„Победа на СДСМ за професионалната и чесна полиција – Мицкоски и Тошковски најавуваат одложување на скандалозната партизацијата на МВР, објави лидерот на СДСМ, Венко Филипче.

Полицијата, додава тој во објавата, не смее да служи на криминалната група ВМРО, на шефот на мафијата Мицкоски и да служи за заштита на криминалот и корупцијата.

„Ова е победа на СДСМ за сите граѓани на Македонија и за професионалците во полицијата, победа на стручноста и професионализмот над партизацијата и политичката контрола врз полицијата.

Победа на СДСМ за професионалната и чесна полиција – Мицкоски и Тошковски најавуваат одложување на скандалозната партизацијата на МВР.

Полицијата не смее да служи на криминалната група ВМРО, на шефот на мафијата Мицкоски и да служи за заштита на криминалот и корупцијата.

Ова е… pic.twitter.com/WYvKiZC7ar

— Venko Filipce (@VFilipche) May 7, 2026

Ние поднесовме иницијатива до Уставниот суд со што ја блокираме партизацијата на МВР.

Со оваа одлука за одложување, Мицкоски и Тошевски всушност признаваат дека не можат да го протнат законот без да предизвикаат огромен отпор и без да имаат правна основа.

Честитки до сите чесни и професионални полицајци кои секојдневно ја вршат својата работа чесно и професионално.

Ова е ваша победа“.

Ова, додава Филипче е потврда дека граѓаните и институциите не дозволуваат МВР да се претвори во партиска полиција на ВМРО-ОКГ.

СДСМ, како што истакнува, е во служба на граѓаните на Македонија, а граѓаните и професионалната полиција не дозволуваат партизација на безбедносните институции.

„СДСМ ќе ја врати власта во рацете на народот!

Доаѓа времето на вистината, правдата и одговорноста“.

Неговата објава следи откако министерот за внатрешни работи Панче Тошковски во телевизиско гостување најави дека ќе предложи до пратениците во Собранието одложување на примената на новиот Закон за внатрешни работи и измените на Законот за полиција, со цел тие да стапат во сила по завршување на следниот изборен процес.

Тошковски оцени дека станува збор за обид на опозицијата однапред да создаде алиби за изборниот пораз што, според него, ја очекува на наредните парламентарни избори.

„За да не им се даде алиби и да не им се остави простор да критикуваат и да бараат излезно сценарио, ќе предложам до пратениците во Собранието, најбрзо што може, измена со која и новиот Закон за внатрешни работи и измените на Законот за полиција ќе се одложат и ќе стапат во сила по завршување на изборниот процес“, изјави Тошковски.

Според него, целта е изборниот процес да се одвива според истите правила кои важеле и досега, без можност опозицијата да тврди дека законските измени влијаеле врз условите за избори.

„Сè со цел да не им дозволиме ни најмала излезна варијанта во насока на наоѓање алиби кое би го оправдало нивниот дебакл на наредните парламентарни избори“, нагласи Тошковски.

Уште еден сателит во одбрана на криминална група ВМРО во момент кога Мицковски повеќе не може да одговори на граѓаните на ниту едно прашање. Левица е партија која е создадена и финансирана од ВМРО, велат од СДСМ.

„Партија која фиктивно треба да глуми сериозна опозиција на власта, а всушност е осудена засекогаш да биде опозиција. Која е против НАТО во земја членка на НАТО, во која 72% од граѓаните го поддржуваат НАТО.

Партија која е против ЕУ во земја кандидат за ЕУ, во која 77% од граѓаните ги поддржуваат европските интеграции.

Партија која е проруски ориентирана во земја во која САД се стратешки партнер“.

Од СДСМ додаваат дека се ближи јуни а oстануваат уште 24 дена до рокот кој, како шти велат, самиот си го поставил Мицкоски за исполнување на реформските услови.

„Од тоа нема ништо.

Затоа вештачки се подгрева конфликт со Бугарија, а преку своите сателити Левица и ЗНАМ започнуваат црна кампања против СДСМ.

Нема да нè запрете.

Сите ќе одговарате!

Доаѓа времето на вистината, правдата и одговорноста“, посочуваат од СДСМ.

Ученик во Битола на социјални мрежи објавувал вознемирувачки пораки за соучениците и нивните родители.

Директорот на ООУ „Стив Наумов” – Битола, Николче Пискачев, преку соопштение, апелира до јавноста за воздржаност од ширење на непроверени информации и за почитување на приватноста и достоинството на сите инволвирани лица, особено, како што подвлекува, имајќи предвид дека станува збор за малолетници.

„Во врска со настанот поврзан со ученик од нашето училиште кој преку социјалните мрежи објавувал недолични и заканувачки пораки за неговите соученици и нивните родители, како транспарентно училиште, Ве информираме дека училиштето веднаш постапи согласно своите законски надлежности и обврски.

Иако содржините не биле објавувани во рамките на училиштето, ниту за време на наставниот процес во училиштето, по добиената претставка од група родители до ДПИ, училиштето без одлагање ги извести надлежните институции – Министерството за внатрешни работи, Центарот за социјални работи и подрачното одделение за образование на општина Битола, со цел случајот целосно да се испита и понатаму институционално да се постапува по истиот.

Во рамките на нашите надлежности, училиштето презеде соодветни мерки за заштита и поддршка на учениците, како и активности за смирување на состојбата и обезбедување безбедна и сигурна средина за сите ученици и вработени“.

Безбедноста и благосостојбата на учениците, потенцира директорот на училиштето, останува највисок приоритет.

„Училиштето ќе продолжи да соработува со надлежните институции до целосно разрешување на случајот“.