Контакт

Interview/Debate

(Видеоинтервју) Царовска: Од 1 јануари 2019 воведуваме целосно нов концепт на социјална заштита

Објавено пред

Mila Carovska

Просечната плата порасна во споредба со лани, а минималната даде најголем притисок врз растот на просечната плата, вели министерката за труд и социјална политика, Мила Царовска, во интервју за „Макфакс“.

„Со подигањето на минималната плата на 12 илјади денари се поттурнаа сите плати во нашата држава“, вели Царовска.

На прашањето дали и колку порастот го чувствуваат граѓаните, рече дека оној што во септември 2017 година примал 8.000 денари, денеска зема 12.000 денари, што е една третина повеќе и значи дека тој граѓанин чувствува разлика во квалитетот на живеењето.

Министерката е искрена во очекувањето дека за да постигнеме просечна плата од 30 илјади денари, потребни уште политики што ќе ја подигаат платата и што ќе го подобрат квалитетот на живеење.

На прашањето дали за две години стапката на сиромаштија може да падне од 20 на 16 отсто, Царовска рече дека Владата вовела низа мерки со кои директно се влијае врз намалување на стапката на сиромаштија. „Минималнта плата ја зголемивме и тоа дава ефект врз намалување на сиромаштијата, најавивме воведување минимален адекватен приход или социјалната помош ќе биде над линијата на сиромаштија од 1 јануари 2019 година и очекуваме дека таа програма ќе го даде најголемиот ефект. Најавивме дека ќе имаме и државна пензија за оние што навистина немаат никаков приход, а се над 65 години. Сите тие мерки треба да влијаат врз намалување на сиромаштијата“, тврди Царовска.

Жителите на Тимјаник беа дезинформирани

Министерката рече дека главна заложба на Владата е да ги трансформира нехуманите големи институции: „Мислам дека жителите на Тимјаник беа дезинформирани и навистина ги немаа вистинските информации и токму затоа одлучив дека треба да се видиме лично, да разговараме, да ги видиме нивните ставови, сите стравови и стереотипи што ги имаат и по еден толку подолг дијалог и зад затворени врати и пред камерите, дојдовме до заеднички заклучок дека таков мал групен дом ќе придонесе за селото и затоа одлучивме стратегијата да се вика Тимјаник зашто беа оцрнети како граѓани“.

„Тимјаник е секаде околу нас. Само со промоција и отворена дисуксија може да постигнеме и едукација, но и со примерите. Граѓаните најчесто се плашат кога нешто не знаат“, вели Царовска.

Министерката одговори дека примерите со Домот „25 Мај“ и случајот на загинатите дечиња во Велес се драстични примери што излегуваат во јавност, но секојдневно има многу случаи зашто системот не реагира навреме: „Превенција нема. Центрите за социјална работа беа оставени да се распаѓаат. Системот за социјална заштита многу години беше употребуван за да ги злоупотребува граѓаните што се во ризик. Нашата намера не е да носиме популистички мерки и да речеме дека сите граѓани се згрижени. Тоа е невозможно. Имаме 20 отсто сиромаштија, исклучени граѓани, кои едноставно не може да се пронајдат во системот“.

Граѓаните со право се незадоволни од Комисијата за заштита од дискриминацијата

Царовска вели дека Комисијата за заштита од дискриминацијата е иста зашто важи стариот закон: „Граѓаните се со право незадоволни зашто од таа Комисија имавме навистина изјави од комесарите што беа дискриминаторски, што значи дека таа не може да ги заштити граѓаните. Новиот закон нè приближува до меѓународните стандарди за заштита од дискриминација“. Mинистерката повтори дека првпат се воведува родов идентитет, сексуална ориентација и забрана за вршење дискриминација, но се воведува лице со попреченост, групна тужба, се исклучуваат судските трошоци, што значи полесно ќе се стигнува до правда и една нова комисија неоптоварена со партиски примеси.

„Ќе ги штитиме работниците, а не работните места“

Во интервјуто министерката посочи дека се подготвува нов закон за работни односи. „Работодавачите, синдикатите, Министерството и здруженијата на граѓани веќе ја направија првата верзија од законот и тој сè уште се усогласува зашто тоа е трипартитен дијалог кој мора да го има“.

Редефинирање на центрите за социјална работа, минимален адекватен приход

Царовска рече дека Министерството подготвува законски и подзаконски измени во нов закон за социјална заштита, кој вклучува редефинирање на центрите за социјална работа, минимален адекватен приход, социјални услуги…

Interview/Debate

(ИНТЕРВЈУ) Унгарски новинар: Се кладам дека Орбан е замешан во бегството, Груевски ќе заврши во Москва

Објавено пред

Питер Ерделај е уредник и новинар во еден од ретките унгарски медиуми кои се независни и надвор од контрола од Владата на Виктор Орбан. Тој работи во веб порталот 444.hu, кој има над 350 илјади посети дневно, а Ерделај се занимава со истражувачки теми, национална безбедност и корупција.

Како и за секој друг новинар, случајот со бегството на премиерот Никола Груевски во Будимпешта и барањето политички азил во државата која остро се противеше на влезот на мигрантите, е предизвик за пишување и истражување, но толкувањата за тоа како и зошто се случило бегството се различни, во зависност од тоа во чии раце се медиумите. За Унгарија е познато дека Виктор Орбан под своја контрола ги држи најголемите телевизиски куќи, слично како и за време на владеењето на Груевски, кога со владини реклами буквално се купуваа и правеа вестите. Тоа е само една од сличностите во владеењето на Орбан и на Груевски. Втората сличност, е анти-Сорос пропагандата.

Со познатиот унгарски истражувачки новинар разговаравме за начинот на кој медумите во Унгарија го третираат барањето за азил на поранешниот премиер Груевски, за инволвираноста на Орбан во целиот случај и за можните понатамошни сценарија.

„Најкратко кажано, унгарските медиуми се поделени на провладини и на независни, иако ситуацијата е малку покомплицирана од тоа. Медиумите контролирани од власта, кои се мнозинство, спинуваат многу наративи за барањето на политички азил на вашиот поранешен премиер, особено дека Груевски бил таргетиран од Сорос, кој е третиран како ‘вештерка’ во Унгарија, исто како и во Македонија. Независните медиуми се изненадени или шокирани од веста. Никогаш досега сме немале сличен случај и како што тој се развива, така станува сè поинтересно, посмешно и позабавно“, вели Ердалај за „Макфакс“.

Тој вели дека „би се кладел“ дека унгарскиот премиер Виктор Орбан до некој степен е вмешан во организирањето на бегството на Груевски, особено по обелоденувањето на информациите дека тој се движел со дипломатско возило од унгарската амбасада во Тирана, од каде што го продолжил патот во Црна Гора. На нашето прашање дали смета дека Груевски ќе добие политички азил во Унгарија, тој одговара:

„Не знам дали ќе добие азил, но чудно би било власта да потроши толку пари и политички капитал за да го донесе тука, а потоа да му го одбие барањето. Мое мислење е дека процесот ќе се развлекува, а потоа ќе „исчезне“ од видикот на унгарските власти, за тие да не ја направат тешката одлука. Можеби Груевски ќе заврши во Москва, но сето ова се нагаѓања, тешко е да се предвиди конечниот епилог“, смета тој.

Сепак, со оглед на политичката ситуација во Унгарија, каде што ретко се преземаат одлуки без зелено светло од кабинетот на премиерот, Ерделај смета дека Груевски не би можел ниту да побара азил без тоа да го знае лично тамошниот премиер Орбан.

„Чисто се сомневам дека било кој од Канцеларијата за имиграција би направил било каква одлука за Груевски без да побара насоки од кабинетот на премиерот. Ова е чувствителна тема, зошто некој би ризикувал да направи „погрешна“ одлука? Оттаму би се кладел дека Орбан е замешан до некој степен“, вели унгарскиот новинар.

На прашањето дали ваквите одлуки на Унгарија би ја нарушиле позицијата на земјата во Европската унија, Ерделај без многу размислување вели дека ова нема да биде првпат Унгарија да носи одлуки кои можеби не се дочекуваат со раширени раце од страна на ЕУ.

„Дури и ЕУ да се противи на одлуката, а не се сомневам дека не им се допаѓа, што можат да сторат? Ваквите случаи не можат да се решаваат на ниво на ЕУ, па дури и да можеа, Орбан знае да ги прекршува стандардите на ЕУ и на НАТО и повторно се извлекува“, смета тој.

Тој вели дека унгарските медиуми, исто како и Хелсиншкиот комитет за човекови права пишуваат и реагираат на начинот на кој Груевски побарал азил, на сосема нетипичен начин и надвор од стандардните протоколи.

„За азил се аплицира во транзитните зони, во Србија, каде што барателите на азил се задржуваат додека нивниот случај не се расчисти. Најголем дел од барањата за азил се одбиваат бидејќи Србија се смета за безбедна земја. Оттаму, случајот со македонскиот поранешен премиер е надвор од сите стандардни протоколи“, вели Ерделај.

За крај, го прашуваме унгарскиот новинар зошто смета дека Груевски ја одбрал токму Унгарија како свое место за прибежиште, а тој без двоумење одговара дека е поради политички и бизнис интереси, а како резултат на сличностите што ги делат двајцата лидери, едниот поранешен а едниот актуелен.

„Анти-Сорос пропагандата ги зближи, Груевски беше првиот кој застана зад Орбан за ова прашање. Нивната про-руска тенденција е повеќе од очигледна, па затоа тука се шпекулира дека неговата крајна дестинација ќе биде Москва. Нашите сознанија се дека и двајцата имале ист американски советник, имаат слични карактерни особини, а разликата е само што Орбан има повеќе пари и со тоа и повеќе можности и што Унгарија е поголема земја и членка на ЕУ и на НАТО“.

Сепак, интересот на Унгарија во случајов сè уште останува нерасчистено прашање, и во македонската, а очигледно и во унгарската јавност.

Прикажи повеќе...

Interview/Debate

(Видеоинтервју) Филипче: Додека да се направи новиот Клинички, инвестираме таму каде што е најкритично

Објавено пред

Информациите дека се разгледува можноста Детската кардиохирургија да биде префрлена во приватната болница „Филип Втори“ на Жан Митрев во јавноста роди големи полемики во однос на тоа дали ова значи деградирање на јавното здравство и стимулирање на лекарите да преминуваат во приватниот сектор.

Најавата за можно јавно-приватно партнерство меѓу јавното здравство и приватна болница за првпат се случува во Македонија, па оттаму оправдани се и дилемите во јавноста дали и колку овој систем може да профункционира во земјава, особено што неразјаснети остануваат голем број прашања околу покривањето на трошоците, капацитетот на операциите на децата на годишно ниво, како и перспективите на јавното здравство.

Во интервју за „Макфакс“, министерот за здравство, Венко Филипче, објаснува на кој начин би течел процесот на јавно-приватно партнерство, тврдејќи дека „во овој момент не може да се обезбеди интегриран тип на здравствени услуги кои бараат мултидисциплинарен пристап“.

Кадарот кој од Детската кардиохирургија ќе премине во „Филип Втори“, според Филипче, ќе биде платен од приватната болница, а операциите за децата ќе бидат целосно обезбедени од фондот. Тој за „Макфакс“ демантира дека преговарал по завршувањето на мандатот кариерата како неврохирург да ја продолжи токму во „Филип Втори“.

Недостигот од покрупни инвестиции во здравството и преминувањето кон јавно-приватни партнерства министерот за здравство го правда со фактот што сè уште се чека на изградбата на новиот Клинички центар, за кој не може да даде прецизен рок кога и каде би бил изграден.

„Нема да правиме големи инвестиции во еден стар кампус и затоа инвестираме онаму каде што е најкритично“, вели тој.

Со Филипче разговаравме и за новиот тендер за реагенси тежок 35 милиони евра, откако претходниот беше поништен поради сериозни пропусти во постапката, а обвинителството отвори истрага.

Министерот признава дека се соочил со суштински проблеми во неговиот сектор откако дошол на функцијата, но вели дека е задоволен од досегашната негова работа, како и од соработката со директорите на клиниките, кои беа поставени на функциите како партиски кадри.

Прикажи повеќе...

Interview/Debate

(Видео) Апасиев: И да ги поткупат пратениците да изгласаат измени во Уставот, одлуката нема правно дејство

Објавено пред

Собранието не може да го промени уставното име, дури и ако се соберат 80 пратеници што ќе гласаат за уставните измени, вели универзитетскиот професор Димитар Апасиев, според кого последниот референдум немал цензус и е неуспешен, а поради тоа важечка е рефрендумската одлука од 1991 година кога граѓаните се изјасниле за суверена и незавинска држава Македонија.

Апасиев вели дека пратениците може кривично да одговараат доколку даваат отпор, односно гласаат за уставните промени, што, според него, е спротивно од одлуката на народот, кој го имал последниот збор.

Запрашан дали власта тргува со правдата доколку се точни шпекулациите дека некои од пратениците на ВМРО-ДПМНЕ кои се обвинети од ОЈО и СЈО се уценувани да гласаат за уставните измени, а во замена да добијат помала казна или ослободителна пресуда, Апасиев вели: „Апсолутно. Но и таквата одлука не произведува правно дејство“.

„Нема шанси да обезбедат 80 пратеници. Дури и да ги поткупат пратениците за да изгласаат, тоа нема да има правно дејство бидејќи е спротивно на референдумската одлука од 1991 година. Тој референдум беше задолжителен. Самиот закон вели дека Собранието треба да ги усогласи регулативите во согласност со референдумските резултати. Секоја наредна одлука мора да оди на нов референдум. Наредните две години не може да се распише нов референдум за изјаснување по истото прашање“, вели Апасиев.

Универзитетскиот професор Апасиев вели дека следува распишување избори по принципот на пржинската влада, но со покуси рокови. Според него, наместо 100 дена техничка влада, ќе има само од 45 до 60 дена. Тој оценува дека изборите ќе се организираат за да не се спроведат уставните промени.

„Јас прогнозирам дека на следните избори СДСМ скапо ќе плати што не го слуша народот. Според мене, ќе падне на 30-ина пратеници. Мандатот ќе оди кај победничката партија за формирање влада, а тоа ќе биде тешко со уцените од албанските националистички партии. Влегуваме во период на повторна правно-уставна криза“, вели Апасиев.

Доколку ВМРО-ДПМНЕ се врати на власт, притисокот ќе падне кај неа, а таа ќе цели кон формирање нов договор кој ќе има остапки во делот на дефинирањето на идентитетот и јазикот поради притисокот на меѓународната заедница врз грчкиот премиер Ципрас, додава Апасиев, но не верува дека Мицкоски ќе постигне подобар договор.

Димитар Апасиев вели дека долг е процесот на уставни промени и тој не може да заврши до Нова година, како што планира Владата. Прцесот може да го блокира претседателот, но и опозицијата, тврди Апасиев, според кого, тоа ќе биде нова дополнителна кочница.

„Доколку Владата предложи измена на Уставот, претседателот може да изелзе со контра предлог. Можно е опозициската партија да рече дека започнува процес на 150 илјади потписи, со кои и ние ќе поднесеме предлог. Уште од почетокот може да има сопки“, вели Апасиев.

Професорот Апасиев вели дека нема ништо да се случи доколку договорот пропадне. Тој тврди дека и без него, Македонија може да биде членка на ЕУ. Доколку се отвораат поглавје по поглавје, Грција нема да може да ги блокира процесите, тврди Апасиев.

Како член на Левицата, Апасиев тврди дека Министерството за правда им ги скратува буџетските пари што законски им следуваат. Се тужеле со државата и Вишиот управен суд пресудил во нивна корист.

„Ако сега се распишат избори, ние немаме пари што ни следуваат според закон за регуларно да отидеме на избори. Станува збор за 25 илјади евра и цело време се тужиме“, вели Апасиев.

Грција сè уште има начин да го блокира влезот на Македонија во НАТО на тој начин што членот 2 од договорот од Преспа, еден од кумулативните услови е успешен референдум, анализира Апасиев, со што смета дека дури и да се направат измени во Уставот, тие секогаш ќе може да стават кочница.

Прикажи повеќе...

Најново

Бегството на Груевски1 час

Дармановиќ: Црна Гора немаше правна основа да го задржи Груевски

Министерот за надворешни работи на Црна Гора, Срѓан Дармановиќ, рече дека Црна Гора немала правна основа да го задржи поранешниот...

Регион1 час

Могерини: Косово итно да ја укине одлуката за царината на српската стока

Високата претставничка за надворешна политика на Европската Унија, Федерика Могерини, ја повика косовската Влада итно да ја укине одлуката за...

Топ3 часа

В петок состанок на телото за помирување

В петок, најверојатно, ќе се одржи состанок на координативното тело за помирување и интеграција. Деталите околу новиот предлог за амнестија...

Бегството на Груевски5 часа

Рот: Правото на азил е гест на хуманост за прогонетите, но не и за пријател на премиерот

Државниот министер за Европа во германското Министерство за надворешни работи, Михаел Рот, упати критики до унгарските власти кои му доделија...

Македонија5 часа

Италијански медиуми: Папата Франциско во мај ќе ја посети Македонија

Папата Франциско во мај следната година ќе ја посети Македонија, објави римокатоличкиот интернет сервис „Религион дигитал“, повикувајќи се на извори...

Свет7 часа

Турција: Не е можно ЦИА да не знае кој дал наредба за убиството на Кашоги

Турција ги обвини САД дека се обидуваат да го игнорираат убиството на новинарот Џамал Кашоги, што се случи во саудискиот...

Бегството на Груевски9 часа

Унгарскиот министер за правда: Унгарија не може да го екстрадира Груевски, тој може да добие патнички документи

Унгарскиот министер за правда, Ласло Трочањи, за телевизијата „Еко“ изјави дека Никола Груевски може да аплицира за патнички документи како...

Македонија9 часа

Сијарто: Унгарските дипломати не го шверцуваа Груевски преку границите, тој имаше документи

Унгарскиот министер за надворешни работи, Петер Сијарто, денеска одржа прес-конференција, на која рече дека Груевски морал да премине преку три...

Македонија10 часа

(Видео) Апостолски: Недозволиво е да се одреди мерка притвор без да биде сослушан обвинетиот

Денеска, го добивме решението за мерката притвор на Сашо Мијалков. Без да се повика на сослушување, недозволиво е на обвинетиот...

Бегството на Груевски10 часа

Директорот на затворот „Скопје“: Мијалков е во ќелија со други затвореници, има право на посети и два часа прошетка

Нема наредба од судот за ексдиректорот на УБК, Сашо Мијалков, да биде спроведен на рочиштето за предметот „Таргет-Тврдина“ поврзан со...

Македонија10 часа

Хан очекува објаснување од Орбан за азилот на Груевски

Еврекомесарот за проширување, Јоханес Хан на Твитер објави дека доколку е потврдена информацијата дека Унгарија одобрила азил за Никола Груевски,...

Свет11 час

(Видео) Американскиот Сенат преку писмо побара од Трамп втора истрага за Кашоги

ЦИА не успеа со сигурност 100 %, да утврди дали саудискиот престолонаследник го наредил убиство на новинарот Џамал Кашоги, изјави...

Македонија11 час

МЗД: Да се разреши составот на Комисијата која утврди дискриминација кон Груевски

Со утврдувањето дискриминација кон Никола Груевски, Комисијата за заштита од дискриминација покажа селективно и непрофесионално работење, смета Мрежата за заштита...

Македонија22 часа

СЈО барало притвор за Мијалков поради оперативни информации дека ќе бега

Во решението на кривичниот суд за притворот на ексдиректорот на тајната полиција, Сашо Мијалков, пишува дека мерката му е определена...

Македонија23 часа

Адвокатот на Мијалков: Недозволиво е што тој не беше известен за притворот

Недозволиво е судија на претходна постапка или кривичен совет да не ја извести странката, во случајов Сашо Мијалков, дека за...

Македонија1 ден

(Видео) Мијалков спроведен во затворот во Шуто Оризари

Поранешниот шеф на УБК, Сашо Мијалков, вечерва е спроведен во истражниот затвор во Шуто Оризари поради опасност од бегство, велат...

Македонија1 ден

Владата го одби предлог-законот за амнестија предложен од ВМРО-ДПМНЕ

Владата на денешната владина седница донесе негативно мислење за предлог-законот за амнестија за настаните од 27 април. „Владата донесе негативно...

Uncategorized1 ден

Амнестија во текот на судскиот процес, прекин на постапката за тие што не тепале на 27 април?

Кој ќе се спаси од кривична одговорност за инцидентите од 27 април, најверојатно ќе се утврдува според обвинителниот акт, односно...

Македонија1 ден

Влада: Очекуваме Будимпешта да го предаде Груевски во Македонија

Владата соопшти дека официјално покрај протестната нота доставена вчера за улогата на амбасадите на Унгарија во бегството на Груевски од земјата,...

Бегството на Груевски1 ден

Груевски: Добив азил во Унгарија, продолжувам да ја барам правдата

Поранешниот премиер Никола Груевски, на неговиот „Фејсбук“ профил, ги потврди информациите дека добил политички азил во Унгарија. Тој себе си...

Досие