Контакт

Македонија

(Видео) Переле пари за да ја оправдаат добивката од незаконскиот тендер во „Актор“

Објавено пред

Специјалното јавно обвинителство информираше дека отворило истрага за случајот „Актор“ поради сомнение дека е сторено кривично дело за избор на најдобар изведувач на автопатот Демир Капија – Смоквица. Меѓу осомничените за овој случај се  поранешниот премиер Никола Груевски и поранешниот министер за транспорт и врски, Миле Јанакиески.

Според СЈО, во 2012 година, кога се рагледувале и оценувале понудите за изградба на автопатот, тогашниот претседател на Владата, Никола Груевски, со цел за избор на понудувач да не биде избран понудувач од Италија, искористувајќи ја својата положба, извршил влијание врз тогашниот министер за транспорт и врски, Миле Јанакиески, кој ги поттикнал членовите на евалуационата комисија да го фаворизираат изборот на фирмата „Актор“ од Грција. Со тоа, според СЈО, му било овозможено на „Актор“ да прибави корист од 7 милиони евра.

Истрагата е отворена против десет физички лица и четири правни лица, кои се сомничат за злоупотреба на службената положба и перење пари. „За „Актор“ се повикуваат лица кои се достапни на СЈО. Сега почнува истрага, ќе се земаат изјави од сведоци и осомничени и врз основа на тоа ќе се побараат мерки од судот“, рече обвинителката Катица Јанева.

Како што образложи обвинителката Фатиме Фетаи, во случајот се работи за основано сомневање за злоупотреба на овластувањата при спроведување на тендерот за изградба на автопатот. Сомневањата се однесуваат на тоа дека во 2012 година, при разгледување на понудите, тогашниот премиер влијаел да не биде избран понудувачот од Италија, кој според Груевски, бил „претставуван од правно лице – комуњар“.

„Тој го поттикнал министерот за транспорт и врски, кој, пак, ги поттикнал службените лица од министерството да ги евалуираат понудите за автопатот и да го изберат грчки ‘Актор’. Со тоа, на ова правно лице му биле овозможено незаконски да располага со 7.811.593 евра. Во текот на отворањето на понудите во телефонски разговор премиерот бил информиран од министерот дека компанијата од Италија има подобра понуда од компанијата од Грција. Сепак, министерот добил упатство Италијанците да не бидат избрани, по што министерот повикал членови на комисијата со препорака да го фаворизираат ‘Актор’, иако не ги задоволувал критериумите“, рече Фетаи.

Во однос на перењето пари биле користени компании на подизведувачи, била формирана и група за перење пари, преку сметките на овие компании и нивните вработени од 2012 до 2016 година биле исплатувани пари во вредност од 3.185.681,1 евро. Според СЈО, еден работник без квалификации добивал месечно од 6 до 7 илјади евра, а поквалификуваните и двојно повеќе. На 10 редовно вработени лица им биле исплатени 600 илјади евра.

За овој случај, истрага беше отворена и во Грција.

Македонија

(Видео) Стартува изградбата за брана на реката Отиња во Штип

Објавено пред

Стартува изградбата на најголемиот капитален проект за Штип, а тоа е браната на река Отиња.

Премиерот Зоран Заев кој присуствуваше на настанот изјави дека сонот стар 60 години за изградба на браната е веќе реалност.

„Ги гледаме првите градежни машини, коишто работат на изградбата на браната. Работиме посветено и остваруваме. Инвестиционата вредност на градбата изнесува 306 милиони денари согласно склучените договори за изведба и надзор. Средствата се обезбедени во Буџетот на Министерството за транспорт и врски за период од 2021 до 2023 година, а рокот на изведба е планиран да изнесува 30 календарски месеци или две и пол години. Со проектот е предвидено да се изведе камено земјена брана со централно глинено јадро со висина од 33 метри“, рече премиерот Зоран Заев на настанот по повод почетокот на изградбата на браната.

Премиерот Заев на настанот на кој се обратија и вицепремиерот Љупчо Николовски, министерот за транспорт и врски Благој Бочварски и градоначалникот на Штип, Сашко Николов, подвлече дека придобивките од оваа инвестиција се бројни.

„Браната на река Отиња на Штип ќе му донесе промена на климата, заштита на градот од поплави, но и место за рекреација. Ќе се намалат високите летни температури, но и ќе влијае на зголемување на зимските температури. Дополнително се создава биолошки минимум во коритото на река Отиња, а ќе се користи и за наводнување на зелените површини. Ова ќе биде место за рекреација на штипјани, но и на сите наши граѓани во државата. Ќе биде можност за иден развој на градот во наредните години и децении. Плановите тука не застануваат, во втора фаза веднаш после изградбата ќе ја разработуваме и можноста за овој објект да произведува електрична енергија, а со тоа да стане и самоодржлив. Од економски аспект, планираниот проект особено за време на градежната фаза ќе придонесе за проширување на локалната економија, директно преку нови можности за вработување. Се проценува дека околу 200 лица ќе бидат ангажирани за времетраење на градежната фаза“, рече премиерот Заев.

Вицепремиерот Николовски, во своето обраќање истакна дена истокот се претвора во регион каде што буквално во секоја област се реализираат капитални инвестиции.

„На овој проект, сум особено горд и силно го поддржувам, бидејќи целата процедура за изградба на браната, започна кога бев министер за земјоделство, шумарство и водостопанство, во рамки на надлежностите што ги имаше министерството, а во соработка со министерството за транспорт и врски и со Општина Штип. Оваа Влада покажа како вистински треба да се грижиме за граѓаните, за обезбедување на достојни услови за живот во секоја општина, за реализација на капитални проекти од витално значење, за заживување на сите региони во државата подеднакво“, рече Николовски и додаде дека паралелно, непречено се одвива инвестициската офанзива во патната инфраструктура во источниот и североисточниот регион.

Министерот Бочварски истакна дека конечно стартува капиталниот проект кој беше најавуван децении наназад.

„Оваа Влада и тимот од локалната самоуправа Штип покажавме храброст и решителност. Потрошивме многу часови и денови, но со голем ентузијазам и верба почнавме полека да го трасираме патот до сегашната реализација. Изготвивме основен проект, се направи ревизија на проектот, студија за животна средина, изработивме Урбанистички план, преку општината обезбедивме разни согласности од државните институции, за на крај со поддршка на Владата да обезбедиме средства од државниот буџет и преку Министерството за транспорт и врски и да обезбедиме одобрение за градење за да можеме денеска конечно да излеземе пред граѓаните на Штип и да кажеме, еве тоа е тоа што години и децении наназад беше најавувано, оваа Влада, оваа локална самоуправа започнува да ја гради браната Отиња. Успеавме и сите сме горди на овој успех. Но сега пред нас е нов предизвик. Искуствата покажуваат дека изградбата на ваков габаритен објект нема да биде лесно, впрочем во градежништвото и нема лесна работа. На терен не чекаат нови предизвици, но тука повторно сме сите, заеднички да ги решаваме“, рече Бочварски и додаде дека денеска сме сите сведоци на економското зајакнување на Истокот, се модернизира цела патна мрежа, се изгради еден автопат, се градат нови експресни патишта, се отвораат нови фабрики и нови работни места.

Градоначалникот Николов рече дека со овој најголем и најзначаен капитален проект, Штип не само што добива брана од 3 милиони метри кубни вода и опфат од 120 хектари, туку градот ќе има сигурна заштита од поплави.

„Населбите Суитлак и Блок 2.000 конечно ќе се поврзат со улица што ќе поминува по круната на браната, а за нашиот град ќе се отвори нова можност за економски развој и напредок. Изградбата на овој значаен проект значи чиста животна средина, вода и место за рекреација. Иако некои не веруваа нашето присуство денес, потврдува дека го реализираме сонот на штипјани, ја градиме браната Отиња и стоиме на зборот“, рече Николов.

Прикажи повеќе...

Македонија

Димитров: Влогот е огромен, ЕУ да нѐ третира со достоинството што го заслужуваме

Објавено пред

Заменик-претседателот на Владата задолжен за европски прашања Никола Димитров денеска, на вториот ден од неформалниот состанок на министри за европски прашања, се обрати на пленарната сесија во Брдо, Словенија, насловена „Кон поголема отпорност на Европската Унија по корона-кризата“.

Главниот фокус на дискусијата беше ставен на зајакнување на капацитетите на Унијата за справување и закрепнување од корона-кризата, при што вицепремиерот Димитров ја потенцираше важноста на развивањето заеднички координиран пристап на ЕУ и Западниот Балкан за справување со споделените предизвици како можности за поголема интеграција.

„Вирусот не познава граници и не знае дали земјите се членки или кандидати за членство. Затоа нашиот регион, опкружен со ЕУ земји, мора заедно со ЕУ да се справува со заедничките кризи, како што е пандемијата“, рече Димитров.

Во тој контекст, Димитров посочи дека Западниот Балкан е вклучен во повеќето механизми на ЕУ за справување со здравствената криза, но и социо-економско опоравување.

„Зборот криза значи одлучувачки момент. Токму за проширувањето, во рамки на словенечкото претседателство ни престои таков одлучувачки момент во смисла на потребата од заживување на европскиот сон во Западниот Балкан. Успехот ќе биде заеднички. Неуспехот ќе биде заеднички. Случајот на Северна Македонија е сериозен тест за европската перспектива на регионот и за постулатите на Унијата како заедница на вредности, што ја слави јазичната и културната различност на континентот. Влогот е огромен, и повикувам како земја и народ да бидеме третирани со достоинството што го заслужуваме и да бидат применети критериумите за пристапување кон Унијата како и европските вредности.”

Прикажи повеќе...

Македонија

И Катица Јанева е спроведена во „Идризово“

Објавено пред

Поранешната специјална јавна обвинителка Катица Јанева е спроведена од домашен притвор кој го издржуваше во Гевгелија во затворот „Идризово“, каде што треба да ја одлежи затворската казна за случајот „Рекет“.

Нејзината адвокатка Ирена Фрчковска го потврди ова и додаде дека спроводот е без упатен акт од судија за извршување на санкции, кој требаше да го издаде судот во Гевгелија.

„Спроведена е во ‘Идризово’ без упатен акт, што сметаме дека е спротивно на Законот за кривична постапка. Ќе поднесеме вонреден правен лек до Врховниот суд“, вели Фрчковска за „Макфакс“.

Јанева е осудена на седум години затвор. Скопска Апелација ја потврди казната. Таа од изрекувањето на првостепената пресуда па до сега беше во домашен притвор поради опасност од бегство.

Вчера во „Идризово“ беше спроведен и Бојан Јовановски, кој доби деветгодишна затворска казна.

Прикажи повеќе...

Најново

Македонија5 часа

Димитров: Влогот е огромен, ЕУ да нѐ третира со достоинството што го заслужуваме

Заменик-претседателот на Владата задолжен за европски прашања Никола Димитров денеска, на вториот ден од неформалниот состанок на министри за европски...

Македонија5 часа

И Катица Јанева е спроведена во „Идризово“

Поранешната специјална јавна обвинителка Катица Јанева е спроведена од домашен притвор кој го издржуваше во Гевгелија во затворот „Идризово“, каде...

Македонија6 часа

Регистрирани нови 36 случаи на Ковид-19

Министерството за здравство информира дека во последните 24 часа се направени 3.569 тестирања, а регистрирани се 36 нови случаи на...

Спорт6 часа

Македонското знаме се развиори на олимпискиот стадион во Токио

Македонската олимписка експедиција со осум спортисти и се претстави на светската спортска јавност при претставувањето на свеченоста на отворањето на...

Македонија8 часа

(Видео) Горан Стефановски, Зафир Хаџиманов, Ремзи Несими и Живко Мукаетов одликувани со Орден за заслуги

Претседателот Стево Пендаровски ги одликува Горан Стефановски, Зафир Хаџиманов, Ремзи Несими, постхумно, и Живко Мукаетов со Орден за заслуги за...

Македонија9 часа

Судот ги ослободи Мијалков и поранешните „алфи“, нема доволно докази дека го малтретирале Бошкоски

Кривичниот суд ги ослободи од обвинение поранешниот директор на УБК, Сашо Мијалков, и шестемина припадници на поранешната полициска единица „Алфа“...

Свет10 часа

ЕУ досега донира само три проценти од ветените вакцини, повеќето се од „Астра зенека“

Членките на Европската Унија досега донираа само мал дел од вишокот вакцини против Ковид-19 на сиромашните земји, претежно од „Астра...

Европа11 час

Француски професор: Враќањето во нормала можеби ќе биде дури во 2023 година

Враќањето во нормалa поради пандемијата на коронавирусот може да се очекува во 2022 година, но дури и во 2023, изјави...

Спорт12 часа

Денеска официјално започнуваат 32. Олимписки игри во Токио – Македонија со 8 претставници

Во Токио денеска во 13 часот по средноевропско време ќе бидат отворени 32. Олимписки игри кои е планирано да траат...

Топ12 часа

Запленета марихуана вредна речиси 150.000 евра, уапсени двајца поранешни вработени во МВР

Полицијата заплени марихуана вредна речиси 150.000 евра. Дрогата од Албанија преку Македонија требало да стигне во Грција, а организатор на...

Македонија12 часа

Пендаровски ќе ги одликува Стефановски, Хаџиманов, Несими и Мукаетов со Орден за заслуги

Претседателот Стево Пендаровски ќе ги одликува Горан Стефановски, Зафир Хаџиманов и Ремзи Несими, постхумно, и Живко Мукаетов со Орден за...

Македонија23 часа

Бојан Јовановски спроведен во „Идризово“ за да ја издржува казната од девет години затвор

Осудениот во случајот „Рекет“, Бојан Јовановски, попладнево од домашен притвор бил спроведен во затворот „Идризово“ на издржување на затворската казна...

Топ1 ден

Стрелиште во Гази Баба нелегално продавало муниција, кај негови клиенти пронајдени 300 куршуми

Секторот за оружје при МВР извршил контрола во цивилно стрелиште во Гази Баба, за кое е утврдено дека вршело неовластена...

Македонија1 ден

Заев: СДСМ и ДУИ заедно ќе настапат на локалните избори

Претседателот на СДСМ, Зоран Заев, попладнево преку социјалните мрежи потврди дека со лидерот на ДУИ, Али Ахмети, се договориле СДСМ...

Македонија1 ден

Антикорупциската бара градоначалникот Мерко да одговара кривично за финансиски малверзации

Градоначалникот на Струга, Рамиз Мерко, треба кривично да одговара за финансиски злоупотреби во Општината, оцени Државната комисија за спречување на...

Топ1 ден

Загина 21-годишно момче, со камион паднало во Вардар

Момче на 21-годишна возраст загина кога товарното возило што го управувал паднало во Вардар. Возилото е сопственост на фирма од Куманово. Момчето...

Топ1 ден

Ресенец испраќал пораки дека има бомби на повеќе локации во Охрид

Четириесет и шестгодишен ресенец е осомничен дека испраќал пораки во кои лажел дека на неколку локации во Охрид има поставено...

Македонија1 ден

Заев: Пописот нема да влијае врз правата на граѓаните од етничките малцинства

Во интервјуто за емисијата „Конфликт зоун“ премиерот Зоран Заев зборуваше за исходот од претстојниот попис за кој изрази уверување дека...

Македонија2 дена

(Видео) Заев: Сѐ уште ги истражуваме сите легални начини како Груевски да биде вратен во земјата

Северна Македонија и понатаму ги истражува сите легални начини како поранешниот премиер Груевски да биде вратен назад со цел да...

Регион2 дена

(Видео) Протести против вакцинацијата во Грција, полицијата употреби солзавец и водни топови

Грчката полиција употреби солзавец и водни топови во Атина за да ја растера толпата што протестира против вакцинацијата против коронавирусот....

Досие