Македонија
Спасовски ги осуди приведувањата во Врапчиште: Не смееме да си играме со правото на вероисповед
Поранешниот министер за внатрешни работи и актуелен пратеник во Собранието, Оливер Спасовски го осуди приведувањето на две лица кои вчера инсистираа на средба со градоначалникот на општина Врапчиште на собирот пред општината, поради забраната да вршат градежни активности за реставрација на изгорената црква Света Петка во Галате.
Спасовски одговарајќи на новинарски прашања изјави дека ваквите инциденти длабоко задираат во чувствата на граѓаните, а може да се случат уште многу напади и спречувања во делот на верски објекти и на тој начин да се потпалуваат меѓуетничките судири во државата.
„На Македонија не е и се потребни инциденти во делот на меѓуетничките односи, не смееме да си играме со правото на вероисповест. Се што треба да се решава, треба да се решава помеѓу институциите на системот, дали е тоа МПЦ, ИВЗ, Католичката црква, локалната самоуправа, власта. Преку дијалог мора да се дојде до решение. Затоа што на крајот граѓаните треба да ги сносат последиците. Сметам дека е неоправдано е и го осудувам приведувањето на било кој во еден ваков случај. Не треба и да се посегнува по таков начин на однесување кога станува збор за верски објекти“, рече Спасовски.
Коментирајќи го односот на полицијата, Спасовски го спомена и инцидентот на скопскиот аеродром, градничниот премин Блаце, коментирајќи дека нема оправдување, а МВР треба да им служи на граѓаните.
МВР синоќа се огласи за апсењата објаснувајќи дека лицата пружале отпор на полицијата која им наредила да ја напуштат општината.
„Групата граѓани се упатиле пред општина Врапчиште, каде се одржал мирен протест. Од страна на Д.П. и уште две лица, дел од траката е залепена преку влезната врата на општината, а по извесно време Д.П. со група од околу 10 луѓе влегува во објектот на општината, со цел да бидат примени од страна на градоначалникот Исен Шабани. По извесно време, градоначалникот се согласил да ги прими, но со услов разговорот да не се снима со приватни телефони. Групата граѓани одбиле да го направат тоа и градоначалникот побарал да го напуштат објектот. Откако не го напуштиле, градоначалникот побарал од полициските службеници да го испразнат објектот, по што од страна на полициските службеници при ПС ОН Гостивар на групата граѓани им е дадена наредба да го напуштат објектот на општината, нешто кое Д.П. и уште едно лице одбиле да го направат и пружиле активен отпор на полициските службеници. Двете лица се приведени во просториите на ПС Гостивар и по извршен службен разговор со нив и направена консултација со јавен обвинител, истите се пуштени да си одат“, истакнаа од Министерството.
Претходно денес со став излезе и премиерот Христијан Мицкоски кој пак порача до граѓаните да не наседнуваат на провокации бидејќи ова е дел од фолклорот за сеење етничка и верска нетрпеливост. Додаде и дека инциденти од овој тип ќе има во периодот којшто следи.
Жителите на Галате викендов почнаа со градежнни работи, за реставрација на црквата Света Петка кај гостиварко Врапчиште, но по налог на Градежниот инспекторат од општината, полицијата ги прекина работите, а црквата денес беше оградена со лента на којашто пишуваше „Градежен инспекторат (општина Врапчиште)“.
Граѓаните инситираа на прием кај градоначалникот на општина Врапчиште, но до средба не дојде.
Црквата Света Петка се наоѓа на магистралниот пат помеѓу Врапчиште и Тополица. Беше запалена од страна на УЧК во во 2001 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Герасимовски: Од Ристиќева палата до ретро игранка, Центар вечерва го оживува старото скопското корзо
Општина Центар во соработка со Здружението на пензионери на општина Центар вечерва, со почеток од 19:00 часот, го организира настанот „Носталгија за корзо – сеќавање на едно убаво време“.
Настанот ќе започне од Плоштадот „Македонија“ со симболична прошетка низ старото скопско корзо, а потоа продолжува во салата на ООУ „Димитар Миладинов“ каде ќе се одржи свечена игранка.
Градоначалникот на Општина Центар, Горан Герасимовски, упати покана до сограѓаните да дојдат на настанот и да го почувствуваат шармот на некогашните променади низ центарот на Скопје.
„Ќе прошетаме покрај Ристиќева палата, поранешниот хотел „Македонија“, „Кенан“, „Ванила“ и „Громби“ – местата каде што се создаваа најубавите спомени. Ќе се потсетиме на златните скопски времиња, кога корзото беше центар на светот, место каде што се раѓаа првите симпатии и љубови, а еден поглед значеше повеќе од илјада пораки на мобилен телефон“, порача Герасимовски.
И Активот на жени пензионери на Општина Центар упати покана до пензионерите и од другите општини да се приклучат на ова ретро дружење.
„Ова е прекрасна можност повторно да се сретнеме, да прошетаме по некогашното корзо и да ги разбудиме спомените од младоста. Дружењето ќе продолжи во свечената сала на ООУ „Димитар Миладинов“ (поранешно „Браќа Рибар“), со игранка и евергрини со диџеј, кои ќе нè вратат во едно поинакво Скопје и ќе ги разбудат емоциите што сè уште живеат во сите нас“, порачуваат пензионерите од Центар.
Македонија
Муцунски ќе учествува на состанокот на министрите за надворешни работи на НАТО во Хелсингборг
На покана на генералниот секретар на НАТО, Марк Руте, министерот за надворешни работи и надворешна трговија, Тимчо Муцунски, ќе учествува на состанокот на министрите за надворешни работи на земјите членки на НАТО, што ќе се одржи во Хелсингборг, Кралството Шведска, од 21 до 22 мај 2026 година.
Во рамки на состанокот, министрите ќе дискутираат за прашања поврзани со инвестициите во одбраната, состојбите во Украина, развојот на одбранбената индустрија, како и за други актуелни регионални и глобални безбедносни предизвици.
Разговорите ќе се одвиваат и во контекст на подготовките за Самитот на НАТО во Анкара, што ќе се одржи во јули оваа година, на кој се очекува да бидат донесени важни одлуки за иднината на Алијансата.
Во рамки на посетата, на покана на министерката за надворешни работи на Шведска, Марија Малмер Стенергард, министерот Муцунски ќе присуствува на прием за министрите во присуство на кралот Карл XVI Густаф и кралицата Силвија на Шведска, а предвидено е да оствари и повеќе билатерални средби.
Македонија
Без струја денеска делови од Ѓорче Петров и Петровец
Од ЕВН Македонија АД известуваат дека денеска без електрична енергија ќе останат:
-во периодот од 09.00 до 14.00 часот, корисниците од улицата 31, 102 и 103 во Волково, општина Ѓорче Петров;
– во периодот од 11.00 до 13.00 часот, корисниците од улицата Катланово, влез на Катланово и Регионалниот пат, општина Петровец.
