Контакт

Македонија

Шекеринска до ВМРО-ДПМНЕ: Не ги чепкајте војниците, не ги ставајте во вашата валкана кампања

Објавено пред

„По принципот ‘држете го крадецот’ оние кои што беа прогласени за шампиони во партизацијата на сите нивоа, вклучително и на Армијата, денес се сликаат пред Министерството за одбрана и изнесуваат апсурдни наводи, па уште нарекувајќи ги изјави или прес-конференции. А зошто? Затоа што можеби го нарушивме принципот од нивно време едни исти луѓе да одат во Авганистан преземајќи ги на тој начин ризиците но и убавата заработка? Некој ваш не отишол?“, ваква е реакцијата на Министерството за одбрана и министерката Радмила Шекеринска, по прес-конференцијата на Александар Нацев од ВМРО-ДПМНЕ.

Во реакцијата се вели дека е воспоставен фер и праведен принцип за селектирање на учесници во мисиите со почитување на процедурите.

„ВМРО-ДПМНЕ најдете си друга тема. На пример, ако толку сте загрижени за одбраната, гласајте го новиот закон. Ете шанса да го покажете вашиот патриотизам. Овој закон не е за министерката Шекеринска, туку е за Армијата, за нашата одбрана, за хармонизација со НАТО. Или како и за НАТО, ќе чекате ние да ја завршиме работата, па потоа ќе се приклучите кон славењето.

Не ги чепкајте војниците, не ги ставајте во вашата валкана кампања. Бидете доследни барем сега кога ги поправаме вашите бесмислени и коруптивни политики“, се вели во реакцијата.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Синдикатот на Клинички е против иницијативата за формирање на Синдикат на УКИМ

Објавено пред

Синдикатот на Клинички центар категорично се спротивставува на покренатата иницијатива за формирање на Синдикат на УКИМ, Скопје, затоа што потекнува од Министерот за образование, а се спроведува преку останатите работодавачи,  што претставува директно мешање на власта во синдикалното организирање, велат од Синдикатот.

Од таму го повикуваат членството да не пристапува кон овој синдикат кој, како што се наведува во соопштението, се формира директно по налог од работодавачот.

„На оние кои веќе потпишале им укажуваме дека постапката за основање и дејствување на овој синдикат е спротивна на Законот. На оние, кои во име на единицата доставуваат пристапници за овој синдикат кој се формира директно по налог од работодавачот, им укажуваме дека прават или направиле постапки спротивни на Законот“, се наведува во соопштението.

„Во електронскиот допис со работен наслов ‘Основање синдикат на УКИМ’ генералниот секретар на УКИМ во прилог доставува документација поврзана со иницијативата, односно барањата на Министерството за образование и наука на РСМ согласно темата на дописот, при што одредува рокови и замолува за придржување до нив. Во воведот на документот во прилог на дописот насловен ‘Основање на синдикат на вработените во УКИМ’ се укажува дека на состанокот од страна на министерот за образование и наука со ректорите и генералните секретари на јавните универзитети во РСМ на присутните им било кажано дека поради планираното зголемување на платите на вработените на јавните универзитети во висина од 10% почнувајќи со платата за јануари 2020 година потребно е да се склучи колективен договор и да се формира Синдикат на вработените на УКИМ. Во понатамошниот дел на документот се укажува на единицата (факултет или научен институт) да ‘пушти пристапници за членство до сите вработени на единиците (наставен и ненаставен кадар)’, а ‘копии од пристапниците да се достават до генералниот секрета’“, појаснуваат од Синдикатот.

Во соопштението се наведува дека иницијативата, содржината и препораките изразени во дописот и документот се директно спротиставени на конвенцијата бр.87 на Меѓународната организација на трудот за слобода на здружување и заштита на правото на организирање, 1948, која Република Македонија ја има ратификувано 17.11.1991 година, на членот 37 од Уставот, а особено на
членот 195 од Законот за работните односи во кој јасно се укажува дека работодавачите и нивните здруженија не смеат да имаат надзор над основањето и дејствувањето на синдикатите.

„За неверување е препораката на генералниот секретар на УКИМ да од него утврдената членарина од 50 денари месечно се уплаќа на приватна сметка на идниот претседател, со тоа што тој ќе потпише изјава дека ќе ги префрли на сметката на синдикатот кога истата ќе биде отворена. Истовремено, крајно понижувачка е намената и целта за формирање на овој синдикат, сведена само на покачување на платите на вработените од 10%“, велат од Синдикатот.

Од таму велат дека постапувајќи по дописот на генералниот секретар на УКИМ и документот во прилог, во претходните денови вршена била агитација во одредени универзитетски клиники и институти, Стоматолошкиот клинички центар „Свети Пантелејмон“ Скопје, а особено на Медицинскиот факултет, УКИМ, Скопје за зачленување на членови на Синдикатот на Клинички центар од наставно-научниот кадар во овој синдикат во формирање.

„Скоро сите вработени од наставно-научниот кадар и докторите специјалисти на Медицинскиот факултет, УКИМ, Скопје се членови на Синдикатот на Клинички центар, а во сите универзитетски клиники и институти нашиот синдикат е репрезентативен на ниво на работодавач. Не сакаме да веруваме дека покачувањето од 20%, а не 25% во јавното здравство за наставно-научниот кадар може да биде дел од некоја поголема игра. Синдикатот на Клинички центар има искуство со синдикат формиран и организиран од работодавач или т.н. синдикат по нарачка, а во нашиот случај како контрасиндикат. Нејасно е како во изминатиот период владеачките партии не го разбраа по нив негативниот ефект од ваквите синдикати по нарачка“, велат од Синдикатот на Клинички центар.

Прикажи повеќе...

Македонија

Јанушев: Власта на свои фирми им поделила 31 лиценца за одгледување канабис

Објавено пред

Аферата со канабис-милионите на Заев покажува инфлација од лиценци на фирми блиски до власта и неконтролирано производство на марихуана, рече генералниот секретар на ВМРО-ДПМНЕ, Игор Јанушев, кој обвини дека станува збор за бизнис со марихуана кој се претворил во рекет-машинерија.

Тој рече дека ВМРО-ДПМНЕ во 2016 година го донела законот за одгледување канабис за медицински цели, но СДСМ и Заеви практично, манипулирајќи ги потенцијалните и заинтересирани производители на канабис, создале рекет-машинерија преку која се собираат пари од бизнисмени што сакаат да одгледуваат канабис.

„СДСМ и Заеви, настрана од пропишаните одредби во законот, за само неколку месеци дозволија хиперпродукција на лиценци за канабис. Внимавајте, од мај 2016 до мај 2018 година се издадени само 5 лиценци за одгледување канабис и 2 лиценци за екстракција. А само во 2019 година Владата има издадено 31 лиценца за одгледување канабис, а 20-ина нови лиценци се во постапка и чекаат одлука од Владата за да ја добијат. Во истиот период исто така се издадени дополнително 2 лиценци за екстракција на канабис. Голем дел од овие фирми што добиле лиценци се поврзани, погодувате, директно со СДСМ“, вели Јанушев.

Тој појасни дека еден од условите да се добие лиценца за одгледување канабис е фирмите апликанти да поседуваат елаборат за одгледување канабис во рок од 5 години, како и која е намената на произведеното количество. Според информациите на опозициската партија, повеќето од овие 31 лиценца во 2019 година се издадени незаконски.

„Овие фирми имаат елаборати во кои јасно пишува дека ќе извезуваат произведен сув цвет од канабис, што практично и не е возможно во согласност со постојниот закон, каде што извоз на канабис е возможен доколку е завршена екстракција. Според нашите информации, Министерството за здравство не врши воопшто инспекциски надзор колку канабис е одгледан кај голем дел од компаниите, па огромна количина од канабисот се продава на црно за огромни суми, што докажува дека Заеви ја направија Македонија како Колумбија и Лазарат. Канабис-милионите на Заеви отвораат сомнеж дека постои и нелегално производство на марихуана. Прашуваме, дали е точно дека Заеви доделувале лиценци на блиски фирми до нив, без да поседуваат соодветен елаборат, па практично сега лиценците се незаконски?“, рече Јанушев.

Тој праша и дали е точно дека цената на една лиценца на Владата на СДСМ и на Заев чини од 300.000 до 500.000 евра, кои се плаќаат директно на рака кај луѓе блиски до власта.

„За два дена во декември, а на неколку дена пред оставката на Заев, доделени се 10 нови лиценци за производство на марихуана. Значи, 10 нови лиценци набрзина им се доделени на компании што се поврзуваат токму со Зоран Заев. Набрзина, шверцерски и со огромен сомнеж за милионски криминал. Деталите на компаниите ќе ги чуете во следниот период, но она што е сигурно е дека СДСМ си направи класична рекет-машина, каде што овие бизнисмени се принудени да ги купат лиценците од Владата за кеш, за сега повторно да се зборува во кулоарите на бизнисмените дека повторно им е баран кеш за да можел СДСМ да остане на власт и да го протурка законот“, рече Јанушев.

Прикажи повеќе...

Македонија

Поднесено обвинение за Емил Јакимовски за семејно насилство и закани кон новинарката Мери Јордановска

Објавено пред

Скопското Обвинителство поднесе обвинение против Емил Јакимовски, поранешен вработен во Централниот регистар, за семејно насилство и закани упатени кон новинарката Мери Јордановска. Според информациите од Обвинителството, вештачењето покажало дека Јакимовски ги сторил делата во состојба на битно намалена пресметливост за да го сфати значењето на делото и да управува со своите постапки.

Против него е поднесено обвинение за загрозување на сигурноста при вршење семејно насилство и за едно кривично дело загрозување на сигурноста по пат на информатички систем.

„Обвинетиот како поранешен сопруг на една оштетена при вршење семејно насилство ѝ ја загрозил сигурноста со сериозна закана дека ќе нападне врз нејзиниот живот и тело и врз животот и телото на нејзино блиско лице – татко ѝ. Обвинетиот се товари дека второто дело го сторил на 10 јануари кога по пат на информатички систем ѝ се заканувал на оштетената дека ќе изврши кривично дело – убиство за кое е пропишана казна затвор од најмалку пет години. Заканите ги упатувал преку пораки и мобилни апликации, па оштетената се почувствувала дека ѝ е загрозена личната сигурност“, соопштија од Обвинителството.

Обвинителството ги истражувало и наводните закани кон новинарката Искра Коровешовска, но било утврдено дека во нив не постојат елементи на кривично дело, туку дека станува збор за клевети и навреди за кои оштетената може да поведе граѓанска постапка.

Надлежниот јавен обвинител до Основниот кривичен суд Скопје достави и предлог за продолжување на претходно определената мерка притвор за обвинетиот ценејќи дека постои реална опасност тој да избега за да ја избегне кривичната одговорност.

Прикажи повеќе...

Најново

Македонија1 час

Поднесено обвинение за Емил Јакимовски за семејно насилство и закани кон новинарката Мери Јордановска

Скопското Обвинителство поднесе обвинение против Емил Јакимовски, поранешен вработен во Централниот регистар, за семејно насилство и закани упатени кон новинарката...

Македонија2 часа

Заев: ВМРО-ДПМНЕ да го прифати законот за Јавното обвинителство и да се надмине себе си

Претседателот на СДСМ, Зоран Заев, побара од ВМРО-ДПМНЕ да се надминат себе си и да го прифатат законското решение за...

Македонија2 часа

Поповска: Во институциите има луѓе заинтересирани за бизнис со отпад, увозот не се врши контролирано

Пратеничката од ДОМ, Лилјана Попвска, која е една од иницијаторите на законот за забрана за увоз на отпад, рече дека...

Македонија3 часа

УХМР објави оглас за авионско засејување на облаците за превенција од природни непогоди

Управата за хидрометеоролошки работи го објави јавниот оглас „Услуги за модификација на време со авионско засејување“. Се работи за нов...

Свет5 часа

Словачки министер пијан демолирал кинески ресторан, најави оставка

Словачкиот министер за животна средина објави дека поднесува оставка кога наводно пијан со својот брат учествувал во демолирање кинески ресторан...

Свет6 часа

Вухан гради болница за заболените, планира да ја заврши за 5 дена

Градот Вухан, кој е жариште на новиот корона вирус, забрзано гради болница со 1.000 кревети за лекување на заразените пациенти....

Македонија6 часа

Претседателот на Европскиот совет, Шарл Мишел, во посета на земјава

Претседателот на Европскиот совет, Шарл Мишел, денеска ќе допатува во посета на Македонија. Мишел ќе оствари средби со високи претставници...

Свет17 часа

Гутереш: Ја губиме војната против климатските промени, постои закана за опстанок на човештвото

Генералниот секретар на ОН, Антонио Гутереш оцени денеска во Давос дека светот продолжува да ја губи војната против климатските промени....

Свет18 часа

Вирусната болест во Кина не е вонредна глобална здравствена ситуација

Во седиштето на Светската здравствена организација, во Женева, беше одржан состанок на кој е одлучено дека вирусната болест во Кина...

Регион19 часа

(Видео) Маж се самоуби пред парламентот во Белград

Непознат маж, на околу 50-годишпна возраст, изврши самоубиство вечерва пред зградата на Собранието во Белград, соопшти српската полиција, пренесуваат српските...

Македонија21 час

(Видео) Стаменковска: Фрчат дисциплински за тие што не се блиски до СДСМ, човек беше казнет што не вклучил греалка

Фрчат дисциплински постапки, незаконски распределувања и се подговуваат откази на административци кои не се партиски истомисленици на СДСМ, за да...

Европа22 часа

Смртоносниот корона вирус стигна во Европа, четири лица во карантин во Шкотска

Корона вирусот пристигна и во Европа. Британските медиуми пренесуваат дека најверојатно корона вирусот стигнал во Велика Британија, каде четворица кинески...

Македонија23 часа

(Видео) Со хипотека на имот од над 3 милиони евра, Камчев бара да му се вратат пасошите

Орце Камчев понудил хипотека на недвижен имот од над 3 милиони евра, за да му се вратат македонскиот и бугарскиот...

Македонија23 часа

(Видео) Таткото на исчезнатиот Арбен Аслани бара средба со Чулев

Таткото на исчезнатиот Арбен Аслани бара средба со техничкиот министер за внатрешни работи Наќе Чулев. Бекир Аслани вели дека и...

Македонија1 ден

ЕСЧП пресуди во корист на детето со попреченост, кое беше врзувано за кревет – државата системски потфрлила

Хелсиншкиот комитет за човекови права во 2015 година, во име на малолетниот Л. Р., лице со повеќекратна попреченост, поднесе апликација...

Топ1 ден

Скопјанец со тупаници го тепал едногодишното дете на својата партнерка

Триесет и четиригодишен скопјанец е обвинет дека физички го малтретирал едногодишното дете на својата партнерка. Според истрагата, тој го тепал...

Свет1 ден

Во Кина прогласен најголемиот карантин во историјата

Кинеските власти во средата прогласија најголем карантин во историјата за да спречат ширење на новиот корона вирус за кој во...

Свет1 ден

Си-ен-ен: Откриен е изворот на корона вирусот

Изворот на новиот корона вирус, кој се појави во Кина, би можеле да бидат змиите кинеска кобра и кинески краит,...

Македонија1 ден

(Видео) Бојан Јовановски: Не играјте си со мојот живот, 55 пати сум носен во болница

Педесет и петпати сум носен во болница. Пред малигнитет сум. Ве замолувам, не играјте си со мојот живот, изјави денеска...

Свет1 ден

Кинеското министерство: Автобусите и траектите повеќе не одат во Вухан

Кинеското Министерство за транспорт го прекина целосно автобускиот и траектниот сообраќај кон градот Вухан поради епидемијата на вирусот корона, од...

Досие