Контакт

Македонија

СЈО: Во случајот „Империја“ испрани се речиси 11 милиони евра

Објавено пред

Во случајот „Империја“ на специјалното јавно обвинителство испрани биле речиси 11 милиони евра, а буџетот на Република Македонија бил оштетен за 6.2 милиони евра, информираше СЈО.

Во рамките на истрагата, судот донел решенија за определување привремена мерка одземање на дел од имотот заради обезбедување на правните лица „Орка холдинг“ АД и „Ексико“ ДООЕЛ Скопје и решенија за привремено да се запре одливот на парични средства од банкарските сметки на „Ексико“ и „Тимох увоз-извоз“ ДОО Скопје.

„Информираме дека петте осомничени лица, за кои беше поднесен предлог за определување мерка притвор се приведени врз основа на издадени наредби за приведување од судија на претходна постапка, а нивното изведување пред судијата е извршено откако беа завршени претресите кај истите врз основа на издадените наредби за претрес. Потсетуваме дека во наредниот период истрагата во случајот ‘Империја’ ќе биде проширена за повеќе лица и за повеќе кривични дела“, стои во соопштението на СЈО.

За случајот „Империја“ триесетдневен притвор беше определен за бизнисменот Орце Камчев, неговиот соработник Ненад Јосифовиќ, директорот на „Ексико“ – Тодор Мирчевски, Цветан Панделески – директор на ЗК Пелагонија и за Зорица Арсовска – сметководител во фирмите на Камчев.

Под истрага е и Сашо Мијалков, поранешен директор на УБК, Ратка Куноска Камчева – мајка на Камчев и неизвршен член на Одбор на директори на „Орка ходинг“, Кристина Камчева Стојческа – сестра на Камчев и неизвршен член на Одбор на директори на „Жито Полог Тетово“, Лилјана Гајдоска – правник во фирмите на Камчев, неизвршен член на Одбор на директори на ЗК „Пелагонија“, Владислав Стајковиќ – сопственик на НВСП, доскорешен директор на „Мобико“ и поранешен директор на „Финзи“, Ванче Мијалчев – извршен директор на „Бетон Штип“, Јованче Тасковски – брокер и овластено лице во ДИС- Архивирај ДОО Скопје и Дејан Јанев од О.Т.Е „Инвест“. 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Ахмети: Не е добро Заев да биде претседателски кандидат

Објавено пред

Лидерoт на ДУИ, Али Ахмети, по денешната прва консултативна средба со премиерот Зоран Заев не сакаше да открие кои се кандидатите за претседател коишто се прифатливи за партијата и кои би можеле да ги поддржат на претстојните прeтседателски избори во април. Тој рече дека по размената на мислењата со Заев, сега дебатата се сели во партиските органи кои во наредниот период ќе го донесат конечниот избор. Ахмети не открива дали министерот за надворешни работи, Никола Димитров, ја има поддршката на ДУИ, а не смета ниту дека е добро решение премиерот Заев да се кандидира за претседател на државата.

Ахмети повтори дека тој лично нема намера да се кандидира за претседател.

„Одлучивме за прашањата за кои денеска разговаравме да ги ставиме на дебата во органите на партијата. Партиите ќе бидат тие коишто ќе ја преземат конечната одлука, и остана за во иднина за дополнителни консултации и информации меѓусебно да разговараат организациските секретари на двете партии. Значајно е да се почитува волјата на мнозинството на граѓаните на оваа држава. Сепак, одлуката што ќе се донесе треба да биде правилна и од полза”, рече Ахмети.

Прашан дали ќе инсистира кандидатот за претседател да биде од ДУИ, Ахмети вели дека консултациите ќе продолжат и за доброто на земјата е тој кандидат којшто ќе ја има поддршката од страните, да ја има и поддршката на граѓаните.

Ахмети вели дека на денешната средба не разговарале за имиња и останува во иднина за деталите да се разговараме. „Не мислам дека треба да дадам мислење како претседател на партија, без да имам детална анализа за процесот да биде успешен”, рече Ахмети прашан дали Никола Димитров е прифатлив како консензуален кандидат.

Прикажи повеќе...

Македонија

Димитров со високи советници во комисијата за надворешна политика на Сенатот на САД

Објавено пред

Министерот за надворешни работи, Никола Димитров, денеска оствари средба со стафери на Комисијата за надворешна политика на Сенатот на Соединетите Американски Држави, предводени од директорот Крис Соча. На средбата беше разговарано за унапредување на партнерските односи меѓу двете земји и евро-атлантските перспективи на Република Северна Македонија.

Соговорниците го поздравија потпишувањето на пристапниот протокол за членство на Република Северна Македонија во НАТО, истакнувајќи дека решавањето на долгогодишниот спор со Грција претставува позитивен пример како треба да се решаваат отворените прашања во регионот. Во оваа насока, беа разменети мислења за процесот на ратификација во американскиот Сенат.

Министерот Димитров се заблагодари за континуираната поддршка на САД, особено на Сенатот, кој игра значајна улога во креирањето на надворешната политика на САД, за остварување на стратешките цели на Република Северна Македонија. Воедно, се заблагодари за неодамнешната резолуција поднесена во Сенатот на САД, во која се оценува дека со постигнувањето на договорот со Грција се придонесува кон унапредување на стабилноста, безбедноста и просперитетот на целиот регион и се дава дополнителна поддршка за членство на Република Северна Македонија во НАТО.

Прикажи повеќе...

Македонија

Прибе без одговор до каде е имплементацијата на реформите

Објавено пред

Рајнхард Прибе, германскиот експерт за владеење на правото кој ги предводеше експертските групи на Европската комисија во Македонија, не даде одговор за медиумите кои од итните реформи што Владата требаше да ги спроведе се имплементирани, како тече процесот и дали има напредок. Единствено што потенцираше Прибе е дека напредокот на реформите во минатото бил бавен процес. Германскиот експерт ја доби титулата почесен професор на Универизтетот Фон и кажа: „Не сум тука за да дадам политички совет, како што правев во другите ситуации. Тука сум да бидам слободен човек на Универзитетот“

Во врска со реформите, тој за време на церемонијата истакна дека најважно е да се разговара што ќе биде во иднина, место сè уште да се зборува што било погрешно во минатото.

„Процесот на реформи треба да биде создаден да гледа напред, а не назад. Очигледно напредокот беше пребавен во изминатите години. Уште поважно, големиот јаз меѓу двете партии мора да се надмине со тоа што ќе се најде заеднички консензус за тоа што треба да направи земјата. Извештајот кој со групата експерти го направивме и препораките кои ги дадовме не беа против една политичка партија, а во корист на друга. Тука да се направат потребните реформи во земјата“, потенцираше Прибе.

Во пакет-реформите што требаше да бидат импламентирани беа контролата на комуникациите, судството и обвинителството, надворешниот надзор од независни тела, начинот на спроведување на изборите и состојбата во медиумите.

Прибе во својот говор се осврна и на договорите со Грција и Бугарија, кои ги даде како позитивен пример за напредок на земјата.

„Се плашам дека не зборувам македонски, ако е ова вистинскиот збор што можам да го употребам по преспанскиот договор.  Договорот со Грција за спорот со името е неверојатен, да бидеме реални, кога двајцата премиери го потпишаа договорот сите бевме скептични дали ќе се имплементира. Откако грчиот парламент го прифати влезот на Северна Македонија во НАТО, направен е последниот чекор за имплементација на договорот. Договорот е извонреден пример за тоа што можат да постигнат политичарите кога имаат храброст“, рече Прибе.

Тој потенцираше дека процесот за влез во ЕУ на Македонија ќе биде подолг и поболен.

Прикажи повеќе...

Најново

Македонија27 минути

Ахмети: Не е добро Заев да биде претседателски кандидат

Лидерoт на ДУИ, Али Ахмети, по денешната прва консултативна средба со премиерот Зоран Заев не сакаше да открие кои се...

Македонија1 час

Прибе без одговор до каде е имплементацијата на реформите

Рајнхард Прибе, германскиот експерт за владеење на правото кој ги предводеше експертските групи на Европската комисија во Македонија, не даде...

Топ1 час

Заев: Дел од роднините на функционерите ќе се повлечат од работните места

Дел од роднините на функционерите кои се вработија во државни институции најавиле повлекување на работните места, изјави премиерот Зоран Заев....

Македонија2 часа

Велешкото обвинителство сè уште утврдува одговорност за автобуската несреќа кај Катланово од 2017 година

Велешкото јавно обвинителство сè уште утврдува каква одлука ќе донесе за автобуската несреќа што се случи во 2017 година кај...

Македонија3 часа

Пешов: Нухиу на 27 април не ми даде команда за делување

При упадот во Собранието на Република Македонија на 27 април 2017 година, тогашниот министер за внатрешни работи, Агим Нухиу, не...

Македонија5 часа

(Видео) Илија Димовски не дојде на судење – бил во Брисел на состанок на НАТО

Пратеникот Илија Димовски не беше присутен на денешното рочиште за предметот „Талир“. Тој на 13 февруари со писмен поднесок го...

Свет6 часа

Шест загинати и тројца повредени во престрелка во Мексико Сити

Шест лица загинаа, а тројца други се повредени во вооружена престрелка на криминална банда во предградието Изтапалапа во Мексико Сити,...

Свет6 часа

Влошена здравствената состојба на Сергеј Скрипал

Здравјето на поранешниот руски полковник на ГРУ Сергеј Скрипал, кој во март минатата година во Лондон беше затруен во обид...

Свет7 часа

ОБСЕ побара од Киев да ѝ дозволи на Русија да ги следи изборите

Претседателот на ОБСЕ, словачкиот министер за надворешни работи, Мирослав Лајчак, му посочи на својот украински колега Павло Климкин дека одбивањето...

Свет8 часа

Голем шумски пожар ја зафати ,,мртвата зона” во Чернобил

Голем пожар избувна во чернобилската Зона на исклученост, местото на најлошата нуклеарна катастрофа во историјата на човештвото, на околу 20 километри од...

Свет8 часа

Европа не ги сака назад своите граѓани борци на ИД како што бара Трамп

Трамп побара од европските земји да ги вратат дома и судски да ги гонат џихадистите заробени во Сирија, но барањето...

Македонија17 часа

Заев и коалиционите партнери се договорија да настапат со заеднички кандидат за претседател

Владејачката СДСМ и коалиционите партнери на вечерашната средба постигнале согласност за заеднички кандидат за претседател. Како што соопшти партијата, ваквата...

Македонија20 часа

Седат ја пронајде девојката којашто ја извлекол од автобусот: ,,Никогаш нема да заборавам како ме молеше да ѝ помогнам”

Седата успеа да ја најде патничката на која ѝ помогнал да преживее под автобусот кој се преврте кај Ласкарци. Само...

Македонија23 часа

Реакции по навредите кон Силјановска: Срамно е да сатанизирате личност по возраст и пол

По серијата навреди на социјалните мрежи кон професорката по уставно право и претседателски кандидат на ВМРО-ДПМНЕ, Гордана Силјановска Давкова, невладини...

Македонија1 ден

Неколкумина повредени кај Ласкарци се во критична состојба, една пациентка е на операција

Во Градската општа болница „8-ми Септември“ од повредените од тешката автобуска несреќа на автопатот Скопје-Тетово, во моментов се лекуваат 18...

Свет1 ден

Од Пентагон уште не знаат колку пари ќе му дадат на Трамп за изградба на ѕидот

Вршителот на должноста министер за одбрана на САД, Патрик Шенахан, синоќа изјави дека се уште не утврдил колку пари ќе...

Македонија1 ден

Заев за наградата „Евалд Фон Клајст“: Со Ципрас поставивме основа за тоа како треба да работат идните генерации

На свечена церемонија, во присуство на дел од највисоките гости на годинешната Минхенска конференција за безбедност, на премиерите на Северна...

Свет1 ден

Аргентина: Последно испраќање на починатиот фудбалер Емилијано Сала

Семејството, пријателите, навивачите и поранешните соиграчи се простија од фудбалерот Емилијано Сала (28) во неговиот роден град во Аргентина, четири...

Македонија2 дена

Силјановска е претседателски кандидат на ВМРО-ДПМНЕ: Македонија многу ми даде, сега е ред јас да вратам

Гордана Силјановска и официјално е избрана за претседателски кандидат на ВМРО-ДПМНЕ од страна на делегатите на партијата на денешната конвенција...

Македонија2 дена

Мицкоски: Да се обединиме и да му дадеме црвен картон на Заев

Лидерот на ВМРО-ДПМНЕ, Христијан Мицкоски на конвенцијата во Струга, на која партијата избира кандидат за претседател, повика на обединување на...

Досие