Контакт

Македонија

Спасовски од Шуто Оризари: Направивме пресврт, сега сме општество што им помага на сиромашните

Објавено пред

Направивме пресврт и разлика, од општество во кое 11 години се газеше врз достоинството на луѓето станавме општество во кое се помага на сиромашните и ранливите, држава која се стреми сите да имаат и да уживаат еднакви права, истакна претседателот на Владата, Оливер Спасовски, кој заедно со заменик-министерот за животна средина и просторно планирање, Јани Макрадули, денеска извршија увид во работите на училиштето „Браќа Рамиз и Хамид“ во општина Шуто Оризари.

Во изјавата за медиумите премиерот Спасовски истакна дека Владата во изминатите три години покажа што значи вистинска грижа за сите граѓани подеднакво.

„Покажавме дека македонското општество и нашите граѓани можат да бидат и солидарни и грижливи, дека може да се помогне на секоја индивидуа или заедница на која тоа ѝ е потребно. Социјалната помош ја зголемивме за 300 отсто и неколкукратно го зголемивме опфатот на корисници. Воведовме детски и образовен додаток за поефикасна борба против детската сиромаштија. Минималната плата ја зголемивме од 9.000 на 14.500 денари. Го решивме проблемот со стечајците, денес околу 12.000 стечајни работници добиваат по 8.000 денари до нивно пензионирање“, потенцираше премиерот Спасовски.

Тој нагласи дека солидарно се бориме и против последиците на коронавирусот и дека сите погодени од корона-кризата добиваат институционална и солидарна помош.

„Направивме пресврт и разлика, од општество во кое 11 години се газеше врз достоинството на луѓето и станавме општество во кое се помага на сиромашните и ранливите, држава која се стреми сите да имаат и да уживаат еднакви права. Обезбедивме силна имплементација на политиките кои го помагаат вклучувањето на ранливите категории граѓани во општествените процеси и во институциите на општеството. Една од тие политики е квалитетното инклузивно образование за сите.

Денеска, овде, во општина Шуто Оризари, ја следиме таа трансформација во општинското основно училиште ‘Браќа Рамиз и Хамид’. Гледаме како се остварува стремежот и визијата на општинските власти, со поддршка на Владата, училиштето ‘Браќа Рамиз и Хамид’ да биде во првите редови на сите општествени трансформации и да прерасне во модерно училиште, училиште по мерка на секое дете, училиште на 21 век“, акцентираше премиерот Спасовски.

Тој образложи дека во континуитет во текот на 2018, 2019 и 2020 година се направени сериозни реконструкции и промени за да се создадат соодветни услови за работа во училиштето, како за учениците, така и за наставниот кадар и сите вработени, сè со цел подобрено и непречено одвивање на наставата.

„Општина Шуто Оризари доби поддршка и од Планот за чист воздух за 2019 година за промена на старите прозорци и врати во зградата на општината, со цел да се подобри енергетската ефикасност на објектот, со што се овозможи заштеда на топлинска енергија, како и заштеда на општинските буџетски средства. Дополнително од Планот за чист воздух, за општина Шуто Оризари се издвоени 500.000 денари за хортикултурно уредување и реконструкција на дворната површина со зелена површина во ОУ ‘Браќа Рамиз и Хамид’”, објасни премиерот Спасовски.

Тој потенцираше дека континуитетот продолжува и оваа година, дека во наредните месеци ќе почне изградбата на нова фискултурна сала, хортикултурно уредување на внатрешните и останатиот дел од надворешните паркови и зелени површини, ќе се замени стариот училиштен инвентар со нов и ќе се опремат училниците и кабинетите со современа технологија и смарт табли.

„Грижата за најмладите останува во врвот на приоритетите и на Општината и на Владата. Над 450 деца Роми чиишто семејства се во социјален ризик се ослободени од плаќање партиципација за посетување на градинка, во рамки на блок-дотациите што локалните самоуправи ги добиваат од Министерството за труд и социјална политика. Раниот детски развој е основата за понатамошниот развој и едукација на секој поединец и токму затоа во изминатите три години посветено и силно работевме на вложување во раниот детски развој. Инвестирано е во вкупно 43 градинки, а истовремено се јакнат и професионалните компетенции на воспитувачите, преку различни програми, но и со зголемување на платите. Само во текот на мината година платите на вработените во градинките се зголемени за 26 проценти“, ја акцентираше грижата и за најмладите од страна на Владата премиерот Спасовски.

„Независно од оваа програма, дополнителни 6.000.000 денари од буџетот на Министерството за труд и социјална политика се наменети за внатрешно опремување на нова детска градинка ‘8 Април’ во Општина Шуто Оризари. Со овие, и со други проекти во образовните и другите политики за еднаков пристап за развој на општеството, системски ја решаваме инклузијата на деца Роми со вклучување на единиците на локална самоуправа, како дел од зацртаните цели од Националната стратегија за Роми“, финално потенцираше во својата изјава премиерот Спасовски.

Заменик-министерот за животна средина и просторно планирање, Јани Макрадули, се осврна на планот за чист воздух и енергетска ефикасност на државните и јавни установи имплементиран преку Министерството за животна средина и просторно планирање и во ова училиште.

„Она што е важно е дека ова хортикултурно уредување е опремено со системот ‘капка по капка’ и садењето е со плодородни дрвја бадеми и лешници за да можат децата и визуелно да учат. Преку планот за чист воздух оваа година ќе интервенираме во здравствениот дом овде во Шуто Оризари во вредност од 230.000 денари. Би сакал да потсетам за овој пост ковид-период и заложбата која ја имаат сите земји во Европа да нема државна зграда да не е енергетски ефикасна и што загадува е практично истата заложба што ја имаме и ние. Со милион денари е интервенирано кон општината Шуто Оризари за енергетска ефикасност со што ќе се зголеми за 30 проценти ефикасноста и така ќе одиме во сите јавни и државни установи во следниот период бидејќи тоа е најдобриот начин да се справиме со аерозагадувањето, а во рамки на борбата со аерозагадувањето планирано е поставување  мерна станица која што ќе ги детектира вредностите. Во овој момент во градот Скопје последната зимска сезона на претходната Влада во однос на оваа за 60 проценти е намалено во просек загадувањето по број на денови и по максимална и минимална концентрација“, истакна Макрадули.

Претседателката на Советот на Општина Шуто Оризари, Фатима Османовска, истакна дека ако една помала заедница е обесправена во однос на мнозинството и не може да ги ужива сите права во општеството, исчекорот напред е можен само со унапредување на образованието на таа заедница и затоа сме должни сите заедно да вложуваме во обезбедување услови за мотивација на децата и младите и нивно вклучување и останување во образовниот систем.

„Токму затоа инвестираме во нова најмодерна по европски терк детска градинка и во целосна реконструкција на едно од најголемите училишта во Република Северна Македонија, нашето ‘Браќа Рамиз и Хамид’. За децата и младите образовните и воспитните институции да ги чувствуваат како свој втор дом. Врвен приоритет и понатаму ќе ни бидат училиштата, сè додека не видиме цели генерации излезени од ова училиште, високообразовани, успешни бизнисмени, професори, лекари, политичари. Нудиме решенија за развој на заедницата, преку урбанизација на општината, првпат по 25 години. Секое домаќинство да има пристап до патишта проектирани и изведени по највисоки стандарди. Секое домаќинство да има безбеден дом од поплави и затоа следниот голем проект заедно со Владата ќе ни биде опфатот со атмосферска канализација на населбата во местата кои не се опфатени, во вредност од 1,5 милиони евра“, потенцираше Османовска.

Таа изрази уверување дека заедно со Владата ќе се продолжи на развивање наменски мерки, за младите, децата, пензионерите и вработените.

„Образован, вработен Ром со свој дом. Тоа е нашето мото за работа и како локална самоуправа сите наши ресурси ги насочувавме и ќе продолжиме да ги насочуваме со една цел – да бидеме и ние како заедница дел од едното општество за сите“, финално истакна во својата изјава Османовска.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Портпаролката на СДСМ, Богданка Кузеска, позитивна на Ковид-19

Објавено пред

Портпаролката на СДСМ, Богданка Кузеска, објави дека е позитивна на Ковид-19. Таа вели дека нема симптоми и дека се чувствува добро.

„Би сакалa да ве информирам дека вечерва добив позитивен резултат за Ковид-19. Немам симптоми и се чувствувам добро, но се тестирав заради сигурност со оглед на моите професионални, но и приватни активности. Сметав дека така е правилно и одговорно. Во текот на утрешниот ден ќе бидат тестирани и моите деца и сопруг“, напиша Кузеска на „Фејсбук“.

Во овој период, додава таа, секој мора да биде одговорен и апелира за строго почитување на мерките.

„Не 99, туку 100 % почитување на сите мерки за заштита на здравјето. Чувајте се!“, напиша Кузеска.

Вчера и министерот за внатрешни работи, Оливер Спасовски, објави дека добил позитивен тест на Ковид-19.

Прикажи повеќе...

Македонија

Во Македонија 628 нови случаи на коронавирус и 15 починати

Објавено пред

Во последните 24 часа во Македонија потврдени се 628 нови случаи на коронавирус, починаа 15 пациенти, соопшти Министерството за здравство.

Направени се 2.236 тестирања. Во Скопје се потврдени 353 случаи, Куманово – 33, Штип – 13, Прилеп – 36, Тетово – 33, Струга – 11, Велес – 34, Битола – 28, Охрид – 17, Кавадарци – 7, Гостивар – 7, Струмица – 20, Крива Паланка – 6, Радовиш – 2, Пробиштип – 3, Демир Хисар – 1, Македонски Брод – 2, Берово – 2, Виница – 1, Делчево – 4, Свети Николе – 6, Кичево – 6, Ресен – 1, Неготино – 2.

Починати се 15 лица, седум пациенти од Скопје (76, 63, 84, 82, 75, 80 и 85 г.), тројца пациенти од Велес (41, 86 и 57), двајца пациенти од Гевгелија (60 и 51 г.), еден од Ресен (70 г.), еден од Делчево (59 г.) и еден пациент од Охрид (87 г.).

Денеска Институтот за јавно здравје регистрира 531 оздравени пациенти од: Скопје – 281, Куманово – 18, Дебар – 12, Штип – 6, Прилеп – 9, Тетово – 31, Струга – 4, Велес – 9, Битола – 15, Охрид – 8, Кавадарци – 9, Гостивар – 11, Гевгелија – 10, Струмица – 14, Крива Паланка – 12, Радовиш – 3, Кочани – 15, Пробиштип – 1, Пехчево – 2, Берово – 9, Валандово – 2, Виница – 6, Делчево – 31, Кратово – 1, Свети Николе – 3, Кичево – 7, Неготино – 2.

Вкупната бројка на ковид дијагностицирани во нашата земја од почетокот на епидемијата изнесува 27.827, бројката на оздравени пациенти е 19.479, на починати е 949, а бројот на активни случаи изнесува 7.399.

Според завршените епидемиолошки анализи во моментов дистрибуцијата по градови е следна:
• Скопје 11941, активни 3551
• Куманово 2161, активни 337
• Дебар 321, активни 44
• Штип 1574, активни 212
• Прилеп 1144, активни 349
• Тетово 1966, активни 409
• Струга 797, активни 90
• Велес 548, активни 177
• Битола 578, активни 200
• Охрид 632, активни 178
• Кавадарци 438, активни 170
• Гостивар 1122, активни 146
• Гевгелија 332, активни 160 (18 лица од ПЕ Гевгелија се жители на Дојран, 45 на Богданци и 12 се странски државјани)
• Струмица 762, активни 430
• Крива Паланка 213, активни 66
• Радовиш 206, активни 76
• Крушево 22, активни 2
• Кочани 647, активни 187
• Пробиштип 167, активни 34
• Демир Хисар 75, активни 13
• Македонски Брод 102, активни 6
• Пехчево 57, активни 7
• Берово 195, активни 47
• Валандово 92, активни 33
• Виница 164, активни 54
• Делчево 231, активни 100 (50 лица од ПЕ Делчево се од Македонска Каменица)
• Кратово 37, активни 10
• Свети Николе 458, активни 69
• Кичево 494, активни 124
• Ресен 228, активни 56
• Неготино 123, активни 62 (17 лица од ПЕ Неготино се жители на Демир Капија)

Направените 2236 теста се преку: ИЈЗ-404, ЦЈЗ Скопје – 80, Авицена – 398, Биотек – 254, МАНУ – 283, Жан Митрев (Филип Втори) – 366, Систина со PCR метода – 246 , лабораторија Лаор –68, Судска медицина-11, ЦЈЗ Битола – 58, Инфективна клиника – 7, ГАК-0, Синлаб – 61, лаборатории од странство-0. Досега во земјата се направени вкупно 238.011 тестирања на Ковид-19.

На Инфективната клиника во изминативе 24 часа примени се 13 пациенти. Вкупно се хоспитализирани 152 пациенти. На кислородна поддршка се 110 пациенти, нема пациенти на механичка вентилација.

Во болницата во Козле хоспитализирани се 8 деца и 10 позитивни мајки, 3 деца и 3 мајки суспектни на Ковид-19

Во ГОБ „8 Септември“ има 2 приеми, а вкупно хоспитализирани се 47 пациенти. На респиратор е еден пациент.

Во болницата во Битола се хоспитализирани 72, а во болницата во Штип се 47 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица, Струга, Кочани, Гевгелија и Кавадарци се хоспитализирани 304 позитивни и сомнителни на Ковид-19.

Активни случаи по општини Скопје денеска (по завршување на епидемиолошките анкети, може да има измена во дистрибуцијата по општини во Скопје)
• Чаир – 169
• Гази Баба – 460
• Аеродром – 661
• Карпош – 541
• Центар – 508
• Кисела Вода – 432
• Ѓорче Петров – 299
• Бутел – 168
• Шуто Оризари – 29
• Студеничани – 8
• Сарај – 27
• Арачиново – 8
• Илинден – 61
• Сопиште – 31
• Чучер Сандево – 19
• Петровец –21
• Зелениково – 9
• Странец – 20
• Нераспределен- 80

Прикажи повеќе...

Македонија

Димитров на средба со советничката на Макрон, Изабел Думон

Објавено пред

Во рамки на дводневната работна посета на Франција заменик-претседателот на Владата задолжен за европски пршања, Никола Димитров, денеска се средна со советничката за Континентална Европа и Турција во Kкабинетот на претседателот Емануел Макрон, Изабел Думон, на која се разговараше за европско интегрирање на Западниот Балкан, како геостратешки интерес на Унијата.

„На средбата беше реафирмирана европската перспектива на Северна Македонија и позитивната динамика на реформскиот процес, потврдено и со последниот извештај на Европската комисија, а кои се значајни за стабилноста на регионот и пошироко, во контекст на актуелните безбедносни предизвици“, соопштија од кабинетот на Димитров.

„Без разлика дали станува збор за економски или политички перспективи, нашата соработка во областа на миграцијата и борбата против тероризмот – отворањето на преговорите оваа година ќе покаже дека Франција и нејзините европски партнери може да сметаат на Северна Македонија”, изјави Димитров.

Прикажи повеќе...

Најново

Свет7 часа

СЗО: Дневниот број на смртни случаи од Ковид-19 во Европа е 40% поголем од минатата недела

Дневниот број на смртни случаи од Ковид-19 во Европа е 40% поголем од минатата недела, соопшти Светската здравствена организација (СЗО)....

Македонија7 часа

Портпаролката на СДСМ, Богданка Кузеска, позитивна на Ковид-19

Портпаролката на СДСМ, Богданка Кузеска, објави дека е позитивна на Ковид-19. Таа вели дека нема симптоми и дека се чувствува...

Европа9 часа

Во Италија рекордни 21.994 новозаболени и 221 починат од коронавирус

Во изминатите 24 часа во Италија се регистрирани 21.994 нови случаи на коронавирус, соопшти денеска Министерството за здравство. Ова е...

Македонија10 часа

Во Македонија 628 нови случаи на коронавирус и 15 починати

Во последните 24 часа во Македонија потврдени се 628 нови случаи на коронавирус, починаа 15 пациенти, соопшти Министерството за здравство....

Македонија11 час

Собранието ги верифицира мандатите на четворицата нови пратеници

Собранието на денешната седница ги верифицираше мандатите на новите чет ворицатапратеници Мирче Аџиоски од ВМРО-ДПМНЕ, Рина Ајдари од ДУИ, Мирослав...

Македонија11 час

Одобрена набавката на лекот „ремдесивир“, државата ќе потроши 67,5 милиони денари

Владата одобри набавка на лекот „ремдесивир“ за третман на пациенти со коронавирус. За испорака на овој лек во следните пет...

Спорт14 часа

Нови заразени во Вардар, одложен е натпреварот со ПСЖ

Ракометниот клуб Вардар 1961 потврди дека е одложен натпреварот против ПСЖ, во Лигата на шампионите. Вардар, во рамките на 6....

Свет14 часа

Во Русија од утре маските се задолжителни во јавниот превоз, парковите и во лифтовите

Русија од утре воведува задолжително носење маски поради зголемувањето на бројот на случаи со коронавирус. Според уредбата објавена на веб-страницата...

Свет15 часа

(Видео) Муслиманскиот свет го претстави Макрон како сатанист

Францускиот претседател Емануел Макрон беше цел на демонстрантите во исламскиот свет по изјавата по повод објавувањето на карикатурата на пророкот...

Македонија15 часа

Позитивни на Ковид-19 биле 24 отсто од тестираните во текот на изминатата недела

Министерството за здравство информира дека во согласност со извештајот на Институтот за јавно здравје, кој се однесува на периодот од...

Наука17 часа

Научниците предупредуваат: нема мраз на Арктикот

Научниците предупредуваат дека поголемиот дел од Арктикот сè уште не почнал да замрзнува, иако е крајот на октомври, што е...

Македонија17 часа

ИЈЗ дневно ќе прави до 1.000 теста, од денеска ќе функционираат две одделенија

Во Институтот за јавно здравје од денеска, покрај постојното приемно одделение, ќе функционира уште едно одделение за прием со лаборант...

Македонија18 часа

„Фронт 21/42“: Експанзијата на мали хидроцентрали се заканува трајно да ги уништи нашите реки

„Фронт 21/42“ се приклучува кон манифестот потпишан од над 150 европски невладини организации, со кој се бара од Европската Унија,...

Македонија18 часа

Мицкоски: Поради пандемијата и загаденостa, хронично болните да се ослободат од работа

„Поради високата загаденост на воздухот, паралелно со пандемијата од #COVID апелирам до Владата, министерот за здравство, Филипче, и до политичката...

Македонија19 часа

МОН: Помалку од еден процент од учениците и наставниците се позитивни на Ковид-19

Министерството за образование и наука информира дека помалку од еден процент од учениците и кадарот во основните и средните училишта...

Регион19 часа

Коронавирус и во детското одделение во болница во Хрватска

Коронавирус има и во Хрватска на одделот за рехабилитација на деца во Специјалната болница за медицинска рехабилитација во Крапинска Топлица...

Регион19 часа

Во Бугарија 1.948 лекари се заразиле со Ковид-19

Во последните 24 часа во Бугарија се потврдени 2.243 нови случаи на коронавирус, што е највисок дневен биланс од почетокот...

Свет20 часа

Норвешка воведува нови ограничувања на јавни собири и божикни забави

Норвешка воведе ограничување на јавни собири од 50 лица далеку под претходниот максимум од 200 лица, а во исто време...

Свет20 часа

Кина воведува санкции за американските компании

Кина одлучи да воведе санкции за неколку американски компании поради нивната улога во продажба на оружје на Тајван. Портпаролот на...

Европа20 часа

Чешка воведува седумдневен полициски час

Чешката влада одлучи од утре да воведе седумдневен полициски час во земјата, од 21 до 5 часот наутро, и дополнително...

Досие