Контакт

Македонија

СЈО ги гони ВМРО-ДПМНЕ и Груевски за рекет и незаконско градење на Белата Палата

Објавено пред

За првпат, ВМРО-ДПМНЕ како партија станува дел од обвиненијата на СЈО. Случајот „Талир“ кој ја отвори Пандорината кутија за тоа како црни пари влегувале во ВМРО-ДПМНЕ, а потоа со истите бил купуван имот, влегува во судска процедура.

dobivaj vesti na viber

Никола Груевски како поранешен лидер на партијата, а сега азилант во Унгарија, е обвинет за незаконско финансирањето на партијата, но и за изградбата на Белата Палата и за него се бара притвор. И ВМРО-ДПМНЕ како правно лице е дел од обвинението, нешто што досега не беше случај во постапките на обвинителството, кога се гонеа само претставници на партијата.

За случајот „Талир“ поднесени се две обвиненија – првото е за начинот на кој е изградено седиштето на ВМРО-ДПМНЕ, а второто за начинот на финансирањето на партијата, каде што се слевале пари од рекет од фирми кои добивале државни тендери.

За изградбата на Белата Палата обвинети се Никола Груевски и Кирил Божиновски, а за финансирањето на партијата освен Груевски и Божиновски, обвинети се и Миле Јанакиески, Илија Димовски, Елизабета Чингароска и Леко Ристоски.

За овој случај, СЈО презело стар предмет од Основното јавно обвинителство, па затоа има и законско право да поднесе обвинение за случајот, со оглед на тоа што рокот од 18 месеци течел од моментот кога е преземен предметот од ОЈО.

За случајот „Талир“, „Макфакс“ веќе објави истражување со сите детали околу имотот на ВМРО-ДПМНЕ, кој сега е замрзнат како привремена мерка за обезбедување.

Рекетирани биле фирми кои добивале државни тендери

Во првото обвинение, на Груевски му се става на товар дека во периодот од 2009 година до 2015 година со злоупотреба на службената положба, спротивно на Законот за финансирање на политички партии и Законот за спречување на корупција, обезбедувал пари од анонимни и противправни извори на финансирање за ВМРО-ДПМНЕ.

Според обвинението, тој бил помогнат од Кирил Божиновски и Миле Јанакиески кои вршеле притисок на фирми со кои имале склучено договори за јавни набавки со државни органи, јавни претпријатија или единици на локална самоуправа истите да обезбедат пари во кеш за потребите на финансирање на политичката партија како противуслуга за добиените јавни набавки.

Вака обезбедените пари во кеш, Груевски не ги вратил на лицата од кои средствата доаѓале, односно не ги упатил во Буџетот како што имал обврска да стори според Законот за финансирање на политички партии, со што, според СЈО, прибавил незаконски средства за финансирање на партијата во износ од најмалку 4,6 милиони евра.

„Со цел да се прикрие дека ваквите средства потекнувале од кривично дело, обвинетите Никола Груевски и Кирил Божиновски, а во периодот од 2011 до 2015 година и обвинетите Миле Јанакиески и Елизабета Чингаровска, организирале средствата да бидат уплатени на жиро сметката на политичката партија ВМРО-ДПМНЕ преку готовински уплати на ПП10 уплатници во кои биле внесени невистинити податоци дека уплатата ја вршат лицата наведени во уплатниците, иако тоа не било случај“, стои во соопштението на СЈО.

Отакако паричните средства кои потекнувале од кривично дело биле внесени на жиро сметката на политичката партија ВМРО-ДПМНЕ, според СЈО, обвинетите Илија Димовски, Елизабета Чингаровска, Леко Ристоски и Миле Јанакиески, како овластени потписници на сметката на партијата, иако знаеле дека парите потекнуваат од кривично дело, ги пуштале во натамошен оптек со потпишување на налози за плаќање на обврските и купување на недвижен имот за политичката партија ВМРО-ДПМНЕ.

Кон обвинението поднесен е предлог за определување мерки за претпазливост спрема Чингароска – обврска да се јавува еднаш неделно во Кривичниот суд, а привремено ѝ е одземен и пасошот.

„Бетон“ додека добивал тендери, го градел седиштето на ВМРО-ДПМНЕ за 7 милиони евра

Обвинението за изградба на седиштето на политичката партија ВМРО-ДПМНЕ е поднесено против Груевски и Божиновски, кои, според СЈО, со злоупотреба на службената положба, овозможиле фирмата ДГ Бетон АД Скопје да го изгради седиштето на партијата, иако „Бетон“ во времето на обезбедување на услугата имала склучено договори за јавни набавки со државни органи и јавни установи или претпријатија спротивно на Законот за политички партии, Законот за финансирање на политички партии и Законот за облигациони односи.

„За реализирање на оваа цел обвинетите ја искористиле состојбата на зависност во која се наоѓало правното лице ДГ Бетон АД Скопје во однос на политичката партија, со оглед дека над 75% од приходите кои ги остварило правното лице во 2011 и 2012 година биле од државни органи, единици на локална самоуправа или јавни претпријатија раководени од функционери на политичката партија ВМРО-ДПМНЕ“, се вели во соопштението.

И покрај тоа што за правното лице ДГ Бетон АД Скопје важеле ограничувањата од Законот за финансирање на политички партии, сепак обвинетите договориле несразмерна корист за политичката партија ВМРО-ДПМНЕ во однос на обврските кои ги имало правното лице ДГ Бетон АД Скопје, овозможувајќи му да го изгради седиштето на политичката партија ВМРО-ДПМНЕ кое имало инвестициска вредност од речиси 7 милиони евра, како и да уплати на жиро сметката на партијата над 2 милиони евра, иако вложувањата на политичката партија ВМРО-ДПМНЕ изнесувале само 815.323 евра.

„На ваков начин, а спротивно на законските прописи, обвинетите прибавиле значителна имотна корист за политичката партија ВМРО-ДПМНЕ во износ од 8.246.576 евра“, се вели во соопштението на СЈО.

Македонија

СДСМ: Три дена молк на Мицкоски, на кого ветувал промена на Уставот

Објавено пред

„Трет ден трае молкот на Христијан Мицкоски за јавно поставените прашања.

dobivaj vesti na viber

Со кого се среќавал Мицкоски од домашната и надворешната политичка сцена и барал власт и ветувал дека ќе го сменел Уставот?

Кој е вистинскиот став на Мицкоски за уставните промени? Оној кој го кажува во јавноста или оној кој го кажува на средбите со домашни и странски политичари?

Мицкоски кој е во заложништво на Димитар Апасиев нека не се крие зад неговиот извршител Драган Ковачки туку нека излезе во јавноста и да одговори на поставените прашања.

Лицемерието на Мицкоски за државните и националните интереси кога во јавност зборува едно, а зад затворени врати сосема друго е одамна познато

Ништо не може да го сокрие фактот дека Мицкоски и ВМРО-ДПМНЕ се под заложништво на Апасиев и Левица и затоа стануваат се порадикални во деструктивното дејствување.

Мицкоски е слаб, исплашен и очаен и затоа се што прави, прави за да не заостане зад Апасиев“.

Соопштение на СДСМ

Прикажи повеќе...

Македонија

Рашковски: Сингапур има биометрија, Србија сообраќаен софтвер, а Македонија ги има Трајчева и Русковска

Објавено пред

Став на обвинетиот за предметот „Софтвери“ – поранешниот генерален секретар на Владата, Драги Рашкoвски:

dobivaj vesti na viber

„Жителите на Сингапур од 2022 година немаат потреба од пасоши кога ќе се враќаат во својата земја. Наместо тоа, скенер за препознавање на лице и ирисот од окото врши споредба со базата на податоци, а заради дополнителна идентификација, ќе може да користат и отпечаток од прст. Тестирањето е започнато уште пред 10 години.

Колку ние сме далеку од ова?

Во Србија од пред некој месец по долги тестирања и анализи е ставен во функција сообраќаен систем со кој ќе се мери просечната брзина на околу 50 делници низ Република Србија. Покрај мерењето на брзината, со помош на овој систем ќе може да се утврди дали возачот и патниците во возилото користат сигурносен појас, како и дали возачот незаконски го користи мобилниот телефон додека вози.

Колку сме ние далеку од ова?

ДАЛЕКУ СМЕ, АМА ПРЕД НИВ

Колку и да ви е удобен чевелот, ако во него имате и мало камче тој ќе го направи чекорењето неудобно.

Така е и во општествениот живот. Колку и да има едно општество иновативни идеи, може да надвладеат помали сили со ретрограден пристап, а голема концентрација на моќ.

Но само за кратко.

Историјата не памети дека некоја прогресивна сила останала потисната засекогаш, но памети доста кои страдале заради своите прогресивни идеи. Ретроградните сили се секогаш погласни затоа што своето незнаење сакаат да го компензираат со надвикување.

Ретроградните сили прават најчесто штети кои за жал не можат да се надоместат и компензираат.

Што ќе му кажеме на детенце кога ќе порасне, а кое ги изгубило родителите во сообраќајна несреќа? Извинете, ние како држава правевме сè што можевме да ги спречиме сообраќајните несреќи, но во тоа време имаше две тетки кои сметаа дека немало потреба да бидеме како секоја развиена држава. Дозволи ние да ти цитираме дел од обвинителниот акт и приговори по истиот „…биле потрошени државни пари за нешто за што нема економска оправданост…“, па ти процени дали тие биле во право. Како да му кажете на тоа дете дека макар и теоретската можност да се спаси нечиј живот за некого е немање економска оправданост??? Ќе му се извиниме дека спасот на неговите родители „не бил оправдан економски интерес“?

Истото тоа дете ќе седне на компјутер и ќе види дека секоја нормална држава во тоа време имала или правела обид да има таков систем, а кај нас тетките не нашле оправдан економски интерес за тоа. Точно е дека сме посебен народ, во многу што понапреден од светот, особено по интелигенцијата, но во овој случај „камчето во чевелот“ ни ги враќа нозете назад.

Пред неколку месеци имавме како држава средба со естонски претставник на која се разговарало за дигитализација на процесите во државата, пред сè преку воведување на електронска лична карта. Наместо да истрчаме напред гордо да им покажеме и прикажеме колку сме понапредни во ова поле и дека кај нас целосна биометриска идентификација е веќе реалност и како систем веќе постои во Владата со иницијална намена да спречи злоупотреби во работните процеси во Владата, ние сме приморани од таквиот систем „да се срамиме да го спомнеме“ затоа што, и покрај целосната законска процедура во која системот е набавен, некој решил да гони кривично затоа што според неговите сфаќања „не бил оправдан економски интерес“.

Или во Сингапур и Србија имаат други учебници по економија и други дефиниции за тоа што е оправдан економски интерес, или пак некој кај нас не учел економија.

Формулата за мерење на ефикасноста е многу јасна. Тоа е вредноста која се добива како резултат на вложената вредност. Вредноста која се добива е спас на човечки живот, а неговата вредност е бесконечна“, вели Рашковски.

Поранешниот генерален секретар на Владата, Рашковски во случајот Софтвери е обвинет за злоупотреба на службената положба и овластување и перење пари.

Прикажи повеќе...

Македонија

„Како до ефикасна заштита во случаите на сексуално насилство?“

Објавено пред

Мрежата за заштита од дискриминација одржа промоција на документот за јавни политики со фокус на силување и сексуално вознемирување „Како до ефикасна заштита во случаите на сексуално насилство?“.

dobivaj vesti na viber

Настанот се организираше во рамки на обележувањето на меѓународната кампања 16 дена активизам против родово-засновано насилство. Неговата цел беше да промовира предлог-решенија за ефикасна заштита на жртвите на сексуално насилство во согласност со веќе прифатените обврски од Истанбулската конвенција и да побара итно донесување на измените на Кривичниот закон (КЗ).

Во периодот на чекање на измените на КЗ, кои поминаа на првото читање во Собранието на РСМ, после повеќе од една година може да се посведочи на несоодветно спроведување на постапките за кривичен прогон на сторителите на сексуално насилство, одолговлекување на постапките, несоодветно квалификување на делата и неосновано прекинување на прогонот со што се казнуваат жртвите наместо сторителите.

Драгана Дрндаревска од Мрежата за заштита од дискриминација и правна советничка во Коалиција МАРГИНИ го отвори настанот укажувајќи дека „одолговлекувањето на донесувањето на измените на КЗ значи дека сѐ уште немаме консензус меѓу политичките партии по прашањето за заштита на жртвите од родово-засновано и од сексуално насилство“. Дрндаревска зборуваше за предлог амандманите кои Мрежата за заштита од дискриминација и Родовата платформа ги доставиле во Собранието со кои се бара да се промени дефиницијата за сексуално вознемирување. „Во текстот е инкриминирано само сексуалното вознемирување од страна на лице во однос на кое жртвата е во подредена или ранлива состојба, со што не се опфатени случаите кога сторител е колега на иста позиција, со-ученик, колега на факултет или трето непознато лице. Исто така не е предвидено сексуалното вознемирување онлајн, иако Истанбулската конвенција тоа го бара. Случајот Јавна соба се однесуваше на сексуално вознемирување онлајн, а еден од изговорите за непостапување во случаите кон полнолетните жртви беше фактот дека делото не е предвидено во КЗ“, посочи таа.

Извршната директорка на Хелсиншкиот комитет за човекови права, Уранија Пировска потенцира дека e многу важно делото силување да биде видоизменето како согласноста би била клучна за негово докажување, бидејќи сегашниот Закон бара употреба на сила спротивно на меѓународните стандарди што воедно преставува практична пречка за прогон на сторителите во многу случаи. Пировска додаде дека согласноста треба да биде дадена доброволно, без присила, уцена и принуда и да се цени согласно околностите на секој случај засебно.

Елена Димушевска, Извршна директорка на Националната мрежа против насилство врз жени и семејно насилство, на увид даде сознанија за малиот процент од 2% на пријавување на насилства во нашата земја од вкупниот број на случаи во стварноста, што значи дека вистинската бројка на случаи би била алармантна. Според неа, нашите институции не се запознаени со механизмите за поддршка и ретко ги упатуваат жртвите во некои од регионалните центри за нејзино обезбедување. „Процедурата изготвена од Министерството за здравство само ја охрабрува праксата на виктимизација, поради што двојно е помал бројот на пријавени жртви и на оние што добиле услуги од центрите“, посочи Димушевска. Таа објасни дека дури и кога жртвите се одлучуваат да пријават, тие ненавремено добиваат помош и чекаат со часови, што се должи на нерегулираната вработеност и волонтерска работа во центрите. Токму затоа се порачува Министерството за здравство да алоцира доволно финансиски средства за решавање на овие проблеми и мотивирање на жртвите да пријавуваат насилство, што е услов за започнување на процедури на гонење на сторителот.

Снежана Калеска-Ванчева, претседателка на Законодавно-правна комисија на Собранието на Република Северна Македонија изјави дека „измените на КЗ ќе значат вистински почеток на имплементацијата на Истанбулската конвенција, чиешто ратификување се должи на притисокот на жените пратенички во Собранието“. Пратеничката истакна дека амандманите на граѓанските организации се земаат сериозно предвид, но не беше во можност да каже дали и во кој степен ќе се прифатат.

Тона Карева, правна советничка од Хелсиншкиот Комитет за човекови права и членка на Мрежа за заштита од дискриминација, истовремено авторка на документот за јавни политики, ги презентираше наодите од истиот. „Сексуалното насилство што е фокус на овој документ, како едно од насилствата врз жените, е форма на родово-засновано насилство кое непропорционално влијае врз жените. Во најголем број од случаите, пак, мажите се сторителите. Кога ќе се слушне дека некоја жена била жртва на сексуално насилство, вината најчесто се бара кај неа“, изјави таа. Токму затоа Карева ја презентираше компаративната анализа вклучена во публикацијата која опфаќа добри практики од три држави и различни случаи, и ги претстави различните форми на сексуално насилство, вклучувајќи ги сексуалното вознемирување, експлоатација, насилство, напад и силување. „Во овие случаи станува збор за многу повеќе од само физички последици. Овие случаи имаат огромни психолошки последици и насилството што жртвите го искусуваат влијае и на нивните блиски. Документот дава анализа на меѓународните стандарди за заштита од сексуално насилство, како што се: Конвенцијата за елиминација на сите форми на дискриминација врз жените – ЦЕДАВ, Декларацијата за елиминирање на насилството врз жените и Конвенцијата за превенција и борба против силувањето врз жените и семејното насилство позната како Истанбулска конвенција“, појасни таа.

Ангелина Станојоска, професорка по криминологија на Правниот факултет при Универитетот „Свети Климент Охридски“ во Битола, го затвори настанот укажувајќи дека овој документ е значаен за подобрувањето на актуелните инкриминации. „Всушност препораките што документот ги дава би овозможиле целосна усогласеност на меѓународните документи и на законите што ги имаме сега“, вели таа. „Кога станува збор за профилите на сторителите првично треба да ги видиме факторите што му претходат на постоењето на сексуално насилство. Дијана Скали вели дека силувањето не е само збир на биохевиорални техники, туку и стереотипи и искривени вредности што постојат во едно општество и го учат човекот дека одредени акции се оправдани. Истражувањата покажуваат дека силувањето е генерално средство со кое најчесто мажите ги заплашуваат жените. Важен аспект што одговара на македонското општество е дека силувањето е резултат на општествено учење, на тоа како медиумите на пример ги прикажуваат жените…“, укажа Станојоска. „Во однос на превенцијата многу е важно како ги едуцираме младите, како ги учиме момчињата и девојчињата дека треба да се однесуваат, да ги напуштиме родовите стереотипи… момчињата да не се едуцираат да бидат доминантни, додека девојчињата се учат да бидат во улога на предмет. Ваквата едукација мора да биде спроведена од страна на државата, бидејќи образованието во домот не е доволно.“

Документот може да го најдете во целосна верзија на веб-страната на МЗД.

Овој настан како и подготвениот документ за јавни политики се активности во рамки на проектот „Мрежа за заштита од дискриминација: Унапредување на политиките и практиките за заштита од дискриминација и промоција на еднаквост“, кој е финансиски поддржан од Фондација Отворено општество – Македонија.

Прикажи повеќе...

Најново

Македонија12 минути

Рашковски: Сингапур има биометрија, Србија сообраќаен софтвер, а Македонија ги има Трајчева и Русковска

Став на обвинетиот за предметот „Софтвери“ – поранешниот генерален секретар на Владата, Драги Рашкoвски: „Жителите на Сингапур од 2022 година...

Свет34 минути

Патниците наскоро ќе можат да ги користат сите опции на своите телефони во авионите

Патниците во авионите во ЕУ наскоро ќе можат да користат мобилни телефони за време на летот без да го вклучат...

Економија44 минути

Објавена листата на најскапите градови во светот

Њујорк и Сингапур се рангирани како најскапи градови во светот, според годишното истражување на глобалните трошоци за живот на Economist...

Македонија1 час

Османи одржа предавање на колеџ во Варшава: „Нема место за агресија во Европа во 21. век“

Министерот за надворешни работи, Бујар Османи одржа предавање на Колеџот на Европа во кампусот Натолин во Варшава, следствено по учеството...

Свет2 часа

Белата куќа ја објасни изјавата на Бајден: Засега не планира да се среќава во Путин

Белата куќа ја појасни изјавата што американскиот претседател Џо Бајден ја даде претходно, истакнувајќи дека американскиот претседател во моментов не...

Свет2 часа

Британскиот министер: Путин би можел да ги искористи мировните преговори за обнова на армијата

Рускиот претседател, Владимир Путин, би можел да ги искористи мировните преговори за обнова на војската пред да почне со нова...

Свет2 часа

Зеленски тврди дека од руско заробеништво се ослободени повеќе од 1.000 украински војници

Повеќе од илјада Украинци беа ослободени од руско заробеништво за време на војната, рече Володимир Зеленски. Украинскиот претседател изјави дека...

Економија12 часа

ЕУ постигна договор за руската нафта

Членките на Европската унија се согласија да ја ограничат цената на руската нафта на 60 долари за барел, во согласност...

Свет12 часа

(Видео) Еруптираше најголемиот активен вулкан во светот, лавата се поблиску до градот

Лава тече од вулканот Мауна Лоа на Хаваите, кој е најголемиот активен вулкан во светот и чија ерупција започна на...

Свет15 часа

Сноуден се заколна на верност на Русија и доби руски пасош

Едвард Сноуден доби руски пасош откако се заколна на верност на земјата која го штити од американските власти од 2013...

Свет15 часа

Британија стравува од бактерија што се шири во училиштата, за помалку од месец починаа четири деца

Велика Британија стравува од епидемија на стрептокока А откако за помалку од еден месец од вообичаено безопасната бактериска инфекција починаа...

Македонија16 часа

Мицкоски: За само 3 дена од 5 до 7 декември ЕСМ ќе увезе струја за околу 4.200.000 евра

Продолжуваат во владата „хероите” со „херојските дела“ во енергетиката. Нов увоз на струја и ново авансно „херојско” плаќање. За само...

Македонија22 часа

Триесет години „Макфакс“, десет години „А1он“ – медиумите на „Клип медија груп“ прославија јубилејни родендени

Првата независна новинска агенција „Макфакс“ прослави 30 години постоење, сега како дел од групацијата „Клип медија груп“, а јубилеи прославија...

Македонија22 часа

Лажни дојави за бомби во три основни училишта во Скопје

Министерството за внатрешни работи ја известува јавноста дека се направени сите потребни проверки во врска со денешните пријави од училиштата...

Свет23 часа

Орбан: Проширувањето на санкциите на ЕУ за рускиот гас би имало трагични последици

Унгарскиот премиер Виктор Орбан денеска изјави дека продолжувањето на санкциите на ЕУ за рускиот гас и енергија од нуклеарните централи...

Свет23 часа

Сана Марин: Војната во Украина покажа дека Европа не е доволно силна

Финската премиерка Сана Марин изјави во Сиднеј дека Европа „не е доволно силна“ сама да се спротивстави на Москва. Премиерката...

Регион23 часа

Ескобар: Србија мора да ја почитува границата со Република Српска

Заменик-помошникот државен секретар на САД и специјален претставник за Западен Балкан, Габриел Ескобар, даде целосна поддршка на евро-атлантските интеграции на...

Економија1 ден

СДСМ: Даночна реформа, нема нови даноци и се укинува прогресивното даночење

Владата предводена од СДСМ од почетокот на наредната година почнува со етапно воведување нов даночен систем, чија главна карактеристика е...

Топ1 ден

Во Германија запленети 2.100 лажни часовници наменети за македонскиот пазар

Повеќе од 2.100 фалсификувани луксузни часовници се запленети во четвртокот на аеродромот во Франкфурт, соопшти полицијата. Во меѓувреме се појавија...

Македонија1 ден

Приватните превозници утрово на протест на „Илинденска“

Превозниците од „Слобода превоз“ и „Макекспрес“ утрово повторно го блокираа сообраќајот во Скопје на десната лента на булеварот Илинден. Директорот...