Контакт

Македонија

Царовска: Моделот за настава со физичко присуство ќе го одржиме со висока лична и колективна одговорност

Објавено пред

Верувам дека моделот за настава што ќе го применуваме од утре со физичко присуство за сите ученици со точно утврдени ситуации и случаи што може да бидат исклучок, со висока лична и колективна одговорност, ќе биде одржлив и нема да дозволиме училиштата да бидат места за трансмисија на заразата, како што не дозволивме ниту минатата година кога работеа со 40 % од вкупниот број ученици што посетуваа настава во училница, истакна министерката за образование и наука, Мила Царовска, за време на денешната посета на ОУ „Лирија“ во општина Чаир, каде што заедно со претставничката на УНИЦЕФ во Северна Македонија, Партиција ди Џовани, првиот вицепремиер Артан Груби и градоначалникот на општината, Висар Ганиу, изврши увид во условите и подготвеноста на училиштето за прием на ученици од утре.

„На еден ден пред почетокот на новата учебна година ги привршуваме подготвителните активности за непречен почеток и за враќање на сите ученици во училишните клупи, конечно, по една и пол година од почетокот на пандемијата предизвикана од коронавирусот. Спремноста на институциите на системот, на општините и на самите училишта е на исклучително високо ниво, а воедно значително е зголемена и личната и колективна одговорност, така што верувам дека планот и протоколите што се усвоени уште пред 2 месеца и доставени до училиштата целосно ќе се почитуваат во интерес на учениците, на наставниците и воопшто во интерес на јавното здравје“, рече Царовска.

Таа додаде дека со денешната посета на Чаир се уверила дека и во оваа општина училиштата се подготвени целосно за новата учебна година.

„Раководствата ги имаат набавено сите потребни нагледни средства за квалитетна настава во согласност со насоките од МОН, обезбедени се средства за дезинфекција, лична хигиена и безбедна настава, учебниците се дистрибуирани навремено од страна на Педагошката служба и од утре веќе достапни за учениците“, потенцира Царовска додавајќи дека очекува утре наставата да почне секаде според планираното и, како што рече, конечно да се овозможи нормализирање на воспитно-образовниот процес, чиј квалитет и тоа како е важен за создавање нови и подобро подготвени генерации млади.

Првиот вицепремиер Артан Груби изрази целосна поддршка на реформата на образованието.

„Знам дека има критики, знам дека има поинакви размислувања, но сето тоа придонесува за уште поуспешни решенија затоа што и прифаќаме дел од критиките и од забелешките. Тоа што недостигаше беше храброст за да се пристапи кон темелна реформа во образованието за којаш имаме очајно потреба“, рече Груби.

Претставничката на УНИЦЕФ, Патриција ди Џовани, укажа дека лани во државата 52 недели отсуствувала настава со физичко присуство, а во Европа само 24 недели и дека треба да се компензира изгубеното и училиштата да бидат отворени за учениците.

„Сите препораки што беа дадени веќе се вклучени во училиштата во земјата и ќе се спроведат. Мислам дека сме подготвени. Иако дигиталното учење и онлајн-учењето е многу добра алатка за учење, никогаш не беше предвидено да стане единствена алатка за учење. Свесна сум дека родителите се згрижени дали нивните деца ќе успеат да ги спроведат сите мерки. УНИЦЕФ минатата година направи студија која покажа дека 88 отсто од родителите рекоа дека наставата која се одвиваше во училниците беше спроведена според прописите. Тешко е, но ни останува нам возрасните да бидеме пример за децата во спроведувањето на мерките за претпазливост“, рече Ди Џовани.

Македонија

Денот без автомобили одбележан во повеќе градови во државата

Објавено пред

Со велосипедски дефилеа во повеќе градови во државава, во кои учествуваа граѓани, ученици, рекреативци, ентузијасти и вљубеници во велосипедизмот и пешачењето, денеска во нашата држава беше одбележан 22 Септември – меѓународниот Ден без автомобили и завршувањето на Европската недела на мобилност (ЕНМ).

Оваа година кампањата се спроведуваше под мотото „Безбедни и здрави со одржлива мобилност“ и е со цел да се промовираат алтернативните, одржливите и заедничките форми на транспорт како начин да се намали употребата на автомобили и да се редуцираат емисиите на штетни гасови во воздухот, со што би се остварила визијата на европската стратегија за декарбонизација.

Во велосипедските паради по градските улици и булевари во Велес, Прилеп, Скопје, Струмица, Битола и Берово се приклучија и повеќе граѓани, кои со своето присуство покажаа дека користењето велосипеди и пешачењето стануваат сè поприфатени како поздрави и поекономични начини на движење низ урбаните средини.

Европската недела на мобилност се одржа од 16 до 22 септември, под покровителство на Министерството за животна средина и просторно планирање како национален координатор, при што годинава и покрај сериозните потешкотии и ограничувања што ги наметна состојбата со Ковид-19, во одбележувањето официјално се вклучија 7 градови низ државава, и тоа Велес, Скопје, Берово, Прилеп, Битола, Кочани и Струмица, се разбира во согласност со епидемиолошката ситуација на локално ниво и со почитување на важечките здравствени протоколи.

Оваа година во Европската недела на мобилност со свои активности учествуваа 3042 градови од 53 држави од Европа и светот.

Прикажи повеќе...

Македонија

ТАВ Македонија ја демантира објавата на Народниот правобранител дека на Роми не им било дозволено да отпатуваат во странство

Објавено пред

ТАВ Македонија ги отфрла сите наводи на Народниот правобранител во нивната објава на социјалната мрежа Фејсбук „Реакција на Народниот правобранител по сознанијата дека на припадниците на ромската заедница не им се дозволува да отпатуваат во странство” од 16 септември 2021 година, во истоименото соопштение на Народниот правобранител испратено до медиумите на 16 септември 2021 година, како и во нивното Барање до ТАВ Македонија, за наводна дискриминација на патници по етничка основа, како целосно неосновани.

„ТАВ Македонија, како аеродромски оператор на Меѓународниот Аеродром Скопје и Аеродромот Свети Апостол Павле Охрид, е дел од глобалната групација ТАВ Аеродроми, која управува со 92 аеродроми во 26 земји и вработува повеќе од 33 илјади луѓе од 90 различни националности.

Ние секогаш ги следиме правилата за патување на авиокомпаниите и условите на земјите за влез на патници и строго ги почитуваме сите закони во Република Северна Македонија, вклучувајќи ги одредбите од Законот за спречување и заштита од дискриминација (Службен весник на РС Македонија број 258/2020), како посебен закон и Уставот на РС Македонија, како највисок правен акт.

Во конкретниот случај, не постои дискриминација во пристапот до добра и услуги по основ на етничка припадност, боја на кожа и расна основа.

Во конкретниот случај за кој Народниот правобранител ни се обраќа, во согласност со проверките направени со авиокомпанијата, системот на IATA – Timatic, како и со I Port Travel Doc., патниците не ги исполниле условите за патување за влез во Белгија на 15 септември 2021 година, и тоа:

1. Патниците немале валиден сертификат за целосна вакцинација (валиден значи дека треба да се поминати две недели пред датумот на патување).

Двајцата патници покажале вакцинални сертификати со дата од 4 септември 2021 година, а со тоа што нивниот лет бил на 15 септември 2021 значи дека не биле поминати две недели.

2. Патниците немале есенцијална/суштинска причина за патување пропишана од страна на државата Белгија, согласно рестрикциите за патување поради Ковид-19, а тие биле македонски државјани и сакале да патуваат од туристички причини (посета на роднини), притоа без доказ за примена целосна вакцинација.

Согласно информацијата која авиокомпанијата ја доставила до ТАВ Македонија на 3 септември 2021 година, РС Македонија е ставена во црвена зона на земји и согласно тоа, за влез во Белгија важат следните услови:

Патниците можат да влезат само со доказ за есенцијална/суштинска причина за патување, освен:

· Ако се државјани на ЕУ или резиденти

· Со одобрен сертификат за целосна вакцинација

Патниците без еден од овие два услови, не треба да се прифатот на лет, освен за државјани на Белгија.

Покрај задоволување на овие услови, патниците треба да имаат пополнето електронски образец, т.н. Passenger Locator Form.

Дополнително, секогаш кога патниците купуваат авиобилети од авиокомпанијата, тоа значи дека тие практично склучуваат договор со авиокомпанијата и треба да ги следат условите за патување на авиокомпанијата.

Пандемијата со Ковид-19 во голема мерка ги смени условите за патување во светот и ѝ наметна на секоја земја одделно да имплементира различни рестрикции за патување.

Како пример, во 2021 не им е дозволено патување на голем број на патници од двата аеродроми во РС Македонија поради неисполнување на условите за патување и притоа ниту еднаш не сме направиле никаква дискриминација. За нас е важно патниците да ги исполнуваат условите за патување и ние никогаш не ги гледаме патниците од друга перспектива.

Непрофесионално е, и неприфатливо за нас, давањето информации за „дискриминација на Ромите од страна на ТАВ Македонија” во медиумите, без притоа да се испита и провери случајот со нас. Наместо тоа, испратена е реакција до медиумите насловена како: „Реакција на Народниот правобранител по сознанијата дека на припадниците на ромската заедница не им се дозволува да отпатуваат во странство”, а дури потоа писмото на Народниот правобранител стигна до ТАВ Македонија.

Изрично ги демантираме сите наводи во „Реакцијата на Народниот правобранител по сознанијата дека на припадниците на ромската заедница не им се дозволува да отпатуваат во странство и се надеваме дека во иднина нема да има обвинувања или слични наводи против нас, без притоа да се проверат фактите и доказите“.

Прикажи повеќе...

Македонија

Aлијансата за Албанците реагира: „Правата на Албанците зависат од бројките според Уставот“

Објавено пред

Колективните права на Албанците зависат од бројките и тоа го вели Уставот, а, пак, Заев не е над највисокиот правен акт, реагира Алијансата за Албанците откако денеска премиерот Зоран Заев изјави дека пописот нема да влијае врз законот за употребата на јазиците или правата на Албанците.

„Премиерот Зоран Заев одамна го загуби допирот со реалноста и неговите изјави не само што не можат да се земат како точни, туку претставуваат вознемирувачки аларм за тајните планови на Владата на СДСМ-ДУИ“, велат од Алијансата.

Од партијата на Зијадин Села додаваат дека во меѓувреме, Артан Груби веќе докажал колку е лесно да се пазари на сметка на Албанците и тој најмалку има право да зборува за унапредување на правата.

„Ваквите изјави на двајцата владини лидери и лиферувањата со бројки дополнително предизвикаа сомнежи за тоа што се случува со пописот. Владата и Државниот завод за статистика мора итно да дадат оттчет и објаснување за тоа што се случува со страницата и базата на податоци за пописот, каква штета е направена од сајбер напаѓачите, дали е влијаено и над податоците од дијаспората и кој ќе биде одговорен за какво било мешање во бројките“, додава партијата.

Прикажи повеќе...

Најново

Македонија1 час

Законот за употребата на јазиците нема да се менува во завиност од пописот, рече Заев

Пописот нема ретроградно да влијае на Законот за употреба на јазиците, туку целта е да се знае колку граѓани има...

Економија2 часа

Имот над 30 илјади евра чие потекло нема да може да се докаже ќе биде конфискуван

Ќе се конфискува имотот од над 30 илјади евра чие потекло нема да може да се докаже, предвидува драфт верзијата...

Македонија3 часа

Наставата продолжува со физичко присуство, состојбата со ковид во училиштата засега е стабилна

Состојбата со Ковид-19 во училиштата е стабилна, се следи на дневно ниво и според проценките на Главниот координативен кризен штаб,...

Македонија3 часа

Софијанова: Коронавирусот кај децата најчесто дава полесна клиничка слика, но може да предизвика сериозен синдром

Коронавирусот кај децата најчесто дава полесна клиничка слика која се третира само со симптоматска терапија. Но неопходно е секој случај...

Македонија3 часа

Во Македонија пристигнуваат нови 110.612 дози на „Фајзер“

Денеска ќе пристигнат 110.612 вакцини од производителот „Фајзер-Бионтек“, кои нашата земја ги купи преку  механизмот „Ковакс“. До крајот на годината,...

Регион3 часа

„Еуроактив“: Вашингтон го зголемува притисокот врз Софија за евроинтеграцијата на Скопје

Вашингтон го зголемува притисокот врз Бугарија, барајќи од неа да се откаже од ветото за интеграција на Северна Македонија во...

Македонија4 часа

Македонија е најбезбедна земја на Западен Балкан

Македонија е најбезбедна земја на Западен Балкан и е на 40 место во светот, според истражувањето на Институтот за економија...

Регион4 часа

Хеликоптери на КФОР надлетуваат над премините на северот на Косово, ситуацијата мирна но напната

Покрај припадниците на „Росу“ ситуацијата на северот на Косово ја следеше КФОР, кој патролираше со хеликоптер, пишуваат регионалните медиуми. Главните...

Македонија6 часа

Попишани 1.212.339 луѓе, 378.033 домаќинства и 516.787 станови

Вкупно 1.212.339 лица, 378.033 домаќинства и 516.787 станови се попишани заклучно со 20 часот вчера, објави денеска Државниот завод за...

Македонија7 часа

Вчера се вакцинирале 12.099 граѓани, од нив 2.969 примиле прва доза

На вакциналните пунктови во државата и на терен, заклучно со вчера вакцинирани се вкупно 776.659 граѓани. Прва доза вакцина вчера...

Свет7 часа

Талибанците бараат да се обратат на Генералното собрание на ОН

Талибанците побараа да им се обратат на светските лидери пред Обединетите нации, a за таа пригода го назначија својот портпарол...

Свет8 часа

(Видео) Еден од најсилните земјотреси досега ја погоди Австралија

Земјотрес со јачина од 6 степени, еден од најсилните што е забележан во Австралија, го погоди југоистокот од оваа земја....

Македонија21 час

Регистрирани 554 нови случаи на Ковид-19, пријавени 17 починати лица

Министерството за здравство информира дека во последните 24 часа се направени 4.072 тестирања, а регистрирани се 554 нови случаи на...

Македонија21 час

Радев: Изјавите и ветувањата во дијалогот со Северна Македонија повеќе не функционираат

Изјавите и ветувањата во дијалогот со Република Северна Македонија повеќе не функционираат и Бугарија очекува јасни правно обврзувачки решенија што...

Свет22 часа

Бајден: Не сакам воената моќ на Америка да се користи како одговор на секој проблем во светот

Американскиот претседател, Џозеф Бајден, изјави дека не сака воената моќ на САД да се користи како одговор на секој проблем...

Свет22 часа

(Видео) Лава од вулканот на Канарските Острови навлегува во куќите, луѓето се евакуираат

Вулкан на Ла Палма, на северозапад од архипелагот, еруптира во неделата исфрлајќи лава неколку стотини метри високо во воздухот и...

Регион22 часа

Лајчак вознемирен за ситуацијата во Косово, повика на смирување на тензиите

Специјалниот претставник на ЕУ за дијалогот Белград – Приштина, Мирослав Лајчак, рече дека е загрижен за ситуацијата во северно Косово...

Македонија1 ден

И без политичка влада во Софија, продолжуваат разговорите за деблокада на евроинтеграцијата

И покрај тоа што сè’ уште во Бугарија нема политичка влада, разговорите за надминување на разликите и деблокада на нашата...

Македонија1 ден

ДИК со жрепка го утврди редоследот на кандидати на гласачкото ливче на локалните избори

Државната изборна комисија со жрепка го утврди распоредот на кандидатите на гласачкото ливче за претстојните локални избори за градоначалници и...

Регион1 ден

(Видео) Вучиќ: Го одбив предлогот на ЕУ за решение, тоа не е компромис туку понижување на Србија

Претседателот на Србија, Александар Вучиќ, се обрати по седницата на Советот за национална безбедност. На седницата се разгледа актуелната ситуација...

Досие