Контакт

Македонија

Средба Османи – Вархељи: Почетокот на преговорите ќе биде јасен сигнал за европскиот курс на целиот регион

Објавено пред

Министерот за надворешни работи, Бујар Османи, во рамките на работната посета на Брисел оствари средба со еврокомесарот за соседство и проширување, Оливер Вархељи. Средбата беше во функција на остварување на мисијата на Османи да го заокружи евроинтеграциското досие на Северна Македонија, формалниот почеток на преговорите за членство во ЕУ да почне без одлагање и во рамките на годинешното германско претседателство со Советот на ЕУ; впрочем, соговорниците ваквата цел ја оценија како заедничка.

„Новата Влада останува силно посветена на реформската агенда и европските интеграции, со дополнителен импулс и активност во развојот на добрососедските односи како клучна додадена вредност во развојот на регионалната стабилност. Новиот парламентарен состав има европски предзнак и очекувам континуитет во спроведувањето на реформите“, истакна Османи посочувајќи на високите очекувања во земјата од германското претседателство во насока на заокружување на преговарачката рамка и одржување на првата меѓувладина конференција.

„Ве уверувам дека не само реформскиот процес туку дека новата Влада ќе го искористи претстојниот период за финализација и на административно-техничката и политичка подготвеност на земјата за почеток на преговорите преку навремено заокружување на преговарачката структура, соодветно на принципите на новата методологија, применувајќи ја секако и новата групација на поглавјата по кластери“, порача Османи посочувајќи на остварувањата во претходниот мандат, во насока на веќе изградениот костур и легислативна подготовка за преговарачката структура, како и веќе успешно одржаниот објаснувачки скрининг.

За време на средбата комесарот Вархељи информира дека Европската комисија набргу ќе го објави редовниот пакет за проширување заедно со годишните извештаи за земјите од процесот на стабилизација и асоцијација со ЕУ. Како негово надополнување беше најавено објавувањето на Економско-инвестициската програма на ЕК за регионот на Западен Балкан, со која ќе се одвои значителна финансиска поддршка во облик на неповратни средства и заеми за спроведување инфраструктурни проекти од областа на транспортното и енергетското меѓуповрзување на регионот. Ова ќе претставува силна поддршка од страна на ЕУ за економско зајакнување на земјите од Западен Балкан, унапредена регионална соработка и засилени конекции со ЕУ.

Тема на средбата беа и иницијативите на Берлинскиот процес, особено во рамките на заедничкото копретседавање меѓу Република Северна Македонија и Република Бугарија, кое е закажано за 10 ноември во Софија. Беше констатирано дека симболичното копретседателство на една земја членка на ЕУ со земја кандидат, што е единствен случај досега, претставува вистинска можност за промоција и зајакнување на добрососедството меѓу двете земји, како и промоција на заедничката аспирација за европска интеграција на целиот регион.

Османи во текот на денот ќе се сретне и со Андреас Шидер, претседавач со Мешовитиот парламентарен комитет помеѓу Република Северна Македонија и Европската Унија, Илхан Ќучук, известителот за Северна Македонија во Европскиот парламент, како и со Андреј Ковачев, потпретседател на ЕНП.
Во рамките на денешната интензивна агенда Османи има планирано и средба со потпретседателката на Европската Унија одговорна за демократија и демографија, Дубравка Шуица.

Македонија

Средба Ахмети – Хоти: Само преку договор двете земји можат да одат напред

Објавено пред

Претседателот на Демократската унија за интеграција, Али Ахмети, во Собранието оствари средба со косовскиот премиер,Авдула Хоти, кој престојува во официјална посета на земјата.

За време на оваа средба со Хоти, лидерот на ДУИ рече дека Северна Македонија и Косово имаат одлични соседски односи и дека секогаш ќе останат исти. Ахмети и Хоти разговараа и за проширувањето на соработката меѓу нашите
две земји со цел економијата, стабилноста и просперитетот во регионот.

Лидерот на ДУИ, му честиташе на Хоти за постигнатиот договор во Вашингтон, кој го отвора патот за заемно признавање меѓу Косово и Србија и истовремено овозможува интеграција во НАТО и Европската Унија, бидејќи тоа е единствениот начин што гарантира подобар живот за сите граѓани на Балканот.

Претседателот на ДУИ, за време на состанокот со Хоти разговараше и за достигнувањата на Северна
Македонија, споменувајќи го тука договорот со Атина и Софија и ориентацијата на земјата кон Европската Унија.

Ахмети му порача на премиерот Хоти дека компромисите постигнати од Северна Македонија со Грција и Бугарија треба да бидат референтна точка за дијалогот Косово-Србија, бидејќи само преку договор нашите земји можат да одат напред.

На крајот од состанокот, лидерот на ДУИ, Ахмети истакна дека Република Северна Македонија ќе ја поддржи Република Косово во спроведувањето на неопходните и важни реформи со цел да се поддржи владеењето на правото и
правилното функционирање на косовските институции и во овој случај евро-атлантска интеграција.

Прикажи повеќе...

Македонија

Филипче: Лабораториите за тестирање работат во три смени

Објавено пред

Министерот за здравство доц. д-р Венко Филипче информира дека силниот есенски бран ги оптерети лабораториите за тестирање, но се работи на изнаоѓање решение за нови термини.

„Викендов сите лаборатории ќе работат со полн капацитет за да се постигне со обработката на тестови, а денеска разговаравме за отворање на нови термини на почетокот на следната недела. Сите капацитети се максимално ангажирани, колегите работат во три смени. Верувам дека брзо ќе изнајдеме решение за надминување на состојбата“, потенцира Филипче.

Прикажи повеќе...

Македонија

518 нови случаи на Ковид-19 во земјава, починаа девет лица

Објавено пред

Министерството за здравство информира дека во последните 24 часа се направени 2367 тестирања, а регистрирани се 518 нови случаи на Ковид-19 во: Скопје-261, Куманово-13, Штип-19, Прилеп-21, Тетово-30, Струга-5, Велес-13, Битола-21, Охрид-15, Кавадарци-11, Гостивар-10, Гевгелија-11, Струмица-23, Крива Планка-4, Радовиш-6, Кочани-11, Пробиштип-6, Берово-2, Валандово-3, Виница-2, Делчево-3, Свети Николе-8, Кичево-13, Ресен-6, Неготино-1.

Денеска Институтот за јавно здравје регистрира 200 оздравени пациенти од: Скопје-112, Куманово-2, Штип-7, Прилеп-5, Тетово-8, Струга-1, Велес-2, Битола-9, Охрид-3, Гостивар-8, Гевгелија-3, Струмица-10, Радовиш-5, Кочани-8, Берово-3, Валандово-4, Свети Николе-4, Кичево-3, Ресен-3.

Починати се 9 лица, четири пациенти од Скопје (36, 60, 65 и 53), еден пациент од Штип (66), еден од Радовиш (72), еден од Струмица (71), еден од Пробиштип (75) и еден пациент од Македонска Каменица (44).

Вкупната бројка на ковид дијагностицирани во нашата земја од почетокот на епидемијата изнесува 25991, бројката на оздравени пациенти е 18247, на починати е 883, а во моментов бројот на активни случаи во земјата изнесува 6861. Според завршените епидемиолошки анализи во моментов дистрибуцијата по градови е следна:

• Скопје 11024, активни 3320
• Куманово 2080, активни 301
• Дебар 315, активни 53
• Штип 1522, активни 192
• Прилеп 1035, активни 294
• Тетово 1857, активни 367
• Струга 767, активни 81
• Велес 482, активни 131
• Битола 521, активни 171
• Охрид 582, активни 149
• Кавадарци 405, активни 152
• Гостивар 1075, активни 120
• Гевгелија 309, активни 167 (16 лица од ПЕ Гевгелија се жители на Дојран, 47 на Богданци и 12 се странски државјани)
• Струмица 676, активни 394
• Крива Паланка 199, активни 73
• Радовиш 199, активни 80
• Крушево 21, активни 1
• Кочани 614, активни 198
• Пробиштип 152, активни 23
• Демир Хисар 71, активни 10
• Македонски Брод 98, активни 4
• Пехчево 57, активни 11
• Берово 179, активни 44
• Валандово 92, активни 45
• Виница 160, активни 57
• Делчево 221, активни 123 (46 лица од ПЕ Делчево се од Македонска Каменица)
• Кратово 34, активни 8
• Свети Николе 445, активни 68
• Кичево 472, активни 122
• Ресен 220, активни 53
• Неготино 107, активни 49 (16 лица од ПЕ Неготино се жители на Демир Капија)

Направените 2367 теста се преку: ИЈЗ-721, ЦЈЗ Скопје-82, Авицена-496, Биотек-271, МАНУ -170, Жан Митрев (Филип Втори) -210, Систина со PCR метода -136 , лабораторија Лаор –77, Судска медицина-28, ЦЈЗ Битола-99, Инфективна клиника-10, ГАК-11, Синлаб-56, лаборатории од странство-0. Досега во земјата се направени вкупно 231.613 тестирања на Ковид -19.

На Инфективната клиника во изминативе 24 часа примени се 18 пациенти. Вкупно се хоспитализирани 128 пациенти. На кислородна поддршка се 90 пациенти, нема пациенти на механичка вентилација.

Во болницата во Козле хоспитализирани се 5 деца и 6 мајки позитивни на ковид-19, 2 деца и 2 мајки суспектни на вирусот.

Во ГОБ „8 Септември“ има 3 приеми, а вкупно хоспитализирани се 45 пациенти. На респиратор се 2 пациенти.

Во болницата во Битола се хоспитализирани 49, а во болницата во Штип се 52 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица, Струга, Кочани и Кавадарци се хоспитализирани 286, позитивни и сомнителни на Ковид-19.

Активни случаи по општини Скопје денеска (по завршување на епидемиолошките анкети, може да има измена во дистрибуцијата по општини во Скопје)

• Чаир – 159
• Гази Баба – 403
• Аеродром – 649
• Карпош – 516
• Центар – 510
• Кисела Вода – 387
• Ѓорче Петров – 275
• Бутел – 132
• Шуто Оризари – 22
• Студеничани – 6
• Сарај – 21
• Арачиново – 10
• Илинден – 58
• Сопиште – 27
• Чучер Сандево – 12
• Петровец –19
• Зелениково – 8
• Странец – 19
• Нераспределен- 87

Прикажи повеќе...

Најново

Македонија9 часа

Филипче: Лабораториите за тестирање работат во три смени

Министерот за здравство доц. д-р Венко Филипче информира дека силниот есенски бран ги оптерети лабораториите за тестирање, но се работи...

Македонија9 часа

518 нови случаи на Ковид-19 во земјава, починаа девет лица

Министерството за здравство информира дека во последните 24 часа се направени 2367 тестирања, а регистрирани се 518 нови случаи на...

Регион10 часа

Бугарскиот премиер во самоизолација

Бугарскиот премиер Бојко Борисов е во самоизолација по контактот со заменик министерот за градежништво, Николај Нанков, кој беше позитивен на...

Македонија10 часа

(Видео) Северна Македонија и САД потпишаа меморандум за безбедност на 5G технологии

Премиерот Зоран Заев и потсекретарот за економски раст, енергија и животна средина во Владата на САД, Кеит Крач, потпишаа меморандум...

Македонија11 час

(Видео) Заев – Хоти: Ако има потреба повторно ќе се воведат ПЦР тестови на граница

Северна Македонија и Косово традиционално позитивниот политички дијалог наскоро ќе го потврдат со прва заедничка седница меѓу Владите на двете...

Македонија12 часа

Мицкоски: Ако Заев се откаже од Гоце Делчев и јазикот, идната влада на ВМРО ќе ја поништи одлуката

Претседател на ВМРО-ДПМНЕ  Христијан Мицкоски, на денешниот протест, како што наведуваат, против „мафијата, за правда и слобода“, нагласи дека доколу...

Топ12 часа

Тепачка со ножеви и пиштоли меѓу две семејства во Кондово, двајца завршиле во болница

Две лица се повредени во тепачка меѓу две семејства во Кондово, во која биле употребени нож и пиштол. Како што...

Македонија16 часа

Свадба со 200 гости во Арачиново, полицијата најави пријави

Државниот пазарен инспекторат и полицијата растурија свадба во Арачиново со 200 гости и најавија кривични пријави за непочитување на мерките...

Регион17 часа

Во Словенија 1.656 нови случаи на коронавирус – се затвораат рестораните, хотелите, трговските центри

Во Словенија во последните 24 часа се потврдени 1.656 нови случаи на коронавирус, нешто помалку од претходниот ден. Бројот на...

Македонија18 часа

(Видео) Георгиевски за „Бгнес“: Сакаме зближување со Бугарија, Гоце Делчев нè обединува

И покрај „длабоката држава“ во Македонија, ние сакаме зближување со Бугарија, Гоце Делчев нè обединува, вели лидерот на ВМРО-Народна партија,...

Свет19 часа

Истражување: Лекувањето на Ковид-19 со крвна плазма дава слаби резултати

Употребата на таканаречената конвалесцентна плазма или антитела од крвта на пациенти кои оздравеле од Ковид-19 како потенцијален третман за хоспитализирани...

Македонија19 часа

Казнети рекордни 557 возачи за еден ден во Скопје

Полицијата вчера казнила рекордни 557 возачи во Скопје, од кои 93 за пречекорена брзина. Министерството за внатрешни работи во текот...

Свет20 часа

(Видео) Последна дебата пред изборите: Трамп вети вакцина до крајот на годинава, Бајден апелира да се носат маски

Доналд Трамп и Џо Бајден разменија сериозни обвинувања на последната дебата пред претседателските изборите во САД што се одржа во...

Македонија20 часа

Владата именува нови директори на јавни претпријатија и државни агенции

Владата на седница донесе одлука за именување директори, в.д. директори и членови на Управни одбори на повеќе јавни претпријатија и...

Македонија20 часа

23 Oктомври – Ден на македонската револуционерна борба

Во Македонија денеска се одбележува 23 Октомври – Денот на македонската револуционерна борба, државен празник и неработен ден за сите...

Спорт1 ден

Во последната секунда Вардар пропушти победа над Порто и фантастичниот Митревски

Вардар во уште еден драматичен финиш, не успеа да ја забележи втората победа едноподруго во ЕХФ Лигата на шампионите, откако...

Македонија1 ден

Дурловски се повлекува од пратеничката функција

Пратеникот Игор Дурловски од ВМРО-ДПМНЕ го напушта Собранието. Тој на социјалните мрежи напиша дека негови приоритети се националните интереси по...

Македонија1 ден

Георгиевски во Софија на средба со Захариева

Лидерот на ВМРО-Народна партија, Љубчо Георгиевски, денеска имаше средба со министерката за надворешни работи на Република Бугарија, Екатерина Захариева. Информацијата...

Регион1 ден

Дачиќ е избран за претседател на српското собрание

Лидерот на Социјалистичката партија на Србија (СПС) и досегашен министер за надворешни работи, Ивица Дачиќ, е избран за претседател на...

Македонија1 ден

Нови 640 заболени и 12 починати од Ковид-19 во земјата

Министерството за здравство информира дека во последните 24 часа се направени 2.634 тестирања, а регистрирани се 640 нови случаи на...

Досие