Контакт

Македонија

Царовска: Годината ја завршуваме со 10 нови специјализирани сервиси за жртви од родово базирано насилство

Објавено пред

Потпретседателката на СДСМ и министерка за труд и социјална политика, Мила Царовска, вчеравечер во Велес учествуваше на трибина посветена на борбата против семејното и родово базирано насилство. Трибината „Стоп за насилство против жените и девојчињата, нема оправдување” се одржа во рамките на одбележувањето на 16 дена активизим во организација на Форум на жени на СДСМ на ОО Велес.

„СДСМ е партија која препозна дека има неправедност кон жените и девојките и се бори тоа да го промени. Се залагаме за еднаква застапеност на жените на раководни позиции, но и се бориме против дискриминацијата и насилството врз жените. За таа цел Владата предводена од СДСМ за оваа година издвои двојно повеќе средства, односно 6,4 милиони денари за имплементација на Истанбулската конвенција и отворање  сервиси за поддршка на жртви од родово базирано насилство. Годинава ќе ја завршиме со 10 нови специјализирани сервиси за жртви од родово базирано насилство во 6 плански региони на Република Северна Македонија. Во моментот во скопскиот регион има воспоставено СОС-линија, кризен центар за 24-48 часа сместување, долгорочно сместување до 6 месеци во шелтер-центар, психо-социјална поддршка во прв семеен центар за жртви сторители и деца и правно зајакнување”, рече Царовска.

Царовска истакна дека борбата не е завршена затоа што сè уште го имаме фактот дека секоја трета жена во Северна Македонија е жртва на семејно насилство.

„Зад статистиките стојат жени и девојки на кои насилството, стравот, дискриминацијата им се секојдневие. Сè додека не изградиме свет каде сите ќе бидеме безбедни и еднакви. За ваков свет продолжуваме да се бориме секој ден од годината”, рече Царовска.

Владата истовремено работи и на други аспекти кои се особено важни во едно општество, дел од нив се родовото буџетирање и вклучување на што повеќе жени на пазарот на трудот.

„Се радувам што минатата година стигнавме до 50% искористеност на активните програми и мерки за вработување од страна на жени. Тоа значи дека едноставно мерките се поадаптирани и ова е важен чекор за активација на жените на пазарот на трудот”, рече Царовска.

Македонија

Намалена видливоста на патиштата поради магла

Објавено пред

Сообраќајот на државните патишта се одвива по наместа влажни коловози. АМСМ предупредува дека видливоста на патиштата е намалена поради појава на магла. Како што се наведува, видливоста од Тетово до с. Гајре е 20 метри, Павлешенци од 30 до 50 метри и Гостивар од 50 до 100 метри.

Интензитетот на сообраќајот на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

АМСМ препорачува приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде што има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Прикажи повеќе...

Македонија

Спасовски со германскиот амбасадор Герберих: Продолжува поддршката од Германија на патот на земјата во ЕУ

Објавено пред

Претседателот на Владата, Оливер Спасовски, имаше средба со амбасадорот на Сојузна Република Германија во земјата, Томас Герберих, кој му честита за преземањето на функцијата.

На средбата е констатирано дека Република Северна Македонија и Сојузна Германија имаат одлични билатерални односи, кои ги карактеризираат динамичен дијалог и стабилно партнерство и беше изразена подготвеност за продлабочување на соработката и во наредниот период.

Премиерот Спасовски се заблагодари за континуираната поддршка од страна на Германија во сите процеси, со цел, како што нагласи, остварување на главните стратешки цели на нашата земја, членството во Европската Унија и НАТО.
Тој истакна дека за тоа беа потребни храбри одлуки и изрази очекување дека набргу нашата земја ќе стане полноправна членка на НАТО. Ратификацијата на протоколот во Шпанија веќе е почната, а Владата го достави предлог-законот за ратификација на Северноатлантскиот договор во Собранието.

На средбата беше истакнато дека вчерашната посета на еврокомесарот за соседска политика и преговори за проширување на ЕУ, Вархеи, донесе умерен оптимизам дека може да се очекува позитивна одлука од ЕУ за почеток на преговорите.
Премиерот Спасовски нагласи дека Владата ќе продолжи да дава дополнителни позитивни аргументи за таква одлука на ЕУ, како што се подготвеноста за продолжување и одржување политички дијалог, стабилни меѓуетнички односи, спроведување на реформите и функционирање на институциите, владеењето на правото и дополнителни напори за изнаоѓање политички решенија за клучни законски реформи.

На средбата меѓу премиерот Спасовски и Герберих беше искажана подготвеност дека преодната Влада ќе се фокусира на обезбедување фер и демократски избори заради стабилизирање на демократските и реформските процеси како придонес на позитивен развој на процесите важни за граѓаните на Северна Македонија и регионот, со што ќе се застане на патот на неизвесноста во земјата.

Премиерот Спасовски повтори дека во наредниот период продолжува нормалното функционирање на државата и нагласи дека обезбедувањето услови за фер и слободни избори е приоритет укажувајќи дека е значајно да се сочуваат безбедноста и стабилноста внатре во државата.

„Работиме на одржување на сè она што е досега направено и упатуваме порака да ги интензивираме соработката и политичкиот дијалог со сите институции важни за изборниот процес со цел да го одржиме нивото на демократските процеси воспоставени на претходните избори, референдумот и изборите за претседател на државата што ги организиравме“, истакна премиерот Спасовски.
На средбата беше истакната и повторената германската поддршка за скорешно почнување со пристапните преговори на нашата земја со Европската Унија и дека процесот за развој на методологијата не смее да донесе поместување на пристапните преговори.
На средбата премиерот Спасовски и амбасадорот Герберих позитивно ја оценија одличната соработка во разни сфери, особено во економијата меѓу двете земји, и беше изразена подготвеност за унапредување на билатералните односи меѓу Република Северна Македонија и СР Германија.

Прикажи повеќе...

Македонија

Изгласана финансиска самостојност и независност на собраниската служба

Објавено пред

Собранието на денешната 130-та седница со огромно мнозинство го изгласа предлог-законот за изменување и дополнување на Законот за Собранието.

Измените на Законот за Собранието, кои обезбедуваат финансиска самостојност и независност на собраниската служба, ги предложија претседателот на Собранието, Талат Џафери, координаторите на пратеничките групи на Социјалдемократскиот сојуз на Македонија, Демократската унија за интеграција, ВМРО-ДПМНЕ и коалицијата „За подобра Македонија“, Алијансата за Албанците, независната пратеничка група од ВМРО-ДПМНЕ и коалицијата „За подобра Македонија“, Демократската партија на Албанците, Беса, Алтернатива, а поддршка дадоа и сите пратеници во законодавниот дом.

Овој парламентарен состав ќе биде запаметен како состав што реализирал една од стратешките цели од Стратешкиот план 2020-2022 на Собранието, каде што е утврдена целта за постигнување напредни и ефикасни услуги и собраниска служба, што се очекува да се постигне преку независна и ефикасна собраниска служба и вреднувани службеници почитувајќи ги принципите на професионална администрација и систем на заслуги.

На овој начин, преку финансиска и административна независност, се создаваат услови Собранието како претставнички орган на граѓаните, кој е носител на законодавната власт, но врши и политичка контрола на работата на извршната власт, ефикасно, темелно и целосно независно да ги извршува овие значајни функции.

Имајќи на ум дека Собранието постојано заседава, тоа наметнува специфичности во извршувањето на работите и задачите и условите за работа на вработените во Собранието, како и нивна постојана достапност во давање стручна и административна поддршка на пратениците во извршувањето на својата функција. Иако постоеше разбирање за специфичноста на работата на собраниската служба, сепак со години тоа прашање не се ставаше на преден план. За огромна почит се визијата, упорноста и решителноста на претседателот Џафери, генералниот секретар на Собранието, Цветанка Иванова, поддршката на пратеничките групи од овој собраниски состав, разбирањето од страна на Владата, Министерството за финансии и Министерството за информатичко општество и администрација.

Голем придонес и поддршка во исполнувањето на оваа цел дадоа и долгогодишните искрени и посветени партнери и пријатели на законодавниот дом, односно Швајцарската конфедерација, швајцарската амбасада и тимот од Националниот демократски институт, Центарот за управување со промени, како и Институтот за демократија „Социетас цивилис“ – Скопје, кои ја спроведуваат Програмата за парламентарна поддршка и чија поддршка, почнувајќи од разговорите во Берово, па преку мноштвото студиски посети и работилници го консолидираа патот кон обезбедување вистински независно реформирано Собрание. Во Собранието се создаваат механизми за балансирано управување и контрола на сите постапки и знаеме дека ќе успееме да бидеме вистински дом на демократијата и демократските процеси. Службата на Собранието е носител на институционалната меморија и таа ќе биде тоа секогаш, за сите парламентарни состави – независна, непристрасна, професионална и стручна и таа ќе продолжи и понатаму и уште поревносно да ги оправдува довербата и одговорноста што ѝ се дадени.

Прикажи повеќе...

Најново

Свет11 час

Трамп го прекршил законот кога ја спречил воената помош за Украина

Белата куќа го прекршила американскиот закон кога ја прекинала воената помош наменета за Украина, одлучи независното тело кое ја надгледува...

Македонија16 часа

Докторката на Трајковски ќе сведочи во „ТНТ“ за неговата дијагноза

Судот одлучил на следното рочиште за „ТНТ“ да ја повика докторката која на обвинетиот ексградоначалник на Гази Баба, Тони Трајковски,...

Европа16 часа

Русија доби нов премиер

Државната Дума ја потврди кандидатурата на поранешниот шеф на Федералната даночна служба, Михаил Мишустин, за нов премиер на Русија. Мишустин...

Топ18 часа

Опожарени возилата на Сузана Турунџиева и на Ребека

Автомобилот на пејачката и водителка Сузана Турунџиева бил опожарен изутринава околу 3 часот. Огнот го зафатил и возилото на пејачката...

Македонија18 часа

Шкријељ: Нема да дозволиме граѓаните поради предизборни препукувања да останат без нивните права

Дополнителната заменик-министерка за труд и социјална политика Санела Шкријељ денеска на прес-конференција во Владата повика на конструктивност и соработка со...

Топ18 часа

Шестмина повредени во сообраќајна несреќа кај Велес

Една жена е потешко повредена додека петмина други полесно во сообраќајната несреќа што се случи изутинава околу 8 часот на...

Свет18 часа

Спасено девојче од Пакистан кое 18 часа било затрупано со снег

Едно 12-годишно девојче е пронајдено живо откако лавина ја погодила нејзината куќа во Пакистан и откако 18 часа било затрупано...

Топ19 часа

Притвор за скопјанец кој марихуаната ја чувал во тегли од лутеница и ајвар

Скопското основно јавно обвинителство покрена обвинение против 27-годишник од скопската населба Влае кој криел марихуана во тегли за зимница. Како...

Регион21 час

Рама го тужи Харадинај за клевета

Албанскиот премиер Еди Рама  поднел тужба до Основниот суд во Приштина за клевета против косовскиот колега во заминување Рамуш Харадинај....

Свет22 часа

Седум членови од Претставничкиот дом ќе го водат случајот против Трамп во Сенатот

Претставничкиот дом на американскиот Конгрес испрати резолуција за отповикување на претседателот Доналд Трамп до Сенатот.  Со тоа се создадени услови...

Свет1 ден

(Видео) Вулканот Таал направи пустош на Филипините

Ерупцијата на вулканот Таал во близина на Манила исфрли лава, а местата во непосредна близина ги покри со пепел. Аеродромот...

Свет1 ден

Путин го предложи Михаил Мишустин за нов премиер на Русија

Рускиот претседател, Владимир Путин, пред државната Дума за премиер го предложи Михаил Мишустин, претседател на Руската федерална даночна служба. „Претседателот...

Македонија1 ден

(Видео) Спасовски: Очекуваме одлука за почеток на преговорите со ЕУ пред самитот во мај

„Влегуваме во важен период во кој очекуваме сериозни исчекори напред кон реализација на една од нашите суштински стратешки цели –...

Естрада2 дена

Васил Гарванлиев ќе ја претставува Македонија на Евросонг во Холандија

Пејачот Васил Гарванлиев ќе ја претставува Македонија на Евровизија во Ротердам, Холандија. За настапот на Гарванлиев одлучи МРТ на интерен...

Македонија2 дена

Дополнително покачување на платите од 5 отсто ќе добијат и здравствените соработници

Дополнително зголемување на платите од 5 отсто ќе добијат и здравствените соработници во јавното здравство. Покачувањето на платите на здравствените...

Свет2 дена

Медведев поднесе оставка од премиерската функција

Рускиот премиер Дмитриј Медведев денеска поднесе оставка од позицијата, а рускиот претседател Владимир Путин планира да го назначи за заменик-претседател...

Топ2 дена

Скопјанец под истрага за нелегална набавка на хашиш од Албанија

Основното јавно обвинителство Гостивар отвори истрага против скопјанец кој е осомничен дека од Албанија набавил хашиш смола и хашиш масло...

Македонија2 дена

(Видео) Судењето за „ТНТ“ повторно одложено поради здравствената состојба на Трајковски

Судењето за случајот „ТНТ“ повторно се одложи поради здравствената состојба на обвинетиот ексградоначалник на Гази Баба, Тони Трајковски. Претходно судечкиот...

Македонија2 дена

Рустеми: На Тони Трајковски да му се суди посебно, не дај Боже може да почине

Обвинителот Бурим Рустеми по вторпат бара одвојување на постапката во „ТНТ“, односно на обвинетиот ексградоначалник Тони Трајковски да му се...

Македонија2 дена

За новогодишно украсување низ земјава потрошени 675 илјади евра

Новата 2020 година украсено ја дочекаа Градот Скопје и 20 општини и за тоа се потрошени 675 илјади евра. Споредено...

Досие