Македонија
Судењето за смртта на Алмир – тема на седницата на Претседателството на ДУИ

Претседателството на Демократската унија за интеграција на состанок во Тетово разговарало и за судскиот процес за случајот со малиот Алмир. Од партијата „изразуваат длабока загриженост што во самото Обвинителство има разлики што се однесува на одлуката за преквалификација на делото од убиство во друго кривично дело и бараат итно адресирање на нивната загриженост“.
„Во пресрет на најавените реформи за реформирање на судскиот систем сметаме дека ова дејствување не придонесува во овој правец, несакајки да се мешаме и да преудицираме во начинот на читање на фактите. Исто така, строго го осудуваме скандалозното и нечовечно однесување кое се виде вчера од обвинетиот“, соопшти партијата. ДУИ јавно апелира до судските органи во духот на нашите интереси за побрзо интегрирање во евроатланските структури на земјата, да го примениме секој збор од законот со цел на зајакнување на правниот поредок и владеењето на правото.
Ваквата реакција следи откако четворица обвинители – Џелал Бајрами, Ферат Елези, Башким Бесими и Исмаил Дардишта се четворицата обвинители испратија писмо до јавноста, со кое реагираат дека се против одлуката на кумановското обвинителство и кумановскиот суд на обвинетиот Бобан Илиќ да му се суди за тешко дело против безбедноста на луѓето и имотот во сообраќајот наместо за убиство на малиот Алмир. Нивната реакција велат дека следува бидејќи со преквалификацијата имало повреда на основните начела на Законот за јавното обвинителство. Државниот јавен обвинител, Љубомир Јовески, ја осуди постапката на четворицата обвинители, истакнувајќи дека таквото обраќање е непрофесионално и се прекршил етичкиот кодекс на јавните обвинители во Република Македонија.
©Makfax.com.mk Доколку преземете содржина од оваа страница, во целост сте се согласиле со нејзините Условите за користење.

Македонија
Туск доаѓа на 27 април во Скопје

Претседателот на Европскиот совет, Доналд Туск, ќе присуствува на самитот Брдо-Бриони на 27 април во Скопје, потврди неговиот кабинет. Туск заминува на балканска турнеја помеѓу 24 и 27 април, за време на која ќе ги посети Албанија, Црна Гора, Србија, Босна и Херцеговина, Косово, а ќе заврши во Скопје на самитот Брдо-Бриони на 27 април.
Домаќин на самитот ќе биде претседателот на Република Македонија, Ѓорге Иванов. Целта на процесот Брдо-Бриони е да ги собере лидерите на Западен Балкан, како и оние на Словенија и Хрватска, за да се зацврсти политичкиот дијалог и да се зголеми нивото на доверба за решавање на билатералните и регионалните спорови.
Туск ќе се сретне со премиерот Зоран Заев. Средба со претседателот Иванов не е на официјалната агенда.
Македонија
Нов урбан сквер и детски парк во Карпош

Нов урбан сквер и детски парк ќе добијат граѓаните на општина Карпош, на границата меѓу урбаните заедници Нерези и Тафталиџе 2. Градоначалникот на општина Карпош, Стефан Богоев, заедно со стручните соработници и членови на Советот на Општина Карпош, го презентираше проектот на јавна презентација (отворена средба) пред засегнатите граѓани од овој дел на Карпош.
На овој начин, како што велат од општината, дополнително ќе се оплемени просторот. Постоечкото зеленило ќе се зголеми со нови садници, а ќе биде поставена и урбана опрема, клупи, ЛЕД-светилки, корпи за отпадоци и лулашки за најмладите, велат од општината.
„На празните и слободни површини, меѓу зградите, нема да никнуваат нови згради кои ќе го ‘гушат’ просторот, туку поставуваме ново зеленило. Слободните површини ги разеленуваме и ја задржуваме нивната автентичност не ги уништуваме“, рече Богоев.
Со граѓаните се разговараше и за безбедноста на овие нови урбани скверови и детски паркови. Градоначалникот Богоев посочи дека ќе има постојан надзор над истите со цел да се спречи уништување, но и да се зголеми безбедноста на посетителите.
Беа разменети мислења и за хигиената во Карпош и новата зелена офанзива во општината, за кои цели, како што беше кажано, се ангажирани повеќе хигиеничари кои рамномерено се поделени низ сите урбани заедници.
Во изминатите десетина дена комуналните служби на Општина Карпош засадија и нови, 113 висококвалитетни дрвја во урбаните заедници: Владо Тасевски (Млечен), Карпош 1, Карпош 2 и Тафталиџе 1.
Македонија
(Видео) Приведена скопјанката која пушеше марихуана на улица

Полицијата ја приведе скопјанката која пушеше марихуана на улица и снимката ја сподели на „Фејсбук“. Двајца полицајци попладнево ја лоцирале во Градски парк во Скопје. Ѝ се приближиле, ја легитимирале и ја однеле во станица. Во тек е разговорот со скопјанката, но полицијата не соопштува детали.
Сведок на приведувањето била новинарка на Досие.мк која направила фотографии од легитимирањето на скопјанката со марихуаната. Полицајците и неа ја легитимирале и побарале да ги избрише фотографиите за што новинарката вели дека ќе го извести Здружението на новинари на Македонија.
Скопје стана Амстердам 😀
Gepostet von Владимир Христовски am Donnerstag, 19. April 2018
„Иако уредно се претставив дека сум новинар, ме принудија пред нив да ги избришам сликите, а потоа ми го зедоа телефонот за да проверат дали сум избришала сè. Не им значеше ништо тоа што беа од зад грб сликани и немаше по што да бидат препознати. Се понудив да појдам во станица со нив, но не сакаа да чујат за таквa можност. Заминаа заедно се девојкaта“, изјави за „Макфакс“ Kристина Мачкиќ, новiнарка на Досие.мк.
Полицајците ` објасниле дека ја следеле девојката. Утрово ја побарале дома, но не успеале да ја најдат па се обиделе да ја пронајдат на фестивалот „Конопфест“, кој попладнево се одржува на Школка во Градски парк. Фестивалот поддржувачите го опишуваат како бoрба за декриминализација на канабисот во Македонија.
Вчера на социјалната мрежа „Фејсбук“ скопјанка, која се претстави како судски преведувач, објави видео во кое пуши цигара на улица Скопје и опишува дека марихуаната ` помага да го почне денот.
- Македонија1 месец
(Видео) Фатиме Фетаи направи пародија со коментарите дека излегувала во дискотека
- Daily news1 месец
(Фото) Селфи со Путин предизвика внимание во јавноста
- Култура1 месец
Александар ќе го нема ни на филм
- Investigative story1 месец
(Видео) Патарини: Една пресметка за пратениците, друга за граѓаните
- Daily news2 месеци
(Видео) Последна битка за планинарскиот дом Матка, црквата го презема со извршители, планинарите го бараат на суд
- Daily news2 месеци
Заев: Можеме да им купиме возила и да им обезбедиме станови на пратениците во Скопје
- Македонија1 месец
Изјавата на Заев за отворање на грчкиот Устав – провокација за грчките медиуми
- Daily news2 месеци
Учениците в година нема да учат по програмата „Кембриџ“