Контакт

Македонија

Тодоров: Ме исклучија од трансформираната анти-западна фракција на ВМРО

Објавено пред

Денот на Македонската револуционерна борба, за мене ден на ВМРО, оваа 2018 година го дочекав со голема тага и разочараност. Но, не од фактот што е даден предлог за мое исклучување од партијата на која и го посветив мојот живот и мојата младост, на која со мојата напорна работа, многу самoжртва и посветеност заедно со соборците од општинските, месните комитети и кимовите, и донесовме многу победи и причини за славење. Не, тоа не е причината за мојата разочараност, бидејќи знам дека не ме исклучија и не можат да ме исклучат од мојата партија, напиша на Фејсбук Никола Тодоров.

„Ме исклучија од трансформираната фракција на ВМРО, трансформирана во Анти-западна, Анти – ЕУ и Анти-НАТО фракција, управувана од луѓе кои се водени и заробени од сопствената суета и кои практикуваат застарени методи на политичко дејствување наметнато од старите удбашки структури кои се уште се поклонуваат на туѓи антимакедонски и антизападни пропаганди и интереси.

Во таква антиреформска, антизападна, недемократска и антимакедонска фракција на ВМРО јас не се пронаоѓам. Затоа, сакам да им се заблагодарам што со овој чекор ме спасија од срамот да бидам дел од нивната секташка фракција. ВМРО преживеала и поминала многу, ќе ги преживее и нив. За разлика од нивната фракција, мојата партија ВМРО-ДПМНЕ е Европска, модерна, центар-десна партија, во која искрено членуваат македонски родољуби, интелектуалци, работници, домаќини луѓе, народот. Македонскиот народ. Напатениот и илјада пати злоупотребениот и изневерен македонски народ.

Во мојата ВМРО-ДПМНЕ претседателот на партијата е со ограничен мандат, не повеќе од 8 години(два мандата), унијата на жени е почитувана организација која обезбедува целосна рамноправност помеѓу мажите и жените во управувањето со партијата со најмалку 40% учество на сите нивоа на управување, од конгресот на партијата па до секој КИМ. Во мојата ВМРО-ДПМНЕ постапката за избор на нов претседател на партијата почнува најмалку 9 месеци, а најмногу 1 година пред истекот на мандатот на актуелниот претседател, со далеку поголем број на делегати и со сериозно поголема застапеност на УМС, УЖ и Унија на ветерани на конгресот, и со поголема партиципација на општинските комитети, односно со делегирање на 1 делегат на секои 250 членови.

Општинските комитети самите ги бираат делегатите, бидејќи е нелогично и недемокртски нив да ги поставува претседателот на партијата, а тие потоа да го бираат него. Во мојата ВМРО-ДПМНЕ УМС има најмалку 3 претставници во ИК, и е евро-атлантски ориентирана(како што и беше, а знам дека и сега е). Унијата на ветерани е мудроста и чувар на вистинската вмровската доктрина и е застапено со тројца преставници во ИК.

Поранешниот претседател не може веднаш да биде прогласен за почесен, туку тоа може да се направи по најмалку 8 години по неговата смена. Во мојата ВМРО, забранет е непотизмот и забрането е раководството од ОК и ИК да си ги вработат сите роднини во државната администрација, или да си ги постават на високи партиски или државни функции. Мојата ВМРО-ДПМНЕ не е изолирана партија. Како што кажав мојата ВМРО-ДПМНЕ е европска, модерна, центар-десна политичка партија. И јас сум се уште со срцето и душата во ВМРО-ДПМНЕ и никој, никој не може да ме исклучи од мојата партија. Семејството, државата и партијата ми се најважните.
Нека е честит денот на македонската револуционерна борба. Да живее ВМРО-ДПМНЕ, Да живее Македонија“, напиша Тодоров.

Македонија

Гореше автомобил на паркинг во Ново Лисиче

Објавено пред

На паркинг во скопската населба Ново Лисиче вечерва изгоре автомобил марка „рено лагуна“.

Според очевидци, горењето на возилото предизвикало паника кај луѓето кои се затекнале на паркингот, но брзо била повикана противпожарна екипа која за кратко време го изгаснала огнот.

Пожарот го пријавиле луѓе кои живеат во близина на паркингот, а сопственикот на автомобилот не се појавил додека траела интервенцијата на пожарникарите.

Околу опожареното возило имало и други автомобили, но сопствениците успеале да ги тргнат навреме, па така бил избегнат поголем инцидент.

Прикажи повеќе...

Македонија

Османи: Нашата држава е пример на Балканот за тоа како функционира мултиетничка демократија

Објавено пред

Во Скопје денеска се одржа завршната јавна дискусија за претставување на „Националната стратегија за развој на концептот за едно општество и интеркултурализмот во Република Северна Македонија“, каде што свои обраќања имаа вицепремиерката и министерка за одбрана, Радмила Шекеринска, вицепремиерот задолжен за европски прашања, Бујар Османи, министерот задолжен за комуникации, отчетност и транспарентност, Роберт Поповски и програмската директорка во Фондацијата Отворено Општество – Македонија (ФООМ), Сунчица Костовска.

Шекеринска во своето обраќање нагласи дека концептот „Едно општество за сите“ е суштината на политиката која ја нуди Владата од самиот почеток и дека внатрешната интеграција е исто толку важна колку евроинтеграциските процеси.

„Успехот во интеграцијата во НАТО и ЕУ, успехот во интеграцијата со Брисел не е доволен успех, ако не успееме да понудиме интеграција внатре во државата и концептот ‘Едно општество за сите’ така ја дефинира нашата цел – да обезбедиме повеќе канали на комуникација, разбирање помеѓу различните и таа интеграција ќе биде всушност најголемото безбедносно, економско и социјално сидро за нашата држава“, рече министерка за одбрана.

Вицепремиерот Бујар Османи посочи дека позитивно гледа на фактот што концептот „едно општество за сите“ е поставен високо на политичката агенда, не само на Владата, туку и на граѓанскиот сектор.

„Веќе никој нема дилема дека Република Северна Македонија претставува редок пример на Балканот каде се негува функционална мултиетничка демократија од каде потоа произлегува и успешноста во изградбата на едно стабилно и функционално мултикултурно и мултиконфесионално општество“, рече Османи.

Министерот задолжен за комуникации, отчетност и транспарентност, Роберт Поповски во своето обраќање ја истакна значајната улога на медиумите, особено на јавниот сервис во промовирање на вредностите на „едно општество“.

„Се издвојуваат два приоритети кога се во прашање медиумите, првиот е унапредување на медиумскиот простор во функција на навремено, непристрасно и објективно информирање на сите граѓани и промовирање на медиумскиот плурализам; вториот е јакнење на медиумската писменост кај граѓаните од сите возрасти“, подвлече Поповски.

Програмската директорка во Фондацијата Отворено Општество – Македонија (ФООМ), Сунчица Костовска, ја поздрави посветеноста на Владата за систематично и сеопфатно развивање на овој концепт и ангажирање на сите институционални механизми, интелектуални сили, знаења и капацитети на граѓанското општество за создавање на Националната стратегија.

На јавната дискусија свои мислења изнесоа и претставници на граѓанскиот сектор, медиумите и меѓународните организации, кои дадоа конструктивни сугестии, коментари и предлози за намалување на поделбите и создавање услови за подобро и подеднакво општество за сите.

Прикажи повеќе...

Македонија

Владата одобри 931 специјализација на медицински кадар во наредните три години

Објавено пред

На денешната седница, Владата ја усвои програмата за потребите од специјалистички и супспецијалистички кадар, согласно со мрежата на здравствени установи (2019-2022).

Како што информираат од владината прес-служба за 2019 година одобрени се вкупно 346 специјализации, за 2020 година вкупно 241 специјализација, за 2021 година 184 специјализации и за 2022 година вкупно 160 специјализации.

Покрај специјализациите, Владата одобри и супспецијализации и тоа за 2019 година вкупно 69 супспецијализации, 24 за 2020 година, за 2021 година се одобрени вкупно 22 супспецијализации и за 2022 година – 16 супспецијализации.

 

Прикажи повеќе...

Најново

Македонија8 часа

Владата ќе испитува дали има основа да се раскине концесијата за Иловица

Владата на денешната 141 седница донесе одлука да го задолжи Министерството за економија да ја испита правната исполнетост на барањето...

Свет9 часа

ОН: Богатите ќе купуваат спас од жештините и гладот, на повидок е климатски апартхејд

Светот е на пат кон климатски апартхејд, во кој богатите ќе купуваат излез од најлошите ефекти од климатските промени, додека...

Економија10 часа

Во Љуботен запленети над 12 тони тутун, нелегално се увезувал од сите соседни земји

Над 12 тони тутун е одземен од жителите на Љуботен по спроведената акција во селото. Нема уапсени, бидејќи истрагата не...

Македонија11 час

Дураки поднесе оставка: Моето раководење ќе остави траен белег во заштитата на животната средина

Садула Дураки поднесе оставка на функцијата министер за животна средина и просторно планирање од причина што е предложен за министер...

Регион13 часа

Ердоган: Ако е потребно, ќе направиме ревизија на владата, но без надворешни притисоци

Не можеме да ги предвидиме пораките на народот и да се оглушиме на нив, истакна денеска турскиот претседател, Реџеп Таип...

Македонија13 часа

Здравствениот инспекторат побара проверка на стручноста на лекарите за смртта на родилката

Државниот санитарен и здравствен инспекторат (ДСЗИ) вчера извршил вонреден инспекциски надзори во сите здравствени установи каде што била лекувана родилката од...

Македонија14 часа

(Видео) Арсовски: Советник од ДУИ незаконски гради бетонска база во Охрид

Безвластието и самоволието на локалните шерифи во Охрид е само слика и прилика од владеењето на Зоран Заев и СДСМ,...

Македонија16 часа

Кавадарчани фалсификувале американски долари, обвинение против 12 лица, меѓу кои и вработени во банка

Основното јавно обвинителство Велес поднесе обвинителен акт за фалсификување американски долари. Од Обинителството информираат дека обвинението се однесува на 12...

Македонија16 часа

Поднесено е обвинение против Ел Чека

Основното јавно обвинителство Кичево поднесе обвинение против Ел Чека за, како што се наведува, продолжено кривично дело – неовластено прислушување...

Македонија17 часа

Финансиската полиција спроведе акција во скопско Љуботен, жителите вознемирени

Финансиската полиција од утрово спроведува акција во скопското село Љуботен, каде што со помош на припадници на МВР се врши...

Свет19 часа

Иран: САД го затвори патот на дипломатијата засекогаш

Техеран порача дека со воведувањето на нови американски санкции кон ирански претставници значи постојано затворање на патот на дипломатијата меѓу...

Свет19 часа

Русија се враќа во Советот на Европа

Русија доби поддршка од Парламентарното Собрание на Советот на Европа, по неколку години да се врати во тоа тело, пренесе...

Македонија1 ден

Герила акција: Скопските дрвја во синџири

О2 иницијативата во соработка со Институтот за комуникациски студии спроведе герила акција со цел да укаже дека е неопходна слобода на...

Топ1 ден

Две лица се обиделе да запалат кафуле во Лисиче

Синоќа во 22 часот во СВР Скопје било пријавено дека пред кафе бар на улицата „Горно Лисиче“ во Скопје две...

Македонија1 ден

Тројца стружани со државни пари точеле гориво во своите приватни возила

Полицијата поднесе кривична пријава против три лица од струшко кои се сомничат за злоупотреба на службена положба и овластување. Од МВР...

Македонија2 дена

ВМРО-ДПМНЕ: Атанасов направи храбар чекор и ѝ кажа „не“ на неработливата и криминална Влада

ВМРО-ДПМНЕ ја поздрави одлуката на Петар Атанасов да се повлече од функцијата заменик-министер за образование. „ВМРО-ДПМНЕ ја поздравува одлуката на...

Македонија2 дена

Јанкулоска не оди во затвор, Врховен ѝ го прифати барањето за одлагање

Врховниот суд ѝ го прифати барањето на поранешната министерка за внатрешни работи, Гордана Јанкулоска, за одлагање на извршувањето на казната...

Македонија2 дена

Атанасов до Заев: Поднесувам оставка

Заменик-министерот за образование, Петар Атанасов, на „Фејсбук“ му се обрати на премиерот Заев порачувајќи му дека поднесува оставка од функцијата...

Топ2 дена

Камион поклопи маж при истовар на стока

Педесет и седумгодишен маж од село Скудриње вчера почина кога бил поклопен од неговиот камион ТАМ. Несреќата се случила кога...

Регион2 дена

Напнато на Медитеранот, грчките воени сили во состојба на готовност

Грчките вооружени сили се во состојба на готовност поради продолжување на можниот турски провокативен настап на истокот од Медитеранот, пишува...

Досие