Контакт

Македонија

Ѓуровски, Десковска, Прешова дел од тимот за изработка на Законот за воена и вонредна состојба

Објавено пред

Министерството за правда формираше работна група за изготвување на Закон за воена и вонредна состојба во која се наоѓаат универзитетските професори Рената Треневска Дескоска од Правниот Факултет-Скопје, Марјан Ѓуровски од Факултетот за безбедност-Скопје, Денис Прешова од Правниот факултет, Александар Спасов како претставник од Кабинетот на Претседателот на државата и други претставници од надлежните министерства и агенции кои треба со свои предлози, анализи, препораки од научно-истражувачки проекти и компаративни искуства да земат учество во пишувањето на новото законско решение.

„Идниот закон за воена и вонредна состојба треба да биде продукт на јавната дебата од експертите, и воедно да биде донесен со општ консензус. Верувам дека ќе се донесе квалитетно законско решение кое ќе го одразува нашето единство, а не поделбите околу клучните прашања поврзани со опстанокот на нашата држава и нејзината иднина“, нагласи претседателот Пендаровски кој е иницијатор на јавната дебата.

Министерот за правда Бојан Маричиќ додаде дека начинот на прогласување на вонредна состојба, улогата на Собранието, времетраењето, правното дејство и карактерот на уредбите, како и координацијата на институциите треба да бидат регулирани во новиот закон за вонредна и воена состојба.

„Врз основа на научените лекции се очекува да се создаде законска рамка за пополнување на правната празнина и создавање на функционален систем кој ќе одговори на потребите и барањата во воена или вонредна состојба„, нагласи

Универзитетскиот професор Марјан Ѓуровски на денешната конференција посочи дека врз основа на научените лекции очекувано е да се создаде законска рамка за пополнување на правната празнина.

Според Ѓуровски, кој е член на работната група за изработка на новиот закон, заедничко на вонредната и кризна состојба е нефункционалноста, неефикасноста, немањето на соодветни ресурси и дека ги надминува способностите на безбедносниот систем.

Во Законот за вонредна и воена состојба според универзитетскиот професор треба да се предвиди посебна одредба за функционирање на Главен штаб при владата за управување во услови на воена и вонредна состојба за да се обезбеди координација на безбедносните институции.

„Треба да се разгледа можноста преку посебен Заменик Претседател на Владата да се координира работата на безбедносните институции, агенции и др. Воедно потребно е разгледување на местото и улогата на Советот за национална безбедност на РСМ и улогата и надлежност на Претседателот на државата во донесувањето на Уредбата на Владата, дали пред нивно објавување на уредбите може да бидат потпишувани од Претседателот на државата“, нагласи Ѓуровски.

Според него, системот за управување со кризи и заштита и спасување се наоѓа на респиратори за дишење и се одржува во живот, поради што е потребна негова реформа.

„Да се пристапи кон анализа на функционирањето на ЦУК и ДЗС во редовни услови, како и во услови на кризна така сега во вонредна и воена состојба и да се изнајде модел кој ќе одговара на потребите и реалните можности на државата на функционирање на целокупниот систем за управување со кризи во услови на вонредна и воена состојба. Формирање на посебни сили за цивилна заштита на РСМ на државно, регионално и локално ниво координирани од страна на Владата на РСМ. Создавање на законски механизам за градење на систем за прием на странска помош во услови на вонредна и воена состојба и нејзино правно прецизирање. Да се регулира местото и улогата на Бирото за јавна безбедност, особено од аспект на функционалноста и раководењето на полицијата, како и спроведувањето на политиките на Главниот штаб и на Владата во целина. Потреба од нормативно уредување на односите, постапките и дејствија на соработка на Армијата и Полицијата во услови на вонредна и воена состојба, посебна субординација меѓу АРМ и МВР во услови на кризна и вонредна состојба и воспоставување на систем на функционална заедничка команда и размена на информации. Законско дорегулирање на работата на Агенцијата за национална безбедност во услови на кризна и вонредна состојба и јасно определување на начинот на нивната партиципација. Создавање на целосна цивилна и демократска контрола на следењето на комуникации во вонредна и воена состојба, преоценка на искуствата од функционирањето во услови на криза и вонредна состојба. Во предлог Законот за вонредна состојба да се регулира местото и улогата на локалната самоуправа, особено од аспект на врската со централната власт и надлежните министерства и агенции, како и рационално располагање и насочување на ресурсите на локалните штабови. Формално правно регулирање на полицискиот час. Треба да се регулира местото и улогата на приватното обезбедување, особено од аспект на утврдување на потребата и начинот на нивно ангажирање во услови на вонредна и воена состојба. Треба да се анализираат и афирмираат позитивните искуства, на работата на медиумите, посебно во справувањето со дезинформациите (лажните вести), како и да се оцени улогата и дејствувањето на Агенцијата за аудио-визуелни медиуми во услови на криза и кризна состојба“, се дел од потребите и елементите кои според Ѓуровски треба да ги опфати новиот закон за воена и вонредна состојба изнесени на денешната дебата под покровителство на претседателот на држвата Стево Пендаровски.

Македонија

Сопругата на Пендаровски се вакцинира против коронавирус

Објавено пред

Сопругата на претседателот,Стево Пендаровски, Елизабета Ѓоргиевска, се вакцинира против коронавирусот.

Таа објави фотографија на „Фејсбук“.

„Детска и превентивна стоматологија – вакцинирани!“, напиша Ѓоргиевска.

Прикажи повеќе...

Македонија

Марш за женските права – „Држава што не постапува е држава што силува“

Објавено пред

Активистки и активисти, денеска, по повод Меѓународниот ден на жената, се собраа пред Министерството за внатрешни работи (МВР) и го почнаа петтиот марш за женските права, организиран од Платформата за родова еднаквост и активистките за женски права.

Скандирајќи „Држава што не постапува е држава што силува“, активистките изразија поддршка на сите жртви на родово базирано насилство и потсетија дека нема да застанат сè додека институциите не се вклучат активно во разрешување на случаите и санкционирање на виновниците одговорни за родово базирано насилство.

„Виновни се за соучество во злосторство сите што имаат моќ, одговорност и ресурси да обезбедат достоинство, правда, безбедност и заштита на личната сигурност и животот на жените и девојките, а не го прават тоа; сите што се овластени да ги откриваат, спречат, гонат и затворат насилниците, а не го прават тоа; сите што се должни и платени да обезбедат услуги и поддршка на жртвите да ја преземат контролата врз сопствените животи, а не го прават тоа; сите што помогнале во опстојување на криминалот и предизвикале штета, свесно или несвесно, со сторување или несторување, а не смееле да го прават тоа“, изјави Марија Савовска од „Акција здруженска“ и Платформата за родова еднаквост, во говорот што го означи почетокот на маршот.

Таа нагласи дека е неопходно да се обезбедат поврзани институции, јасни правила и професионалци на кои ќе им поверуваме дека ќе му стават крај на насилството врз жените и родово базираното насилство, како и навремени, квалитетни услуги и поддршка за жените и девојките жртви на насилство.

Од Платформата за родова еднаквост побараа неодложно постапување од МВР и Јавното обвинителство по сите конкретни барања, кои и овој пат ги повторија: Јавното обвинителство неодложно и темелно да го расчисти случајот „Јавна соба“, кој претставува кривично дело во кое огромен број жени се жртви на родово засновано насилство, кривичен прогон на администраторите на групите, како и сите членови што праќале и сѐ уште праќаат фотографии и објавуваат лични податоци на девојки и жени, сексуалното вознемирување преку интернет, особено да се регулира и во Кривичниот законик, и професионално постапување, помош и поддршка на жртвите на родово засновано насилство од страна на сите надлежни институции.

„Тука сме, ве следиме и нема да ве оставиме раат“, заврши Савовска.

По обраќањето на активистките, присутните продолжија по рутата до Паркот на жената борец, каде што со завршни обраќања и краток перформанс за подигање на свеста за родово базираното насилство беше означен крајот на годинешниот марш за женски права.

Маршот е кулминација на неколкунеделните реакции на Платформата за родова еднаквост во насока на бавната реакција на институциите во поглед на случаите на родово базирано насилство за што им дадоа рок на институциите да реагираат до 8 март.

Платформата за родова еднаквост е независна и неформална мрежа на македонски граѓански организации за женски права составена од 24 организации и мрежи што здружено дејствуваат во насока на унапредување на родовата еднаквост во Македонија.

Прикажи повеќе...

Македонија

Османи во Рим на средба со секретарот за односи со државите на Ватикан

Објавено пред

Министерот за надворешни работи, Бујар Османи, во Рим се сретна со секретарот за односи со државите на Светата столица, монсињор Пол Ричард Галагер.

Од МНР соопштија дека централно место во разговорите била перспективата на меѓусебните релации и поактивната улога на нашата земја во промовирањето на меѓурелигискиот дијалог и почитувањето на верските слободи. Соговорниците се согласиле дека историското апостолско патување на папата Франциско во Република Северна Македонија во мај 2019 година донело нова димензија во речиси тридецениските односи исполнети со пријателство и заемна почит.

„Сите дипломатски напори и висок приоритет на нашата надворешна политика се насочени кон унапредување на добрососедските односи и регионалната соработка во функција на обезбедување европска перспектива како за Северна Македонија така и за целиот регион. Темелите на нашето уредување, како мултиетничко и мултиконфесионално општество, претставуваат вредносен модел кој е дел од системот на вредност на западната цивилизација“, рекол Османи, при што биле поздравени нашите напори и била споделена надеж дека интеграцијата на Северна Македонија ќе се развие на начин што ќе биде од полза за целиот Западен Балкан.

Биле разгледани и можностите за интензивирање на секторската соработка меѓу двете земји, пред сè, во сферата на културата, заштитата на културно-историското наследство, образованието и здравството.

Прикажи повеќе...

Најново

Македонија11 час

Потврдени 316 нови случаи на коронавирус во Македонија, починаа 11 лица

Во последните 24 часа во Македонија се потврдени 316 нови случаи на коронавирус, 681 оздравен пациент и 11 починати, соопшти...

Македонија16 часа

Јавно обвинителство: Од „Телеграм“ засега немаме добиено никакви податоци за случајот „Јавна соба 2“

Од Јавното обвинителство велат дека активно постапуваат за утврдување кривична одговорност во предметите поврзани со групите „Јавна соба“, во пресрет...

Македонија16 часа

Грција не ги отвора границите за Македонија, продолжена забраната за патници од трети земји

Грција ја продолжи забраната за пристигнување патници од околните земји по воздушен, копнен и морски пат, а тоа правило важи...

Македонија16 часа

Филипче: Предложивме од среда да се воведе полициски час, најмногу поради непочитувањето на мерките

Министерот за здравство, Венко Филипче, преку објава на својот фејсбук-профил ја објасни причината за барањето на ресорното министерство за воведување...

Европа17 часа

Европската агенција за лекови засега не одобрува користење на руската вакцина во ЕУ

Високата службеничка на Европската агенција за лекови (ЕМА), Криста Виртумер-Хохе, апелираше до членките на Европската Унија да не го одобрат...

Свет17 часа

Меган Маркл: Сакав да се самоубијам, а не смеев да побарам помош

Во интервјуто кое се емитуваше на „CBS“, војвотката од Сасекс, Меган Маркл изјави дека имала суицидни мисли додека била бремена....

Свет18 часа

Американците тврдат дека пронашле лек за коронавирусот, во употреба за шест месеци

Новиот антивирусен лек „молнупиравир“ може да го смени текот на епидемијата на коронавирусот, бидејќи за време на експерименталното истражување е...

Забава20 часа

Меган тврди монархијата одбила да го направи Арчи принц поради бојата на кожата

Меган, сопругата на принцот Хари, изјави дека пред раѓањето на нејзиниот син Арчи постоела загриженост дека неговата кожа ќе биде...

Македонија20 часа

„Држава што не постапува е држава што силува“ – марш за женските права по повод 8 Март

Денеска по повод Меѓународниот ден на жената, со почеток во 15 часот, од пред Министерство за внатрешни работи ќе започне...

Свет1 ден

Зошто е речиси невозможно да се заразите со коронавирус на отворено?

Аеросолите, ситни честички што лебдат во воздухот, се главниот виновник за пренесување на коронавирусот. Според наодите на научниците, ова особено...

Свет1 ден

Градоначалник во Италија даде оставка откако јавноста дозна дека се вакцинирал преку ред

Градоначалникот на сицилијанскиот град Корлеоне денес објави дека дава оставка откако преку ред се вакцинира против Ковид-19, а полицијата отвори...

Македонија1 ден

Во Македонија 333 нови случаи на коронавирус, починаа 10 лица

Во последните 24 часа во Македонија се потврдени 333 нови случаи на коронавирус, 268 оздравени и 10 починати лица, соопшти...

Македонија2 дена

Филипче: Состојбата на Мицкоски е стабилна

Состојбата на лидерот на ВМРО-ДПМНЕ, Христијан Мицкоски, кој се лекува од коронавирус е стабилна, кажа министерот за здравство, Венко Филипче....

Македонија2 дена

Пристигна првата пратка од руските вакцини во Македонија

На скопскиот аеродром попладнево пристигна првата пратка од руската вакцина „спутник В“. Министерот за здравство Венко Филипче заедно со рускиот...

Европа2 дена

Скандал во Бундестагот: Пратеници профитирале со трговија со маски за време на ковид-кризата

Скандал ја тресе Германија. Пратеници од Бундестагот оствариле профит од трговија со заштитини маски на самиот почеток на пандемијата на...

Свет2 дена

Семејства на починати од коронавирус го тужат британскиот премиер

Британскиот премиер Борис Џонсон, го тужат околу 2.000 семејства кои изгубиле еден или повеќе членови на семејството поради коронавирусот. Досега...

Македонија2 дена

Досега попишани 32.752 лица од дијаспората

Државниот завод за статистика соопшти дека досега се попишани 32752 лица од дијаспората. Оттаму велат дека бројот на попишани расте...

Македонија2 дена

Лекарска комора: Ковид може да предизвика сериозни стомачни крварења, да не се занемарат симптомите

Пациенти кои имаат инфекција со SARS-CoV-2 вирусот може да развијат сериозни компликации на гастроинтестиналниот систем кои во некои случаи се...

Македонија2 дена

(Видео) Пресечени меѓународни канали за транспорт на дрога

Министерството за внатрешни работи во текот на вчерашниот ден (06.03.2021) во две одделни акции пресече два канала за меѓународен транспорт...

Европа2 дена

Нови ограничувања во цела Италија

Во Италија, во последните 24 часа, имало 307 смртни случаи од коронавирус и повеќе од 23.000 нови инфекции, пренесува агенцијата...

Досие