Македонија
Филипче ги објави новите мерки, задолжителни за јавниот сектор

Комисијата за заразни болести утринава со консензус донела одлука да предложи нови рестриктивни мерки до Владата, а со цел заштита од коронавирусот. Министерот за здравство, Венко Филипче, соопшти дека до Владата ќе предложи сите вработени во јавниот сектор и во локалната самоуправа за да одат на работното место, да прикажат сертификат за барем една доза примена вакцина, направен ПЦР-тест не постар од 72 часа на своја сметка, потврда за прележан Ковид-19 во последните 45 дена или потврда дека не можат да примат вакцина поради здравствени причини.
Комисијата предлага и вакцината да биде задолжителна за сите здравствени работници.
„Препорачуваме до овие мерки да се приклучат и приватните компании. Ова впрочем го докажува и писмото што ни го доставија и стопанските комори“, рече Филипче.
Тој вели дека овие мерки би стапиле во сила 10 дена откако ќе ги усвои Владата, а здравствените работници имаат рок од 30 дена за да се вакцинираат.
Освен тоа, Комисијата предлага да се ажурира процесот за контрола на сертификатите, од страна на МВР и на пазарниот инспекторат, односно преку достапните апликации и QR-кодовите на овие апликации да се проверува дали сертификатите што ги приложуваат лицата се валидни.
„Пред нас е зимски период, сезона на грипови, настинки, има пациенти со други болести, не е само ковидот и од тие причини не можеме да го оптоваруваме здравствениот систем и не може болниците да се занимаваат само со ковид-пациенти“, рече Филипче.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ВМРО-ДПМНЕ и СДСМ со меѓусебни обвинувања за убиецот на Вања

Партиите и денеска со меѓусебни обвинувања за тоа со кого бил близок Љупчо Палевски, убиецот на малата Вања.
Од ВМРО-ДПМНЕ велат дека Спасовски и власта замижувајќи пред поведението на Палевски, создадоа монструозен лик кој се товари за две свирепи убиства, на велешанецот Панче и за малата Вања. Додаваат дека „Овие две убиства ќе им тежат на совеста на Спасовски и власта од повеќе причини“.
„Затоа што дозволија Палевски да сее омраза, да навредува, да се заканува и да клевети преку своите поткасти и гостувања на интернет порталот и за сето тоа да помине несанкциониран, ниту пак било кој од порталот или институциите да го опомене. Тоа го охрабри да почне да рекетира и да уценува, па дури и да убива. Власта на Ковачевски и Спасовски сето тоа го одмолча, мислејќи дека така и создава опозиција на опозицијата.
Друго, затоа што Палевски и неговата екипа кои сега се обвинети за монструозните убиства, пред 7 месеци биле откриени како копаат артефакти во Демир Капија и како со себе имале нелегално оружје. Доколку биле казнети тогаш, немаше да дојде до убиствата кои се случија сега.
Дополнително, Спасовски и власта треба на јавноста да и одговори зошто не се преземени сите мерки во истрагата после исчезнувањето на велешанецот Панче и неговото возило, со кое потоа е направено грабнувањето на малата Вања, иако било пријавено до полицијата? Зошто истото не било лоцирано во Скопје со системот Сејф Сити пред или веднаш после исчезнувањето на девојчето? Од МВР со денови молчат и не кажуваат дали е точно дека возилото било 3 дена во Скопје пред да се случи грабнувањето на девојчето, а истото возило било претходно пријавено како исчезнато заедно со сопственикот Панче Жежовски?
Молкот на Спасовски и власта покажува дека оваа трагедија се случи заради неказнивоста кон Палевски поради неговата заштита која ја уживал во партиски и полициски структури на СДС, поради тоа што после толку сеење на омраза и создавање на токсична атмосфера се почуствувал охрабрен да стори вакво дело и поради тоа што постојат серија пропусти во истрагата уште после пријавувањето на исчезнувањето на првото лице, велешанецот Панче и неговиот автомобил“, пишуваат од партијата.
Од СДСМ, пак, бараат Мицкоски да излезе пред граѓаните и да одговори, што се договарале на средбите со Палевски.
„Палевски, кој е осомничен за двојното убиство што ја потресе целата македонска јавност, беше близок соработник на режимот на ДПМНЕ и јавно го поддржуваше Мицкоски, но и нивниот коалициски партнер Левица.
Со радикални ставови, Палевски беше алатка на ДПМНЕ во црна кампања против СДСМ но и против се што означува демократија во Македонија и за подгревање етнички тензии.
Неговата маргинална политичка партија со радикална и проруска ориентација е производ и алатка на политиките на преќутна агресија од страна на ДПМНЕ во изминативе две децении.
Како дел од Бојкотирам заедно со ДПМНЕ и Левица беа против членството во НАТО.
Беа и дел од насилните протести против францускиот предлог и поставуваа гилотина пред Собранието.
Надлежните органи, пред се Јавното обвинителство согласно законот имаат обврска да ги истражат односите на Палевски со сите негови соработници, вклучително и Мицкоски“, вели владејачката партија.
Македонија
(Фото) Спречен шверц на повеќе од 500 делови за камиони

Вкупно 516 различни делови за камиони се запленети од страна на царинските службеници на граничниот премин Богородица.
Обидот за нелегален внес на делови за камиони е откриен од страна на царинските службеници на влез на граничниот премин Богородица. Возачот на камионот, против кој е поднесена прекршочна постапка, се обидел да ги прошверцува деловите за камиони, криејќи ги во различни делови на возилото.
За време на контролата, во внатрешноста на задните седишта, под и помеѓу седиштата, и во багажникот кај резервната гума се пронајдени вкупно 516 различни делови за камиони.
Меѓу непријавените делови се комплети плочки за кочење, лед фарови, задни штопови, кочиони цилиндри, стакла за фар, сетови кумплуг, разни светлосни обележувачи за приколки, како и други делови.
Во друг случај на царинска испостава Струмица е запленето едно АТВ возило, кое е откриено од страна на царинските службеници при контрола на стока пријавена за увозно царинење.
Возилото кое не е опфатено со увозната декларација е задржано, а против увозникот е поведена прекршочна постапка
Македонија
ЦУК: Најбарана Итната медицинска помош со 51% од реалните повици на 112

Во Центарот за управување со кризи, според последниот извештај, имало вкупно 1.323 повици на Единствениот број за итни случаи 112. „Реални“ повици за итни случаи биле 39,91%, а 60,09% други, именувани како „неитни повици“, што биле за други потреби на граѓаните или едноставно не биле итни. Со примањето во ЦУК на овие „други“ повици се растоваруваат од непродуктивни за нив, службите институциите во Системот за управување со кризи коишто се за итно интервенирање.
Распределбата, согласно генералната природа на настаните, била следната: кон Полиција биле упатени 42,86% од повиците од 112 во ЦУК, кон Итната медицинска помош 51,02%, кон пожарникарите биле упатени 3,40%, а кон АМСМ 0,44%.
Кон Центарот за управување со кризи имало 2,72% од „реалните“ повици за итни случаи што се за комбинирано решавање, што секако, заедно со другите 60,09% неитни повици“, биле предмет на примање и обработка од дежурните оперативци во Секторот Е-112 во содејство со Секторот за операции и координација во ЦУК.