Контакт

Македонија

ЦИВИЛ: Сулејмани да одговара за говорот на омраза

Објавено пред

„Центар за слобода“ остро ја осудува изјавата на поглаварот на Исламската верска заедница, Сулејман Реџепи, дадена на 14 март, на церемонијата на поставувањето камен-темелник на џамијата во скопското село Арнакија, а објавена на неговиот фејсбук-профил деновиве.

Според ЦИВИЛ, крајно неприфатливо е за еден поглавар на верска заедница да се служи со таков говор на омраза и да поттикнува верска и национална нетрпеливост.

„Неприфатливо е поглавар на верска заедница, чија цел е да обединува, а не да создава раздор меѓу народот, своите сограѓани да ги квалификува како ‘дивјаци и луѓе без идентитет’. Неприфатливо е човек кој е полн со толкава омраза да биде највисокиот претставник на една верска заедница во земјата. Исто така, неприфатливо е што оваа своја постара изјава, реисот повторно ја промовира на социјалните мрежи, и тоа во време на изборна кампања, со што дава еден поинаков контекст на целата содржина и отвора можности за манипулации и злоупотреба“, се наведува во реакцијата.

Со ваквата изјава, констатира ЦИВИЛ, поглаварот на ИВЗ, Сулејман Реџепи, грубо го крши членот 391 од Кривичниот законик, според кој не е дозволено предизвикување омраза, раздор или нетрпеливост врз национална, расна, верска и друга дискриминаторска основа.

„Однесувањето на Сулејман Реџепи, како и многу пати досега, се коси со начелата за кои се претставува дека се залага. Уцени, поддршка на режими кои брутално убиваат новинари, како што беше случајот со новинарот Кашоги, уцени со враќање на имоти за поддршка на изборите, попречување на донесувањето закони, како оние за абортус и антидискриминација, објавување лични фотографии на кои се наоѓа тој и малолетни членови од неговото семејство на кое држат оружје во рацете…, се само дел од ваквото однесување на Реџепи, на кое сведочиме со години. Однесувањето на Реџепи е крајно неприфатливо и мора веднаш да престане! Верските заедници, како исламската, така и православната и сите останати, мора да бидат одвоени од државата! Последната изјава на Реџепи, која предизвика експлозија од реакции во јавноста, а претставува пример за недолично и крајно неприфатливо однесување и за говор на омраза и дискриминација, ја оценуваме како кривично дело за кое Реџепи мора да поднесе одговорност!“ додаваат од ЦИВИЛ.

Оттаму бараат од Министерството за внатрешни работи и од Јавното обвинителство да реагираат веднаш и да го повикаат Реџепи на одговорност. Исто така, бараа од Реџепи да се извини и да ја повлече својата изјава!

Македонија

Одбележување на Светскиот ден на храната

Објавено пред

Во ОУ “Крсте Мисирков”, во скопската општина Гази Баба, утре со почеток во 10:30 часот, Организацијата за храна и земјоделство на Обединетите нации (ФАО) и Министерството за земјоделство, шумарство и водостопанство, во партнерство со ОУ “Крсте Мисирков” и граѓанската организација “Слоу Фуд Водно” ќе го одбележат Светскиот ден на храната, под мотото “Нашите дејства се наша иднина!ЗДРАВА ИСХРАНА за #СветбезГлад”.

Од 1945 година, на 16 октомври секоја година го славиме Светскиот ден на храната и тоа на роденденот на ФАО и секоја година избираме различна тема што ни помага да дојдеме чекор поблизу до искоренување на гладот до 2030 година. Настаните се организираат во над 150 земји низ целиот свет, што го прави еден од најпознатите денови во календарот на Обединетите нации.

Светскиот ден на храната годинава се фокусира на потребата од обезбедување здрава и одржлива исхрана физички и ценовно достапна за секого. Ова бара од сите нас да почнеме да размислуваме за тоа што јадеме и да се осигураме дека се храниме здраво. Постигнувањето на Целта за одржлив развој – Нула Глад (Zero Hunger) не се однесува само на прехранување на гладните. Станува збор и за здравата исхрана на луѓето, која вклучува доволно разновидна, безбедна и храна со доволно хранливи материи – истовремено одржувајќи го здравјето на планетата од која сите зависиме.

Прикажи повеќе...

Македонија

Судење ,,ТНТ“: Вештак тврди дека и со Нокиа 3310 може да се прислушува

Објавено пред

Во кривичниот суд утрово продолжи судењето за предметот ,,ТНТ” на СЈО. Беше сослушан вештакот Орце Симев предложен од обвинетите. Вештакот кој е професор на меѓународниот славјански универзитет ,,Гаврило Романович Державин” го испрашуваше обвинетиот Миле Јанакиески, особено за смс пораките во СЈО кои заедно со прислушуваните разговори се дел од доказите во случајот.

Симев на прашањето на Јанакиески на кој начин може да се следат комуникациите, одговори дека тоа може да биде законски и незаконски. Незаконското следење на комуникациите, според него, можело да се направи на пет начини, а еден од нив бил преку мобилниот телефон марка Нокиа 3310.

,,Тој телефон се поврзува со компјутер и може да се следат комуникациите за кој било број”, рече Симев.

Петтиот начин на прислушување вештакот го дознал во септември кој бил објавен во извештај во светски рамки.

Јанакиески го претстави вештакот Симев пред судот како експерт за следење смс комуникација и го прашуваше конкретни прашања за GSM, и енкрипција на комуникацијата.

Меѓу седумтемина обвинети за овој предмет кој е во фаза на доказна постапка се поранешниот премиер, Никола Груевски, ексминистерот за траснпорт и врски Миле Јанакиески и ексградоначалникот на Општина Гази Баба, Тони Трајковски.

Обвинетите во 2011 сториле кривично дело злоупотреба на службената положба и овластување, од политичка омраза со уривање на комплексот „Космос“ на Фијат Цаноски.

Со постапката на уривање на објектот била предизвикана штета од 16 милиони евра, а на буџетот на општина Гази Баба уште три милиони денари. Цаноски и фирмата ФИМЕТ најавија дека ќе поднесат побарувања за причинетата штета.

Прикажи повеќе...

Македонија

Пендаровски до ЕУ: Дајте ни шанса и дозволете ни да покажеме дека сме подготвени

Објавено пред

Македонскиот претседател Стево Пендаровски денеска очекува одлука од Европската Унијија, а не сигнал. Тој во интервју за австрискиот весник „Die Presse“, вели дека во изминатата година и пол земјата испорачала се што требаше.

По негативното произнесување на Франција, на прашањето дали ќе добиеме сигнал од ЕУ за отворање на претпристапни преговори, Пендаровски вели: „Не се надеваме на сигнал, туку очекуваме одлука. Во изминатите година и пол испорачавме сè што требаше. Дури го сменивме и нашето име по историскиот договор со Грција. Ниту една земја-кандидат го нема направено ова порано. Штом ЕУ вели дека процесот на зачленување се заснова на резултати, тогаш не очекувамени повеќе ни помалку од она што сме го постигнале. Мојата порака е: Дајте ни шанса и дозволете ни да покажеме дека сме подготвени.

Блокадата на пристапните преговори со Северна Македонија и со Албанија беше дека двете земји треба да направат повеќе во борбата против корупцијата и криминалот.

„Ние го основавме Специјалното јавно обвинителство, кое покрена обвиненија против поранешниот премиер Никола Груевски, кој во меѓувреме побегна во Унгарија, како и против други важни личности. Ние ја ставивме борбата против корупцијата како наш приоритет. Еден од клучните аргументи на Франција беше дека тие сакаат продлабочување на Унијата пред проширување. Но, двата процеси може да течат паралелно. Ние нема веднаш да станеме полноправна членка на ЕУ“ оценува претседателот.

А на прашањето дали е разочаран, Пендаровски вели дека особено имало разочарување во јуни, кога ЕУ уште еднаш се извини и порача дека се уште не се подготвени.

„Моите главни теми во кампањата за претседателските избори беа зачленување во ЕУ и во НАТО како главни стратешки цели. Ние очекуваме да станеме членка на НАТО во идните месеци. Но, доколку се пролонгираат преговорите за зачленување во ЕУ тогаш Унијата ќе изгуби многу од својот кредибилитет. Ентузијазмот за ЕУ во нашата земја ќе падне значително. Луѓето прашуваа, зошто треба да го смениме името на земјата? Ние им рековме за да можеме да станеме дел од ЕУ. Ние исполнивме сè. Сега народот нè прашува – зошто има повторно одложување?“ истакна Пендаровски.

Тој вели дека македонските власти се согласни претпристапните преговори да почнат во пакет заедно со Албанија.

„Еден од принциипите на ЕУ зависи од напредокот – ако државата испорача тоа што треба тогаш вие сте внатре. Во исто време, голем дел од нашиот регион е поврзан – почнувајќи од безбедносни па сè до политички и економски прашања. Северна Македонија граничи со Србија и со Косово – двеземји чиј конфликт продолжува да има влијание на целиот регион. Се разбира, што се однесува на регионалниот аспект, јас би сакал Албанија исто така да ги започне преговорите за членство во ЕУ. Регионот не може да просперира доколку сите земји немаат цел пред себе. Сите треба да се дел од процесот на евроинтеграции. Босна и Херцеговина исто така, која, за жал, долго време беше запоставена од Брисел“ вели Пендаровкси.

Рече дека не сака да коментира индивидуални изјави на политичари во врска со настаните во Сирија, по заканата на турскиот претседател дека ќе ги отвори границите за 3,6 милиони бегалци доколку ЕУ ги критикува неговите воени дејствија во северна Сирија.

Според него секогаш има можност бегалци да сакаат од Грција да тргнат по рутата преку Македонија со цел да стигнат во северните земји-членки на ЕУ. Досега, како што рече, не е забележано значително зголемување на бројот на луѓе. Во секој случај, вели Пендаровски, ситуацијата не може ни да се спореди со онаа во 2015 и 2016 година, кога еден милион луѓе поминаа низ нашата територија.

Прикажи повеќе...

Најново

Македонија43 минути

Судење ,,ТНТ“: Вештак тврди дека и со Нокиа 3310 може да се прислушува

Во кривичниот суд утрово продолжи судењето за предметот ,,ТНТ” на СЈО. Беше сослушан вештакот Орце Симев предложен од обвинетите. Вештакот...

Македонија57 минути

Пендаровски до ЕУ: Дајте ни шанса и дозволете ни да покажеме дека сме подготвени

Македонскиот претседател Стево Пендаровски денеска очекува одлука од Европската Унијија, а не сигнал. Тој во интервју за австрискиот весник „Die...

Дијаспора2 часа

Македонски организации во Бугарија: Ја повикуваме Софија да го запре говорот на омраза

,,За жал не може да се каже дека прифатената позиција на Владата и парламентот на Република Бугарија изненадува – таа...

Македонија2 часа

Поранешни вработени во „Охис“ на протест пред Собрание, бараат неисплатени плати

Вработени во „Охис“ ја блокираа улицата пред Собранието. Бараат исплата на 24 неисплатени плати. Велат дека протестираат секој вторник и...

Европа3 часа

(Видео) Се судрија полицијата и демонстрантите во Барселона

Илјадници каталонски сепаратисти излегле на улиците во Барселона и се обиделе да го блокираат барселонскиот аеродром по пресудата на деветмина...

Регион3 часа

Пожар во бегалски камп на Самос, се евакуираат мигрантите

Грчките власти евакуираат преполн прифатен центар за мигранти и азиланти на егејскиот остров Самос, каде избувна голем пожар по судир...

Македонија3 часа

Османи во итна посета на Луксембург и Брисел на консултации со ЕУ

Заменик-претседателот на Владата задолжен за европски прашања, Бујар Османи, денеска, патува за Луксембург и Брисел на последни консултации и разговори...

Спорт14 часа

Ајакс со еколошки гест – до Лил ќе патуваат со воз наместо со авион

Холандските шампиони, Ајакс, се решија за еколошката опција за патувањето за следниот меч во Лигата на шампионите против францускиот Лил,...

Македонија16 часа

Пронајден затвореникот кој утрово им побегна на затворските чувари додека купувале сендвич

Полицијата го пронајде и уапси затвореникот кој утрово успеа да им помогне на затворските чувари додека купувале сендвич. Од МВР...

Македонија18 часа

Димитров во Брисел: Европа да ја согледа важноста и да донесе визионерска одлука

Во рамки на првиот ден од работната посета на Брисел, министерот за надворешни работи, Никола Димитров, за првпат се обрати...

Македонија18 часа

Утре состанок на историчарите на Македонија и Бугарија, Владата останува посветена на Договорот

Претседателот на Владата, Зоран Заев, денеска имаше средба со нашите историчари, членови на Заедничката мултидисциплинарна експертска комисија за историски и...

Топ19 часа

Маж пронајден починат покрај локален пат

Вчера напладне покрај пат во селото Рогачево, Тетовско, бил пронајден починат маж од Скопје. Се работи за лице на 67-годишна...

Македонија19 часа

Бојан Јовановски повторно пренесен во болница поради проблеми со желудникот

Oбвинетиот Бојан Јовановски, познат како Боки 13, повторно е пренесен во болница поради проблеми со желудникот. Јовановски бил пренесен на...

Македонија19 часа

Бактеријата мрса се шири во градинка во Кисела Вода

Бактеријата мрса, која е отпорна на антибиотици, била пронајдена кај три дечиња и кај воспитувачка во градинката „Весели цветови“ во...

Економија21 час

„Еуромакс рисорсис“ поднесе тужба на решението за рудникот „Иловица-Штука“

„Еуромакс рисорсис“ поднесе тужба до Управниот суд против решението на второстепената државна комисија од 5 септември, со кое ја одби...

Македонија23 часа

Плевнелиев: Македонија заслужува членство во ЕУ, Макрон греши

Го поддржувам пристапот на Македонија и на Албанија во Европската Унија, изјави поранешниот претседател на Бугарија, Росен Плевнелиев, за БГНЕС....

Свет1 ден

(Видео) Шест години затвор за мајка што лажела дека синот има карцином – за 10 години му направиле 13 операции

Мајка лажно тврдела дека нејзиниот син има карцином, па десетгодишното дете било подложено на 13 операции иако воопшто не било...

Топ1 ден

Планинар падна од карпа, со хеликоптер пренесен во болница

Дваесет и шестгодишен планинар од Битола е тешко повреден кога вчера, качувајќи се по патека кон врвот на Илинден, се...

Топ1 ден

Истрага за случајот во Богданци: се опијаниле, па со стол сакал да го убие соседот

Основното јавно обвинителство Велес донесе наредба за спроведување истражна постапка против 60-годишен жител на Богданци поради постоење основано сомневање дека...

Македонија1 ден

Катица Јанева се враќа во притворот во Шуто Оризари

Поранешната специјална обвинителка, Катица Јанева, денеска од болница ќе биде вратена во истражниот затвор во Шуто Оризари. Јанева, која е...

Досие