Контакт

Македонија

Триесет дена притвор за бизнисменот Орце Камчев

Објавено пред

Триесет дена притвор за бизнисменот Орце Камчев, неговиот соработник Ненад Јосифовиќ, директорот на „Ексико“ Тодор Мирчевски, Цветан Панделески, директор на ЗК Пелагонија и за Зорица Арсовска, сметководител во фирмите на Камчев. Ова е одлуката на судијката по претходна постапка за случајот „Империја“ на Специјалното јавно обвинителство (СЈО), по речиси десетчасовен распит на петмината приведени од вкупно 13 осомничени.

Околу 2.30 часот утринава, дел од осомничените беа спроведени во Истражниот затвор во Шутка. Тие се сомничат за злосторничко здружување, оштетување или повластување на доверители, злоупотреба на службената положба и овластување, измама и перење пари.

Претходно, обвинителката од СЈО Лиле Стефанова која го води случајот, заедно со Катица Јанева, пристигнаа во судот да ги подигнат решенијата за притвор за Камчев и Јосифовиќ, додека другите решенија сè уште се изготвуваа.

Осомничените за „Империја“ влегуваат во Истражниот затвор

Петмината осомничени кои беа приведени почнаа да пристигнуваат на распит во Кривичниот суд вчера околу 14 часот. Последен пристигна бизнисменот Орце Камчев, кој беше донесен со возило директно во гаражата на судот.

Претресот во просториите на Орка Холдинг почна вчера, околу 6 часот утрината со асистенција на Одделот за сузбивање организиран криминал и корупција.

„Империјата“ на СЈО ги отвори прашањата за сестринските фирми и оф-шор компании кои се поврзуваат со бизнисменот Орце Камчев, но од обвинителството не соопштија конкретно за што станува збор. Она што е познато во јавноста е дека станувало збор за еден од пообемните предмети кој долго време бил во предистражна постапка од повеќемина обвинители на СЈО.

Еден од сегментите на истрагата е и контроверзната оф-шор компанија од Лугано, Ексико, понатаму фирмата НВСП за која во аудиоснимките на СДСМ можеше да се слушне дека ексдиректорот на УБК Мијалков договорал милионски провизии со Израелците за набавка на опрема за прислушување, но она што е најголем заеднички именител за повеќето осомничени се фирмите Орка Холдинг, Жито Полог Тетово и земјоделскиот комбинат Пелагонија од Битола.

Пред да почне распитот во Кривичниот суд, двајца од осомничените, Камчев и Панделески се огласија со соопштенија во кои се вели дека нивните фирми вработуваат многу лица и дека нивната работа се базира на транспарентност и одговорност.

Од СЈО најавија дека во скоро време ќе ја прошират истрагата за нови лица и за нови кривични дела и ќе бараат замрзнување на имотот.

Цветан Панделески, директор на ЗК Пелагонија влегува на распит во Кривичниот суд

Во прилог „Макфакс“ прикажува кои се осомничените лица во случајот „Империја“:

Јордан (Орце) Камчев – директор на Орка Холдинг, Аџибадем Систина, Лајф кеар сентар, поранешен неизвршен член на Одбор на директори на Бетон Штип, неизвршен член на Одбор на директори на ЗК Пелагонија

Сашо Мијалков – поранешен директор на УБК

Ненад Јосифовиќ – близок соработник на Камчев, член на Надзорен одбор на Стопанска банка Битола

Цветан Панделески – директор на ЗК Пелагонија АД Битола, поранешен неизвршен член на Одбор на директори на Бетон – Штип, татко на Дејан Панделески, директор на Пелистерка

Ратка Куноска Камчева – мајка на Камчев и неизвршен член на Одбор на директори на Орка Ходинг

Кристина Камчева Стојческа – сестра на Камчев и неизвршен член на Одбор на директори на Жито Полог Тетово, Кара АД, Монт ДООЕЛ, Орка Фајнанс ДООЕЛ и О.К хотел ДООЕЛ Скопје

Зорица Арсовска – сметководител во фирмите на Камчев, неизвршен член на Одбор на директори на Жито Полог, неизвршен член на Одбор на директори на ЗК Пелагонија, неизвршен член на Одбор на директори на Орка Холдинг

Лилјана Гајдоска – правник во фирмите на Камчев, неизвршен член на Одбор на директори на ЗК Пелагонија

Владислав Стајковиќ – сопственик на НВСП, доскорешен директор на „Мобико“ и поранешен директор на „Финзи“

Тодор Мирчевски – директор на „Ексико“, поранешен неизвршен член на Одбор на директори на Бетон – Штип, неизвршен член на Одбор на директори на ЗК Пелагонија, неизвршен член на Одбор на директори на Жито Полог

Ванче Мијалчев – извршен директор на Бетон Штип

Јованче Тасковски – брокер и овластено лице во ДИС- Архивирај ДОО Скопје

Дејан Јанев

Македонија

Mакедонскиот пасош е на 46. место на листата на најмоќните пасоши во светот

Објавено пред

Во најновата „Хенли енд партнерс“ листа на најмоќни пасоши, што се смета за најмеродавна на светот, првото место го делат Јапонија и Сингапур, а Македонија се наоѓа на 46. место.

Додека граѓаните во Јапонија и Сингапур без виза може да патуваат во 189 земји, граѓаните од нашата земја може без пречки да патуваат во 123 држави.

Од земјите во регионот најдобро котира Словенија, која се наоѓа на 10. место, чии граѓани може да патуваат без визи во 179 земји, а зад неа е Хрватска на 20. место со 167 земји, пренесе новинската агенција „Танјуг“.

Србија се наоѓа на 41. место, а српските граѓани може да патуваат во 131 земја без виза.

Зад нас се Црна Гора со 122 земји, потоа Босна и Херцеговина на 51. место (116) и Албанија на 52. место, каде без виза може да се патува во 113 земји.

Меѓу првите места што ги делат повеќе држави се наоѓаат Јужна Кореја, Финска, Данска, Германија, Италија, Луксембург, Франција, Шпанија, Велика Британија, САД, Белгија, Канада, Грција, Ирска, Норвешка.

На последното место е Авганистан, а меѓу најслабите пасоши спаѓаат и пасошите на Ирак, Сирија, Пакистан, Сомалија, Јемен, Либија, Палестина, Непал, Бангладеш, Иран, Судан и на Северна Кореја.

Како што се наведува на интернет-страницата, резултатите од листата се засновани на податоците од Меѓународната асоцијација за воздушен сообраќај (ИАТА), која одржува најголема база за патни информации во светот.

Прикажи повеќе...

Македонија

Заев на средба со кинеската амбасадорка: Економската соработка меѓу државите се развива

Објавено пред

Претседателот на Владата, Зоран Заев, оствари средба со Јин Лисјен, амбасадорка на Народна Република Кина, која го завршува својот мандат во земјата. На пријателската средба беа потврдени добрите билатерални односи помеѓу Република Северна Македонија и НР Кина, кои во изминатите, повеќе од две години, бележат напредок на соработката, посебно во областа на економијата, образованието и културата. Оценето е дека е поставена стабилна основа таа соработка да продолжи и во иднина.

На состанокот се поздравени личните заложби на премиерот Заев за реализација на изградбата на двата автопата со кинеска поддршка, Миладиновци – Штип и Кичево – Охрид.

Констатирано е дека премиерот Заев прави видливи напори со резултати во економскиот развој и во социјалните политики и дека преку конструктивните политики на конкретно ниво придонесува за доброто на државава и за граѓаните.

„Уверен сум дека преку процесот 17 + 1 само ќе ја јакне соработката на економски план, која веќе се реализира со отвореноста за нови кинески инвестиции во земјата, а расте и трговската размена. Тоа е резултат на воспоставениот дијалог на високо политичко ниво меѓу Северна Македонија и Кина“, рече премиерот Заев, кој оцени дека за тоа голем придонес има успешната соработка со амбасадорката на Кина, Лисјен.

Прикажи повеќе...

Македонија

Инспекторот Илиевски поднесе прекршочна пријава за ректорот и за тетовскиот универзитет

Објавено пред

Просветниот инспектор Ѓорѓи Илиевски поднесе прекршочна пријава во тетовскиот Основен суд за Државниот универзитет во Тетово и за ректорот Вулнет Амети.

Илиевски при инспекцискиот надзор на Правниот факултет при ДУТ утврдил дека тројца државни функционери – министерот за образование и наука, Арбер Адеми, заменик-министерот за внатрешни работи, Агим Нихиу, и директорот на Државниот завод за индустриска сопственост, Сафет Емрули, незаконски биле унапредени.

Тој извршил и контролен надзор, а денеска закажал т.н. порамнување, но бидејќи тетовскиот универзитет не постапил во согласност со неговите барања да им бидат поништени звањата на функционерите, тој поднесе прекршочни пријави.

Државниот просветен инспекторат му предложи на директорот Томе Спировски дисциплинска мерка за инспекторот Илиевски зашто ја информирал јавноста за случајот, а постапката не била завршена. Тој, пак, смета дека тоа била негова обврска и дека му влијаеле и му се заканувале ништо да не говори во јавноста.

Прикажи повеќе...

Најново

Македонија12 часа

Инспекторот Илиевски поднесе прекршочна пријава за ректорот и за тетовскиот универзитет

Просветниот инспектор Ѓорѓи Илиевски поднесе прекршочна пријава во тетовскиот Основен суд за Државниот универзитет во Тетово и за ректорот Вулнет...

Македонија13 часа

Жбогар е уверен дека законот за Обвинителството ќе биде донесен со консензус

Eвроамбасадорот Самуел Жбогар при денешната посета на Општина Новаци изрази надеж дека парламентот ќе го донесе законот за Обвинителството со...

Македонија13 часа

Обвинителството го доби извештајот од телефонот на Јанева

Обвинителството за организиран криминал и корупција го доби извештајот од вештачењето на мобилниот телефон на обвинителката Катица Јанева, но во интерес...

Македонија15 часа

Заев на одмор во Охрид и Грција, Шекеринска во Скандинавија, Царовска во Турција

Премиерот Зоран Заев со семејството ќе замине на одмор по празникот 2 Август, Илинден, во Охрид и во Грција, министерката...

Македонија16 часа

Хелсиншки комитет: Рекорден број дела од омраза во 2018 година, негативниот тренд продолжува и годинава

Во периодот од 2013 до крајот на 2018 година Хелсиншкиот комитет евидентирал 508 инциденти сторени поради омраза, беше соопштено на денешната прес-конференција по повод Европскиот...

Сеад Кочан Трансмет, Труст, СЈО Сеад Кочан Трансмет, Труст, СЈО
Македонија18 часа

Кривичниот суд вторпат го одби барањето на Кочан за одложување на казната

Кривичниот суд по вторпат го одби барањето на бизнисменот Сеад Кочан, осуден во предметот „Труст“ на специјалното јавно обвинителство, да...

Свет20 часа

Итна седница на британската Влада, се бара безбедна пловидба во Заливот

Британската Влада свика итна седница на која ќе се расправа за одговорот што треба да се испрати на Иран, по...

Свет20 часа

Иран уапси 17 шпиони на ЦИА, некои се осудени на смрт

Иран уапси 17 шпиони кои работеле за Централната разузнавачка служба на САД (ЦИА), а некои од нив се осудени на...

Свет20 часа

(Видео) Масакр во луксузно одморалиште, убиени 5 лица, а 6 се повредени

Вооружен напаѓач уби петмина мажи и рани уште шест лица во популарен бар во мексиканскиот град Акапулко, што е уште...

Свет21 час

Иран ѝ се закани на Велика Британија со ескалација на тензиите во Заливот

Со оглед дека британските официјални претставници одбиваат да ја исклучат можноста за воведување санкции кон Техеран, иранскиот амбасадор во Велика...

Свет21 час

Израел почна да урива палестински згради

Израелските работни тимови почнаа да уриваат десетина илегално изградени палестински згради во источниот дел на Ерусалим. Денешното уривање ја прекинува...

Свет22 часа

Зеленски ѝ понуди сојуз на рок-ѕвезда

Украинскиот претседател Володимир Зеленски, чија партија убедливо води на предвремените парламентарни избори со 43,9 отсто од гласовите, според излезните анкети,...

Македонија1 ден

Голем пожар во Едриличарскиот клуб во Струга

Голем пожар избувна попладнево во бараките на Едриличарскиот клуб во Струга што се наоѓа кај „Машката плажа“ во градот. За...

Македонија1 ден

Спасовски: МВР без налог од судот не може да знае каде е Јанева

МВР без налог од судот или обвинителството не може да знае каде е Катица Јанева. Министерот за внатрешни работи Оливер Спасовски,...

Регион1 ден

Мицотакис ја претстави владината програма, на соседите им порача дека соработката ќе го одреди нивниот пат кон ЕУ

Грчкиот премиер, Киријакос Мицотакис денеска во грчкиот Парламент ја претстави владината програма, во рамки на  тридневната расправа за добивање доверба на...

Македонија2 дена

Запленет глисерот на Зоран Кичеец

Запленетиот глисер во Охрид, е во сопственост на второосомничениот во случајот „Рекет“, Зоран Милевски познат како Зоки Кичеец, потврдуваат од...

Македонија2 дена

„Анима мунди“: Познат е сторителот кој свирепо уби куче во Стојаково, бараме најстрога казна

Монструозниот чин на кој сведоци беа жителите на селото Стојаково во Богданци, кога куче беше запалено со бензин е пријавен...

Македонија2 дена

(Видео) Жителите на Аеродром против центар за зависници, бараат тие да се лечат на периферијата

Жители на скопската населба Аеродром излегоа на протест, по иницијативата за преместување на зависниците од центарот во Кисела Вода, во...

Свет2 дена

(Видео) Иран објави снимка од заземањето на британскиот танкер

Иранската револуционерна гарда објави видеоснимки за кои тврдат дека ги покажуваат моментите кога нејзините припадници го заробиле британскиот танкер „Стена...

Свет2 дена

Шест лица починаа поради жешкото време во САД

Најмалку шест лица го загубиле животот поради рекордно високите температури во САД, објави „Гласот на Америка“. Според властите, жртвите се...

Досие