Македонија
Филипче предлага матичните лекари да бидат парично наградени ако 70 отсто од нивните пациенти се вакцинирани

Министерот за здравство Венко Филипче вели дека во последниве неколку дена се разгледуваат мерки за невакцинираните лица кои нема да ги загрозуваат работните места на граѓаните. Во вторник, на владина седница, ќе биде предложена нова мерка, а тоа е стимулација на матичните лекари.
„Свесен сум дека ова беа едни од најтешките предложени мерки бидејќи допираа во работните односи и затоа сега ќе разгледуваме слични мерки кои нема да загрозуваат нечие работно место, а ќе бидат стимулација за вакцинација и затоа интензивно истражувавме во изминативе 2-3 дена“, рече Филипче.
Тој вели дека ќе биде предложена нова мерка, а тоа е посебна стимулација за матичните лекари.
„Предлогот е матичните лекари да бидат финансики стимулирани, односно кога ќе надминат 70 посто вакцинација на прикрепени пациенти да бидат наградени со 30 денари по пациент, од вкупниот број пациенти запишани кај нив. Тоа е предлогот со кој ќе излеземе пред Владата во вторник“, рече Филипче.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Голема загаденот во Струмица, стапија во сила мерките и препораките

Високо е загадувањето на воздухот во Струмица, каде два дена мерните станици покажуваат високи концентрации на ПМ10 честички повеќе од дозволеното, поради што стапија во сила препораки и мерките за населението.
Министерството за животна средина и просторно планирање во соработка со Министерството за здравство се должни да:
• Препорачаат на сите правни субјекти (работодавци) да ги ослободат од работни обврски бремените жени, лицата постари од 60 години, како и лицата со хронична астма, прележан миокарден инфаркт или мозочен удар, без разлика на возраста, со препорака на матичен лекар.
• Препорачаат на сите правни субјекти (работодавци) да го реорганизираат работното време и лицата кои работат на отворено да работат од 11.00 до 17.00 часот.
• Препорачаат да не се организираат спортски натпревари и други културни манифестации на отворено.
• Обезбедат услови за зголемени активности на службите за итна медицинска помош, домашна посета и патронажна служба.
Владата на Република Македонија:
• Да ги задолжи сите органи на државна управа, агенциите, фондовите, бироата, заводите, јавните претпријатијата и АД во државна сопственост, како и на Единиците на локална самоуправа да ја намалат (до 50%) употребата на службените возила.
• Да обезбеди ограничување на работите на градежните објекти
Министерство за труд и социјална политика во соработка со Црвениот крст, Здравствениот дом и Единиците за локална самоуправа:
• Да обезбедат прифатилишта за сместување на бездомници.
• Да дадат поддршка на стари осамени лица преку организирани посети.
Министерството за здравство:
• да ја задолжи Службата за итна медицинска помош да доставува Информација до ИЈЗ за број на повици (според дијагноза/код на МКБ10, пол, возраст, место на живеење/општина), за времетраењето на епизодата на алармантно загадување на воздухот на дневна основа се до завршување на епизодата и една недела по завршувањето.
Државниот инспекторат за животна средина:
• Да започне со вршење на зачестена контрола на Инсталациите кои што поседуваат А – ИСКЗ дозвола, да спроведе контролни мерења на емисиите на загадувачки супстанции во амбиенталниот воздух со акредитирана лабораторија со цел да се утврди дали се применуваат пропишаните услови/мерки во Дозволата по однос на емисиите во воздух.
Министерството за животна средина и просторно планирање ќе подготви и достави:
• Препорака до Инсталациите коишто поседуваат А – ИСКЗ дозвола, за намалување на капацитетот на производство (до 50 %) со што од оваа мерка ќе бидат исклучени инсталациите кои што произведуваат топлинска или електрична енергија.
ЕЛС се должни да ги спроведат мерките пропишани во краткорочните планови или краткорочните мерки донесени на Советите на општините
Македонија
Помал е бројот на новороденчиња и склучени бракови ова тромесечје во споредба со лани

Во третото тримесечје од 2023 година, бројот на живородените е 4.453 деца и во споредба со истиот период од претходната година е помал за 9,8 отсто.
Според информациите на Државниот завод за статистика, бројот на умрените лица во третото тримесечје од 2023 година бележи намалување од 6,8 отсто во споредба со истото тримесечје од 2022 година, односно починале 4.747 лицa, а од нив осум се умрени доенчиња.
Во третото тримесечје од 2023 година се склучени 4.116 бракови, што претставува намалување од 11.4 отсто во споредба со истиот период од 2022 година.
Во ова тримесечје се разведени 301 брак.
Македонија
Ковачевски: СДСМ е автомобил којшто вози до Вашингтон и Брисел

СДСМ е кола којашто вози во Вашингтон и Брисел, од друга страна кај ДПМНЕ што имате, имате кола направена од стиропор која што никој не би ја купил, рече денеска во одговор на новинарско прашање премиерот и претседател на СДСМ, Димитар Ковачевски.
-Ако погледнете во годините наназад ние ветивме интеграција на државата во НАТО, испорачавме. Споредете го тоа со една кола која што ја гледате. Тоа е кола која што ве вози во Вашингтон каде што се депонирани потписите за членството во НАТО. Тоа е кола која што обезбеди почнување на преговорите со ЕУ, ве води во Брисел. Тоа е кола која што овозможи над 600 евра просечна плата во државата. Која овозможи 50% зголемување на минималната пензија. 50% зголемување на просечната пензија, намалување на невработеноста од 24% на 13% и дополнително 2% во текот на идната година. Највисоки капитални инвестиции во историјата на државата. Ние за 2 години 2022 и 2023 ќе имаме една милијарда капитални инвестиции реализирани. Тоа е кола која што го реализира Коридорот 8 и впрочем тоа е кола која што вреди да се има. Од друга страна што имате, имате кола направена од стиропор која што никој не би ја купил, рече Ковачевски.