Контакт

Македонија

Со проекција на филмот „Тајната на дрвјата“ во Скопје ќе бидат одбележани 57 години од Елисејскиот договор

Објавено пред

Со проекција на филмот „Тајната на дрвјата“ од Лик Жаке во Скопје в четврток ќе бидат одбележани 57 години од потпишувањето на Елисејскиот договор помеѓу Франција и Германија.

Настанот е во организација на амбасадите на Франција и на Германија во Скопје. Проекцијата ќе се одржи во Кинотеката со почеток во 19 часот на 23 јануари.

Темата на филмот е џунглата како еколошки систем. Врз основа на густите шуми во Франција, Перу и Габон, се погледнува во историјата на еволуцијата, но, исто така, се упатува на опасноста што се крие во иднината доколку природата не се заштити соодветно.

Со потпишувањето на Елисејскиот договор на 22 јануари 1963 година помеѓу претседателот Де Гол и канцеларот Аденауер, Република Франција и тогашната Сојузна Република Германија го затворија поглавјето на германско-француското заколнато непријателство, а отворија ново поглавје на посебно пријателство и соработка кое трае веќе 57 години. Со тоа започна една извонредна билатерална соработка помеѓу двете држави, практично во сите области: политика, одбрана, економија, младина и образование.

Елисејскиот договор се спроведува преку редовни средби на владино ниво, но и на ниво на администрациите на двете земји, кои редовно применуваат заемна размена на државни службеници и воспоставија меѓуминистерска комисија за соработка. Постојат голем број збратимени градови, а во тие рамки и соработка меѓу граѓанско-општествените организации.

Поради нејзиниот посебен карактер, француско-германската соработка игра важна улога во процесот на европската изградба, а со тоа на Франција и Германија им припаѓа и значајна улога во врска со македонското приближување кон Европската Унија. Француско-германското пријателство покажува дека надминувањето на предрасудите е можно и дека дијалогот и меѓусебното почитување на историјата, традициите, културата и јазикот на другиот претставуваат плоден развој за сите.

Воедно, со потпишувањето на Елисејскиот договор беше основана и Француско-германската младинска организација (ОФАЖ), која оттогаш поврза безброј француски и германски млади луѓе. ОФАЖ реализира проекти и во трети земји, а меѓу нив и во Северна Македонија.

Македонија

Мицкоски: ВМРО-ДПМНЕ нема намера да поддржи онлајн-седници во Собранието

Објавено пред

Одржувањето онлајн-седници во Собранието е спротивно на Уставот и ВМРО-ДПМНЕ нема да поддржи такво решение, истакна партискиот претседател Христијан Мицкоски.

„ВМРО-ДПМНЕ нема да поддржи онлајн-седници на Собранието. Тоа е спротивно на Уставот и ВМРО-ДПМНЕ нема да поддржи кршење на Уставот. Во случај кога имаме формирано Влада, во случај кога имаме владино мнозинство, тие се должни да обезбедат кворум за работа од вкупниот број пратеници. Во случајот тоа е 61 и во ваков случај тие треба да обезбедат функционалност на законодавниот дом, а не да бараат начин како да ја заобиколат таа функционалност. Така што во случајот јасно и гласно кажувам дека ВМРО-ДПМНЕ нема намера да го крши Уставот и ВМРО-ДПМНЕ нема намера да поддржи онлајн-седници во Собранието“, објасни Мицкоски.

Во врска со изборниот процес за престојните избори во градот Штип, Мицкоски порача дека доколку ВМРО-ДПМНЕ почувствува дека на каков било начин демократијата во изборниот процес се изолира, тогаш ВМРО-ДПМНЕ сигурно нема вторпат да учествува во изборни лакрдии, односно нема да им даде легитимитет на таквите избори.

Прикажи повеќе...

Македонија

ВМРО-ДПМНЕ ќе предложи надзорна расправа за работата на Лидија Димова

Објавено пред

По завршување на дебатата поврзана со ребалансот, ВМРО-ДПМНЕ ќе предложи надзорна расправа за работата на Лидија Димова во Националната агенција.

Ова го истакна првиот човек на ВМРО-ДПМНЕ, Христијан Мицкоски, одговарајќи на прашања на граѓаните во живо на „Фејсбук“. Тој рече дека Димова е зрела за кривична одговорност пред законите за злоупотребите во Националната агенција.

„Јас би рекол дека Лидија Димова не е зрела за оставка, туку е зрела за кривична одговорност и пријава поради злоупотреба на службената должност. Ценам дека од Лидија Димова, со сите оние злоупотреби што ги направи во Агенцијата, не треба да се бара оставка, туку веднаш детаљна истрага од страна на Обвинителството за начинот на кој се делеле тие средства и дали ги оправдале целта и намената за која биле трошени“, потенцира Мицкоски.

Прикажи повеќе...

Македонија

„Водовод“: Дефектот е саниран, граѓаните ќе добијат вода до полноќ

Објавено пред

ЈП „Водовод и канализација“ – Скопје ја известува јавноста дека дефектот на булеварот Кочо Рацин, спроти Олимпискиот базен, за чие отстранување се затвори цевка од ф 1.400 мм, е саниран и граѓаните ќе добијат нормализирано водоснабдување до полноќ.

Од Јавното претпријатие велат дека нивните екипи непрекинато работеле на дефектот и во рекордно време го отстраниле.

„Ваквите дефекти се навистина многу ретки, а кога ќе се случат, неминовно е повеќето од граѓаните да имаат прекинато водоснабдување. Во овој случај за отстранување на дефектот беше потребно да се затвори цевка со дијаметар ф 1.400 мм, а со тоа и повеќе населби останаа без вода. Екипите работеа непрекинато со целиот капацитет и сите расположливи ресурси и за многу кус временски период го отстранија дефектот. Имајќи го предвид фактот дека станува збор за голема цевка, која е под силен притисок, водата ќе се пушта постепено и до полноќ се очекува водоснабдувањето да биде нормализирано во сите делови и кај сите корисници. Упатувам голема благодарност до тимот на ЈП ‘Водовод и канализација’ и до сите граѓани што имаа трпение и разбирање за оваа ситуација“, посочи Душко Весковски, генерален директор на ЈП „Водовод и канализација“, Скопје.

Дефектот ги опфати населбите Центар, Аеродром, Кисела Вода, Лисиче, Ново Лисиче, Припор, Сопиште, Ракотинци, Добри Дол, Драчево, Пинтија, Моране и Студеничани.

Прикажи повеќе...

Најново

Македонија8 часа

Во Скопје 2.674 активни случаи на коронавирус, најмногу во Аеродром, Карпош и во Центар

Во Скопје во моментот има 2.674 активни случаи на коронавирус од вкупно 5.550 во целата држава. Најмногу активни случаи во...

Свет9 часа

Студија: повеќе од половина од луѓето што прележале Ковид-19 чувствуваат симптоми и по неколку месеци

Повеќе од половина од луѓето што биле отпуштени од болница по заболувањето од Ковид-19, чувствуваат симптоми, како што се отежнато...

Македонија11 час

Дванaесет починати и 161 нов случај на коронавирус во Македонија

Дванaесет лица починаа, а потврден е 161 нов случај на коронавирус во земјата во последните 24 часа, соопшти Министерството за...

Македонија12 часа

Кумот на Груевски во притвор поради плацовите на Водно

Кривичниот суд во Скопје му изрече 30 дена притвор на Ристо Новачевски, кој се товари за сторено кривично дело перење...

Македонија12 часа

Филипче: Ситуацијата е навистина сериозна, следен чекор би бил полициски час

Министерот за здравство, Венко Филипче, соопшти дека утре до Владата ќе биде предложен дополнителниот сет мерки за превенција од коронавирусот....

Свет13 часа

Европската агенција за лекови ќе ги разгледа резултатите од студијата на СЗО за лекот ремдесивир

Европската агенција за лекови (ЕМА) ќе ги разгледа резултатите од студијата на Светската здравствена организација (СЗО) за антивирусниот ремдесивир, што...

Македонија13 часа

(Видео) Пендаровски: Научните аргументи и вистината за јазикот се на наша страна и од нив никој разумен не може да се откаже

Претседателот Стево Пендаровски денеска се обрати на отворањето на манифестацијата Отворени денови на Институтот за македонски јазик „Крсте Мисирков“. Овогодишниот...

Топ13 часа

Инспекторите растурија свадба во Глумово со 250 гости, следи кривична пријава

Инспекторите откриле уште еден случај на масовно непочитување на мерките против коронавирус во околината на Скопје. Синоќа во периодот од...

Македонија13 часа

Од отворањето на градинките, од корoнавирус заболеле 18 деца и 55 вработени

Од отворањето на градинките на 9 септември досега од коронавирус заболеле 18 деца и 55 вработени, информира министерката за труд...

Македонија15 часа

Приведен кумот на поранешниот премиер Никола Груевски, за плацевите на Водно

По наредба на Обвинителството за организиран криминал и корупција, полицијата утрово го приведе Ристо Новачевски, кум на Никола Груевски, а...

Свет16 часа

(Видео) Запалени две цркви на протестите во Чиле

Најмалку две цркви се запалени во главниот град на Чиле, а илјадници луѓе се собраа на улиците на првата годишнина...

Европа17 часа

(Видео) „Фајзер“ произведе стотици илјади дози вакцина против Ковид-19

Фармацевтската компанија „Фајзер“ објави видео кое покажува дека веќе има произведено стотици илјади дози вакцина против коронавирус во својата белгиска...

Свет17 часа

Научниците предупредуваат: Заразата со коронавирус на отворено не е невозможна, но е ретка

И покрај тоа што речиси целиот документиран пренос на коронавирус се случил во затворен простор, експертите велат дека е оправдано...

Свет18 часа

Европа ги надмина сите рекорди – многу земји воведуваат построги мерки

Европа, соочена со вториот бран на пандемијата, го премина прагот на 250.000 смртни случаи од коронавирус. За една недела се...

Свет18 часа

(Видео) Се качил на кулата на Трамп во Чикаго и барал да разговара со претседателот

Неидентификуван маж се качил на кулата на Трамп во Чикаго, барајќи да разговара со претседателот на САД и медиумите. Мажот,...

Македонија18 часа

Ковид-19 го прележале над 17 илјади лица во земјава

Од Ковид-19 досега оздравеле 17.239 лица во земјава, покажуваат податоците на Министерството за здравство. Вкупната бројка на ковид-дијагностицирани во земјава...

Регион19 часа

Полициски час во неколку црногорски градови

Здравствените власти во Црна Гора одлучија да воведат ограничувачки мерки во пет града во црвената зона според бројот на лица...

Европа1 ден

(Видео) Илјадници Французи излегоа на улиците поради убиството на наставникот

Илјадници луѓе излегоа на улиците на Франција во знак на поддршка на наставниците и со цел да ја одбранат слободата...

Европа1 ден

Стотици демонстранти ја нападнаа полицијата во Прага

Чешката полиција употреби солзавец и водени топови за да растера стотици демонстранти во Прага кои ги нападнаа полицајците по протестот....

Регион1 ден

Црногорските медиуми за Амфилохие: Привилегиран e, го лечат со „ремдесивир“

Митрополитот Амфилохие, кој се зарази со коронавирусот, доби лек „ремдесивир“, кој, според порталот ЦдМ, е недостапен за другите пациенти во...

Досие