Контакт

Македонија

Спасовски: Проектот за наводнување на јужната долина на Вардар е од витално значење за валандовскиот регион

Објавено пред

Претседателот на Владата, Оливер Спасовски, министерот за земјоделство, шумарство и водостопанство, Трајан Димковски и градоначалникот на Општина Валандово, Перо Костадинов денеска извршија увид во градежните работи на Проектот за наводнување на јужната долина на река Вардар – Втора фаза и увид во градежните работи на Изградба на пат и канал за поврзување на регионален пат Р-1105 со населеното место Горна Мала, Валандово.

Во изјавата за медиумите, премиерот Спасовски истакна дека проектот за наводнување на јужната долина на реката Вардар – Втора фаза, е од витално значење за валандовскиот регион и е еден од најзначајните капитални проекти во земјоделството.

„Најважно за земјоделците од реализацијата на овој проект, е дека кога ќе биде завршен ќе имаат драстично намалување на трошоците за вода и ќе се обезбеди навремено и квалитетно наводнување на нови 2.150 хектари земјоделска површина. Тоа се сериозни придобивки ако се знае дека сегашниот систем за наводнување е дотраен и земјоделците трпат загуби во своето земјоделско производство.

Се уверивме дека реализацијата се спроведува според утврдената динамика и до сега оствареното ветува дека проектот ќе биде завршен во мај 2021 година како што и беше планирано“, ги потенцираше реализацијата и динамиката премиерот Спасовски.

Тој истакна дека водата како природно национално богатство е од приоритетно значење за секој од нас и без правилно управување со водните ресурси и без современи системи за наводнување, не можеме да зборуваме за развиено земјоделство и затоа заедно со Министерството за земјоделство, шумарство и водостопанство, интензивно се спроведуваат проекти за изградба и реконструкција на современи системи за наводнување.

„Програмата за наводнување на јужна долина на Вардар – Втора фаза, како капитална инвестиција во земјоделството, ќе биде исклучително значаен придонес за создавање на модерно и европско земјоделство. Овој проект е вреден над 24,3 милиони евра и е инвестиција која го прави македонското земјоделство конкурентно со услови за порентабилно производство за земјоделците и за подобар живот на населението во целиот валандовски регион“, го објасни значењето на проектот премиерот Спасовски.

Тој акцентираше дека земјоделството е еден од носечките столбови за развој на вкупната економија и затоа како Влада посветуваме посебно внимание на политиките кои ги спроведуваме за овој сектор, со посебен акцент на развојни мерки и проекти, како и нови инвестиции кои ќе придонесат кон забрзан раст на оваа стратешка економска гранка во нашата земја.

Премиерот Спасовски посака на сите оние кои учествуваат во реализацијата на овој проект да ја завршат оваа крупна инвестиција, изрази голема благодарност до сите кои придонесоа во реализација на проектот, секторите од Министерството за земјоделство, шумарство и водостопанство кои работеа на овој проект, германската развојна банка „KfW“, изведувачот и секако Општината Валандово.

„Посетата на регионот и на Општина Валандово ќе ја завршиме и со увид во завршните работи на три инфраструктурни проекти на локалната патна мрежа кои се дел од програмата на Владата за финансиска поддршка на локалните самоуправи, преточена во договори со 80 општини со кои се реализираат над 200 проекти вредни над 38 милиони евра. Ветеното се остварува, договореното се исполнува. Тоа го потврдуваат завршните работи на трите проекти за кои што Општина Валандово доби финансиска поддршка од Владата. Станува збор за изградба на пат и канал за поврзување на регионалниот пат со населеното место Горна Мала, потоа за изградба на дел од локалниот пат за поврзување на Удово до село Градец, како и изградбата на пристапен пат до земјоделско земјиште во село Бајрамбос“, потенцираше премиерот Спасовски на крај од својата изјава.

Министерот за земјоделство, шумарство и водостопанство, Трајан Димковски истакна дека успешната реализација на овој проект е еден показател за нашата цврста заложба за капитални инвестиции во земјоделството.

„Овој проект предвидува рехабилитација и модернизација на инфраструктурата за наводнување на системот за наводнување во Валандово, кој се наоѓа во јужниот дел на реката Вардар. Драго ми е што изградбата и на овој систем за наводнување, се одвива според предвидената динамика. Досега се изградени над 75 отсто од дистрибутивните мрежи, завршени се подготвителните работи на главниот цевковод, во тек се градежните активности на главната зафатна градба, таложниците, главната пумпна станица, препумпните станици, разделните шахти, шахтите за воздушни вентили и хидрантските шахти, и одобрена е опремата, која е во фаза на набавка и монтажа“, истакна министерот Димковски.

Тој објасни дека со изградбата на системот ќе се обезбеди наводнување на нови 2.150 хектари земјоделска површина на територијата на општина Валандово, поточно во населените места Удово, Јосифово и Пирава, вкупната вредност на проектот е над 24,3 милиони евра, од кои 30 отсто се обезбеди од буџетот на МЗШВ, а останатите 70 отсто, од Германската Развојна Банка (KfW), во форма на грант и на заем под поволни услови и дека според планот изградбата на системот за наводнување се очекува да заврши во мај следната година.

„Континуираната реализација на капиталните инвестиции во земјоделството, е важна за покренување на овој сектор, за зголемено и одржливо земјоделско производство, особено во оваа вонредна состојба, во којашто се наоѓа нашата држава, поради коронавирусот. Тука, во валандовскиот регион, освен инвестициите во водостопанската инфраструктура, паралелно успешно се одвива и реализацијата на инфраструктурните проекти, финансиски поддржани од Програмата за рурален развој. Во завршна фаза се трите инфраструктурни проекти на коишто работи Општина Валандово, во населеното место Горна Мала, Удово и селото Бајрамбос. Преку овие проекти ќе се обезбеди солидна комунална и патна инфраструктура во и надвор од руралните населени места, што ќе придонесе за подобрување на условите за живот на граѓаните“, потенцираше министерот Димковски.

„Реализацијата на капиталните инвестиции во земјоделството и руралниот развој продолжува и во следниот период, со уште позасилено темпо. Само така ќе поттикнеме зголемување на производството на конкурентни земјоделски производи, ќе се подобри животниот стандард на граѓаните, ќе обезбедиме услови за младите да останат и да работат во своето родно место. Наша цел е да обезбедиме достоинствен живот за сите граѓани од секоја општина“, на крај истакна министерот Димковски.

Градоначалникот на Општина Валандово, Перо Костадинов потврди дека сите работи на овој проект се изведуваат согласно претходно утврдениот план и пропишан квалитет.

„Овој систем ќе овозможи современ начин на наводнување, поголем квалитет на земјоделска обработка и континуирано снабдување со вода за наводнување на земјоделските површини во атарот на населените места Удово, Јосифово и Пирава. Овој проект е од капитален карактер за општината и значајно ќе го осовремени начинот на занимавање со земјоделство на овие простори. Преминуваме на ново ниво во валандовското земјоделие и благодарни сме на владата што го овозможи тоа“, потенцираше градоначалникот Костадинов.

Тој на увидот на улицата која го поврзува населеното место Горна Мала со Јосифово и регионалниот пат Р-1105 потврди дека Јосифово добива комплетно нова улица со тротоарски површини, подобрена инфраструктура и нов урбан простор.

„Ги поврзуваме двете населени места и ја зајакнуваме нераскинливата врска помеѓу граѓаните. Се подобруваат условите за живот овде и значајно се зголемува сообраќајната безбедност“, финализираше градоначалникот Костадинов.

Македонија

Утре ќе функционира третата смена во дежурните ординации во скопските поликлиники

Објавено пред

Од Здравствениот дом – Скопје информираат дека во текот на утрешниот ден (15 јули), кој е прогласен за неработен поради одржувањето на предвремените парламентарни избори, дежурните ординации за здравствена заштита ќе функционираат во согласност со вообичаениот распоред за работа за недела и празници.

Во трета смена ќе работат ординациите во поликлиниките: Јане Сандански, Чаир, Ченто, Шуто Оризари, Ѓорче Петров, Драчево и на Бит-пазар.

Службата за итна медицинска помош со домашно лекување ќе се грижи за здравствената состојба на граѓаните во текот на 24 часа, а со вообичаено работно време ќе функционира и единицата за домашна посета.

Прикажи повеќе...

Македонија

Регистрирани 135 новозаразени од Ковид-19 и четири смртни случаи

Објавено пред

Министерството за здравство информира дека во последните 24 часа се направени 1.259 тестирања, а регистрирани се 135 нови случаи на Kовид-19, и тоа во: Скопје – 76, Куманово – 6, Дебар – 2, Штип – 6, Прилеп – 1, Тетово – 13, Струга – 7, Битола – 3, Охрид – 1, Кавадарци – 1, Гостивар – 10, Гевгелија – 1, Македонски Брод – 1, Кратово – 1, Свети Николе – 2, Кичево – 3 и еден во Ресен.

Денеска, Институтот за јавно здравје регистрирал 142 оздравени лица, и тоа од: Скопје – 68, Штип – 3, Прилеп – 1, Тетово – 15, Струга – 15, Охрид – 15, Гостивар – 7, Крива Паланка – 1, Кочани – 1, Пробиштип – 1, Кратово – 5, Свети Николе – 6 и четворица во Ресен.

Починати се 4 лица, еден пациент од Скопје, еден од Тетово, еден од Охрид и еден пациент од Кичево.

На Клиниката за инфективни болести починала пациентка на возраст од 67 години. Еден пациент на 62 години, кој вчера од Кичево бил донесен во тешка општа состојба во болницата во Битола и веднаш бил упатен на Инфективната клиника во Скопје, но за време на транспортот починал. Во болницата во Охрид починал пациент на 86-годишна возраст, а во Тетово битката со Ковид-19 ја загубил пациент на возраст од 72 години.

Вкупната бројка на ковид-дијагностицирани во нашата земја од почетокот на епидемијата изнесува 8.332, бројката на оздравени пациенти е 4.468, на починати – 389, а во моментот бројот на активни случаи во земјата изнесува 3.475. Во согласност со новите податоци статистиката на активни случаи по градови е следна:

• Скопје – 3.952, активни 1.793
• Куманово – 868, активни 200
• Дебар – 153, активни 91
• Штип – 463, активни 181
• Прилеп – 302, активни 64
• Тетово – 885, активни 290
• Струга – 337, активни 163
• Велес – 203, активни 33
• Битола – 73, активни 30
• Охрид – 227, активни 119
• Кавадарци – 27, активни 19
• Гостивар – 240, активни 147
• Гевгелија – 13, активни 3 (*2 лица од ПЕ Гевгелија се жители на Богданци, еден е од Дојран)
• Струмица – 24, активни 16
• Крива Паланка – 19, активни 8
• Радовиш – 8, активни 4
• Крушево – 12, активни 7
• Кочани – 77, активни 12
• Пробиштип – 37, активни 23
• Демир Хисар – 8, активни 7
• Македонски Брод – 9, активни 5
• Пехчево – 6, активен 1
• Берово – 4, активен 1
• Валандово – 6, активни 0
• Виница – 4, активен 1
• Делчево – 1, активни 0
• Кратово – 9, активни 1
• Свети Николе – 120, активни 107
• Кичево – 84, активни 71
• Ресен – 139, активни 75
• Неготино – 22, активни 3 (*10 лица од ПЕ Неготино се жители на Демир Капија)

Досега во земјата се направени вкупно 79.392 тестирања на Ковид -19. Денеска нема тестирања во рамките на скринингот.

На Инфективната клиника во изминатите 24 часа примени се 4 пациенти. Вкупно хоспитализирани се 88 лица. На кислородна поддршка се 53 пациенти, а нема пациенти на респираторна машина.

Во болницата во Козле хоспитализирани се 25 возрасни пациенти позитивни на Ковид-19, пет деца позитивни и едно суспектно на вирусот.

Во болницата „8 Септември“ примени се 4 нови, а вкупно хоспитализирани се 83 пациенти. На респираторна машина се петмина.

Во болницата во Битола хоспитализирани се 29, а во болницата во Штип – 54 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и во Струга хоспитализирани се вкупно 127 пациенти позитивни и сомнителни на Ковид-19.

Статистиката на активни случаи во скопските општини денеска е следна:

• Чаир – 293
• Аеродром – 147
• Бутел – 139
• Гази Баба – 199
• Центар – 144
• Карпош – 148
• Сарај – 118
• Кисела Вода – 101
• Ѓорче Петров – 108
• Студеничани – 109
• Шуто Оризари – 80
• Арачиново – 40
• Илинден – 22
• Петровец – 20
• Чучер Сандево – 10
• Сопиште – 11
• Зелениково – 15
• Странец – 9
• Нераспределен – 80

Прикажи повеќе...

Македонија

Во Велес уапсено лице што водело списоци за поткупени гласачи

Објавено пред

Во текот на вчерашниот ден од страна на велешката полиција извршен бил претрес во домот на 35-годишниот А. М. за кој постои сомнение дека извршил кривично дело поткуп при избори и гласање.

Како што информира на „Фејсбук“ техничкиот министер за внатрешни работи, Наќе Чулев, кај 35-годишникот пронајдени и одземени биле еден мобилен телефон и повеќе листови, на кои рачно имало напишано список од речиси 250 лица со лични податоци и матични броеви.

„На информативен разговор во просториите на СВР Велес од страна на лицето било посочено дека тој ги направил списоците по претходна насока од друго лице, блиско до локалното раководство на владејачка партија во Велес. На списоците имало име и презиме и матичен број од лица од ромска националност, кои би гласале за политичката партија, а за возврат би добиле финансиски средства“, посочува Чулев, кој во објавата додава дека ваквите насоки на лицето му биле дадени пред речиси една недела, а за реализација на тоа му била ветена материјална корист.

Од страна на СВР Велес, во координација со ОЈО Велес, се преземаат дополнителни мерки и активности во насока на целосно расчистување и документирање на настанот, како и утврдување на евентуалната вмешаност на други лица, по што ќе следува соодветна кривична пријава.

Прикажи повеќе...

Најново

Македонија5 часа

Регистрирани 135 новозаразени од Ковид-19 и четири смртни случаи

Министерството за здравство информира дека во последните 24 часа се направени 1.259 тестирања, а регистрирани се 135 нови случаи на...

Македонија6 часа

Се бара со потерница експретседателот на кривичниот суд Владимир Панчевски

Експретседателот на кривичен суд, Владимир Панчевски, се бара со национална потерница што ја распиша МВР по наредба на Основниот суд...

Македонија6 часа

Во полициска станица повикани лица кои објавиле статус да се чкртне „Северна“ на гласачкото ливче

И други лица ќе бидат повикани на разговор за објавување статуси на социјалната мрежа „Фејсбук“, по примерот на директорот на...

Македонија8 часа

Две телевизии го прекршиле изборниот молк

Агенцијата за аудио и аудиовизуелни медиумски услуги при проверка на начинот на известување на радијата и телевизиите за време на...

Топ10 часа

Kривична пријава за скопјанецот осомничен дека ја убил невенчаната сопруга, а телото го фрлил покрај пат

Полицијата поднесе кривична пријава против 36-годишен скопјанец кој е осомничен дека ја убил невенчаната сопруга. Според информациите на МВР, И.Е.(36)...

Македонија10 часа

Австрија забрани летови од Македонија и другите земји од Западен Балкан

Со цел да се избори со пандемијата на коронавирус, Австрија го прошири списокот на земји на кои им е забрането...

Македонија10 часа

Најголем дел од заболените изминатата недела се лица над 60 години

Минатата недела, односно за седум дена, регистрирани се вкупно 1.073 нови позитивни случаи на коронавирус од вкупно направени 9.995 тестови....

Македонија12 часа

Во Македонија досега се излечени над 4.000 пациенти од коронавирус

Од почетокот на пандемијата, бројката на оздравени пациенти изнесува 4.326 лица. Во текот на вчерашниот ден надлежните соопштија за 123...

Македонија12 часа

Денеска гласаат болните, немоќните и затворениците

Во тек е вториот ден од гласањето за предвремените парламентарни избори. Откако вчера своето гласачко право го остварија заразените со...

Свет12 часа

СЗО: Многу земји одат во погрешна насока, нема враќање во нормала во скоро време

Светот во догледна иднина нема да се врати во некогашната нормала, оцени Светската здравствена организација (СЗО), еден ден по рекордните...

Европа13 часа

Судот во Каталонија го забрани карантинот

Судот во Каталонија ја оспори одлуката на регионалната власт да воведе целосна забрана за движење на околу 200.000 луѓе кои...

Регион13 часа

Шест часа траеше сослушувањето на Тачи во Хаг, рочиштето продолжува и денеска

Косовскиот претседател, Хашим Тачи, по шестчасовно испрашување ги напушти просториите на Специјалното јавно обвинителство во Хаг, а рочиштето ќе продолжи...

Македонија1 ден

Гласале 723 лица заболени од Ковид-19 и во самоизолација

Вкупно 723 лица, кои се заболени од Ковид-19 или се наоѓаат во самоизолација, гласале денеска. Како што информира претседателот на...

Македонија1 ден

На базен со маска, задолжително е туширање пред влегување во водата

На денешната владина седница веше усвоен протоколот за работата на базените, кој вклучува носење маска на лицето и држење растојание,...

Македонија1 ден

Растојание помеѓу лежалките и во водата, забрана за играње одбојка – објавен протоколот за плажите

Владата на денешната седница го усвои протоколот за работа на плажите во текот на пандемијата. Во согласност со протоколот, покрај...

Македонија1 ден

Планинар синоќа залутал на косовска територија, утрово е пронајден на бачило

Утрово е пронајден 42-годишен планинар од планинарското друштво „Љуботен“, кој синоќа залутал на косовска територија. Тој се движел во група...

Топ1 ден

Нова мигрантска драма во кумановското село Ваксинце – Пакистанци во залошништво држеле мигранти

Нова мигрантска драма деновиве се случувала во кумановското село Ваксинце, каде што две лица од Пакистан во засложништво држеле 19...

Македонија1 ден

Косово воведе задолжителен тест за влез на граѓаните од Македонија, Црна Гора и од БиХ

Косовската влада воведе задолжителен негативен тест РТ-ПЦР при влез во земјата за граѓаните од Македонија, Црна Гора и од Босна...

Македонија1 ден

Тројца починати и 88 нови случаи на коронавирус во Македонија

Во последните 24 часа во Македонија регистрирани се три смртни случаи и 88 новозаболени од коронавирус. Излекувани се 123 пациенти,...

Свет1 ден

Италијански лекари: Ковид-19 не е само распираторно заболување, туку убиец што го погодува целото тело

Последиците од Ковид-19 врз пациентите кои се излечени би можеле да бидат полоши од што се мислеше. Италијански лекари предупредуваат...

Досие