Контакт

Македонија

Судење за „Плацови на Водно“ – сведок кажуваше како се купувале плацовите и становите на Груевски

Објавено пред

Александар Ивановски-Теранова, во својство на сведок во случајот „Плацови на Водно”, посочуваше како биле купувани плацовите, но и становите на Бихачка каде што порано живееше Никола Груевски. Тој објасни како била основана и фирмата „Сирах инженеринг” во Македонија, поврзана со офшор компанијата „Сирах” од Белизе. Тој кажа дека контактирал и со Никола Груевски, откако избегал во Унгарија. Според сведочењето на Ивановски-Теранова, Груевски барал станови за сопругата и децата.

„И да не ми е позната, сега ми е позната. По игра на случајност, презедов активности по замолница од мојот добар пријател Сашо Мијалков, кој ме замоли да потпишам полномошно  за еден пријател за таа фирма во Македонија. Тоа е мојот единствен личен контакт со таа фирма. Како секој добар пријател, нормално прифатив да го потпишам тој документ во адвокатската канцеларија ‘Марков Чукиќ’. Не можам да се сетам која фирма се основаше, бидејќи вршев услуга за пријател на мојот пријател. Во документот не пишуваше кој ќе биде управител, тоа е само офшор компанија која дава овластување на правник да ја регистрира фирмата во Македонија. Не знаев како е називот на новата фирма, по извесен период дознав дека ‘Сирах’ од Кипар основала компанија ‘Сирах инжинеринг’ во Македонија, а потоа дознав дека управител е Ристо (Новачевски), за тоа ме извести Мијалков и ми посочи дека ќе ме контактира”, кажа тој.

„На телефон ме повика да се видиме со Лазар Бошњаковски. Седнавме на кафе во ‘Корзо’, од негова страна ми беше понуден плац на Водно, 10-11 илјади квадрати по цена од милион и пол евра. Ми покажа дел од скиците и имотниот лист, сопственици беа лица од Црна Гора кои го добиле преку процес на денационализација. Со оглед на бизнисот што го работам, нормално дека бев заинтересиран за понудата. Меѓутоа, за човек да одлучи дали да го купи, инвенстира или не, треба да види дали има ДУП, а бидејќи Лазе не ги знаеше тие работи, отидов во Општина Центар, надлежна за тој реон. Таму се утврди дека тие плацови се надвор од градежен реон. Со тоа истите станаа непредметни бидејќи на таков плац можете да ставите само сандаци за пчели за мед оти се надвор од градежна зона”, кажа сведокот.

За одлуката го известил адвокатот кој му ги понудил плацовите, но и, како што кажа, Сашо Мијалков и други луѓе.

„За таа квадратура, тоа е доста евтино. Муабетот заврши на тоа, во тој момент. По  месец и половина Сашо ме повика и ме праша дали тој плац е продаден или уште се продава. Одговорив дека треба да се провери дали плацот се продава и на моето прашање зошто, кажа дека има пријател кој сака да го купи. Па рече да се стапи во контакт со луѓето кои го продаваат, ако не е продаден. Се видовме со адвокатот Лазе, му кажав дека ако не е продаден има луѓе кои се заинтересирани да го купат. Лазе како посредник очекуваше да земе провизија од една таква зделка. Меѓутоа, проценив дека во таа ситуација не треба ниту јас, ниту Лазе да земаме провизија бидејќи станува збор за моќни луѓе кои пројавиле интерес.  На Лазе не му беше кеиф да го чуе тоа, но ме послуша. Се јави на својот пријател кој контактираше со сопствениците во Црна Гора и така стапивме во контакт со вистинските сопственици на тој плац. Сопствениците ги застапуваше Горан од Будва. По пројавениот интерес, се имам сретнато со него  кога дојде во Скопје. Разговаравме за плацот и инсистирав да ги погледнам сите документи во врска со плацот што го продаваат. Ме интересираше каде се наоѓа. Ме одведе. Тој плац е на Водно кога се иде кон шеста управа. Како го поминуваш сртчето преку мостчето. Плацот е надоле. Ако мене ме прашате, тој плац е стрмен, не е поволен за градба. По тој состанок отидов кај Мијалков, кажав дека се видов со еден од сопствениците, дека го видов и плацот, му кажав мое мислење. Тој кажа дека ќе пренесе на пријателот, а ако е заинтересиран да го купи, ќе каже”, рече Александар Ивановски-Теранова.

По неколку дена, Александар Ивановски-Теранова добил повик од Мијалков, кој му кажал дека ќе го купат плацот. Мијалков најавил дека сведокот треба да го исконтактира Ристо Новачевски.

„Го контактирав, кажав од кого сум добил број, дека треба да се видиме за да се заврши купопродажниот договор за плацот додека лицето од Црна Гора е тука. Тогаш Сашо ми кажа дека Ристо е сопственик на ‘Сирах инженеринг’, која е сопственик на ‘Сирах’ од Кипар. По тој мој првичен повик на Ристо, се сретнавме, го запознав со Горан од Црна Гора. Се виде дека Ристе нема искуство во овие работи, беше исплашен. Бев замолен да ја завршам оваа работа, да му помогнам да ги заврши овие работи. Бев присутен во нотарската канцеларија кога се потпишуваше купопродажниот договор. Се виде дека Ристо нема искуство во овие работи, а јас како долгогодишен бизнисмен кој се занимава со купопродажба на недвижности помогнав за да не биде изигран. Чекавме два дена  финансиските средства да легнат на фирмата за да бидат исплатени на продавачите. Бидејќи повеќе лица продаваа,  парите требаше да бидат исплатени на неколку сметки . Не ме фаќајте за збор, не сум сто отсто сигурен”, кажа Александар Ивановски-Теранова.

Тој пред судот кажа дека немал лични интереси да проверува дали тоа земјиште е влезено во ДУП или ГУП, но по долго време од купувањето, по замолница од Мијалков, проверил во Општина Центар.

„На барање на Сашо. Ми кажаа дека е дозволена градба на неколку индивидуални куќи. Во 2015 година кога излегоа бомбите тие плацови се споменуваа во неколку наврати. Во тој момент разговав со Сашо. Му реков дека мислев дека плацоите се за него, а не биле. Се спомнуваше името на Никола Груевски. Тој кажа ‘да, гледаш дека не сум те лажел, навистина  не се за мене’. Не сум разговарал за плацовите со друго лице. Во 2015 година  од медиумите дознав дека овие плацови ги купил господинот Камчев, односно фирмата  ‘Кара’ или која беше. Во една пригода го прашав Камчев што му требаше  да го купува тој плац кога, жаргонски кажано, е озрачен, а тој ми одговори: ‘Морав, зашто да не’, во тој контекст”, кажа сведокот.

„ИТК инженеринг”е уште една фирма за која сведокот Александар Ивановски-Теранова кажа дека ја познава:

„Основана е за да се јави на јавно наддавање за исто таков плац на Водно. Основач и управител е мојата секретарка, со капитал од 5.000 евра. Исто така, во разговор со Мијалков ми беше посочено дека ќе има продажба на државни плацови на Водно и дека не е лошо да се формира нова фирма, иако јас бев сопственик на две фирми, за да се учествува на јавниот тендер кој беше објавен во јавно гласило. И дека не е лошо тој плац да се купи. Плацот требаше да се купи  за негов пријател. Целата поента на тоа е јас да се јавам како купувач на плацот, да инвестирам сопствени средства, фирмата да се продаде и така да си го вратам вложеното. Во тој момент не се кажа името на пријателот, а јас не инсистирав, не препрашував, вршев услуга. Тоа во градежништвото се вика ‘купуваш нешто за познат купец’. На тој плац имаше маркица за куќа. Претпоставував дека штом ќе го купам плацот во иднина ќе ја градам таа куќа, што е бенефит за мојата фирма. Откако беше завршено јавното наддавање, ‘ИТК инженеринг’ го зеде плацот, па по извесен период бев замолен од Сашо  преку таа фирма да се купи стан што граничи со становите каде што живее Никола Груевски, за да не може друг да го купи. Според тоа, штом истата фирма купува стан кој се граничи со тогашниот стан на Груевски, де факто и овој плац би требало да биде наменет за него”, кажа Александар Ивановски-Теранова.

Тој посочи и дека фирмата го купила станот иако никој не преговарал со продавачот на станот, а средствата за купување на станот биле негови, лични, како и за купувањето на плацот.

„Тања како управител отиде на нотар и потпиша. Парите беа уфрлени како позајмица, дел од лични средства, дел од мои вработени кои подигнаа кредит. Го немам видено станот што го купи ‘ИТК инженеринг’. Мислам дека во 2008 година ја замолив Татјана Стојановска  да купи уште еден стан, по замолница од Сашо да најдам лице кое е доверливо да купи стан за Груевски, а да не биде на негово име. Парите за тој стан веројатно беа дадени од Груевски, сума од 40.000 евра. Ѝкажав на Тања да го купи  станот на нејзино име, тоа ќе биде стан на Груевски, не сака да биде на негово име, а потоа ќе го префрли”, кажа сведокот.

Во 2018 година Александар Ивановски-Теранова бил повикан во хотелот „Мериот” од лице кое било возач на Груевски, како што кажа, да му даде договори за закуп, за да се потпишат од сопственичката на еден од становите, Татјана.

„Лични средби со Груевски не сме имале за оваа тема. Во 2018 година, по неговото бегство во Унгарија добив порака од телефонски број, претпоставувам унгарски, во која ме прашува дали имам станови во Центар, во Скопје. Беше заинтересиран да земе за во нив да се преселат сопругата и децата. Кажав дека имам зграда во Аеродром која ќе биде готова кон крајот на 2020 година. Врската прекина. Ме побара во октомври-ноември 2020 година, не сум го слушнал телефонот, не разговаравме. Мислам дека повикот беше по давањето на исказот во Обвинителство“, посочи тој.

Македонија

Марко Бислимоски реизбран за претседател на бордот на регулатори

Објавено пред

Претседателот на Регулаторната комисија за енергетика (РКЕ), Марко Бислимоски, е реизбран за претседател на одборот на регулатори на енергетската заедница (Energy Community Regulatory Board – ECRB), со што практично доби втор мандат во извршување на оваа должност.

Гласањето се реализира на 50. јубилеен состанок, што се одржува во Атина.

„Добивањето доверба за уште еден мандат, освен што ја потврдува лидерската улога на РКЕ во спроведување на реформите во енергетскиот сектор, дополнително реизборот е и признание на активната улога на РКЕ во креирањето решенија во време на енергетска криза“, посочи Бислимоски по завршување на состанокот.

„Предизвик е да се претседава со бордот на регулатори во време на енергетска криза, но лидерството се кристализира во нудење решенија во тешки моменти, а не во изговори како алиби“, додаде тој.

На состанокот што се одржа учествуваа регулаторите од Албанија, Босна и Херцеговина, Грузија, Косово, Молдавија, Црна Гора, Северна Македонија, Србија и од Украина, како и претставници од Европската комисија и Агенцијата за соработка на eнергетските регулатори на Европската Унија (Agency for the Cooperation of Energy Regulators – ACER).

Прикажи повеќе...

Македонија

АУЕ – ФОН се вклучува во кампањата за борба против насилството врз жените

Објавено пред

Американскиот универзитет на Европа – ФОН како општествено одговорна компанија се вклучува во одбележување 16 дена активизам како дел од кампањата за борба против насилството врз жените.

Идејата на кампањата „СТОП на домашното насилство. Биди храбра!“ е да се зголеми свеста за препознавање на сите облици на насилство врз жените, да се поттикнат и охрабрат жртвите отворено да зборуваат за овој општествен проблем, како и да се упати апел за навремено превземање мерки од страна на надлежните инититуции за заштита на жртвите од насилниците.

АУЕ-ФОН посочува дека само со обединување на сите чинители заедно, ќе може да се се стави крај на една општествена девијантна појава.

Насилството не се препознава само по лузните на лицето или на телото, туку претставува посегање врз слобода и достоинство на жртвите, една од најраспространетата форма на кршење на човековите права. Затоа, АУЕ-ФОН упатува порака до жртвите да не го премолчуваат насилството, туку да бидат истрајни и храбри!

За поддршка на жртвите од насилство, во рамките на кампањата „СТОП на домашното насилство. Биди храбра!“ отворени се донаторски броеви за собирање на средства, а предвидена е и хуманитарна акција за донирање на помош која им е неопходна на жените-жртви на насилство. Сите заедно можеме да им помогнеме на жртвите на насилство со донирање на средства на следните броеви: A1 – 143 133 и Телеком 143 999.

Kампањата „СТОП на домашното насилство. Биди храбра!“, која ја поддржува Американскиот Универзитет на Европа-ФОН е на иницијатива на Билјана Ангелова, сопруга на бугарскиот аmбасадор во Република Северна Македонија, а се реализира со поддршка на невладини организациии, меѓу кои „Macedonia Welcome Centеr“,„Борка“, „Different“, „Хоризонт„ „Лубов сме“, како и многу други компании.

Медиумски партнер на кампањата за борба против насилството врз жените е Clip Media Group.

 

 

 

(ПР текст)

Прикажи повеќе...

Македонија

Заев – Ламорџезе: Почетокот на преговорите е значаен и за Северна Македонија и за ЕУ

Објавено пред

Претседателот на Владата на Република Северна Македонија, Зоран Заев, се сретна со Лучана Ламорџезе, министерка за внатрешни работи на Италијанската Република.

На состанокот се потврдени добрите односи помеѓу двете земји во областа на образованието, економијата, културата, одбраната и науката и е констатирано нивно унапредување, со најавеното потпишување на антидрога-меморандумот за разбирање, што ќе придонесе во зајакнувањето на заедничката борба против криминалот и корупцијата.

Поздравени се направените реформи во оваа област во нашата држава, со кои се смета дека се зголемени капацитетите на органите за справување со криминал и корупција.

Оценето е дека ги има предусловите да се продолжи на патот кон ЕУ, како и дека е ова стратешки значајно од безбедносен и економски аспект.

Во таа насока пренесена е силна поддршка од Италија за почеток на преговорите на Република Северна Македонија со Европската Унија и уверување дека Италијанската Република ќе продолжи со заложбите за успех на овој процес, кој се цени дека е важно да биде почнат, како за земјата така и за државите членки на ЕУ.

Премиерот Заев се заблагодари за големото пријателство помеѓу двете држави.

„Италијанската Република е стратешки сојузник и партнер во евро-атлантските процеси на нашата земја, но и голем пријател, што се покажува преку споделената солидарност секогаш кога е тоа потребно, каков што е примерот со вакцините за време на пандемијата.

Преку потпишувањето на антидрога-меморандумот ќе ја унапредиме заедничката борба против криминалот и корупцијата кон што сме силно определени. А со унапредувањето на институционалната соработка меѓу државите отвораме пат и за унапредување на добрата економска соработка, што е од значење за граѓаните и за бизнисите“, рече премиерот Заев.

На средбата беа споделени искуства за подигнувањето на јавната свест за значењето на вакцинацијата, како и за почитувањето на мерките за заштита во услови на пандемија.

Прикажи повеќе...

Најново

Топ39 минути

Родители од Скопје го принудувале детето да дава сексуални услуги

По претходно донесена наредба за истрага од страна на Јавното обвинителство за гонење организиран криминал и корупција, на 29 ноември...

Македонија2 часа

Бугарската министерка Комитова: Патот „Струма“ има недостатоци, но тие не се причина за пожарот во автобусот

Заштитната ограда во која удри автобусот е според стандардите што важеле во 2002 година кога се реконструирал патот, а денеска...

Европа3 часа

ЕМА: Вакцини против омикрон може да се одобрат за три месеци

Европскиот медицински регулатор денеска објави дека може да одобри вакцини приспособени за заштита од омикрон-варијантата на коронавирусот за три до...

Европа3 часа

(Видео) Австрискиот државен врв затекнат на журка, без маски, најавени кривични пријави

Партијата на слободата на Австрија (ФПО) поднесе жалба против австрискиот канцелар, како и други политичари, за забава по учеството во...

Регион4 часа

Грција со казни за невакцинираните, 100 евра ќе платат повозрасните што не примиле ниту една доза

Грција денеска соопшти дека со 100 евра ќе ги казни лицата на возраст од 60 години, како и постарите што...

Европа5 часа

Блинкен: Потребно е поголемо присуство на ЕУ и САД на Балканот

Австрискиот министер за надворешни работи, Мајкл Линхарт, и министерот за надворешни работи на САД, Антони Блинкен, сметаат дека е потребно...

Македонија18 часа

Повреден возач кога македонски камион се превртел на автопат во Хрватска

Камион со платформа за превоз на други возила се превртел на 130-тиот километар од јужната страна на автопатот А3 Брегана...

Македонија20 часа

Сопственикот на „Беса транс“: Си велам зошто не бев и јас во автобусот

Сопственикот на туристичката агенција „Беса транс“, Беким Хаџиу, првпат по стравотната несреќа на автопатот „Струма“ во Бугарија, во интервју за...

Македонија21 час

Заев – Гаши: Постигната начелна согласност за можна соработка, во тек се консултации за кадровски решенија

Претседателот на Владата на Република Северна Македонија, Зоран Заев, и претседателот на политичката партија Алтернатива, Африм Гаши, имаа работна средба...

Македонија1 ден

22 починати и 118 нови случаи на Ковид-19

Министерството за здравство информира, согласно податоците од Институтот за јавно здравје,дека во последните 24 часа: Направени се 1.245 тестирања, а...

Македонија1 ден

Филипче: Нема потреба од рестрикции поради новиот сој

Минитестерот за здравство, Венко Филипче, смета дека нема потреба од рестрикции поради појавата на новиот сој омикрон. Вели дека епидемиолошката...

Македонија1 ден

Гаши: Не е одговорно да бараме од СДСМ кој ќе биде мандатар

За нас е битно да се договориме кој е концептот, а не да ги принудуваме политичките партии на решенија, вели...

Европа1 ден

Владимир Гушчин: Постојните вакцини штитат и од сојот омикрон

Постоечките вакцини против коронавирус ќе обезбедат заштита од потешки форми на Ковид-19, како што е и новиот сој омикрон, изјави...

Македонија1 ден

Бурим Сејдини реизбран за претседател на Управен суд

На денешната седница Судскиот совет го избра судијата Бурим Сејдини за претседател на Управен суд. Во соопштението за седницата се...

Европа1 ден

Германски имунолог: Омикрон варијантата можеби потекнува од пациенти со ХИВ

Изненадувачки големиот број на мутации откриени на шилестиот протеин кај новата варијанта на коронавирусот, наречена омикрон, може да укажува дека...

Свет1 ден

СЗО со конкретно соопштение: Mожни се сериозни последици од новооткриената варијанта омикрон

Ризикот од новооткриената варијанта на коронавирусот т.н. омикрон е висок, објави Светската здравствена организација (СЗО). Во своето утринско соопштение, СЗО...

Македонија2 дена

Имаме мнозинство и очекуваме дополнително да се зголеми, рече Османи

Има мнозинство во парламентот кое очекуваме дополнително да се зголеми, изјави министерот за надворешни работи, Бујар Османи одговарајќи на новинарски...

Свет2 дена

Светската медицинска асоцијација: Можеби вакцината против Ковид ќе треба да се дава секоја година

Дополнителна доза од вакцината против коронавирусот веројатно ќе биде потребна секоја година, смета претседателот на Светската медицинска асоцијација, Франк Улрих...

Македонија2 дена

Кои се луѓето кои го следат секој мој потег, прашува Аријанит Хоџа по објавената фотографија од средбата со Муса Џафери

Министерот во оставка од Движењето Беса, Аријанит Хоџа ја искоментира фотографијата што се појави на социјалните мрежи, а на која...

Македонија2 дена

Сопственикот на „Беса Транс“: Овие тестови се од Алах

Сопственикот на автопревозникот „Беса Транс“, Беким Хаџиу, преку социјалната мрежа „Фејзбук“ се огласи во врска со автобуската несреќа во која...

Досие