Контакт

Македонија

Формиран Граѓански инспекциски совет за поефeктивна контрола врз загадувањето

Објавено пред

Група на 26 невладини организации, здруженија на граѓани и високообразовни институции кои се залагаат за заштита на животната средина, во соработка со Државниот инспекторат за животна средина (ДИЖС) формираа Граѓански инспекциски совет (ГИС).

ГИС е формиран поради потребата за поефикасна соработка на ДИЖС со граѓанскиот сектор и граѓаните, како централна институција за контрола и казнување на загадувањето и уништувањето на животната средина.

„Во својата соработка, ГИС и ДИЖС ќе се раководат според потребата од постојано унапредување на состојбата со заштитата на животната средина и остварувањето на начелото на владеење на правото. Преку граѓанскиот активизам треба да се помогне за побрзо и поефикасно справување со сериозните загадувања на животната средина и на недоволниот капацитет на институциите да се справат со нив поради малиот број инспектори и стручни кадри. Оттука, соработката меѓу ГИС и ДИЖС треба да придонесе за размена на знаења и искуства, но и за поголемо граѓанско влијание врз Инспекторатот и другите јавни институции за подобрување на инспекцискиот надзор и намалување на загадувањето“, соопштија организациите.

Инспекторатот за животна средина преку поддршката од Граѓанскиот инспекциски совет ќе има можност да ги користи капацитетите на невладините организации и високообразовните институции кои се членки на ГИС и да споделуваат информации и експертиза во насока на решавање тековни проблеми во надзорот во животната средина.

Соработката предвидува ГИС и ДИЖС заеднички да прават анализи и да даваат предлози за измени на одредени закони и подобрување на инспекцискиот надзор, како и да поттикнуваат дебата за различни прашања поврзани со заштитата на животната средина. Граѓанскиот инспекциски совет треба да има увид и можност да влијае врз работењето на ДИЖС, да ја користи својата експертиза во одредени области за решавање на замрсени случаи, но и да поднесува барања, приговори и тужби до одредени институции и носители на функции кои не постапуваат според законите за заштита на животната средина и за тоа да ги известува граѓаните.

Со презентирањето на Граѓанскиот инспекциски совет, кампањата „Разбистри сè“ го одбележува Светскиот ден на водата – 22 март. Вреднувањето на водата, кое е мотото на годинашниот Светски ден, целосно кореспондира со целите на „Разбистри сè“ за итната потреба за заштита и одржливо користење на водите и за поефикасен инспекциски надзор врз прекумерното искористување на природните ресурси во Македонија.

Граѓанскиот инспекциски совет за соработка со ДИЖС се формира на иницијатива на Зелен институт во рамките на кампањата „Разбистри се“, која ја спроведува Институтот за комуникациски студии и е финансиски поддржана од Британската амбасада во Скопје.

Организации основачи на Граѓанскиот инспекциски совет:

Зелен институт
Институт за комуникациски студии
О2 Иницијатива
Екосвест
Македонско здружение на млади правници
Флорозон – Центар за еколошка демократија
ЕЗ Здрава котлина – Струмица
Еко долина
ЗЗУЖС Екоживот – Кавадарци
Институт за биологија при Природно-математички факултет
Македонски центар за меѓународна соработка
Движење на екологистите на Македонија
ЕД Вила Зора
Институт за европска политикa
Центар за економски анализи
Центар за правни истражувања и анализи
Здружение на граѓани Еко логик
Центар за ресурси во животна средина (РЕЦ) – С Македонија
Арт Поинт Гумно
Здружение за социјални иновации и одржлив развој РАДАР
Наша добра земја
НВО Green.оrg
Новинари за човекови права
Water4changes-Вода за промени, Global Shapers Skopje Hub
Центар за управување со знаење
Национален ромски центар

Македонија

МЗ: Голема благодарност до семејството на починатата девојка, нејзините органи ќе бидат донирани на десетина пациенти

Објавено пред

Пациентот кој го прими срцето од починат донор во втората трансплатанција на срце во државава е на возраст од 22 години и има сериозно заболување кое го оштетува срцето.

Од Министерството за здравство официјално информираа дека вчера доцна во вечерните часови успешно се спроведе и втората трансплантација на срце од починат донор во нашата држава.

Два бубрега од оваа пациентка денес ќе бидат трансплантирани кај пациенти кои со години се на дијализа. Во понеделник наутро коската со метастази на пациент кој се лекува на Клиниката за ортопедија ќе биде заменета со здрава коска од починатата девојка. Уште десетина пациенти кои боледуваат од карцином кој им ги оштетил коските и пациенти со тешки фрактури кај кои нема можност да се стават протези ќе добијат заменски коски од починатиот донор. Ова е прва ваква експлантација направена во земјава.

„Голема благодарност до семејството на починатата пациентка кое се согласи да ги донира органите на својата ќерка. Огромна е жалоста за загубата на младата пациентка, но голема е утехата дека нејзиниот живот ќе продолжи преку неколку други“, велат од МЗ.

Во процесот на трансплантација учествуваа доктори од клиниките за КАРИЛ, Урологија, Кардиохирургија, Ортопедија, Нефрологија, Радиологија, Кардиологија, Рентген институот, Клиниката Жан Митрев и Аџибадем Систина.

„Благодарни сме на сите лекари кои учествуваат во постапката на утврдување на мозочна смрт, во експлантација и во трансплантацијата на органи, како и на сите оние кои логистички ја поддржаа постапката“, велат од МЗ.

Прикажи повеќе...

Македонија

(Видео) Кузеска: ВМРО-ДПМНЕ наместо да прави шоу со протести, да почне да се однесува одговорно кон граѓаните

Објавено пред

Ниту една партија во светот за време на пандемија не се однесува толку неодговорно, деструктивно и опасно по здравје, како што тоа го прави ВМРО ДПМНЕ, обвини Богданка Кузеска, портпаролка на СДСМ.

Според неа, од почетокот на пандемијата ВМРО-ДПМНЕ одмага и ја поткопува борбата против Ковид 19.

„ВМРО-ДПМНЕ и Христијан Мицкоски лажеа дека немало доволно тестови за коронавирус лажеа дека наводно Министерството за здравство не ги контролирало кластерите низ државата. Лажеа дека немало никакви протоколи за лечење на пациенти заболени од Ковид 19, па дури и дека нестручни лекари ги третирале пациентите. И сите овие лаги, конструкции и манипулации, ВМРО ДПМНЕ ги ширеше додека нивните луѓе ги кршеа мерките за заштита, на чело со Мицкоски кој затвораше кафани, за време на пандемија, а нивниот министер за внатрешни работи во преодната влада, Наќе Чулев со цел да се додвори на граѓаните, велеше дека нема да казнува за неносење заштитни маски“, рече Кузеска.

Таа обвини дека ВМРО ДПМНЕ никогаш не ги повикала граѓаните да ги почитуваат мерките за заштита од Ковид 19.

За нив, додаде Кузеска, Ковид 19, за жал, е само уште една политичка алатка којашто ја користат по потреба, со цел печалење политички поенти.

„Денеска ВМРО ДПМНЕ протестира пред Министерството за здравство кое во изминатиот период основната плата на лекарите специјалисти ја зголеми за 40%, на медицинските сестри помеѓу 20% и 23%, на општите лекари за 25% , а на здравствени соработници за 15%. Ги зголемени капитациите за матичните лекари стоматолози и гинеколози. Ја реновираше најстарата зграда на Интерни клиники после 70 години. Го реши најгорливиот проблем на Клиничкиот центар со најголем неред, а денес е со средени влезови и излези од комплексот“, вели Кузеска.

ВМРО ДПМНЕ наместо да прави шоу со неосновани протести, додаде таа, конечно време е да почне да се однесува одговорно кон граѓаните, наместо пред Министерството за здравство, пратениците на ВМРО-ДПМНЕ да влезат во Собрание и да се донесат законите за финасиска помош за погодените граѓани од кризата кои се борат за егзистенција.

Прикажи повеќе...

Македонија

(Видео) Петрушевски: Седат Пекер имал двоен матичен број и бил во зградата на владата

Објавено пред

Лице кое ги обединува аферите Мафија 1 и 2 е Седат Пекер, тој имал лична карта со украден идентитет – Џедан Ахмедовски, а тој Џедан Ахмедовски имал и втор матичен број на име на Џеладин Ахмедовски, тврди Бране Петрушевски, пратеник од ВМРО-ДПМНЕ.

Тој вели дека премиерот Зоран Заев мора да одговори што барало ова лице на средби со негови коалициони партнери и дали Седат Пекер имал средби во владата и доколку да, со кого?

„Дали на такви средби е разговарано за некакви бизниси и дали во тоа е вклучен неговиот брат Вице? Спасовски и Заев биле мрежа и логистика на ваквите незаконски дејанија и затоа треба да си поднесат оставка, а министерот Спасовски испаѓа дека не се борел против мафијата туку станал нејзин најдобар другар. Повикуваме ЈО веднаш да утврди и да изврши увид во целокупниот изборен материјал во ДИК и да се утврди колку од овие лица го оствариле два пати своето право на глас, и како со тоа е влијаено на изборниот резултат“, рече Петрушевки.

Според него, се отвора сериозен сомнеж дека на власт имаме коалиција која ги украла изборите.

Прикажи повеќе...

Најново

Македонија7 минути

МЗ: Голема благодарност до семејството на починатата девојка, нејзините органи ќе бидат донирани на десетина пациенти

Пациентот кој го прими срцето од починат донор во втората трансплатанција на срце во државава е на возраст од 22...

Македонија1 час

Одбраната на Камчев поднесе кривични пријави за судиите кои му одредија притвор

Одбраната на Орце Камчев поднесе кривични пријави против судиите кои му го продолжија притворот за уште 30 дена за предметот...

Регион1 час

Рама тврди дека го видел документот со промена на границите на Западен Балкан

Албанскиот премиер, Еди Рама, го потврди постоењето на мапа во врска со промената на границите на Западен Балкан, пренесува Газета Експрес....

Свет2 часа

Русија им забрани влез на високи претставници на администрацијата на Бајден

Русија воведе забрана за влез на високи претставници на САД. Меѓу нив се и јавниот обвинител Мерик Гарланд и министерот...

Македонија2 часа

Извршена втора трансплантација на срце во Македонија кај 22-годишно момче

Ноќеска во Македонија беше извршена втората трансплантација на срце на Клиниката за кардиохирургија. Станува збор за 22-годишно момче кое доби...

Регион17 часа

Јанша го негира нон-пејперот: Тој документ не постои

Нема документ, па дури и нон-пејпер, со кој Словенија би се залагала за промена на границите на Балканот, е пораката...

Македонија19 часа

Судот одреди домашен притвор за Драги Рашковски

Ексгенералниот секретар на Владата, Драги Рашковски, доби домашен притвор, кој му е изречен од Кривичниот суд. Судијата кој одлучуваше, го...

Македонија21 час

Заев за Рашковски: Нема недопирливи, но никој не е виновен додека за него не се докаже вина

Во однос на истрагата за поранешниот генерален секретар на Владата, Драги Рашковски, премиерот Заев вели дека нема недопирливи, но пресумцијата...

Македонија23 часа

Богдановиќ укажува дека ако се суспендира планот за зградите кај „Холидеј ин“, штетата ќе ја платат граѓаните

Во стариот Закон за урбанистичкото планирање општините немаа никакво ограничување за тоа колку да трае суспензијата или неспроведувањето на плановите...

Македонија23 часа

Филипче: Ќе преговараме Институтот „Торлак“ да ни стане стратешки партнер за набавка на вакцини

Министерството за здравство следната недела ќе преговара со српскиот Институт за вирусологија, вакцини и серуми „Торлак“ да стане наш стртепки...

Свет1 ден

СЗО: Стапката на новозаразени се ближи до нов рекорд

Бројот на нови случаи на коронавирус во светот на неделно ниво е речиси двојно зголемен во последните два месеца и...

Европа1 ден

Првите „ковид-фри“ возови од денес превезуваат патници од Рим до Милано

Денес, тргнуваат специјални „ковид-фри“ возови, во кои патниците ќе може да се качуваат само со негативен тест на коронавирус, што...

Регион1 ден

„Фајзер“, „спутник В“ или „Синофарм“ – истражување во Србија покажа која вакцина штити најбргу

Граѓаните на Србија развија имунитет најбргу со вакцината на „Фајзер“ и тоа две недели по првата доза, што е за...

Македонија1 ден

Во болниците во земјата се лекуваат 1.708 ковид-пациенти

Во изминатите 24 часа во ковид-центрите во болниците во земјата е пријавено дека се лекуваат вкупно 1.708 пациенти со коронавирус...

Регион1 ден

Србија ги отвора училиштата

Кризниот штаб на Србија донесе одлука децата да се вратат на училиште. Според членот на Кризниот штаб, Предраг Кон, состојбата...

Македонија1 ден

Приведен Драги Рашковски, Обвинителството бара притвор

Полицијата го приведе поранешниот секретар во кабинетот на премиерот и поранешен генерален секретар на Владата, Драги Рашковски, во рамките на истрагата...

Европа2 дена

Четири лица починаа по примањето на вакцината на „Астразенека“ во Италија

Четири лица во Италија починаа од ретки тромби, откако беа вакцинирани со вакцината на „Астразенека“, се вели во извештајот на...

Македонија2 дена

Во Македонија 890 нови случаи на коронавирус, 35 лица починаа

Во последните 24 часа во Македонија се потврдени 890 нови случаи на коронавирус, 35 лица починаа, а оздравени се 1.024...

Македонија2 дена

Мицкоски: Илјадници луѓе се заведени во Избирачкиот список со два матични броја

Лидерот на опозицијата, Христијан Мицкоски, на денешниот брифинг со новинарите обелодени нов скандал со назив „Мафија 2“, кој се однесува...

Европа2 дена

Фон дер Лаен обвинета за кршење на дипломатскиот протокол

Претседателката на Европската комисија, Урсула фон дер Лаен, е обвинета за кршење на дипломатскиот протокол како одговор на поканата на...

Досие