Македонија
Средба на претседателката Сиљановска-Давкова со нерезидентни амбасадори со седиште во Софија
Претседателката Гордана Сиљановска-Давкова денеска ги прими нерезидентните амбасадори на Кралството Мароко – Закија ел-Мидауи, на Арапската Република Египет – Надер Саад, на Државата Кувајт – Гази Хамед Алфадли, на Монголија – Сајанаа Лхагвасурен, на Грузија – Отар Бердзенишвили, на Република Молдавија – Анатол Чебук, на Република Куба – Мариета Гарсија Хордан, на Република Индија – Санџај Рана и на Исламската Република Пакистан – Модсар Чаудaри, кои се со седиште во Софија.
На средбата претседателката Сиљановска-Давкова ја истакна посветеноста од македонската страна за зајакнување на дипломатските односи со секоја од државите како на билатерален така и на мултилатерален план.
„Нашите врати се секогаш отворени за дијалог и со нетрпение очекуваме тесно да соработуваме со вас за да го истражиме целосниот потенцијал на нашите дипломатски и економски односи. Во таа насока, се надевам дека поблиските билатерални односи и почестите средби ќе го отворат патот за отворање амбасади на вашите почитувани земји овде во Скопје“, рече претседателката Сиљановска-Давкова посочувајќи на огромниот потенцијал за развој на економска соработка и претставувајќи го атрактивното инвестициско опкружување на земјата, кое се карактеризира со стратешка географска локација, стабилна монетарна политика, поволни даночни услови и квалификувана работна сила.
Таа ги претстави актуелните состојби во државата по одржаните претседателски и парламентарни избори, приоритетите по однос на реформскиот процес, економскиот развој и надворешнополитичките односи.
Во тој контекст, претседателката Сиљановска-Давкова посочи на членството во НАТО и европската интеграција како клучни аспекти во надворешната политика на државата.
„Како членка на НАТО, нашата земја сериозно и одговорно ја прифати својата улога. Нашето членство не само што ја зајакнува нашата национална безбедност туку и ни овозможува значително да придонесеме за регионалната и глобалната стабилност. Активно учествуваме во операциите на НАТО, воените вежби и процесите на донесување одлуки демонстрирајќи ја нашата заложба за принципите и целите на алијансата“, рече претседателката Сиљановска-Давкова.
Во однос на процесот на интеграција во Европската Унија, претседателката Сиљановска-Давкова истакна дека нашата земја продолжува да презема значајни чекори кон полноправно членство во ЕУ и дека тоа останува стратешки приоритет за земјата оценувајќи дека нашата интеграција кон ЕУ е сложена и вклучува разни аспекти.
„Очекуваме јасна потврда од Европската Унија за нејзината посветеност на проширувањето кон Западен Балкан, слично на ставот искажан на самитот во Солун. Мислам дека билатерализацијата на европскиот процес никому нема да му биде од корист и ќе им служи на интересите на трети земји со разни цели на Западен Балкан“, рече претседателката Сиљановска-Давкова.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Четири лица уапсени, вкупно пет пријави за семејно насилство во последното деноноќие
Четири лица се уапсени, а вкупно имало пет пријави за семејно насилство во последното деноноќие, соопшти МВР.
На 13.05.2026 во 23:15 часот во Штип, полициски службеници од СВр штип го лишиле од слобода Р.С.(39) од Штип,. постапувајќи по претходна пријава дека агресивно се однесувал и се заканувал на неговата поранешна 35-годишна сопруга.
На 13.05.2026 во 19:00 часот, полициски службеници од СВР Струмица-ОВР Гевгелија го лишија од слобода Г.А.(38) од Богданци, постапувајќи по претходна пријава дека физички го нападнал неговиот малолетен син. Лицето е задржано во Полициската станица Гевгелија и за настанот се известени јавен обвинител од Основното јавно обвинителство Гевгелија и Центар за социјални работи Гевгелија.
На 13.05.2026 во 20:30 часот во Радовиш, полициски службеници од СВР Струмица-ОВР Радовиш го лишија од слобода Ѓ.С.(29) од Радовиш. Според пријавеното, тој во семејниот дом агресивно се однесувал кон неговата мајка. Лицето е задржано во Полициската станица Радовиш и за настанот е запознаен јавен обвинител од Основното јавно обвинителство Радовиш.
На 13.05.2026 во 23:10 часот во струмичко село, полициски службеници од СВР Струмица лишија од слобода 71-годишна жителка на селото, постапувајќи по претходна пријава дека околу 21:00 часот во семејниот дом физички ја нападнала нејзината 43-годишна снаа. Лицето е задржано во Полициската станица Струмица и за настанот е запознаен јавен обвинител од Основното јавно обвинителство Струмица.
На 14.05.2026 во 06:00 часот во СВР Скопје, 33-годишна жена од Скопје пријави дека околу 00:30 часот во семејниот дом на подрачјето на Карпош била физички нападната од нејзиниот 49-годишен сопруг, кој и претходно психички и физички ја малтретирал, но досега не го пријавила. Додека, пак, во 06:55 часот во СВР Скопје, 49-годишниот маж пријави дека околу 00:30 часот во семејниот дом на подрачјето на Карпош бил физички нападнат од неговата 33-годишна сопруга и напоменал дека во изминатиот период бил психички и физички малтретиран од неа.
„Се преземаат мерки за расчистување на случаите и по нивно целосно документирање против сторителите ќе бидат поднесени соодветни пријави“, велат од МВР.
Македонија
Уапсени 10 возачи, петмина возеле без дозвола
Во текот на изминатото деноноќие на целата територија на државата, полициските службеници лишија од слобода 10 возачи за безобѕирно управување возило, петмина возеле без возачка дозвола (двајца малолетници), четири под дејство на алкохол, а еден во забранета насока.
Двајца возачи во Тетово (еден малолетник) и по еден Неготино, Битола и прилепско (малолетник) управувале возило без возачка дозвола.
По еден возач во Скопје, Кавадарци, Охрид и Кичево возеле под дејство на алкохол. Додека, еден возач во Битола управувал возило во забранета насока. По целосно документирање на случаите ќе бидат поднесени соодветни кривични пријави.
„Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај“, велат од МВР.
Македонија
Велковски во посета на Центарот за социјална работа во Велес: Помошта да стигне до оние на кои им е најпотребна
Заменик – министерот за социјална политика, демографија и млади, Ѓоко Велковски, денес оствари работна посета на Центарот за социјална работа во Велес, со цел да изврши увид во спроведувањето на задолженијата поврзани со постапките за остварување и користење на правото на гарантирана минимална помош и правото на социјална сигурност за старите лица.
Во рамки на активностите, центрите за социјална работа имаат обврска итно и координирано да спроведат проверка, утврдување и потврдување на статусот и исполнувањето на условите кај корисниците на овие права.
Согласно законските рокови, директорите на центрите формираат стручни тимови составени од социјални работници и други стручни лица кои ги повикуваат корисниците, вршат непосреден увид преку разговор и проверка на документација, ја утврдуваат фактичката состојба и предлагаат мерки согласно закон.
„Нашата цел е јасна – средствата предвидени за социјална заштита да стигнат до оние на кои навистина им се најпотребни. Само со одговорен, транспарентен и професионален пристап можеме да изградиме систем кој ќе биде праведен и ефикасен за сите граѓани“, истакна Велковски.
Четири лица уапсени, вкупно пет пријави за семејно насилство во последното деноноќие
Четири лица се уапсени, а вкупно имало пет пријави за семејно насилство во последното деноноќие, соопшти МВР. На 13.05.2026 во...
Уапсени 10 возачи, петмина возеле без дозвола
Во текот на изминатото деноноќие на целата територија на државата, полициските службеници лишија од слобода 10 возачи за безобѕирно управување...
Велковски во посета на Центарот за социјална работа во Велес: Помошта да стигне до оние на кои им е најпотребна
Заменик – министерот за социјална политика, демографија и млади, Ѓоко Велковски, денес оствари работна посета на Центарот за социјална работа...
ВМРО-ДПМНЕ: Сведоштва имаме од обвинители и судии дека Заев, Шеќеринска и Спасовски биле тие кои кажувале кој ќе се гони
Сведоштва имаме од обвинители и судии дека Заев, Шеќеринска и Спасовски биле тие кои кажувале кој ќе се гони, а...
Синер го победи Рубљов и го сруши рекордот на Ѓоковиќ
Италијанскиот тенисер Јаник Синер го победи Андреј Рубљов во четвртфиналето на Мастерсот во Рим и ја забележа својата 32-ра победа...
Божиновска на Energy Transition Summit во Атина: Посветени сме на заложбите за кредибилен партнер во Европската енергетска интеграција
Посветени сме да бидеме конструктивен регионален партнер, кредибилен учесник во европската енергетска интеграција, земја која придонесува за постабилна, побезбедна и...
(Видео) Огњеновиќ: Настап на Дејвид Гета чини најмалку еден милион евра, Владата не го откри хонорарот
Најавата на Владата дека познатиот француски ди-џеј Дејдид Гета ќе настапи во Скопје во рамки на прославата за 35 години...
Иран: Се договоривме со Кина за Ормускиот теснец
Иран почна да дозволува одредени кинески бродови да минуваат низ Ормускиот теснец откако постигна договор за правилата на Иран за...
Стефковски: Безбедноста во училиштата во Општина Гази Баба е на високо ниво
Градоначалникот на Општина Гази Баба, Бобан Стефковски, соопшти дека денеска се одржа седница на Локалниот совет за превенција во проширен...