Контакт

Македонија

Царовска: Нема повеќе деца до три години во институциите во земјата

Објавено пред

Со денешното отворање на петте мали групни домови во Битола, Министерството за труд и социјална политика со своите партнери го почна процесот на целосна трансформација на „Мајчин дом“ и 27-те деца се веќе преселени во објекти што личат на топол семеен дом. Ниту едно дете до тригодишна возраст повеќе не живее во институциите во Северна Македонија.

„Навистина ми е драго што денеска токму од Битола можам да ја споделам оваа убава вест и уште еднаш да ја потврдам заложбата на Владата дека секое дете ни е важно и треба да има еднаков почеток во животот, да ги добие потребното внимание, грижа и љубов. Процесот на вадење на сите деца од институциите ќе го завршиме една година порано од предвидениот рок. Во 2017, кога го почнавме процесот, имавме 180 деца во институциите. Сега ни останаа само уште 11 деца постари од три години и тие до крајот на годината ќе бидат исто така згрижени во топол дом. Грижата за децата ја продолжуваме со многу поголема посветеност и љубов бидејќи раниот детски развој е клучен за понатамошниот развој на децата“, изјави министерката Царовска на отворањето на еден од петте мали групни домови во Битола.

Амбасадорката на Велика Британија, Рејчел Галуеј, истакна дека процесот на деинституционализација докажува дека со правилна посветеност можеме да изградиме позитивно и инклузивно општество базирано на вредности.

„Овој процес е дел од целокупната заложба на Обединетото Кралство за поддршка и подобрување на политиките и праксите за социјална кохезија и прифаќање на различностите во Северна Македонија. Во Битола ова е четврта по ред институција што ги деинституционализира децата од големите установи. Тоа е голем напредк во заложбите на Владата да стави крај на институционалната грижа за деца под 18 години до крајот на 2020 година“, рече Галуеј.

Претставникот на УНИЦЕФ, Бенџамин Перкс, истакна дека посветеноста на Владата е клучна во успехот на оваа реформа.

„Децата се биолошки програмирани уште од раѓање да воспостават однос со родител или старател кој ќе обезбеди заштита, нега и љубов. Кога ова отсуствува, има длабоки последици врз благосостојбата на детето. Затоа, ниедна друга одлука на Владата нема поголемо влијание врз животот на една личност од одлуката за тоа што ќе прави со дете што нема родителска грижа. Честитки до Владата за оваа историска реформа – првпат во поновата историја нема ниедно бебе или дете под три години сместено во голема институција. Но, за да се одржи успехот на оваа реформа, ќе бидат потребни постојана заложба и средства“, рече Перкс.

Директорката на „Мајчин дом“, Елена Николовска, истакна дека во моментот се згрижени 27 деца и за нив 24-часовна грижа и поддршка ќе обезбедуваат 30 негуватели и 4 стручни работници. Ниту едно лице не остана без работа, туку, напротив, бројот на вработени ќе се зголемува.

„Овој облик на грижа не значи само поквалитетни просторни и физички услови во кои живеат децата. Уште посуштински, работата во групниот дом ќе им овозможи на колегите индивидуален пристап кон секое дете во согласност со неговите желби и потреби. Личната интензивна интеракција и посветеноста на вработените ќе го поттикнат развојот и растот на нашите деца и ќе им обезбедат еднаква основа за успех во животот како на сите други деца што растат во семејна средина“, изјави Николовска.

Градоначалничката на Битола, Наташа Петровска, го поздрави процесот на деинституционализација и истакна дека дел од поранешниот дом за доенчиња ќе биде пренаменет во детска градинка.

„Денес е сончев ден за Битола затоа што се згрижува една ранлива категорија. Особено им се заблагодарувам на Министерството за труд и социјална политика, УНИЦЕФ, британската амбасада и вработените во Домот за деца без родители. Особено му се заблагодарувам на Министерството, кое ни отстапува дел од Домот за да може да биде искористен за детска градинка. Капацитетите за градинки ни се и тоа како потребни во овој период“, изјави Петровска.

Домот во Битола не се затвора, се трансформира во давател на нови, современи социјални услуги. На почетокот од 2020 година ќе почне да функционира регионален центар за поддршка на згрижувачките семејства, како и други услуги предвидени со Законот за социјалната заштита.

Со последите 5 мали групни дома во Битола во Северна Македонија се отворени вкупно 17 мали групни дома.

Македонија

Истрага за две лица по акцијата во која беше запленет кокаин во Сарај

Објавено пред

Заврши распитот на лицата што вчера вечерта беа приведени во акцијата во селото Крушопек, Општина Сарај, по добиени сознанија за трговија со кокаин кој бил скриен во банани.

Донесена е Наредба за спроведување на истражна постапка против две лица, а останатите двајца кои беа приведени се ослободени, информираат од Обвинителството.

За сопственикот на фирмата увозник на овошјето доставен е предлог за определување на мерка притвор, додека за второ осомниченото лице предложени се мерки за обезбедување присуство.

Осомничените вечерва ќе бидат изведени пред Судија на претходна постапка, велат од Обвинителството.

По Наредба на јавниот обвинител товарното возило во кое е откриена наркотичната дрога и целата пратка со овошје се запленети и предадени во Агенцијата за одземен имот.

Прикажи повеќе...

Македонија

(Видео) Најавен серијал од четири епизоди со сведоштва за крвавиот четврток

Објавено пред

ТВ-канал Вис најави четири епизоди со седоштва за случувањата на 27 април – крвавиот четврток.

Од телевизијата која стои зад овој проект најавија дека за првпат во прво лице ќе сведочат Петре Шилегов, Дамјан Манчевски, Ѓулумсер Касапи, Павле Богоевски, Благој Бочварски.

Секој петок ќе се емитува по една епизода, а првата епизода е закажана за утре.

Прикажи повеќе...

Македонија

Полициски синдикат: Се издаваат и поништуваат наредби, вработените во МВР се во конфузна состојба

Објавено пред

Претседателот на Македонскиот полициски синдикат, Марјан Кицев, и генералниот секретар Киро Трајковски остварија два одделни работни состаноци од кои еден со министерот за внатрешни работи, Наќе Чулев, и другиот со дополнителниот заменик-министер за внатрешни работи, Славјанка Петровска.

Средбите биле иницирани од страна на Македонскиот полициски синдикат, а како причина од синдикатот ја навеле актуелната состојба во Министерството за внатрешни работи на секојдневно издавање наредби и решенија за работа од страна на министерот за внатрешни работи и нивно поништување од страна на Владата, со што, како што наведуваат од синдикатот, сите вработени во Министерството се доведени во една конфузна и збунувачка состојба, што им претставува сериозна пречка за нормално извршување на редовните работни задачи и реализација на правата од работен однос.

На Чулев и дополнителниот заменик-министер за внатрешни работи, Славјанка Петровска, им беше пренесен ставот на Македонскиот полициски синдикат дека највисоката цел на МПС е заштита на правата од работен однос на вработените, истовремено грижејќи се и за угледот на Министерството за внатрешни работи и интегритетот на полициските службеници.

„Како единствен репрезентативен синдикат во МВР и организација во која членуваат над 8.500 членови чувствуваме и морална одговорност да укажеме на овие состојби и потребата од нивно итно надминување. Од таа причина, а со цел итно надминување на актуелната состојба во Министерството ние како Македонски полициски синдикат предложивме во текот на утрешниот ден во наше присуство и наша медијација да се одржи состанок, за што искрено сме благодарни и на министерот за внатрешни работи, Наќе Чулев, и на дополнителниот заменик-министер за внатрешни работи, Славјанка Петровска, за прифаќањето на нашата иницијатива“, наведуваат од синдикатот.

Оттука се надеваат дека на утрешниот состанок преку конструктивен дијалог ќе се надминат недоразбирањата и ќе се реши состојбата на општо задоволство и за доброто на сите вработени во Министерството за внатрешни работи.

Прикажи повеќе...

Најново

Македонија53 минути

Истрага за две лица по акцијата во која беше запленет кокаин во Сарај

Заврши распитот на лицата што вчера вечерта беа приведени во акцијата во селото Крушопек, Општина Сарај, по добиени сознанија за...

Топ7 часа

Момче прободено со нож, уапсена девојка осомничена за обид за убиство

Дваесет и тригодишен државјанин на Турција синоќа бил пронајден на излез од Гостивар, на магистралниот пат кон Тетово, со повреда од...

Топ9 часа

(Видео) Кокаинот од Колумбија бил скриен во банани, приведени се четири лица

МВР соопшти детали за запленетиот килограм кокаин по потекло од Колумбија, кој беше запленет во полициска акција во селото Крушопек...

Македонија12 часа

Јовановски до Русковска: Не се дери, ти ги знаеме гласовните способности

Половина час пред судот, првообвинетиот за „Рекет“, Бојан Јовановски, образложува зошто треба да му биде заменета мерката притвор со домашен....

Македонија12 часа

Димишков: Сакаа да ме искористат како адвокат за мојата сестра судијка да биде изземена од предметот

Судењето за „Рекет“ продолжува со сослушување на сведоците на Бојан Јовановски – Боки 13. Адвокатот Васил Димишков, брат на судијката...

Македонија12 часа

ОЈО проверува дали има неправилности при поништувањето на решенијата на Наќе Чулев

Основното јавно обвинителство ќе проверува дали има неправилности при поништувањето на решенијата донесени од техничкиот министер за внатрешни работи, Наќе...

Македонија13 часа

Заев и Ципрас добитници на меѓународна награда за мир за преспанскиот договор

Поранешните премиери на Северна Македонија и на Грција, Зоран Заев и Алексис Ципрас, се годинешни добитници на меѓународната награда за...

Регион13 часа

(Видео) Пријава за Јосипа Лисац поради лоша изведба на хрватската химна

Адвокатот Бошко Жупановиќ поднесе пријава против хрватската пејачка Јосипа Лисац за нејзината изведба на хрватската химна на инаугурацијата на новоизбраниот,...

Европа13 часа

Детали за масакрот во Германија – напаѓачот бил екстремен десничар

Германскиот весник „Билд“ објави дека напаѓачот, кој во градот Ханау во Германија синоќа со огнено оружје уби девет луѓе, е...

Свет14 часа

Трамп му понудил помилување на Асанж под еден услов

Американскиот претседател, Доналд Трамп, му понудил помилување на основачот на „Викиликс“, Џулијан Асанж, ако каже дека Русија немала врска со...

Економија15 часа

Пад на побарувачката за нови автомобили во Европа

Измената на даночниот систем во некои земји, нешто послабата глобална економија и неизвесноста поврзана со брегзитот доведе до пад на...

Свет15 часа

Трамп го назначи амбасадорот Гренел за шеф на американското разузнавање

Американскиот претседател, Доналд Трамп, го назначи Ричард Гренел, американски амбасадор во Германија и специјален пратеник за Србија и Косово, за...

Спорт1 ден

Аталанта го живее сонот со „уништувањето“ на Валенсија, Ред бул кошмар за Мурињо и Тотенхем (видео)

Аталанта пишува историја за своите фанови. Клубот од Бергамо во својот прв настап во Лигата на шампиони успеа да стигне...

Свет1 ден

(Видео) Пациентка свири виолина за време на операција на мозокот

Хирурзите во болницата „Кингс колеџ“ во Лондон отстраниле тумор од мозокот на една жена која во текот на операцијата свирела...

Регион1 ден

Црногорски државјанин евакуиран од Хубеи

Црногорски државјанин денеска беше евакуиран од провинцијата Хубеи во Кина, каде што се појави коронавирусот, со специјален лет на Владата...

Регион1 ден

Државниот обвинител на Хрватска даде оставка поради членство во масонска ложа

Главниот државен обвинител на Хрватска, Дражен Јелениќ, поднесе оставка поради членство во масонска ложа. „Се појавија инсинуации во врска со...

Топ1 ден

Полициска акција за заплена на кокаин во Сарај

Полицијата врши претреси на повеќе локации во Крушопек, село во општина Сарај, по добиени сознанија за трговија со кокаин. „Министерството...

Македонија1 ден

Владата: Решенијата на Чулев се поништени законски

Владата ја демантира изјавата на техничкиот министер за внатрешни работи Наќе Чулев дека одлуката за поништување на решенијата и наредбите...

Македонија1 ден

(Видео) Обвинет во „Монструм“: Тодоровски ми даде да потпишам изјава, но не ме малтретирал

Обвинетиот во „Монструм“ Хаки Азири на денешното рочиште рече дека никогаш не кажал дека бил под тортура од ексдиректорот на...

Топ1 ден

Вработен во ПИОМ подигал пари од пензија на почината жена

СВР Тетово поднесе кривична пријава против С.М.(45) од с.Вејце, тетовско, поради постоење основи на сомнение за сторено кривично дело „злоупотреба...

Досие