Како и изминатите 2 години продолжуваме со инвестиции во инфраструктурата, опремата, системот и во вработувањата, пред се на младите во здравството, истакна претседателот на комисијата за здравство на СДСМ Венко Филипче, на трибината „На прав пат“ во Струга.

„Нема потреба младите лекари да размислуваат да заминуваат во странство, тие тука треба да останат да работат, да се надградуваат и да пружаат здравствени услуги за нашиот народ, рече Филипче, и нагласи дека тоа се овозможува со мерката сите доктори што ќе завршат медицински факултет, да добијат платено работно место за 6 месеци, а од идната година тоа ќе се зголеми на цела година.

Тој додаде дека се дадени над 5 илјади согласности за вработувања во здравствените установи во државата така што нема здравствена институција, каде капацитетот на вработени не е зголемен за најмалку 10 проценти.

Филипче се осврна и на другите мерки за унапредување на здравството, како укинувањето на квотите за лекови, зголемување на капиталијата на матичните лекари, нови лекови за ретки болести, нови типови на инсулин.

Филипче најави дека започнува проектирање на нова општа болница на Струга, која ќе се гради на патот за Ќафа сан.

Следната недела започнува реконструкција на покривот на централот за дијализа во Струга, кој наскоро треба да добие 5 нови апарати за дијализа, најави Филипче на граѓанската трибина „На прав пат“ во Струга.

Времето утре ќе биде сончево и топло со слаб ветер од јужен правец. Само некаде по котлините ќе има услови за појава на слаба утринска магла. Минималната температура ќе биде во интервал од 4 и 14, а максималната од 23 до 29 степени.

Во Скопје сончево и топло со слаб југоисточен ветер. Температурата 10/28 степени.

Продолжува периодот на претежно сончево и релативно топло време. По одделни котлини ќе има услови за појава на слаба утринска магла.

Од СДСМ прашуваат дали Христијан Мицкоски сака да побегне од предлогот за брзо соочување на предвремени парламентарни избори?

„Со месеци Мицкоски и ВМРО-ДПМНЕ бараат итни предвремени парламентарни избори, а денеска кога има конкретен предлог, тој измислува изговори. Очигледно Мицкоски знае дека нема поддршката кај граѓаните и дека го очекува нов пораз. Мицкоски и ВМРО-ДПМНЕ ниту имаат идеја, ниту визија, понуда, немаат ниту програма.

Тие само сакаат обнова на криминалниот режим, обнова на изолацијата и бесперспективноста во која ја држеа државата заробена. Тоа граѓаните нема да им го дозволат, на предвремени парламентарни избори, граѓаните повторно ќе ја поразат режимската матрица на ВМРО-ДПМНЕ, како што ја поразија и на претходните парламентарни, локални и претседателски избори“ се вели во партиското соопштение.