Контакт

Македонија

Судот одреди домашен притвор за Драги Рашковски

Објавено пред

Ексгенералниот секретар на Владата, Драги Рашковски, доби домашен притвор, кој му е изречен од Кривичниот суд. Судијата кој одлучуваше, го одби предлогот на Обвинителството за изрекување на ефективен притвор. Причините на обвинителот се дека Рашковски може да се даде во бегство, но и да се крие и влијае врз сведоци, но судот смета дека нема докази за тоа. Мерка му е изречена и на Даниел Станчев, сопственик на компанијата „Инвока груп“, од која е набавен спорниот софтвер, за кој сега се води истрага. За него исто така е изречен домашен притвор. Двајцата се сомничат за кривично дело злоупотреба на службената положба и овластување.

„По произнесување на јавниот обвинител во однос на предлогот со кој бара определување мерка притвор заради постоење на основите од член 165 ст.1.т.1 и 2 односно (т.1) опасност од бегство со оглед да осомничените се имотни и (т.2)влијание на сведоци и попречување на истрагата, како што е наведено во предлогот, како и произнесување на осомничените во присуство на нивните бранители, судија на претходна постапка донесе решенија со кои на осомничените им определи мерка куќен притвор како и мерка Забрана за комуникација со другите осомничени и Забрана за користење на средства за комуникација“, велат од Кривичен суд.

Според судот, обвинителот не ги поткрепил основите заради кои бара притвор, односно немал докази дека осомничените се имотни и дека ќе влијаат врз лица во истражната постапка.

„ Имено во предлогот обвинителот не приложил докази во поткрепа на основите на сомнение заради кои се бара притвор, односно не приложил доказ дека осомничените се имотни и доказ како осомничените влијаеле или ќе влијаат на истражната постапка. Против овие решенија странките имаат право на жалба пред Кривичниот совет. Што се однесува до предлогот на обвинителството за определување мерки за претпазливост за две други лица опфатени со истрагата, истите, согласно Законските одредби дополнително ќе бидат повикани да се произнесат по што ќе се одлучува“, додаваат од судот.

Рашковски и Станчев поминаа повеќе од седум часа во Кривичниот суд, каде беа спроведени по приведувањето од полицијата, а по наредба на судија, односно по барање на обвинител. Неофицијално, распитот е завршен во 13 часот, а потоа, осомничените биле задржани додека се изготват решенијата изречени од судот.

Според Обвинителството, со постапката која ја спровел Драги Рашковски како генерален секретар за набавка на спорниот сообраќаен софтвер, се направила штета од близу 180 илјади евра.

„Со дејствијата што ги извршил, првоосомничениот со неизвршување на своите службени должности при спроведување постапка за јавна набавка спровел јавни набавки спротивно на начелото за економичност, ефикасност и ефективно користење на јавните средства, утврдени согласно прописите што го уредуваат користењето на буџетските средства и за три економски оператори прибавил корист – право да учествуваат во постапките за јавни набавки и да склучат договори за истите“, велат од Обвинителството.

Од Обвинителството се сомневаат дека Рашковски ја договорил набавката на софтверот и дал насоки за изготвување на техничка спецификација за јавната набавка. Четвртоосомничениот во случајот, ги пренесувал информациите до учесниците во јавната набавка.

„Пред спроведување на постапката за јавна набавка на софтвер, првоосомничениот ја договорил набавката на софтверот со третоосомничениот доставувајќи сопствен патент за кој дал насоки за изготвување на техничка спецификација за јавната набавка. Четвртоосомничениот како надворешен соработник пренесувал информации за текот на постапката на осомничените – учесници во јавната набавка. Во текот на постапката за јавната набавка наместо комуникацијата да се извршува со користење електронски средства преку Електронскиот систем за јавни набавки, со цел фаворизирање на конкретен економски оператор првоосомничениот лично ги дефинирал техничките спецификации што упатуваат на патентот. На 02.01.2020 година, првоосомничениот донел Одлука за избор на најповолен понудувач за економскиот оператор каде сопственик и управител е второосомничениот и бил склучен Договор за набавка на услуги. Во месец јули истата година економскиот оператор доставил фактура на износ од 4.997.300,00 денари со вклучен 18% ДДВ, па иако софтверот не бил имплементиран, фактурата во рок од седум дена била исплатена“, велат од Обвинителството за постапката.

Македонија

Изградбата на бул. Босна и Херцеговина влегува во завршна фаза

Објавено пред

Екипите на Град Скопје влегоа во завршна фаза од изградбата на новопроектираниот булевар Босна и Херцеговина, кој има шест сообраќајни ленти.

„Во текот на следната седмица се очекува да биде целосно завршен и пуштен во употреба. Со тоа Скопје добива целосно нов булевар со вкупна должина од околу 1.700 метри, ширина од 40 метри, со 6 коловозни ленти, пешачки и велосипедски патеки од двете страни, а предвидено е и средишно и странично зеленило со прекрасни дрвореди од двете страни и ново улично осветлување, по целата должина од бул. Словенија до бул. Христијан Тодоровски Карпош“, соопшти Град Скопје.

Булеварот се протега од крстосницата со улицата Македонско-косовска бригада до крстосницата со бул Христијан Тодоровски Карпош.

Заедно со булевар Словенија ги поврзува граѓаните на општините Шуто Оризари, Карпош, Чаир, Бутел и Железара со преостанатиот дел од градот, додека со булеварот Христијан Тодоровски Карпош претставува брз излез на скопската обиколница.

Прикажи повеќе...

Македонија

(Видео) Менкиноски: Единствен доказ за притворот на Камчев е белешката од АНБ

Објавено пред

Адвокатот на бизнисменот Јордан Камчев, Тони Менкиноски на денешната прес-конференција изјави дека не е вистина тврдењето на обвинителката Вилма Русковска дека белешката од Агенцијата за национална безбедност не е доказ во постапката во која е притворен Камчев.

Тој додаде дека сите решеније од судот со кои е ограничена слободата на Камчев, покажуваат дека експлицитно еден и единствен доказ е белешката на Агенцијата за национална безбедност.

„ Како што знаеме и како што виде македонската јавност, белешката е празна и не содржи ништо. Да напоменеме согласно со македонското позитивно право или поточно со чл.43 ст.2 од законот за АНБ ,изрично е забрането податоците од АНБ да се користат како доказ во кривична постапка. Би сакаме да потсетиме дека одбрана во целиот арбитререн процес укажува на ова противправно и незаконито дејстување на АНБ и Јавниот обвинител. Но, ниту Судијата на претходна постапка, ниту кривичниот совет ниту Апелационен суд не сакаат да обрнат внимание, и оваа белкешка ја сметаат за единствен доказ во нивните одлуки“ рече Менкиноски.

Тој праша зошто Јордан Камчев бил предмет на обработка на АНБ и дали Камчев претставува закана по националната безбедност?

Според адвокатот, без обезбедување на докази ја дале оваа информација до Јавниот обвинител Лиле Стефанова, што е чиста злоупотреба на службената положба во АНБ, а за која злоупотреба, како што рече некој ќе мора да сноси одговорност.

„ Кривична одговорност постои и за Јавниот обвинител Стефанова, која врз основа на напишани непотврдени сознанија без обезбедени докази предложила мерка притвор. Кривична одговорност и за судијата на претходна постапка кој ја одобрил мерката без да има докази за тврдењето дека лицето Камчев припрема бегство! Кривична одговорност и за судиите од Кривичниот Совет кој по истиот скандалозен основ, ја продолжија мерката притвор“ порача Менкиноски.

Прикажи повеќе...

Македонија

Димитров: Европа да си го одржи зборот, крајно време е да ги почнеме заслужените преговори

Објавено пред

По повод 9 Мај, Денот на Европа, заменик претседателот на Владата задолжен за европски прашања Никола Димитров и шефот на Делегацијата на Европската Унија во Северна Македонија, амбасадорот Дејвид Гир денеска ја посетија канцеларијата на Еко Пошта корисник на проектот ЕУзаОтпорност.

„ На Денот на Европа, повторно зборуваме за иднината на Европа – за мирот, заедништвото, стабилноста и просперитетот на нашиот континент, и треба да се вратиме кон основите, кон она што нѐ обединува и заради кои сакаме заедно да ја градиме нашата заедничка европска иднина – сѐ уште нереализиран сон на многу генерации македонски граѓани… Она што нѐ обединува се вредностите и стремежот за подобар живот за македонските граѓани кои тоа го заслужуваат, преку итно откочување на евроинтегративниот пат. ЕУ нема да биде целосна додека не ги интегрира и земјите од Западниот Балкан и на тој начин го комплетира проектот на обединети европски држави – рече вицепремиерот Димитров.

Тој подвлече дека Северна Македонија не само што сака да биде дел од Унијата, туку и често пати сме покажале дека знаеме да се однесуваме така, конкретно преку нашето дејствување како стабилен партнер на меѓународната сцена и според зборовите токму на ЕУ, светол пример во регионот за решавање на тешки прашања.

„ Тоа е патот по кој ќе чекориме одлучно и непоколебливо, нема да се откажеме без оглед на предизвиците, затоа што македонските граѓани заслужуваат да бидат и формално дел од ова семејство. Не можам, а да не завршам со мојата основна порака: нашата битка денес е всушност битка и на Европа самата со себе, да си го одржи зборот. Крајно време е да ги почнеме заслужените преговори за членство и така ќе бидеме заеднички победници. Да ни е честит Денот на Европа – 9 Мај.”

Иницијативата ЕУзаОтпорност обезбедува 40 милиони евра – во форма на бескаматни кредити и заеми наменети за поддршка на мали и средни претпријатија, како и на жени и мажи кои се соочуваат со ризик од невработеност. Проектот се спроведува со помош на Банката за развој на Северна Македонија и на Агенцијата за вработување. Тој е дел од вкупната поддршка за земјата поврзана со ковид-19, која достигнува околу 230 милиони евра и се состои од поддршка за здравствениот сектор, за ублажување на социо-економските последици од пандемијата и за набавка на висококвалитетни вакцини

Прикажи повеќе...

Најново

Македонија2 часа

Регистрирани нови 135 заболени и 14 починати од коронавирус во земјата

Во последните 24 часа се направени 1.993 тестирања, а регистрирани се 135 нови случаи на КОВИД-19 во: Скопје – 74,...

Свет2 часа

(Видео) Илон Маск призна дека има Аспергеров синдром на телевизиско шоу

Елон Маск откри дека има Аспергеров синдром, за време на неговото гостување во американското ТВ-шоу „Saturday Night Live“. Тој откри...

Регион3 часа

(Видео) Хрватскиот министер за здравство вакцинираше граѓани

Хрватскиот министер за здравство, Вили Берош заедно со лекарите на Хрватскиот институт за јавно здравје и Наставниот институт за јавно...

Топ4 часа

Се преврте автомобил кај клучката Коњари, загина 27 годишник

Во сообраќајна несреќа што се случи вчера попладне на автопатот Скопје-Штип, во близина на клучката Коњари, загина 27 годишно лице...

Македонија4 часа

Во болниците во земјата од коронавирус се лекуваат 760 пациенти

Вкупната бројка на пациенти позитивни и суспектни на корона вирусот кои се лекуваат на инфективните одделенија во главниот град и...

Македонија4 часа

(Видео) Колариќ: Шилегов делел субвенции за инвертер клими на партиски луѓе

Советничката на ВМРО-ДПМНЕ во Град Скопје, Светлана Колариќ на денешната прес-конференција обвини за измама и злоупотреба во врска со најавените...

Македонија5 часа

Во земјава досега втора доза вакцина против Ковид-19 примиле 22.900 граѓани

На вакциналните пунктови во државата заклучно со вчера вакцинирани се вкупно 107.978 граѓани, а ревакцинирани се 22.900 граѓани. Прва доза...

Свет6 часа

(Видео) Путин: Секогаш ќе се сеќаваме дека величествената победа над нацизмот ја постигна советскиот народ

Претседателот на Русија, Владимир Путин, на почетокот на традиционалната воена парада во Москва, им го честиташе на граѓаните Денот на...

Македонија6 часа

Заев за „Катимерини“: Во 21 век да ја одредуваш историјата на друга нација не е во согласност со европскиот дух

Премиерот Зоран Заев во нeделното издание за грчки „Катимерини“, во интервјуто со наслов „Заедно за Балкан од 21 век“, говори...

Свет8 часа

Делови од кинеската ракета паднаа во Индискиот океан

Остатоците од најголемата кинеска ракета паднаа денес во Индискиот Океан, а повеќето од нејзините компоненти беа уништени при влегувањето во...

Свет19 часа

Макрон: САД да ги повлечат забраните за извоз на вакцини

Францускиот претседател Емануел Макрон ги повика САД да се откажат од ограничувањата на извозот на вакцини против Ковид-19 и компонентите...

Регион20 часа

Хрватски медиуми: Зошто Вучиќ создава најмоќна воена сила во регионот?

Хрватските медиуми пишуваат дека претседателот на Србија, Александар Вучиќ, ја создава најмоќната воена сила во регионот. „ Во последно време...

Спорт22 часа

Дејан Георгиевски обезбеди олимписка норма

Македонскиот репрезентативец во таеквондо, Дејан Георгиевски, избори пласман на Олимписките игри во Токио, во категоријата до 87 килограми. Европските квалификации...

Топ1 ден

Човечки труп извлечен од реката Вардар во Велес

Во Велес, во водите на реката Вардар, во близина на Нов мост, вчера бил пронајден човечки труп, кој бил извлечен...

Македонија1 ден

Досега во земјава две дози вакцина против коронавирус примиле 21.890 граѓани

Во државата вкупно се аплицирани 118.984 дози вакцини, а ревакцинирани се 21.890 граѓани. Со последните бројки, 32% од населението над...

Македонија1 ден

Во Македонија 198 нови случаи на коронавирус, 12 лица починаа

Во последните 24 часа во Македонија се потврдени 198 нови случаи на коронавирус, 12 лица починаа, а 333 пациенти оздравеа,...

Македонија1 ден

Мицкоски: Дволичноста на Пендаровски е заради притисокот врз него, реалноста е дека се согласи со мене за 27 април

Претседателот на ВМРО-ДПМНЕ, Христијан Мицкоски, по денешната посета на Општина Делчево одговарајќи на новинарско прашање, рече дека претседателот Стево Пендаровски...

Топ1 ден

Автомобил удри во дете на велосипед во Прилеп, возачот избегал

Малолетен велосипедист е тешко повреден откако во него удрил автомобил, а возачот избегал. Според информациите на МВР, несреќата се случила...

Македонија1 ден

Во болниците во Македонија од коронавирус се лекуваат 806 пациенти

Вкупната бројка на пациенти со коронавирус кои се лекуваат на инфективните оддели во Скопје и во болниците низ земјава е...

Свет1 ден

(Видео) Судир во џамија во Ерусалим – полицијата употреби гумени куршуми и водени топови

Во судир меѓу израелската полиција и група Палестинци што се случи синоќа во Ерусалим, повредени се 205 Палестинци и 17...

Досие