Контакт

Македонија

Шилегов: Ние не се срамиме од сопствената историја, се гордееме со неа

Објавено пред

Делегации од земјава и од странство положија цвеќиња пред Споменикот на ослободителите на платото пред Владата, во чест на 13 Ноември, Денот на ослободувањето на Скопје. Цвеќиња денеска положи и делегација на Град Скопје, составена од градоначалникот на град Скопје, Петре Шилегов, претседателот на Советот на Град Скопје, Љубица Јанчева, и секретарот на Град Скопје, Викторија Аврамовска-Мадиќ.

„На овој голем ден ги славиме храброста и пожртвуваноста на ослободителите на Скопје, на овој голем ден ја славиме слободата. Слободата што ја извојувавте вие, ценети наши ослободители, жртвувајќи ги својата младост, своите животи, за да можеме сите ние денес слободно да живееме. Вие најдобро од сите нас знаете дека борбата за слобода не е лесна и колку многу е потребно да се освои најголемиот човечки идеал – слободата. Орце Николов, Вера Јоциќ, Цветан Димов, Раде Јовчевски – Корчагин, Александар Урдаревски, Страшо Пинџур, Мирче Ацев, Дане Крапчев, Боро Петрушевски, се само дел од многуте борци што ги положиле своите животи за нашата подобра иднина и за слободата на нашето Скопје“, рече Шилегов.

Тој додаде дека во текот на војната животите ги загубиле 4.654 граѓани на Скопје, од кои 956 во борбите, а 3.698 како жртви на фашистичкиот терор и потсети дека Скопје го загуби и речиси целото свое еврејско население како последица на холокаустот.

„Ова се бројки што во душата на еден човек раѓаат и тага, но во исто време и измешано чувство со гордост, ова се бројки за една изгубена заедница и дел од шареноликоста на овој град, толку карактеристична како ретко кој град во светот. Меѓутоа, ова се бројки што непобитно кажуваат дека сме ја достигнале кулминацијата во борбата за нашата самостојност, нашата независност, нашата посебност како народ. Вековна борба на еден мал, горд, упорен, достоинствен македонски народ да ја круниса сопствената државност и токму поради тоа, ние се гордееме со нашата историја и токму поради тоа, ние немаме комплекси од нашата историја и поради тоа што немаме комплекси од нашата историја, не сакаме да исправаме ничии други истории, меѓутоа не дозволуваме никој да ја исправа нашата историја. Ние сме покажале дека како народ сме имале основно чувство да бидеме на вистинската, слободарската страна, кога целиот свет бил зафатен од лудилото на фашизмот. Затоа, да го славиме овој ден, да ја славиме слободата, да ве славиме вас ослободителите“, рече Шилегов.

Градоначалникот Шилегов на овој убав ден соопшти и една убава вест дека тој лично ја презема обврската да му предложи на Советот на Град Скопје новиот мост на Вардар во Аеродром да го носи името на народниот херој, славниот генерал Михајло Апостолски. Тоа е мостот што ќе го поврзе булеварот АСНОМ со населбата Ќерамидница и улицата 16. Македонска бригада, во која се борел почитуваниот Трајко Стаматоски.

„Драги наши ослободители, среќни сме што сè уште можеме со особено внимание да ги слушаме вашите сведоштва за многубројните херојски борби, кои со нескриен слободарски дух се водеа на денешен ден пред 76 години на овие наши скопски улици пренесувајќи ги вашите спомени на новите генерации. 13 Ноември нас нè обврзува да го славиме вашето дело, но и да не заборавиме колку е скапа слободата. Нека ни е честит 13 Ноември и бескрајно ви благодарам за 76 години слободно Скопје. Да славиме сите заедно уште многу години и никогаш да не згасне споменот на нашите ослободители“, порача градоначалникот Шилегов во своето обраќање пред Споменикот на ослободителите.

Македонија

Милошоски: Заев и Бучковски заедно ќе тргуваат со македонските национални интереси

Објавено пред

Антонио  Милошоски, член на Извршниот комитет на ВМРО-ДПМНЕ на обраќањето пред Владата на денешниот протест „Оставка за Заев, слобода на народот“ рече дека сега Зоран Заев со Владо Бучковски како едни од најкорумпираните политичари заедно ќе тргуваат со македонските национални интереси.
 
„Ако до вчера бевме сигурни дека Заев е подготвен да ги распродаде националните интереси на Македонија како еден од најкорумпираните политичари денес заедно со Бучковски како тандем на најкорумпирани политичари во Македонија дефинитивно не можат да направат ништо освен да тргуваат со националните интереси. Морам да изразам жалење што еден од нив како господинот Бучковски како професор на Прaвниот факултет заради лукративни причини се вклучува во оваа опеарција за неправда кон Македонија“, рече Милошоски.

Милошоски напомена дека тие двајцата има едно заедничко, едниот аболициран за својот криминал, а другиот одбегна да отслужи правосилна пресуда.

„Затоа нашиот апел денес е не само оставка од заев, Османи и Димитров туку и оставка од Бучковски од позицијата која не ја заслужува никој во  државата не смета дека тој може да биде претставник во Бугарија. Тој нема легитимитет, бидејќи ниту владата нема легитимитет“, кажа Милошоски.

Милошоски истакна дека државниот секретар на МНР кажа дека се водат преговори со Бугарија, но дека не се тајни. Според Милошоски ако не се тајни зошто тогаш Заев, Димитров и Османи бегаат од пратениците и Собранието како средношколец неподготвен и бега од часовите по математика.

„Затоа почитувани пријатели кога збориме за национални интереси треба Владата да биде отчетна пред Собранието затоа што таму има пратеници избрани од народот“, рече тој.

Милошоски укажа дека бегањето од Собранието е само доказ дека прават  нешто тајно и не им е во интерес да го обзнанат и да чуе јавноста. „Доколку тие не дојдат во Собранието, тогаш народот ќе дојде пред владата и пред МНР додека не си дадат оставка“, рече Милошоски.  

Прикажи повеќе...

Македонија

Силјановска-Давкова: Излеговме да ја одбраниме Македонија од вирусот што ги напаѓа националните интереси

Објавено пред

Пред Владата на протестот „Оставка на Заев, слобода на народот“ на граѓаните им се обрати Гордана Силјановска-Давкова, пратеник од редовите на ВМРО-ДПМНЕ и коалицијата „За обнова на Македонија“. Таа им се заблагодари на граѓаните што излегоа на протест и во време на Ковид-19.

„Граѓаните денес излегоа на протест бидејќи сега во моментот ѝ се заканува смртоносен вирус на Република Македонија. Вирус што се заканува дека ќе ги загрози идентитетот, јазикот и историјата на Република Македонија. Тој вирус се нарекува Зоран Заев. Ви благодарам за храброста, знам дека се грижите за здравјето, како и јас. А денес сме овде бидејќи во прашање е здравјето на Македонија. Покрај почитувањето на мерките за заштита од Ковид-19, нè штити и правото, правдата, ама се чини и севишниот. Што сакам да кажам? Забележувате дека ако сакате да ве почитуваат, мора да имате самопочит. Јас за тоа им благодарам на сите оние, не само оние што се овде, туку и на оние што се охрабрија гласно да ја изразат самопочитта кон себе, кон својот народ, кон своите граѓани, кон својата држава. И тоа не е случајно. Горда сум на Универзитетот на кој многу генерации сум учела на право, правда и морал, исто така што се огласија Универзитетот „Кирил и Методиј“, Институтот за национална историја, МАНУ, Машинскиот факултет, Европското движење, чиј еден од основачите сум и јас, и уште многу други институции, но и интелектуалци, но и луѓе што се основачи на многу партии“, истакна Силјановска-Давкова.

Таа посочи дека Македонците не се без корен. „Република Македонија има длабоки корени во минатото. Името Македонија се споменува и во Библијата. Оваа држава не може никој да ја уништи, нејзината историја е длабока што не може ниту еден договор да ја избрише. Македонците, како и сите народи, имаат право на своја историја, свој јазик и свој идентитет. Не сме ние без корен. Името Македонија ќе го најдете не само во Библијата туку во многу, многу книги. Името ќе го најдете во многу, многу анализи, на многу карти“, рече Силјаноска-Давкова.

Прикажи повеќе...

Македонија

Шилегов: Вчера загубивме голем човек, голем пријател

Објавено пред

Во чест и сеќавање на Енвер Малиќи, денеска, со едноминутно молчење почна и се одржа онлајн-комеморативната седница, која беше пренесувана на фејсбук-каналот на Град Скопје. На комеморацијата од починатиот заменик-градоначалник на Скопје се простија членовите од неговото семејство, пријателите и соработниците.

„Со длабока тага и чувство на голема загуба вчера ја примив веста за смртта на мојот добар пријател Енвер Малиќи, заменик-градоначалник и успешен бизнисмен. Со неговото заминување изгубивме голем и искрен пријател, но и соработник, кој несебично го делеше своето обемно искуство во повеќе области. Бидејќи беше човек со ведар дух, со него лесно се разговараше на сите теми, па, така, често разменувавме мислења за развојот на локалната самоуправа, за економијата, како и за политички теми поврзани со земјата и регионот. Тие што го познаваа Енвер знаат дека тој од ништо не се плашеше и секогаш беше подготвен за нови предизвици. Енвер беше еден од највлијателните стопанственици во државата и затоа беше почитуван во бизнис-заедницата како успешен бизнисмен, но и како голем хуманист и филантроп. Нема зборови што може да му ја ублажат болката на семејството, кое доживеа ненадоместлива загуба, но изгубивме и сите ние што го познававме Енвер. Тој беше човек со големо срце и со разбирање за проблемите и потребите на своите сограѓани. Нека ти е светол патот, мој пријателе, и почивај во мир“, реле Шилегов на комеморацијата.

Во име на советниците на Советот на Град Скопје длабоко сочувство до семејството Малиќи изрази Бесник Ајети од ДУИ.

„Дозволете, во мое име и во име на колегите, да ви изразам длабоко сочувство по повод заминувањето од овој свет на најскромниот колега, бизнисмен и човек што некогаш сум го познавал, покојниот г. Енвер Малиќи. Несомнено, господин Енвер беше посебен во својата професија и пошироко. На овој почесен ден, духовно и во молитва сме заедно со семејството Малиќи. Нека е вечен споменот за него“, рече Бесник Ајети.

Денеска, во просториите на Град Скопје (пред влезот во кабинетот на градоначалникот, барака број 4) е отворена книга на жалост за прерано починатиот заменик-градоначалник Енвер Малиќи. Сите граѓани што сакаат да се запишат во книгата на жалост тоа ќе може да го направат од 11 до 16.30 часот до петок.

Прикажи повеќе...

Најново

Македонија1 час

Сеизмолошка опсерваторија: Земјотресот во Скопје со јачина од 3,5 степени

Телеметриската сеизмолошка мрежа во Македонија објави дека денешниот земјотрес бил со јачина од 3,5 степени според Рихеровата скала. Епицентарот на...

Македонија3 часа

Пратениците да покажат бојадисано јајце за Велигден, бара опозицијата во еден од амандманите

Во еден од амандманите на опозицијата се вели дека за време на велигденските празници, пратениците кои ќе учествуваат во работата...

Македонија4 часа

ИЈЗ: Се намалува бројот на новозаболени, расте бројот на оздравени пациенти

Бројот на новозаболени со коронавирус во периодот од 23 до 29 ноември се намалува, додека расте бројот на оздравени пациенти,...

Македонија4 часа

Филипче: Го подготвуваме здравствениот систем за вакцинација за Ковид-19

Здравствениот систем го подготвуваме за вакцинација за Ковид-19. Ова ќе биде една од најголемите логистички операции која ќе треба да...

Македонија4 часа

Кузеска: ВМРО-ДПМНЕ не ги исплатила долговите за 270 уметнички слики со позлатени рамки

ВМРО-ДПМНЕ е партија во стечај со блокирани сметки и замрзнати недвижности, меѓу кои и мегаломанското квази барокно здание, седиште на...

Економија4 часа

Групацијата АРИКОМА ја купува компанијата „Сеавус“

Претставниците на Групацијата АРИКОМА (ARICOMA), која е дел од чешката Групација ККЦГ(KKCG) на Карел Комарек, најавуваат значаен чекор поврзан со...

Свет5 часа

Русија почна со вакцинација на војниците против коронавирус

Во Централниот воен округ на Русија почна вакцинација на војниците со вакцината против коронавирус „Спутник V“ и прво ќе се...

Регион5 часа

„Коха“: Тачи ќе го бранат пет адвокати во Хаг

Поранешниот претседател на Косово, Хашим Тачи, ќе го бранат пет адвокати пред Специјалниот суд во Хаг, пишува „Коха“. Специјализираниот совет...

Свет5 часа

Интерпол предупредува на опасноста од лажни вакцини

Интерпол предупредува дека меѓународната мрежа на организиран криминал може да се насочи кон новите вакцини против Ковид-19. Како што е...

Регион6 часа

Во Хрватска 3.539 новозаразени и 55 починати од Ковид-19

Според официјалните податоци, во Хрватска денес има 3.539 новозаразени лица со Ковид-19, а 55 пациенти починале. Хоспитализирани се 2.408 пациенти,...

Македонија6 часа

Во изминатите 24 часа во ковид – центрите во Скопје се примени 30 нови пациенти

Во изминатите 24 часа во ковид – центрите во Скопје се хоспитализирани 30 нови пациенти поради компликации од коронавирусот. Вкупно...

Македонија7 часа

ВМРО-ДПМНЕ ќе протестира во 16 града

ВМРО-ДПМНЕ денеска ќе протестира во 16 града. Од партијата најавија дека на протестите ќе биде испратена порака до премиерот Зоран...

Свет8 часа

Во САД повеќе од 2.500 починати од коронавирус за 24 часа

Соединетите Американски Држави во вторникот потврдија повеќе од 2.500 смртни случаи за 24 часа, што е најголем број смртни случаи...

Свет9 часа

Велика Британија ја одобри вакцината против коронавирус на „Фајзер“

Велика Британија е првата западна земја што одобри вакцина против коронавирус од производителот „Фајзер“. Британскиот регулатор, МХРА, вели дека вакцината,...

Свет9 часа

Американскиот секретар за правда: Нема докази за изборна измама

Американскиот секретар за правда, Вилијам Бар, рече дека Секретаријатот за правда не нашол докази за широко распространета изборна измама што...

Свет9 часа

Макрон: Вакцинацијата во Франција ќе почне во јануари

Францускиот претседател, Емануел Макрон, синоќа изјави дека програмата за вакцинација на коронавирус најверојатно ќе се активира на почетокот на јануари...

Македонија22 часа

Регистрирани 1.069 новозаразени, 1.242 оздравени и 29 починати лица од коронавирус

Во последните 24 часа се направени 3.012 тестирања, а регистрирани се 1.069 нови случаи на Ковид-19, и тоа во: Скопје-489,...

Македонија22 часа

Со посебни протоколи ќе се отворат скијачките центри

Владата го прифати мислењето на Комисијата за заразни болести дека скијачките центри може да работат во согласност со соодветен протокол,...

Македонија22 часа

Владата предлага продолжување на кризната состојба до јуни

Владата ќе достави до Собранието предлог за продолжување на кризната состојба до јуни в година. Владата на денешната седница го...

Топ1 ден

Украден паричник од покојник во ковид-центар во Скопје

Украден е паричник од маж што починал во ковид-центарот на комплексот клиники „Мајка Тереза“. Случајот вчера во полицијата го пријавил...

Досие