Контакт

Македонија

(Видео) Хан: Македонија се врати на европскиот пат, но има уште многу да се работи

Објавено пред

Јоханес Хан

Македонија се врати на европскиот пат, но има уште многу да се работи, изјави еврокомесарот Јоханес Хан на заедничката прес-конференција со премиерот Зоран Заев на која му го предаде извештајот на Европската Комисија за напредокот на Македонија во кој се содржи чиста препорака за почеток на преговори. Тој рече дека реформите мора да продолжат, особено во независноста на судството, и истакна дека промената не значи само да се подобри легислативата, туку е потребна и нејзина имплементација.

„Не можам да ја скријам мојата лична среќа за овој успех постигнат по многуте посети. Ова е еден пат кон Европа и останува уште многу да се направи, но уште еднаш искрено им честитам на Владата и на опозицијата, која конечно беше сериозна во поддржувањето на оваа национална цел. Сите овие страни придонесоа до овој момент кој е важен за патот кон ЕУ на Македонија“, рече Хан.

Тој рече дека и граѓаните ја заслужија оваа неусловена препорака со која сите земји членки на ЕУ го признаа фокусирањето на земјата кон постигнувањето на целите.

„Земјата помина долг пат и покрај тешките околности за да ја надмине длабоката политичка криза и сега сте цврсто назад на европскиот пат. Гледаме дека има позитивна промена, обновено чувство на отвореност и надеж во земјата. Ги чувствувам атмосферата и добрите вибрации во земјата. Македонија стана ветување за демократска промена во целиот регион. Со имплементирање на договорот од Пржино реформите се спроведуваат, имаме отворени и транспарентни реформи. Но, за да се задржи ова, нема простор за задоволство, реформите мора да продолжат, особено во независноста на судството, промената не е само да се подобри легислативата, туку и нејзина имплементација“, рече Хан.

Според него, Владата со планот 3-6-9 постигнала многу за усвојување на неопходното законодавство и сега треба да се имплементира.

„Вие може да бидете модел за регионот. Доколку имате конкретна имплементација, постои можност за што побргу влегување во новата фаза. Мислам дека добро почнавте и важно е да се одржи ова во смисла на транспарентност и независност“, рече Хан, кој му го предаде извештајот на Заев.

Тој го поздрави враќањето на ВМРО-ДПМНЕ во парламентот и рече дека очекува нејзино учество во дебати и поддршка во реформите.

Во однос на преговорите со Грција, Хан оценува дека е важно да се најде решение. „Ова е важно не затоа што би почнале преговорите за членство во ЕУ, туку за да се одржуваат добри односи со соседите“, рече Хан. Тој го посочи договорот со Бугарија како позитивен пример и во таа насока порача дека треба да се искористи моментот за да се постигне решение.

„Секогаш секој ќе треба да се откаже од нешто, тоа е компромис. Но, информиран сум дека двете страни се одлучни за постигнување фер и достинствено решение. Им честитам на министрите за надворешни работи за посветеноста да се надминат проблемите од минатото“, одговори Хан на новинарско прашање дали ЕУ има план Б ако не се реши спорот за името со Грција.

Македонија

(Видео) Екологистите децидни, ние не сме Африка, па да отвораме рудници

Објавено пред

Плодната почва и воздухот трајно ќе бидат уништени, а Македонија ќе биде претворена во пустина ако не се спречи отворањето рудници, велат екологистите што се против изградба на рудници во југоисточна Македонија. Тие денеска организираа конференција во Домот на градежниците и децидно побараа од Владата да го спречи отворањето на рудникот за бакар во струмичко Иловица. Според нив и пратеничката и претседателка на ДОМ, Маја Морачанин, концесионерот „Еуромак рисорсис“ нема правна основа да го отвори рудникот и не исполнува најмалку четири критериуми за работа на овој проект. Зелената економија и добивањето бакар со рециклирање е тоа што се прави во цивилизираните земји на Европа додека рударската индустрија во нашиот случај може да биде дозволена само ако Владата работи коруптивно и несовесно, се општите заклучоци од конференцијата.

„Рудниците се најтешка индустрија која е дозволена само во некои пусти и ненаселени предели, како, на пример, во северна Канада или Африка. Ние еднаш како партија успеавме да го коригираме законот за искористување минерални суровини и употребата на цијанид и сулфурна киселина при ископување не смее да се користи. Но, овој пат се бориме рударска индустрија воопшто да нема. Ако гледаме според некоја економска логика, околу 2.000 луѓе се вработени во оваа индустрија, а со земјоделство се занимаваат 150.000 луѓе. Ние се залагаме за зелена економија, која вклучува развој и унапредување на земјоделството и екотуризмот“, рече Морачанин.

Според екологистот и активистот од граѓанското здружение за борба против отворањето рудници „Спас за Гевгелија“, Ангел Наков, ако е потребно, ќе се направи нов дојрански договор меѓу народот и Владата и рудници во Македонија повеќе нема да има.

„Рудници од отворен ков во светот се прават само во земји со многу корумпирани влади, како во Јужна Америка или Африка. На почвата на Европа вакво нешто не е дозволено. Одлуката за рудникот ‘Иловица’ ја донела претходната влада, а должност е на актулениот премиер Зоран Заев да го спречи отворањето. Нашата земја има голем потенцијал во искористување на почвата и чистата вода за земјоделско производство и рударска индустрија не ѝ е потребна“, вели Наков.

За Костадин Ристоманов од „Екодолина“ од Ново Село и член на „Здрава котлина“ – Струмица, рудникот „Иловица“ е најштетниот договор што е направен за нашата земја, а за сомнежите од неговата штетност доволно говори фактот што документите за влијанието на рудникот врз животната средина се кријат и тие се водат како државна тајна.

„И последниот протест на младите од Иловица и Штука, како и низата проетсти што се организират во овој регион говорат за волјата на народот. На средбата што ја имавме со премиерот Зоран Заев тој рече дека ќе се поништува одлуката на народот. Верувам дека договорот со „Еуромак рисорсис“, кој во многу сегменти е противправен, ќе биде раскинат и рудник за бакар во Иловица нема да има“, смета Ристоманов.

На конференцијата зборуваа и Димче Балевски, активист во иницијативата за борба против отворање на рудникот „Казандол“, „Спас за Валнадово“, и Љупчо Јаневски, директор на Агенцијата за промоција и поддршка на туризмот.

Прикажи повеќе...

Македонија

ИВЗ обвинува за исламофобија оти државата не ѝ го враќа имотот

Објавено пред

Исламската верска заедница тврди дека поседува имот во половина Скопје, кој бара да си го врати преку процесот за денационализација. Меѓу имотот што ИВЗ го бара влегуваат плацови каде што е изградена Судската палата, дел од Македонска радио-телевизија, железничката станица, Универзитетот „Св. Кирил и Методиј“, Народната банка, Националната библиотека, Црвениот крст. Тие имаат доставено над 350 барања за враќање на имотот. Досега 15 отсто од имотот им е вратен, за 30 отсто се обесштетени со обврзници, а за 55 проценти од имотот чекаат одлука, но има и имот што државата одбила да им го врати. Тоа што државата не им го враќа имотот, од ИВЗ велат дека го доживуваат како исламофобија.

„Ова не се проблеми од денес или од доаѓањето на оваа влада. Имотот е од Втората светска војна кога се национализирал. Со донесување на Законот за денационализацијата ИВЗ достави барања во 1998 година. Ние бараме 4 милиони квадратни метри земјиште и 42 илјади квадратни метри во објекти“, рече директорот на имотите во ИВЗ, Дритон Дикена.

Дикена повикува на дијалог оти Владата им ветила дека ќе преземе конкретни чекори за враќање на имотот, но тоа не го остварила. ИВЗ не знае што конкретно ќе преземе по овие прашања, а став ќе изгради по изборите.

„Изминува втората година од функционирањето на таканаречната реформска Влада, а ИВЗ нема конкретен одговор, а камоли реализација на барањата. Нашето незадоволство не е измислено, туку е плод на нефукционирањето на институциите. Ние се чувствуваме дискриминирани во процесот за денационализација. Играњето топло-ладно и празните ветувања дека ќе се решат проблемите ја минаа границата на нашето трпение. ИВЗ е навредена од квалификацијата дека писмото што го пративме до Владата претставувало уцена. Во нашиот код на однесување не живеат уцената и заканата, други се тие што уценуваат“, велат од ИВЗ.

Исламската верска заедница смета дека тие најмногу придонела за почитување на принципот на соживот и меѓусебно разбирање. Тие ѝ порачаа на Владата дека одземањето туѓ имот е грабеж, а селективниот однос кон верските заедници во процесот за денационализација е дискриминација.

Нерешените спорови за денационализација ги скараа Владата и Исламската верска заедница. Кога ИВЗ упати писмо до Владата во кое наведе дека ќе ги извести верниците од сите 700 џамии оти државата не им го враќа имотот, оттаму реагираа дека ИВЗ им се заканува, ги уценува и им поставува ултиматуми.

Прикажи повеќе...

Македонија

Министерството за правда: Од ВМРО-ДПМНЕ, наместо амандмани, добивме есеистички текст

Објавено пред

Во Законот за Јавното обвинителство, кој го испрати Министерството за правда во собраниска процедура, се имплементирани сите меѓународни принципи. Министерството за правда посочи дека тоа укажало и на средбите со претставниците на ВМРО-ДПМНЕ, но сепак оппозицијата уште на првата средба искажала несогласување со одредени одредби од законот и презела обврска да достави амандмани.

„Јавноста е веќе информирана дека, наместо амандмани, од ВМРО-ДПМНЕ добивме есеистички текст, во кои беа наброени меѓународни документи. Министерството за правда, со вчерашното соопштение, потсети на неисполнетата преземена обврска од страна на ВМРО-ДПМНЕ за доставување на амандманите. Денеска, повторно потсетуваме на неисполнетата обврска од страна на ВМРО-ДПМНЕ и го поставуваме прашањето за причините за тоа дали ВМРО-ДПМНЕ ја одолжува оваа обврска за да не го стави на хартија барањето за амнестија на случаите што ги води специјалното јавно обвинителство? Дали ВМРО-ДПМНЕ ја одолжува оваа обврска за да не ја стави на хартија својата желба за неказнивост на случаите на корупција и криминал од поранешната власт? Во оваа пригода повторуваме дека донесувањето на Законот за Јавното обвинителство е клучно за отворање преговори за Европската Унија“, велат од Министерството за правда.

Тие сметаат дека секоја сериозна партија со европска ориентација би ја ставила европската иднина на својата држава пред личните интереси и барања за амнестија на своите високи партиски функционери опфатени во истрагите на СЈО. „ВМРО-ДПМНЕ треба да го направи својот избор“, додава Министерството за правда.

Прикажи повеќе...

Најново

Топ1 час

20-те закони што Иванов ги врати во Собранието пратениците повторно ќе ги гласаат

Претседателот Ѓорге Иванов до Собранието врати уште пет закони, со што вкупниот број укази на закони што шефот на државата...

Македонија2 часа

(Видео) УЈП сè уште го истражува имотот на верските заедници

Сè уште не е завршена постапката што ја отвори Управата за јавни приходи за имотот, парите и даноците на верските...

Македонија2 часа

Мијалков: Контактите и имотот во странство ги имав и досега, не помислувам да бегам

Мојот имот во странство, престој во Чешка и наводните мои контакти ги имав и порано и сега. Под истите околности...

Македонија3 часа

ИВЗ: Нема компромис за џамијата во Охрид, ние ќе градиме

Реставрацијата на Алипашината џамија во Охрид и изградбата на 32-метарското минаре за Исламската верска заедница е завршена работа. Градежните работи...

Македонија3 часа

(Видео) Најбогатиот Македонец заработил 3,5 милиони евра

Најбогатиот Македонец во 2017 е скопјанец, кој остварил 212 милиони денари, пријавени како бруто-приход. Зад него следува друг скопјенец, кој остварил приближно...

Македонија5 часа

„Фејсбук“: Избришани над 2.000 лажни профили од Северна Македонија, Косово, Иран и од Русија

Компанијата „Фејсбук“ соопшти дека отстранила повеќе лажни профили од Северна Македонија, Косово, Иран и од Русија за кои навела дека...

Топ7 часа

Автомобил удри во шестгодишно дете од Кумановско

Вчера, во селото Опае, општина Липково, патничко возило со кумановски регистарски ознаки, управувано од Ф.Ф. (24) од село Лопате, Кумановско,...

Топ7 часа

Обвинителството гони две лица и инспектор поради сечење трска во Струга

Основното јавно обвинителство од Струга поведе постапка против две лица и инспектор од Министерството за животна средина поради сечење на...

Економија7 часа

Акционерите од „Топлификација“: Поради лажниот стечај, оштетени сме за повеќе од 34 милиони евра

Акционерите од „Топлификација“ испратија отворено писмо до претседателот на Владата, Зоран Заев, и други институции во државата. Во писмото тие информираат...

Македонија9 часа

Aпелација ќе одлучува за притворот на Сашо Мијалков

Апелациониот суд денеска ќе одлучува за жалбата на адвокатите на ексдиректорот на УБК, Сашо Мијалков, за мерката притвор, која му...

Македонија22 часа

Спасовски за инцидентот во Марино: Секој ќе одговара за направеното, нема кој да влијае врз истрагата

Министерот за внатрешни работи, Оливер Спасовски, го осуди насилството во дискотеката во Марино каде со нож беше избоден полицаец и...

Свет22 часа

Трамп ја призна Голанската Висорамнина како територија на Израел

Претседателот на САД, Доналд Трамп, потпиша декрет со кој официјално го призна израелскиот суверенитет над Голанската Висорамнина, која Израел ја...

Македонија24 часа

Министерството за правда ги чека амандманите од ВМРО-ДПМНЕ за законот за јавното обвинителство

Министерството за правда ги очекува амандманите од страна на ВМРО-ДПМНЕ за предлог-законот за Јавното обвинителство. Од Министерството се надеваат на...

Топ1 ден

Каменуван воз на влезот во Тетово

Вчера на железничката станица на влезот од Тетово непознато лице го каменувало патничкиот воз што сообраќал на релација Скопје –...

Македонија1 ден

(Видео) Децата без родители до Царовска: Државата, наместо да ни биде мајка, таа нè брка надвор

До кога децата без родители ќе завршуваат на улица, а ќе се удирате в гради дека има закони и дека...

Топ1 ден

Мицкоски се сретна со пратениците исклучени од ВМРО-ДПМНЕ

Претседателот на ВМРО-ДПМНЕ, Христијан Мицкоски, денеска, во Собранието, се сретна со осумте пратеници од независната пратеничка група на ВМРО-ДПМНЕ и...

Македонија1 ден

(Видео) Власта со Беса и Алијансата ќе обезбедува мнозинство за СЈО

Фадил Зендели од Беса денеска информира дека биле повикани на работна средба за СЈО, но до власта порача дека тие...

Македонија1 ден

14,5 илјади евра отштета за клевета и навреда бара Фрчкоски од Стојан Андов

Во решението на скопскиот Граѓански суд за привремената мерка забрана за продажба на книгата на Стојан Андов „До атентатот и...

Свет1 ден

(Видео) Шпанскиот крал заглави во авионот за време на посетата на Аргентина

Посетата на добра волја на Аргентина од страна на шпанскиот кралот Фелипе Шести имаше урнебесен почеток кога кралот и неговата сопруга, кралицата...

Македонија1 ден

(Видео) Со колички ќе излеземе на протест ако нема пари за достоен живот, порачаа лицата со попреченост

Бранкица Димитровска од здружението „Хендикеп“ на прес-конференција пред Министерството за труд и социјална политика порача дека лицата со попреченост ќе...

Досие