев, одговарајќи на новинарски прашања по отворањето на фотонапонска централа во Неготино.

Министерот за надворешни работи, Бујар Османи, истакна дека ќе биде вратена довербата во Договорот за добрососедство со Бугарија доколку денеска на онлајн средбата македонската и бугарската историска комисија ги доближат ставовите за Гоце Делчев.

Седумнаесет научни работници од Институт за македонски јазик „Крсте Мисирков“ преку писмен допис апелираа политичарите да не подлегнат на притисоците и наметнувањата на, како што велат, бугарската негаторска политика. Претходно реагираа и од Институтот за историја, МАНУ и УКИМ.

Прикажи повеќе...

Најново

Топ27 минути

Кавадарчанец со секира се обидел да ја убие сопругата, па загинал фрлајќи се во река

Јавен обвинител од Основното јавно обвинителство Кавадарци заедно со увидна екипа од МВР изврши увид во куќа во селото Шивец...

Регион30 минути

Курц: Секој што ме познава знае колку сум приврзан за Балканот

Австрискиот канцелар, Себастијан Курц, реагираше на критиките кон него поради изјавата дека повратниците од годишниот одмор го донеле коронавирусот во...

Македонија1 час

Македонските и бугарските историчари и денеска ќе расправаат за средновековниот и раноосманлискиот период

Македонско-бугарската Мешовита комисија за историски и образовни прашања и денеска ќе расправа за средновековниот и раноосманлискиот период, по состанокот одржан...

Македонија1 час

(Видео) Пендаровски: Здравствените производи треба да бидат достапни за сите

Здравствените производи со сертифициран квалитет треба да бидат достапни за сите, истакна претседателот Стево Пендаровски во обраќање на специјалнатата сесија на...

Македонија2 часа

Градоначалниците на Битола и Гостивар се позитивни на коронавирус

Градоначалниците на општините Битола и Гостивар – Наташа Петровска и Арбен Таравари, преку социјалните мрежи известија дека се заразени со...

Регион2 часа

ЕУ и Грција ќе формираат нов прифатен центар на Лезбос

Европската комисија потпиша меморандум во кој се опишува деталниот план договорен меѓу грчките власти и агенциите на Европската Унија за...

Свет2 часа

„Модерна“: Околу 100 милиони вакцини против корона ќе бидат достапни на почетокот на годината

Американската фармацевтска компанија „Модерна“ објави дека очекува да може да испорача меѓу 100 и 125 милиони дози на експерименталната вакцина...

Европа15 часа

Шведска ги отфрла препораките на СЗО, тамошните експерти велат дека маски не се потребни

Сè уште нема потреба да се носат маски во Шведска, изјави денес водечкиот здравствен службеник во оваа скандинавска земја со...

Македонија17 часа

Заев: Да профитираме од извоз на сушен цвет од канабис, а дома да ја легализираме марихуаната

Ако успее парламентот до крајот на годината да го донесе законот за измени и дополнување на Законот за опојнит дроги...

Македонија17 часа

1.342 новозаразени од Ковид-19, починаа 22 лица

Министерството за здравство информира дека во последните 24 часа се направени 3.399 тестирања, а регистрирани се 1.342 нови случаја на...

Македонија18 часа

МАНУ, УКИМ и МПЦ-ОА бараат во преговорите со Бугарија да не се погази достоинството на народот

Македонската академија на науките и уметностите (МАНУ), Македонската православна црква (МПЦ-ОА) и Универзитетот „Свети Кирил и Методиј“ (УКИМ) истапија со...

Македонија21 час

Се спушта возрасната граница за лична асистенција од 18 на шест години за деца со попреченост

На барање на семејствата на децата со попреченост ја намалуваме возраста кога личната асистенција станува законско право – од сегашните...

Домашен21 час

Град Скопје го награди младиот боксер Ардијан Аземи со 100.000 денари

Град Скопје го награди со 100.000 денари младиот Ардијан Аземи, освојувач на бронзен медал на Европското првенство во бокс за...

Топ21 час

Сандаци со куршуми од Втората светска војна пронајдени кај Машката плажа во Струга

Четири лимени сандаци со куршуми биле пронајдени при ископ во близина на Машката плажа во Струга. СВР Охрид соопшти дека...

Свет22 часа

Обама, Буш и Клинтон пред камера ќе се вакцинираат против коронавирус

Поранешните претседатели на САД, Барак Обама, Џорџ В. Буш и Бил Клинтон, ќе примат вакцина против коронавирус пред камера за...

Свет23 часа

Чешка го укина полицискиот час, се отвораат сите продавници и ресторани

По повеќе од еден месец строги мерки поради пандемијата на коронавирус, Чешка го укина полицискиот час. Од денеска се отворени...

Македонија23 часа

„Политико“: Вархеји и ЕПП не се доволно остри кон Борисов и Софија за блокадата за Македонија

Еврокомесарот за добрососедство и проширување Оливер Вархеји беше премногу мек кон Софија, а Европската народна партија (ЕПП) не беше доволно...

Свет23 часа

Генералниот директор на „Бајонтек“: Веруваме дека ова е почеток на крајот на пандемијата

Угур Сахин, генералниот директор на компанијата „Бајонтек“, која заедно со „Фајзер“ ја разви единствената вакцина што е пуштена на пазарот,...

Регион1 ден

Руската вакцина „Спутник 5“ на проверка во Србија

Русија денеска ќе достави 20 дози од својата вакцина против коронавирус „Спутник 5“ до Српската агенција за лекови и медицински...

Топ1 ден

Притвор за скопјанец кој крадел oд викендички во Гази Баба

Триесет и седумгодишен скопјанец со иницијали А.Ф., за кого е распишана потерница од Одделението за криминалистички работи Гази Баба, е...

Досие