Контакт

Македонија

Сугарески: Почнуваме со реконструкција на локални патишта и улици во сите општини

Објавено пред

Почнуваме со реализација на проектот за изградба и реконструкција на преку 400 километри локални патишта и улици во сите 80 општини и Градот Скопје, за што инвестираме вкупно 70 милиони евра. Министерството за транспорт и врски веќе го објави првиот тендер за реконструкција и санација на вкупно 28 улици и локални патишта во 17 општини“ – истакна министерот за транспорт и врски, Горан Сугарески, на денешната прес-конференција што се одржа во Прилеп.

Во првата фаза од проектот за поврзување на локални патишта ќе се работи на реконструкција и надградба на 28 локални патишта и улици со вкупна должина од 23,6 километри, во вредност од 4,5 милиони евра.

Следува интегрален текст од говорот на министерот за транспорт и врски, Горан Сугарески.

„Подобрување на урбаното живеење, олеснување на животот на граѓаните и економски развој на државата се врвни приоритети кои континуирано ги реализира Владата предводена од СДСМ. Тоа го докажавме преку историски најголемите инвестиции во патната мрежа, преку инвестициите во изградба на водоводи и канализации, преку реализација на круцијалниот проект за гасификација на земјата и други значајни капитални проекти. Нашите заложби за подигнување на квалитетот на живот во секоја општина се видливи на терен и се потврдуваат со бројните проекти што досега ги реализиравме и оние на кои работиме во моментов насекаде низ државата. Еден од тие значајни инфраструктурни проекти од особена важност за општините е проектот за изградба и реконструкција на локални патишта и улици во сите 80 општини и Градот Скопје, инвестиција од вкупно 70 милиони евра. Веќе информиравме дека средствата се обезбедени, притоа на секоја општина согласно однапред утврдена методологија ѝ се распределени средства со одредена висина, за чие користење општините веќе аплицираа до Министерството за транспорт и врски. Заради правична распределба на средствата се водевме од критериуми користени за слични намени, како што се бројот на население, број на населени места и површина на општините, а исто така  предвид ја зедовме и Одлуката за класификација на планските региони според степенот на развиеност за периодот 2013-2017 година. На мое огромно задоволство, денеска сме тука да го најавиме почетокот на реализација на овој проект. Сакам да информирам дека Министерството за транспорт и врски го објави првиот тендер за изградба и санација на локални улици и патишта во 17 општини. Во оваа прва фаза ќе се работат 28 локални улици во должина од 23,6 километри и во вредност од 4,5 милиони евра. Подетално, веднаш по завршувањето на тендерската постапка и роковите за избор, приближно на есен започнуваме со градежни работи, и тоа на:
• Улица Париска во Карпош
• Улица Живко Фирфов во Кисела Вода
• Улица број 532 – Илинден
• две улици во Ѓорче
• две улици во Тетово
• Локален пат до село Жубовце во Врапчиште
• по една улица во Кочани, во Кратово во Македонски Брод
• неколку улици во село Двориште во Берово
• Локален пат Прналија-Шупуѓе во Радовиш
• Локалниот пат до село Слоешица во Демир Хисар
• 3 улици во Кавадарци
• 2 улици во Неготино
• 6 улици во Богданци
• Локалниот пат од Долно до Горно Липовиќ во Конче
• и улица Мице Козарев во Прилеп.

Како што истакнав, тендерската постапка е во тек, рокот за поднесување на понудите е до 18 август, по што следува евалуација на понудите, договор со изведувач и веднаш потоа започнуваме со градежните работи. Во оваа прва фаза влегоа само општините кои до Министерството доставија готови ревидирани проекти кои Светска банка веднаш ги одобри. Исто така, сакам да најавам дека работиме и на вториот пакет на општини, кој некаде до средината на август ќе го испратиме на одобрување до Светска банка и веднаш биде одобрен ќе биде објавен вториот јавен повик. Затоа е многу важно во овој период општините да подготвуваат проекти и да ги испраќаат до Министерството за транспорт и врски, со цел ефикасно и навремено да се искористат средствата што ни се одобрени. Сметам дека со проектот за локални патишта не само што ќе го подобриме урбаното живеење, туку ја зголемуваме безбедноста во сообраќајот, создаваме услови за економски развој на општините и привлекување нови инвестиции. Притоа верувам дека реализацијата на еден ваков проект ќе придонесе за рамномерен регионален развој, економско зајакнување на општините и намалување на разликите помеѓу планските региони и општините кои се дел од нив“ – изјави министерот за транспорт и врски, Горан Сугарески.

Македонија

МТСП: Жените може да се пензионираат и на 62 години, доколку тие така одлучат

Објавено пред

Во однос на дилемите во јавноста за задолжителното пензионирање на 64 години возраст и 15 години стаж, Министерството за труд и социјална политика информира дека во согласност со Уставот правото за пензионирање на мажите и жените во однос на возраста е изедначено и тие се пензионираат на 64 години.

Но, Законот за пензиско и инвалидско осигурување, во член 18, им остава можност на жените да заминат во пензија и на 62 години, доколку тие така одлучат.

„Предложените измени на Законот за работни односи се однесуваат само на укинување на можноста за продолжување на работниот век до 67 години, но не предвидуваат измени во однос на укинување на можноста жените да се пензионираат на 62 години, но само доколку тие самите така одлучат. Во спротивно, во согласност со Законот за пензиско и инвалидно осигурување и жените, како и мажите, правото на пензија го остваруваат со навршени 64 години возраст и 15 години стаж“, појаснуваат од МТСП.

Прикажи повеќе...

Македонија

(Видео) Ковачки: Одговорност од Шекеринска и Пендаровски за бламот што ѝ го приредија на Македонија пред НАТО

Објавено пред

Драган Ковачки од ВМРО-ДПМНЕ побара оставка од  министерката за одбрана, Радмила Шекеринска, и одговорност од претседателот, Стево Пендаровски, за, како што рече, бламот што ѝ го приредија на Македонија пред НАТО.

„Шекеринска и Пендаровски да не се кријат зад партиски соопштенија зад СДСМ и да одговорат кој и зошто ги прекршил процедурите при номинациите за воен претставник на Македонија во НАТО во Брисел. Земјата ја понижувате и срамите заради вашиот аматеризам. Ова е блам пред НАТО и Шекеринска и Пендаровски треба да сносат одговорност“, рече тој.

Според Ковачки, Шекеринска и Пендаровски, ја понижуваат и Македонија и алијансата, со самото тоа што две ипол години немаме наш воен претставник во НАТО.

„Јавноста мора веднаш да добие одговор на прашањата: дали Шекеринска знаела дека постои безбедносна пречка за лицата што ги номинирала, и ако знаела, зошто го довела во заблуда претседателот на државата да дава согласност и да ја срами државата пред нашите сојузници, дали Пендаровски ќе побара одговорност од Шекеринска, затоа што го довела во заблуда или ќе си одмолчи и релативизира и ако не е запазена процедурата за избор, зошто не е, и кој е тој, односно таа што е над процедурите за да може да одлучува по сопствено, односно партиско убедување“, праша Ковачки.

Прикажи повеќе...

Македонија

Талески ги предаде акредитивните писма на генералниот секретар на НАТО

Објавено пред

Новиот амбасадор во НАТО, Дане Талески, денеска ги предаде акредитивните писма на генералниот секретар на aлијансата, Јенс Столтенберг.

Церемонијата се одржа во седиштето на НАТО, согласно протоколите за заштита од коронавирусот. По церемонијата, следеше состанок на амбасадорот Талески со Столтенберг.

Со предавањето на акредитивните писма и официјално почнува мандатот на Талески како прв постојан претставник на Република Северна Македонија откако нашата држава стана 30. полноправна членка на НАТО на 27 март минатата година.

Прикажи повеќе...

Најново

Македонија7 часа

МТСП: Жените може да се пензионираат и на 62 години, доколку тие така одлучат

Во однос на дилемите во јавноста за задолжителното пензионирање на 64 години возраст и 15 години стаж, Министерството за труд...

Свет11 час

Објавено ново видео од упадот во Конгресот на САД

Објавено е ново видео од упадот на приврзаниците на американскиот претседател во заминување Доналд Трамп во зградата на американскиот Конгрес...

Спорт12 часа

Чиле „падна“, Македонија во главната рунда на Светското првенство

Македонската ракометна репрезентација по двата високи порази во пресметките со Шведска и домаќинот Египет, ја забележа првата победа на Светското...

Македонија12 часа

Во Македонија 63 нови случаи на коронавирус, 13 лица починаа

Во последните 24 часа во Македонија се потврдени 63 нови случаи на коронавирус, 13 лица починаа, а 176 оздравеа, соопшти...

Свет13 часа

Судот во Москва му одреди притвор на Навални

Рускиот суд му одреди притвор од 30 дена на опозиционерот Алексеј Навални. Притворот ќе трае до 15 февруари, соопшти неговиот...

Македонија15 часа

Мицкоски побара поддршка од Орбан и Сијарто за деблокирање на Македонија на патот кон ЕУ

Претседателот на ВМРО-ДПМНЕ, Христијан Мицкоски, и потпретседателот Александар Николоски, денеска во Будимпешта имаа работна средба со премиерот на Унгарија, Виктор...

Свет15 часа

Пристапот „прво јас“ нè турка кон катастрофален пад во дистрибуцијата на вакцините, вели директорот на СЗО

Светот е на работ на катастрофален морален пад во дистрибуцијата на вакцини против Ковид-19, изјави денеска генералниот директор на Светската...

Македонија16 часа

Бектеши смета дека кафулињата треба да работат до 23 часот

Министерот за економија, Крешник Бектеши, смета дека работното време на угостителските објекти ќе биде продолжено до 23 часот. „Продолжување на...

Топ17 часа

Детали за инцидентот во врска со прилепчанецот убиен на лов

Во полициската станица во Прилеп во претпладневните часови на 17 јануари било пријавено дека во атарот на прилепското село Витолиште...

Македонија17 часа

Заев: Од Србија ќе добиеме 8.000 вакцини на „Фајзер“

Србија ќе ни отстапи 8.000 вакцини од „Фајзер“, a потоа можеби и ковид-вакцини од другите производители. Премиерот Зоран Заев соопшти...

Македонија18 часа

Институтот за трансфузиологија апелира: Донирајте крвна плазма, помогнете им на оние што се борат со Ковид-19

Од Институтот за трансфузиона медицина информираат дека се обезбедени 802 единици конвалесцентна плазма за третман на пациенти заразени од Ковид-19...

Европа18 часа

Во Германија откриена досега непозната мутација на коронавирусот

Според германските медиуми, на клиниката „Гармиш-Партенкирхен“ е пронајден нов, досега непознат вид коронавирус. Во болницата во Гармиш-Партенкирхен 73 пациенти и...

Свет19 часа

Захарова им порача на критичарите на апсењето на Навални да се занимаваат со своите проблеми

Портпаролката на руското Министерство за надворешни работи, Марија Захарова, се јави по повод пораките од политичарите за итно ослободување на...

Регион19 часа

Во Хрватска вакцинирани речиси 46.000 лица, кај 80 забележани лесни несакани ефекти

До овој викенд вакцинирани се речиси 46.000 граѓани во Хрватска, а 80 од нив имаат претежно лесни несакани ефекти, изјави...

Свет20 часа

Портпаролката на Навални: Не знаеме што се случува со него и каде го одведоа

Заводот за извршување кривични санкции во Русија објави дека опозиционерот Алексеј Навални, кој беше уапсен синоќа на враќање од Германија...

Свет20 часа

Австралија годинава нема да ги отвори границите, дури и ако мнозинството граѓани се вакцинираат

Австралија можно е да не ги отвори целосно своите меѓународни граници годинава, дури и ако мнозинството од населението е вакцинирано...

Свет20 часа

Уапсен функционер од Ново Мексико за нападот врз Капитол

Министерството за правда на САД објави дека е уапсен функционер од Ново Мексико во врска со нападот на Капитол на...

Свет1 ден

Претседателот на Европскиот совет повика на итно ослободување на Навални

Претседателот на Европскиот совет, Шарл Мишел, повика на итно ослободување на рускиот опозициски лидер, Алексеј Навални, откако беше приведен по...

Топ1 ден

25-годишен прилепчанец загина за време на лов

Дваесет и петгодишен прилепчанец бил застрелан во атарот на мариовското селото Витолиште, додека со пријателите бил на лов на диви...

Свет1 ден

(Видео) Снег во Сахара

Додека јануари носи снег во многу краеви на светот, во Сахара или на Блискиот исток тоа не е толку вообичаено....

Досие