Контакт

Македонија

Шекеринска: Хераклеа ни праќа историска лекција, немој да дозволиш грешка

Објавено пред

Кога ќе се спои сликата убава и добрата мисла, чудата навистина се можни, се наоѓаме на магична локација, на древна населба и раскрсница, како Хераклеа, таа минала низ разурнувања, низ подеми и падови, низ проблеми и решенија, и таа ни праќа една историска лекција, немој да дозволиш грешка, немој да пропуштиш шанса, истакна носителката на кандидатската листа на коалицијата „Можеме“ во изборната единица пет, заменик претседателката на СДСМ Радмила Шекеринска, на завршната граѓанска трибина во Битола.

Во оваа кампања, тоа е главната порака којашто ја испраќаме бидејќи како држава пред само две и пол, три години излеговме од една грешка, тешко беше ама излеговме и во овие две и пол години ја ставивме државата на вистинскиот пат, немаме веќе право на грешка и 15 јули е знак дека не смееме да си дозволиме грешка, порача Шекеринска.

Хераклеа го добила името по Херкул, а тој морал да заврши десет работи за да најде спасение, а зад нас се две и пол години и големи подвизи, јас сакам само да ги набројам првите десет кој ми паднаа на ум, нагласи Шекеринска.

„После 30 години говорење никогаш во Хераклеја но многу пати во Битола за НАТО денеска можам пред вас со чист образ и многу високо крената глава да кажам членка сме на НАТО, по 30 години муабет имаме резултат. Ама ги почнавме и преговорите со ЕУ, тоа е 2:0, , но нашата влезница со Преспанска адреса имаше и една додадена вредност, после Преспанскиот договор ништо веќе не е исто, она што го имаме во рака и што ќе го имаме навек е дека македонскиот јазик станува меѓународно призаен, потврден, а нашиот идентитет цврст. Македонскиот јазик ќе биде службен јазик на ЕУ, тоа е 3:0“, порача Шекеринска.

Нашиот 4 подвиг беше што покажавме дека парите реално можат да се враќаат кај граѓаните, и можеме да бориме од денес до утре, можеме да броиме од 4 до 40. Да ги изброиме сите политики и сите одлуки во Собранието, во Владата, на локално ниво каде што овозможивме повеќе пари во џебот на граѓаните, повеќе пари во буџетите на фирмите а помалку пари во буџетот на државата затоа што така треба, нема да ги спомнувам ни радиодифузната такса, ни евтината струја ни Мој ДДВ, ни намалените комунални такси во Битола сето тоа беа мерки за да покажеме дека знаме каде највеќе боли и што е највеќе потребно, во најтешката криза ние покажавме само во Битола дека може да помогнеме над 2000 фирми, дека можеме да помогнеме во цела држава на 324 000 луѓе на кои што им пуштивме платежни картички за да трошат и да ја помагаат домашната економија, само во ИЕ5 успеавме во успеавме во изминатиов период 30 милиони евра да ги пуштиме кон фирмите, не за да само ги трошат туку да плаќаат подобри плати да отвораат подобри работни места и богами да отвораа повеќе работни места 4:0, порача Шекеринска.

После 10 години мантра дека минималната плата не смее да расте, ја подигнавме од 9 на 14.500 – 5:0, додаде Шекеринска.

Социјалната помош ја зголемивме 3 пати, тоа е концепт на праведна држава, на социјална држава, која им помага на оние на кои им е најпотребно, истакна Шекеринска, додавајќи дека им помогнавме на општините, со долговите кои за 11 години им ги натовариле на вратот.

Ние не даваме пари за стиротор кој глуми меремр, туку дадовме во македонски културни вредности, кои стоеа заборавени, Охридското крајбрежје, реставрација на Курбиново, Офицерскиот дом во Битола, кои не се лажната историја, туку вистинските вредности, истана Шекеринска.

Последниот подвиг е што на јавното здравство можеме да му веруваме и во најтешката криза на него да се потреме, но тоа не ни падна во небо, инвестиравме во лиѓе, доктори, медицински персонал, инвестиравме во болници, како оваа во Битола, рече Шекеринска, додавајќи дека на јавниото здравство може денеска да му честитаме и можеме да му се поклониме, кога беше најтешко, тоа беше најдобро и затоа денеска од Битола ќе испратиме аплауз за сите кои се на дежурство, во Скопје, Битола, низ цела држава, и не штитат и го чуваат она што е највредно: животот и здравјето. порача носителката на кандидатската листа на коалицијата „Можеме“ во изборната единица пет, заменик претседателката на СДСМ Радмила Шекеринска, на завршната граѓанска трибина во Битола.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Нови 200 заболени и четворица починати од ковид-19 во земјава

Објавено пред

Министерството за здравство информира дека во последните 24 часа се направени 1828 тестирања, а регистрирани се 200 нови случаи на ковид-19 во: Скопје-65, Куманово-14, Дебар-6, Штип-21, Прилеп-3, Тетово-12, Струга-5, Велес-12, Битола-7, Охрид-4, Кавадарци-7, Гостивар-14, Струмица-1, Крива Паланка-1, Радовиш-4, Кочани-5, Пробиштип-3, Демир Хисар-2, Македонски Брод-4, Свети Николе-3, Кичево-6, Неготино-1.

Денеска Институтот за јавно здравје регистрира 15 оздравени пациенти од: Велес-2, Битола-6, Демир Хисар-1, Македонски Брод-1, Кичево-3, Ресен-2.

Починати се 4 лица, пациент од Скопје (70г.), пациент од Гостивар (58г.), пациент од Куманово (51г.) и пациент од Македонски Брод (66г.). Два пациенти се починати во болнички услови, два се починати вонболнички.

Вкупната бројка на ковид дијагностицирани во нашата земја од почетокот на епидемијата изнесува 11754, бројката на оздравени пациенти е 7622, на починати е 523, а во моментов бројот на активни случаи во земјата изнесува 3609. Во моментов дистрибуцијата по градови е следна:
• Скопје 5116, активни 1305
• Куманово 1139, активни 267
• Дебар 216, активни 125
• Штип 944, активни 392
• Прилеп 344, активни 48
• Тетово 1093, активни 208
• Струга 478, активни 195
• Велес 239, активни 30
• Битола 161, активни 71
• Охрид 298, активни 90
• Кавадарци 104, активни 82
• Гостивар 549, активни 313
• Гевгелија 24, активни 13 (*7 лица од ПЕ Гевгелија се жители на Дојран, 3 на Богданци)
• Струмица 40, активни 24
• Крива Паланка 26, активни 12
• Радовиш 33, активни 10
• Крушево 16, активни 7
• Кочани 113, активни 25
• Пробиштип 62, активни 20
• Демир Хисар 42, активни 31
• Македонски Брод 51, активни 40
• Пехчево 6, активни 0
• Берово 8, активни 4
• Валандово 7, активни 1
• Виница 28, активни 24
• Делчево 5, активни 4 (*4 лица од ПЕ Делчево се од Македонска Каменица)
• Кратово 14, активни 4
• Свети Николе 233, активни 121
• Кичево 188, активни 115
• Ресен 146, активни 17
• Неготино 31, активни 11 (*10 лица од ПЕ Неготино се жители на Демир Капија)

Направените 1828 теста се преку: ИЈЗ-868, ЦЈЗ Скопје-20, Авицена-162, Биотек-141, МАНУ -95, Жан Митрев (Филип Втори)-315, Систина со PCR метода -148, Судска медицина -0, ЦЈЗ Битола-61, Инфективна клиника-8, ГАК-10. Досега во земјата се направени вкупно 113619 тестирања на ковид -19. Денеска нема тестирања во рамките на скринингот.

На Инфективната клиника во изминативе 24 часа примени се 4 пациенти. Вкупно се хоспитализирани 80 пациенти. На кислородна поддршка се 37 пациенти, нема на механичка вентилација.

Во болницата во Козле се хоспитализирани 14 возрасни пациенти позитивни на ковид-19 и 4 деца позитивни на вирусот, а 3 пациенти суспектни на вирусот.

Во ГОБ „8 Септември“ примени се 9 нови, вкупно хоспитализирани се 74 пациенти. На респираторна машина се 5 пациенти.

Во болницата во Битола се хоспитализирани 28, а во болницата во Штип се хоспитализирани 46 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и Струга се хоспитализирани 123 пациенти – позитивни и сомнителни на ковид-19.

Прикажи повеќе...

Македонија

Продолжува нестабилно време со пороен дожд и грмежи

Објавено пред

Времето утре ќе биде променливо облачно со сончеви периоди и нестабилно со локален пороен дожд, грмежи и засилен ветер. Минималната температура ќе биде во интервал од 14 до 21, а максималната ќе достигне од 26 до 32 степена. УВ=7

Во Скопје променливо облачно со сончеви периоди и со повремен пороен дожд и грмежи. Минималната температура ќе се спушти до 18, а максималната ќе достигне 29 степени.

Од понеделник ќе преовладува сончево и потопло време, а во попладневните часови ќе има услови за изолирана појава на дожд и грмежи.

Прикажи повеќе...

Македонија

Пендаровски во Охрид го посети армискиот нуркачки тим од Баталјонот на специјалните сили

Објавено пред

Претседателот на државата и Врховен командант на Вооружените сили, Стево Пендаровски, денеска го посети нуркачкиот тим од Баталјонот на специјалните сили на Армијата, што изведува обука во летни услови во Центарот за обука на вода во Охрид.

Припадниците на тимот го информираа претседателот Пендаровски за нивните тековни активности, беа прикажани нивните капацитети и способности, како и опремата што ја користат, а беа демоностирани и неколку показни вежби.

Нуркачкиот тим во месец јули престојуваше во Атина, Република Грција, каде заедно со грчката специјална единица изведуваше обука за нуркање. Со тоа, единицата започна циклус на соработка со грчката специјална единица, во рамки на заедничката соработка на двете армии на земји-членки на НАТО. Покрај со грчката армија, ваков вид на соработка се реализира со повеќе армии од земји-членки на НАТО.

Претседателот Пендаровски на припадниците на нуркачкиот тим, кои своите способности ги имаат докажано и во поддршка на цивилни институции, им посака натамошна успешна работа и изрази очекување да продолжи натамошната успешна соработка со партнерските армии од НАТО алијансата.

Прикажи повеќе...

Најново

Свет1 час

Британските медицински работници на протест, бараат повисоки плати

Mедицинските работници во Велика Британија се собраа да протестираат во неколку градови, барајќи од владата повисоки плати за нивната макотрпна...

Македонија2 часа

Нови 200 заболени и четворица починати од ковид-19 во земјава

Министерството за здравство информира дека во последните 24 часа се направени 1828 тестирања, а регистрирани се 200 нови случаи на...

Свет3 часа

(Видео) Во Бејрут продолжуваат судирите меѓу полицијата и демонстрантите

Не престануваат демонстрациите во Бејрут, по силната експлозија на пристаништето, во која досега животот го загубија 158 луѓе а над...

Свет3 часа

(Видео) Португалски канадер се урна во близина на шпанската граница, има и жртви

Португалски канадер за гаснење пожар се урна денеска близу шпанската граница и според информациите од медиумите, најмалку едно лице го...

Свет5 часа

Документ на британската влада: Карантинот предизвикал смрт на илјадници луѓе

Карантинот убил илјадници луѓе кои не можеле да дојдат до медицинска помош или кои избегнувале да одат во здравствени установи...

Македонија5 часа

МЗ: Во Геријатриската болница се преземени сите мерки по појавата на позитивни случаи

Министерството за здравство реагира на обвинувањата од ВМРО-ДПМНЕ дека новите случаи на коронавирус во Геријатриската болница во Скопје го демантираат...

Свет6 часа

Почина сопругата на амбасадорот на Холандија која беше повредена во експлозијата во Бејрут

Сопругата на холандскиот амбасадор во Либан почина денеска од повредите со кои се здоби во експлозијата што се случи во...

Регион6 часа

Косовскиот политичар Беџет Пацоли пријавил имот вреден стотици милиони евра

Поранешниот претседател на Косово и лидер на Алијанса за ново Косово, Беџет Пацоли, пријавил во Агенцијата за борба против корупцијата...

Македонија7 часа

Медицински техничар од Шведска еден месец ќе помага на Инфективната клиника

Ханс Јорген Михаел Селберг е медицински техничар од Шведска којшто пристигна во нашата држава на 4 август преку европскиот механизам...

Македонија9 часа

Во Скопје се роди бебе во „водена обвивка“ – редок феномен што се случува еднаш во 80 илјади породувања

На Универзитетската клиника за гинекологија и акушерство, наделава се случи несекојдневно породување. Станува збор за медицинско чудо и редок феномен...

Топ9 часа

Жени од Македонија, Албанија и Косово пронајдени во угостителски објект, сопственикот осомничен за трговија со луѓе

Десет женски лица од Македонија, Албанија и Косово биле пронајдени во угостителски објект во село Добридол, Гостивар. Сопственикот на објектот...

Македонија9 часа

Казнети 378 лица за неносење маска

Полицијата казнила 378 лица за неносење заштитна маска во текот на изминатиот ден. „Во текот на изминатото деноноќие (07/08.08.2020 година)...

Свет10 часа

Во последните 24 часа во светот над 270.000 нови случаи на коронавирус

Во светот во последните 24 часа се регистрирани вкупно 278.291 нови случаи на коронавирус, а починале 6.815 лица, објави Светската...

Свет10 часа

Рекорден број нови случаи на коронавирус во Јапонија

Во Јапонија во изминатите 24 часа се потврдени најголем број случаи на дневно ниво од почетокот на епидемијата на коронавирус....

Македонија11 час

Деветнаесет години од нападот кај Карпалак во кој беа убиени 10 војници

Денеска се одбележуваат деветнаесет години од нападот врз конвојот на АРМ во кој беа убиени десет воени резервисти кај месноста...

Свет23 часа

(Видео) Најмалку 16 лица загинаа, а 123 се повредени во авионот кој се преполови во Индија

Најмалку 16 лица загинаа, а 123 повредени во авионската несреќа на „Ер Индија експрес“ што излета од пистата и се...

Свет23 часа

Седумгодишно момче почина од вирусот во САД – немало други болести

Седумгодишно момче кое почина од Ковид-19 е најмладата личност којашто го загибила животот од од оваа болест во американската држава...

Свет1 ден

Сè повеќе млади луѓе умираат од Ковид-19, кои се причините за тоа?

Високиот крвен притисок, дијабетес, дебелина и возраст се покажаа како најчести причини зошто некои пациенти не го преживуваат Ковид-19. Станува...

Свет1 ден

(Видео) Авион со 190 патници излета од писта во Индија и се преполови

Авион на „Ер Индија експрес“ со 191 патник од Дубаи се излизга од пистата и се преполови на аеродромот „Кожикоде“...

Топ1 ден

Велешанец исчезна во водите на Вардар при обид да спаси екипа на ЕВН

Полицијата трага по маж од Велешко кој со трактор се обидел да извлече возило на ЕВН, но бил повлечен од...

Досие